| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਸਙ੍ਘਭੇਦਕਕਥਾ
Saṅghabhedakakathā
੩੪੪. ਅਥ ਖੋ ਦੇવਦਤ੍ਤੋ ਸਙ੍ਘਂ ਭਿਨ੍ਦਿਤ੍વਾਤਿ ਸੋ ਕਿਰ ਏવਂ ਸਲਾਕਂ ਗਾਹੇਤ੍વਾ ਤਤ੍ਥੇવ ਆવੇਣਿਕਂ ਉਪੋਸਥਂ ਕਤ੍વਾ ਗਤੋ, ਤੇਨੇਤਂ વੁਤ੍ਤਂ।
344.Atha kho devadatto saṅghaṃ bhinditvāti so kira evaṃ salākaṃ gāhetvā tattheva āveṇikaṃ uposathaṃ katvā gato, tenetaṃ vuttaṃ.
੩੪੫. ਪਿਟ੍ਠਿ ਮੇ ਆਗਿਲਾਯਤੀਤਿ ਚਿਰਨਿਸਜ੍ਜਾਯ વੇਦਨਾਭਿਭੂਤਾ ਬਾਧਤਿ। ਤਮਹਂ ਆਯਮਿਸ੍ਸਾਮੀਤਿ ਤਂ ਅਹਂ ਪਸਾਰੇਸ੍ਸਾਮਿ। ਆਦੇਸਨਾਪਾਟਿਹਾਰਿਯਾਨੁਸਾਸਨੀ ਨਾਮ ‘‘ਏવਮ੍ਪਿ ਤੇ ਮਨੋ, ਤਥਾਪਿ ਤੇ ਮਨੋ’’ਤਿ ਏવਂ ਪਰਸ੍ਸ ਚਿਤ੍ਤਂ ਜਾਨਿਤ੍વਾ ਤਦਨੁਰੂਪਾ ਧਮ੍ਮਦੇਸਨਾ।
345.Piṭṭhime āgilāyatīti ciranisajjāya vedanābhibhūtā bādhati. Tamahaṃ āyamissāmīti taṃ ahaṃ pasāressāmi. Ādesanāpāṭihāriyānusāsanī nāma ‘‘evampi te mano, tathāpi te mano’’ti evaṃ parassa cittaṃ jānitvā tadanurūpā dhammadesanā.
੩੪੬. ਮਮਾਨੁਕੁਬ੍ਬਨ੍ਤਿ ਮਮਾਨੁਕਿਰਿਯਂ ਕੁਰੁਮਾਨੋ। ਕਪਣੋਤਿ ਦੁਕ੍ਖਿਤੋ। ਮਹਾવਰਾਹਸ੍ਸਾਤਿ ਮਹਾਨਾਗਸ੍ਸ। ਮਹਿਂ વਿਕੁਬ੍ਬਤੋਤਿ ਪਥવਿਂ ਪਦਾਲੇਨ੍ਤਸ੍ਸ। ਭਿਸਂ ਘਸਮਾਨਸ੍ਸਾਤਿ ਭਿਸਂ ਖਾਦਨ੍ਤਸ੍ਸ। ਨਦੀਸੁ ਜਗ੍ਗਤੋਤਿ ਏਤ੍ਥ ਸੋ ਕਿਰ ਹਤ੍ਥਿਨਾਗੋ ਸਾਯਨ੍ਹਸਮਯਂ ਤਂ ਨਦਿਨਾਮਕਂ ਪੋਕ੍ਖਰਣਿਂ ਓਗਾਹੇਤ੍વਾ ਕਿਲਨ੍ਤੋ ਸਬ੍ਬਰਤ੍ਤਿਂ વੀਤਿਨਾਮੇਸਿ, ਜਾਲਿਕਂ ਕਰੋਤਿ, ਤੇਨ વੁਤ੍ਤਂ ‘‘ਨਦੀਸੁ ਜਗ੍ਗਤੋ’’ਤਿ।
346.Mamānukubbanti mamānukiriyaṃ kurumāno. Kapaṇoti dukkhito. Mahāvarāhassāti mahānāgassa. Mahiṃ vikubbatoti pathaviṃ padālentassa. Bhisaṃ ghasamānassāti bhisaṃ khādantassa. Nadīsu jaggatoti ettha so kira hatthināgo sāyanhasamayaṃ taṃ nadināmakaṃ pokkharaṇiṃ ogāhetvā kilanto sabbarattiṃ vītināmesi, jālikaṃ karoti, tena vuttaṃ ‘‘nadīsu jaggato’’ti.
੩੪੭. ਸੁਤਾਤਿ ਸੋਤਾ। ਅਸਨ੍ਦਿਦ੍ਧੋ ਚ ਅਕ੍ਖਾਤੀਤਿ ਨਿਸ੍ਸਨ੍ਦੇਹੋ ਹੁਤ੍વਾ ਅਕ੍ਖਾਤਿ ਅਨੁਸਨ੍ਧਿવਸੇਨ ਯੋਜੇਤ੍વਾ ਯੋਜੇਤ੍વਾ।
347.Sutāti sotā. Asandiddho ca akkhātīti nissandeho hutvā akkhāti anusandhivasena yojetvā yojetvā.
੩੫੦. ਅਪਾਯੇ ਨਿਬ੍ਬਤ੍ਤਿਸ੍ਸਤੀਤਿ ਆਪਾਯਿਕੋ। ਏવਂ ਨੇਰਯਿਕੋ। ਕਪ੍ਪਂ ਠਸ੍ਸਤੀਤਿ ਕਪ੍ਪਟ੍ਠੋ। ਇਦਾਨਿ ਬੁਦ੍ਧਸਹਸ੍ਸੇਨਾਪਿ ਤਿਕਿਚ੍ਛਿਤੁਂ ਨ ਸਕ੍ਕਾਤਿ ਅਤੇਕਿਚ੍ਛੋ।
350. Apāye nibbattissatīti āpāyiko. Evaṃ nerayiko. Kappaṃ ṭhassatīti kappaṭṭho. Idāni buddhasahassenāpi tikicchituṃ na sakkāti atekiccho.
ਮਾ ਜਾਤੁ ਕੋਚਿ ਲੋਕਸ੍ਮਿਨ੍ਤਿ ਮਾ ਕਦਾਚਿਪਿ ਕੋਚਿ ਸਤ੍ਤੋ ਲੋਕਸ੍ਮਿਂ। ਉਦਪਜ੍ਜਥਾਤਿ ਉਪਪਜ੍ਜਥ । ਜਲਂવ ਯਸਸਾ ਅਟ੍ਠਾਤਿ ਯਸਸਾ ਜਲਨ੍ਤੋ વਿਯ ਠਿਤੋ। ਦੇવਦਤ੍ਤੋਤਿ ਮੇ ਸੁਤਨ੍ਤਿ ‘‘ਈਦਿਸੋ ਦੇવਦਤ੍ਤੋ’’ਤਿ ਭਗવਤਾ ਸੁਤਮ੍ਪਿ ਅਤ੍ਥਿ, ਤਦੇવ ਗਹੇਤ੍વਾ ਇਦਂ વੁਤ੍ਤਂ। ਸੋ ਪਮਾਦਮਨੁਚਿਣ੍ਣੋਤਿ ਏਤ੍ਥ ਪਮਾਦਂ ਅਨੁਚਿਨਾਤੀਤਿ ਅਨੁਚਿਣ੍ਣੋ, ਪਮਾਦੋ ਅਪ੍ਪਹੀਨੋਤਿ ਅਤ੍ਥੋ। ਆਸਜ੍ਜ ਨਨ੍ਤਿ ਪਾਪਕੇਨ ਚਿਤ੍ਤੇਨ ਪਤ੍વਾ, વਿਸੋਸੇਤ੍વਾਤਿ વਾ ਅਤ੍ਥੋ। ਅવੀਚਿਨਿਰਯਂ ਪਤ੍ਤੋਤਿ ਇਦਂ ਪਨ ਆਸੀਸਾਯਂ ਅਤੀਤવਚਨਂ। ਭੇਸ੍ਮਾਤਿ ਭਯਾਨਕੋ।
Mā jātu koci lokasminti mā kadācipi koci satto lokasmiṃ. Udapajjathāti upapajjatha . Jalaṃva yasasā aṭṭhāti yasasā jalanto viya ṭhito. Devadattoti me sutanti ‘‘īdiso devadatto’’ti bhagavatā sutampi atthi, tadeva gahetvā idaṃ vuttaṃ. So pamādamanuciṇṇoti ettha pamādaṃ anucinātīti anuciṇṇo, pamādo appahīnoti attho. Āsajja nanti pāpakena cittena patvā, visosetvāti vā attho. Avīcinirayaṃ pattoti idaṃ pana āsīsāyaṃ atītavacanaṃ. Bhesmāti bhayānako.
ਸਙ੍ਘਭੇਦਕਕਥਾ ਨਿਟ੍ਠਿਤਾ।
Saṅghabhedakakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਸਙ੍ਘਭੇਦਕਥਾ • Saṅghabhedakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਘਭੇਦਕਥਾવਣ੍ਣਨਾ • Saṅghabhedakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਸਕ੍ਯਪਬ੍ਬਜ੍ਜਾਕਥਾવਣ੍ਣਨਾ • Chasakyapabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸਙ੍ਘਭੇਦਕਕਥਾવਣ੍ਣਨਾ • Saṅghabhedakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਙ੍ਘਭੇਦਕਥਾ • Saṅghabhedakathā
