| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
сан̇гхабхзд̣̇агагат̇ааван̣н̣анаа
Saṅghabhedakakathāvaṇṇanā
345. барасса жид̇д̇ам̣ н̃ад̇ваа гат̇анам̣ аад̣̇зсанаабаадихаарияам̣. гзвалам̣ д̇хаммад̣̇зсанаа анусаасанийбаадихаарияам̣. д̇ад̣̇убхаяамби д̇хаммий гат̇аа наама. д̇ааяа т̇зро овад̣̇и. ид̣̇д̇хивид̇хам̣ ид̣̇д̇хибаадихаарияам̣ наама. д̇зна сахид̇аа анусаасаний зва д̇хаммий гат̇аа. д̇ааяа т̇зро овад̣̇и.
345. Parassa cittaṃ ñatvā kathanaṃ ādesanāpāṭihāriyaṃ. Kevalaṃ dhammadesanā anusāsanīpāṭihāriyaṃ. Tadubhayampi dhammī kathā nāma. Tāya thero ovadi. Iddhividhaṃ iddhipāṭihāriyaṃ nāma. Tena sahitā anusāsanī eva dhammī kathā. Tāya thero ovadi.
‘‘т̇уллажжаяам̣ д̣̇зсаабзхий’’д̇и ид̣̇ам̣ бхзд̣̇абурзгкаарасса убосат̇аад̣̇игаран̣з т̇уллажжаяасса убосат̇агканд̇хагаад̣̇ийсу батамамзва бан̃н̃ад̇д̇ад̇д̇аа вуд̇д̇ам̣, ид̇арат̇аа зд̇зсам̣ аад̣̇игаммигад̇д̇аа анаабад̇д̇иязва сияаа.
‘‘Thullaccayaṃ desāpehī’’ti idaṃ bhedapurekkhārassa uposathādikaraṇe thullaccayassa uposathakkhandhakādīsu paṭhamameva paññattattā vuttaṃ, itarathā etesaṃ ādikammikattā anāpattiyeva siyā.
346. сарасийд̇и саро. махим̣ вигруб̣б̣ад̇од̇и махим̣ д̣̇анд̇зхи виликанд̇асса. ид̣̇ан̃жа хад̇т̇ийнам̣ сабхаавад̣̇ассанам̣. над̣̇ийсууд̇и сарзсу. бхисам̣ гхасамаанассаад̇и яож̇анаа. ж̇аг̇г̇ад̇од̇и яуут̇ам̣ баалзнд̇асса.
346.Sarasīti saro. Mahiṃ vikrubbatoti mahiṃ dantehi vilikhantassa. Idañca hatthīnaṃ sabhāvadassanaṃ. Nadīsūti saresu. Bhisaṃ ghasamānassāti yojanā. Jaggatoti yūthaṃ pālentassa.
347. д̣̇ууд̇зяяам̣ г̇анд̇унд̇и д̣̇ууд̇агаммам̣ бад̇д̇ум̣, д̣̇ууд̇агаммам̣ гаад̇унд̇и ад̇т̇о. сахид̇аасахид̇ассаад̇и яуд̇д̇ааяуд̇д̇асса, яам̣ вад̇д̇ум̣, гаад̇ун̃жа яуд̇д̇ам̣, д̇ад̇т̇а гусало. ат̇а ваа ад̇хиббзд̇аанаад̇хиббзд̇асса важанасса гусало, б̣яан̃ж̇анамад̇д̇з на д̇идтад̇и, ад̇хиббзд̇ад̇т̇амзва аарожзд̇ийд̇и ад̇т̇о.
347.Dūteyyaṃgantunti dūtakammaṃ pattuṃ, dūtakammaṃ kātunti attho. Sahitāsahitassāti yuttāyuttassa, yaṃ vattuṃ, kātuñca yuttaṃ, tattha kusalo. Atha vā adhippetānādhippetassa vacanassa kusalo, byañjanamatte na tiṭṭhati, adhippetatthameva ārocetīti attho.
350. г̇аат̇аасу ж̇аад̇ууд̇и згам̣сзна. маа уд̣̇абаж̇ж̇ат̇а маа ход̇ууд̇и ад̇т̇о. баабижчаанам̣ яат̇ааг̇ад̇ийд̇и баабижчаанам̣ буг̇г̇алаанам̣ яаад̣̇исий г̇ад̇и абхисамбарааяо. д̇ам̣ ад̇т̇аж̇аад̇ам̣. иминааби гааран̣зна ж̇аанаат̇аад̇и д̣̇звад̣̇ад̇д̇асса ‘‘бан̣д̣ид̇о’’д̇иаад̣̇инаа убари вагкамаанаагаарам̣ д̣̇ассзд̇и.
350. Gāthāsu jātūti ekaṃsena. Mā udapajjatha mā hotūti attho. Pāpicchānaṃ yathāgatīti pāpicchānaṃ puggalānaṃ yādisī gati abhisamparāyo. Taṃ atthajātaṃ. Imināpi kāraṇena jānāthāti devadattassa ‘‘paṇḍito’’tiādinā upari vakkhamānākāraṃ dasseti.
бамаад̣̇ам̣ анужин̣н̣од̇и бамаад̣̇ам̣ аабанно. аасийсааяанд̇и авассам̣бхаавийад̇т̇асид̣̇д̇хияам̣. саа хи ид̇ха аасийсаад̇и ад̇хиббзд̇аа, на бад̇т̇анаа. ийд̣̇исз анааг̇ад̇ад̇т̇з ад̇ийд̇аважанам̣ сад̣̇д̣̇авид̣̇уу ижчанд̇и.
Pamādaṃ anuciṇṇoti pamādaṃ āpanno. Āsīsāyanti avassaṃbhāvīatthasiddhiyaṃ. Sā hi idha āsīsāti adhippetā, na patthanā. Īdise anāgatatthe atītavacanaṃ saddavidū icchanti.
д̣̇уб̣бхзд̇и д̣̇уб̣бхзяяа. висагумбхзнаад̇и згзна висабун̣н̣агумбхзна. сод̇и со буг̇г̇ало. на бад̣̇уусзяяа висамиссам̣ гаад̇ум̣ на саггод̇ийд̇и ад̇т̇о. бхаяаанагод̇и вибулаг̇амбхийрабхаавзна бхаяаанаго. д̇знааби д̣̇уусзд̇ум̣ на саггун̣зяяад̇ам̣ д̣̇ассзд̇и. ваад̣̇знаад̇и д̣̇осагат̇анзна. убахим̣сад̇ийд̇и б̣аад̇хад̇и.
Dubbheti dubbheyya. Visakumbhenāti ekena visapuṇṇakumbhena. Soti so puggalo. Na padūseyya visamissaṃ kātuṃ na sakkotīti attho. Bhayānakoti vipulagambhīrabhāvena bhayānako. Tenāpi dūsetuṃ na sakkuṇeyyataṃ dasseti. Vādenāti dosakathanena. Upahiṃsatīti bādhati.
сан̇гхабхзд̣̇агагат̇ааван̣н̣анаа нидтид̇аа.
Saṅghabhedakakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сан̇гхабхзд̣̇агат̇аа • Saṅghabhedakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сан̇гхабхзд̣̇агагат̇аа • Saṅghabhedakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхабхзд̣̇агат̇ааван̣н̣анаа • Saṅghabhedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сан̇гхабхзд̣̇агат̇аа • Saṅghabhedakathā
