| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਸਙ੍ਘਭੇਦਕਕਥਾવਣ੍ਣਨਾ
Saṅghabhedakakathāvaṇṇanā
੩੪੫. ਪਰਸ੍ਸ ਚਿਤ੍ਤਂ ਞਤ੍વਾ ਕਥਨਂ ਆਦੇਸਨਾਪਾਟਿਹਾਰਿਯਂ। ਕੇવਲਂ ਧਮ੍ਮਦੇਸਨਾ ਅਨੁਸਾਸਨੀਪਾਟਿਹਾਰਿਯਂ। ਤਦੁਭਯਮ੍ਪਿ ਧਮ੍ਮੀ ਕਥਾ ਨਾਮ। ਤਾਯ ਥੇਰੋ ਓવਦਿ। ਇਦ੍ਧਿવਿਧਂ ਇਦ੍ਧਿਪਾਟਿਹਾਰਿਯਂ ਨਾਮ। ਤੇਨ ਸਹਿਤਾ ਅਨੁਸਾਸਨੀ ਏવ ਧਮ੍ਮੀ ਕਥਾ। ਤਾਯ ਥੇਰੋ ਓવਦਿ।
345. Parassa cittaṃ ñatvā kathanaṃ ādesanāpāṭihāriyaṃ. Kevalaṃ dhammadesanā anusāsanīpāṭihāriyaṃ. Tadubhayampi dhammī kathā nāma. Tāya thero ovadi. Iddhividhaṃ iddhipāṭihāriyaṃ nāma. Tena sahitā anusāsanī eva dhammī kathā. Tāya thero ovadi.
‘‘ਥੁਲ੍ਲਚ੍ਚਯਂ ਦੇਸਾਪੇਹੀ’’ਤਿ ਇਦਂ ਭੇਦਪੁਰੇਕ੍ਖਾਰਸ੍ਸ ਉਪੋਸਥਾਦਿਕਰਣੇ ਥੁਲ੍ਲਚ੍ਚਯਸ੍ਸ ਉਪੋਸਥਕ੍ਖਨ੍ਧਕਾਦੀਸੁ ਪਠਮਮੇવ ਪਞ੍ਞਤ੍ਤਤ੍ਤਾ વੁਤ੍ਤਂ, ਇਤਰਥਾ ਏਤੇਸਂ ਆਦਿਕਮ੍ਮਿਕਤ੍ਤਾ ਅਨਾਪਤ੍ਤਿਯੇવ ਸਿਯਾ।
‘‘Thullaccayaṃ desāpehī’’ti idaṃ bhedapurekkhārassa uposathādikaraṇe thullaccayassa uposathakkhandhakādīsu paṭhamameva paññattattā vuttaṃ, itarathā etesaṃ ādikammikattā anāpattiyeva siyā.
੩੪੬. ਸਰਸੀਤਿ ਸਰੋ। ਮਹਿਂ વਿਕ੍ਰੁਬ੍ਬਤੋਤਿ ਮਹਿਂ ਦਨ੍ਤੇਹਿ વਿਲਿਖਨ੍ਤਸ੍ਸ। ਇਦਞ੍ਚ ਹਤ੍ਥੀਨਂ ਸਭਾવਦਸ੍ਸਨਂ। ਨਦੀਸੂਤਿ ਸਰੇਸੁ। ਭਿਸਂ ਘਸਮਾਨਸ੍ਸਾਤਿ ਯੋਜਨਾ। ਜਗ੍ਗਤੋਤਿ ਯੂਥਂ ਪਾਲੇਨ੍ਤਸ੍ਸ।
346.Sarasīti saro. Mahiṃ vikrubbatoti mahiṃ dantehi vilikhantassa. Idañca hatthīnaṃ sabhāvadassanaṃ. Nadīsūti saresu. Bhisaṃ ghasamānassāti yojanā. Jaggatoti yūthaṃ pālentassa.
੩੪੭. ਦੂਤੇਯ੍ਯਂ ਗਨ੍ਤੁਨ੍ਤਿ ਦੂਤਕਮ੍ਮਂ ਪਤ੍ਤੁਂ, ਦੂਤਕਮ੍ਮਂ ਕਾਤੁਨ੍ਤਿ ਅਤ੍ਥੋ। ਸਹਿਤਾਸਹਿਤਸ੍ਸਾਤਿ ਯੁਤ੍ਤਾਯੁਤ੍ਤਸ੍ਸ, ਯਂ વਤ੍ਤੁਂ, ਕਾਤੁਞ੍ਚ ਯੁਤ੍ਤਂ, ਤਤ੍ਥ ਕੁਸਲੋ। ਅਥ વਾ ਅਧਿਪ੍ਪੇਤਾਨਾਧਿਪ੍ਪੇਤਸ੍ਸ વਚਨਸ੍ਸ ਕੁਸਲੋ, ਬ੍ਯਞ੍ਜਨਮਤ੍ਤੇ ਨ ਤਿਟ੍ਠਤਿ, ਅਧਿਪ੍ਪੇਤਤ੍ਥਮੇવ ਆਰੋਚੇਤੀਤਿ ਅਤ੍ਥੋ।
347.Dūteyyaṃgantunti dūtakammaṃ pattuṃ, dūtakammaṃ kātunti attho. Sahitāsahitassāti yuttāyuttassa, yaṃ vattuṃ, kātuñca yuttaṃ, tattha kusalo. Atha vā adhippetānādhippetassa vacanassa kusalo, byañjanamatte na tiṭṭhati, adhippetatthameva ārocetīti attho.
੩੫੦. ਗਾਥਾਸੁ ਜਾਤੂਤਿ ਏਕਂਸੇਨ। ਮਾ ਉਦਪਜ੍ਜਥ ਮਾ ਹੋਤੂਤਿ ਅਤ੍ਥੋ। ਪਾਪਿਚ੍ਛਾਨਂ ਯਥਾਗਤੀਤਿ ਪਾਪਿਚ੍ਛਾਨਂ ਪੁਗ੍ਗਲਾਨਂ ਯਾਦਿਸੀ ਗਤਿ ਅਭਿਸਮ੍ਪਰਾਯੋ। ਤਂ ਅਤ੍ਥਜਾਤਂ। ਇਮਿਨਾਪਿ ਕਾਰਣੇਨ ਜਾਨਾਥਾਤਿ ਦੇવਦਤ੍ਤਸ੍ਸ ‘‘ਪਣ੍ਡਿਤੋ’’ਤਿਆਦਿਨਾ ਉਪਰਿ વਕ੍ਖਮਾਨਾਕਾਰਂ ਦਸ੍ਸੇਤਿ।
350. Gāthāsu jātūti ekaṃsena. Mā udapajjatha mā hotūti attho. Pāpicchānaṃ yathāgatīti pāpicchānaṃ puggalānaṃ yādisī gati abhisamparāyo. Taṃ atthajātaṃ. Imināpi kāraṇena jānāthāti devadattassa ‘‘paṇḍito’’tiādinā upari vakkhamānākāraṃ dasseti.
ਪਮਾਦਂ ਅਨੁਚਿਣ੍ਣੋਤਿ ਪਮਾਦਂ ਆਪਨ੍ਨੋ। ਆਸੀਸਾਯਨ੍ਤਿ ਅવਸ੍ਸਂਭਾવੀਅਤ੍ਥਸਿਦ੍ਧਿਯਂ। ਸਾ ਹਿ ਇਧ ਆਸੀਸਾਤਿ ਅਧਿਪ੍ਪੇਤਾ, ਨ ਪਤ੍ਥਨਾ। ਈਦਿਸੇ ਅਨਾਗਤਤ੍ਥੇ ਅਤੀਤવਚਨਂ ਸਦ੍ਦવਿਦੂ ਇਚ੍ਛਨ੍ਤਿ।
Pamādaṃ anuciṇṇoti pamādaṃ āpanno. Āsīsāyanti avassaṃbhāvīatthasiddhiyaṃ. Sā hi idha āsīsāti adhippetā, na patthanā. Īdise anāgatatthe atītavacanaṃ saddavidū icchanti.
ਦੁਬ੍ਭੇਤਿ ਦੁਬ੍ਭੇਯ੍ਯ। વਿਸਕੁਮ੍ਭੇਨਾਤਿ ਏਕੇਨ વਿਸਪੁਣ੍ਣਕੁਮ੍ਭੇਨ। ਸੋਤਿ ਸੋ ਪੁਗ੍ਗਲੋ। ਨ ਪਦੂਸੇਯ੍ਯ વਿਸਮਿਸ੍ਸਂ ਕਾਤੁਂ ਨ ਸਕ੍ਕੋਤੀਤਿ ਅਤ੍ਥੋ। ਭਯਾਨਕੋਤਿ વਿਪੁਲਗਮ੍ਭੀਰਭਾવੇਨ ਭਯਾਨਕੋ। ਤੇਨਾਪਿ ਦੂਸੇਤੁਂ ਨ ਸਕ੍ਕੁਣੇਯ੍ਯਤਂ ਦਸ੍ਸੇਤਿ। વਾਦੇਨਾਤਿ ਦੋਸਕਥਨੇਨ। ਉਪਹਿਂਸਤੀਤਿ ਬਾਧਤਿ।
Dubbheti dubbheyya. Visakumbhenāti ekena visapuṇṇakumbhena. Soti so puggalo. Na padūseyya visamissaṃ kātuṃ na sakkotīti attho. Bhayānakoti vipulagambhīrabhāvena bhayānako. Tenāpi dūsetuṃ na sakkuṇeyyataṃ dasseti. Vādenāti dosakathanena. Upahiṃsatīti bādhati.
ਸਙ੍ਘਭੇਦਕਕਥਾવਣ੍ਣਨਾ ਨਿਟ੍ਠਿਤਾ।
Saṅghabhedakakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਸਙ੍ਘਭੇਦਕਥਾ • Saṅghabhedakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸਙ੍ਘਭੇਦਕਕਥਾ • Saṅghabhedakakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਙ੍ਘਭੇਦਕਥਾવਣ੍ਣਨਾ • Saṅghabhedakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਛਸਕ੍ਯਪਬ੍ਬਜ੍ਜਾਕਥਾવਣ੍ਣਨਾ • Chasakyapabbajjākathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਸਙ੍ਘਭੇਦਕਥਾ • Saṅghabhedakathā
