| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
(੨੫) ੫. ਆਪਤ੍ਤਿਭਯવਗ੍ਗੋ
(25) 5. Āpattibhayavaggo
੧. ਸਙ੍ਘਭੇਦਕਸੁਤ੍ਤਂ
1. Saṅghabhedakasuttaṃ
੨੪੩. ਏਕਂ ਸਮਯਂ ਭਗવਾ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਅਥ ਖੋ ਆਯਸ੍ਮਾ ਆਨਨ੍ਦੋ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਆਯਸ੍ਮਨ੍ਤਂ ਆਨਨ੍ਦਂ ਭਗવਾ ਏਤਦવੋਚ – ‘‘ਅਪਿ ਨੁ ਤਂ, ਆਨਨ੍ਦ, ਅਧਿਕਰਣਂ વੂਪਸਨ੍ਤ’’ਨ੍ਤਿ? ‘‘ਕੁਤੋ ਤਂ, ਭਨ੍ਤੇ, ਅਧਿਕਰਣਂ વੂਪਸਮਿਸ੍ਸਤਿ 1! ਆਯਸ੍ਮਤੋ , ਭਨ੍ਤੇ, ਅਨੁਰੁਦ੍ਧਸ੍ਸ ਬਾਹਿਯੋ ਨਾਮ ਸਦ੍ਧਿવਿਹਾਰਿਕੋ ਕੇવਲਕਪ੍ਪਂ ਸਙ੍ਘਭੇਦਾਯ ਠਿਤੋ। ਤਤ੍ਰਾਯਸ੍ਮਾ ਅਨੁਰੁਦ੍ਧੋ ਨ ਏਕવਾਚਿਕਮ੍ਪਿ ਭਣਿਤਬ੍ਬਂ ਮਞ੍ਞਤੀ’’ਤਿ।
243. Ekaṃ samayaṃ bhagavā kosambiyaṃ viharati ghositārāme. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ ānandaṃ bhagavā etadavoca – ‘‘api nu taṃ, ānanda, adhikaraṇaṃ vūpasanta’’nti? ‘‘Kuto taṃ, bhante, adhikaraṇaṃ vūpasamissati 2! Āyasmato , bhante, anuruddhassa bāhiyo nāma saddhivihāriko kevalakappaṃ saṅghabhedāya ṭhito. Tatrāyasmā anuruddho na ekavācikampi bhaṇitabbaṃ maññatī’’ti.
‘‘ਕਦਾ ਪਨਾਨਨ੍ਦ, ਅਨੁਰੁਦ੍ਧੋ ਸਙ੍ਘਮਜ੍ਝੇ ਅਧਿਕਰਣੇਸੁ 3 વੋਯੁਞ੍ਜਤਿ! ਨਨੁ, ਆਨਨ੍ਦ, ਯਾਨਿ ਕਾਨਿਚਿ ਅਧਿਕਰਣਾਨਿ ਉਪ੍ਪਜ੍ਜਨ੍ਤਿ, ਸਬ੍ਬਾਨਿ ਤਾਨਿ ਤੁਮ੍ਹੇ ਚੇવ વੂਪਸਮੇਥ ਸਾਰਿਪੁਤ੍ਤਮੋਗ੍ਗਲ੍ਲਾਨਾ ਚ।
‘‘Kadā panānanda, anuruddho saṅghamajjhe adhikaraṇesu 4 voyuñjati! Nanu, ānanda, yāni kānici adhikaraṇāni uppajjanti, sabbāni tāni tumhe ceva vūpasametha sāriputtamoggallānā ca.
‘‘ਚਤ੍ਤਾਰੋਮੇ, ਆਨਨ੍ਦ, ਅਤ੍ਥવਸੇ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤਿ। ਕਤਮੇ ਚਤ੍ਤਾਰੋ? ਇਧਾਨਨ੍ਦ, ਪਾਪਭਿਕ੍ਖੁ ਦੁਸ੍ਸੀਲੋ ਹੋਤਿ ਪਾਪਧਮ੍ਮੋ ਅਸੁਚਿ ਸਙ੍ਕਸ੍ਸਰਸਮਾਚਾਰੋ ਪਟਿਚ੍ਛਨ੍ਨਕਮ੍ਮਨ੍ਤੋ ਅਸ੍ਸਮਣੋ ਸਮਣਪਟਿਞ੍ਞੋ ਅਬ੍ਰਹ੍ਮਚਾਰੀ ਬ੍ਰਹ੍ਮਚਾਰਿਪਟਿਞ੍ਞੋ ਅਨ੍ਤੋਪੂਤਿ ਅવਸ੍ਸੁਤੋ ਕਸਮ੍ਬੁਜਾਤੋ। ਤਸ੍ਸ ਏવਂ ਹੋਤਿ – ‘ਸਚੇ ਖੋ ਮਂ ਭਿਕ੍ਖੂ ਜਾਨਿਸ੍ਸਨ੍ਤਿ – ਦੁਸ੍ਸੀਲੋ ਪਾਪਧਮ੍ਮੋ ਅਸੁਚਿ ਸਙ੍ਕਸ੍ਸਰਸਮਾਚਾਰੋ ਪਟਿਚ੍ਛਨ੍ਨਕਮ੍ਮਨ੍ਤੋ ਅਸ੍ਸਮਣੋ ਸਮਣਪਟਿਞ੍ਞੋ ਅਬ੍ਰਹ੍ਮਚਾਰੀ ਬ੍ਰਹ੍ਮਚਾਰਿਪਟਿਞ੍ਞੋ ਅਨ੍ਤੋਪੂਤਿ ਅવਸ੍ਸੁਤੋ ਕਸਮ੍ਬੁਜਾਤੋਤਿ, ਸਮਗ੍ਗਾ ਮਂ ਸਨ੍ਤਾ ਨਾਸੇਸ੍ਸਨ੍ਤਿ; વਗ੍ਗਾ ਪਨ ਮਂ ਨ ਨਾਸੇਸ੍ਸਨ੍ਤੀ’ਤਿ। ਇਦਂ, ਆਨਨ੍ਦ, ਪਠਮਂ ਅਤ੍ਥવਸਂ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤਿ।
‘‘Cattārome, ānanda, atthavase sampassamāno pāpabhikkhu saṅghabhedena nandati. Katame cattāro? Idhānanda, pāpabhikkhu dussīlo hoti pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto. Tassa evaṃ hoti – ‘sace kho maṃ bhikkhū jānissanti – dussīlo pāpadhammo asuci saṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujātoti, samaggā maṃ santā nāsessanti; vaggā pana maṃ na nāsessantī’ti. Idaṃ, ānanda, paṭhamaṃ atthavasaṃ sampassamāno pāpabhikkhu saṅghabhedena nandati.
‘‘ਪੁਨ ਚਪਰਂ, ਆਨਨ੍ਦ, ਪਾਪਭਿਕ੍ਖੁ ਮਿਚ੍ਛਾਦਿਟ੍ਠਿਕੋ ਹੋਤਿ, ਅਨ੍ਤਗ੍ਗਾਹਿਕਾਯ ਦਿਟ੍ਠਿਯਾ ਸਮਨ੍ਨਾਗਤੋ। ਤਸ੍ਸ ਏવਂ ਹੋਤਿ – ‘ਸਚੇ ਖੋ ਮਂ ਭਿਕ੍ਖੂ ਜਾਨਿਸ੍ਸਨ੍ਤਿ – ਮਿਚ੍ਛਾਦਿਟ੍ਠਿਕੋ ਅਨ੍ਤਗ੍ਗਾਹਿਕਾਯ ਦਿਟ੍ਠਿਯਾ ਸਮਨ੍ਨਾਗਤੋਤਿ, ਸਮਗ੍ਗਾ ਮਂ ਸਨ੍ਤਾ ਨਾਸੇਸ੍ਸਨ੍ਤਿ; વਗ੍ਗਾ ਪਨ ਮਂ ਨ ਨਾਸੇਸ੍ਸਨ੍ਤੀ’ਤਿ। ਇਦਂ, ਆਨਨ੍ਦ, ਦੁਤਿਯਂ ਅਤ੍ਥવਸਂ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤਿ।
‘‘Puna caparaṃ, ānanda, pāpabhikkhu micchādiṭṭhiko hoti, antaggāhikāya diṭṭhiyā samannāgato. Tassa evaṃ hoti – ‘sace kho maṃ bhikkhū jānissanti – micchādiṭṭhiko antaggāhikāya diṭṭhiyā samannāgatoti, samaggā maṃ santā nāsessanti; vaggā pana maṃ na nāsessantī’ti. Idaṃ, ānanda, dutiyaṃ atthavasaṃ sampassamāno pāpabhikkhu saṅghabhedena nandati.
‘‘ਪੁਨ ਚਪਰਂ, ਆਨਨ੍ਦ, ਪਾਪਭਿਕ੍ਖੁ ਮਿਚ੍ਛਾਆਜੀવੋ ਹੋਤਿ, ਮਿਚ੍ਛਾਆਜੀવੇਨ ਜੀવਿਕਂ 5 ਕਪ੍ਪੇਤਿ। ਤਸ੍ਸ ਏવਂ ਹੋਤਿ – ‘ਸਚੇ ਖੋ ਮਂ ਭਿਕ੍ਖੂ ਜਾਨਿਸ੍ਸਨ੍ਤਿ – ਮਿਚ੍ਛਾਆਜੀવੋ ਮਿਚ੍ਛਾਆਜੀવੇਨ ਜੀવਿਕਂ ਕਪ੍ਪੇਤੀਤਿ, ਸਮਗ੍ਗਾ ਮਂ ਸਨ੍ਤਾ ਨਾਸੇਸ੍ਸਨ੍ਤਿ; વਗ੍ਗਾ ਪਨ ਮਂ ਨ ਨਾਸੇਸ੍ਸਨ੍ਤੀ’ਤਿ। ਇਦਂ, ਆਨਨ੍ਦ, ਤਤਿਯਂ ਅਤ੍ਥવਸਂ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤਿ।
‘‘Puna caparaṃ, ānanda, pāpabhikkhu micchāājīvo hoti, micchāājīvena jīvikaṃ 6 kappeti. Tassa evaṃ hoti – ‘sace kho maṃ bhikkhū jānissanti – micchāājīvo micchāājīvena jīvikaṃ kappetīti, samaggā maṃ santā nāsessanti; vaggā pana maṃ na nāsessantī’ti. Idaṃ, ānanda, tatiyaṃ atthavasaṃ sampassamāno pāpabhikkhu saṅghabhedena nandati.
‘‘ਪੁਨ ਚਪਰਂ, ਆਨਨ੍ਦ, ਪਾਪਭਿਕ੍ਖੁ ਲਾਭਕਾਮੋ ਹੋਤਿ ਸਕ੍ਕਾਰਕਾਮੋ ਅਨવਞ੍ਞਤ੍ਤਿਕਾਮੋ। ਤਸ੍ਸ ਏવਂ ਹੋਤਿ – ‘ਸਚੇ ਖੋ ਮਂ ਭਿਕ੍ਖੂ ਜਾਨਿਸ੍ਸਨ੍ਤਿ – ਲਾਭਕਾਮੋ ਸਕ੍ਕਾਰਕਾਮੋ ਅਨવਞ੍ਞਤ੍ਤਿਕਾਮੋਤਿ, ਸਮਗ੍ਗਾ ਮਂ ਸਨ੍ਤਾ ਨ ਸਕ੍ਕਰਿਸ੍ਸਨ੍ਤਿ ਨ ਗਰੁਂ ਕਰਿਸ੍ਸਨ੍ਤਿ ਨ ਮਾਨੇਸ੍ਸਨ੍ਤਿ ਨ ਪੂਜੇਸ੍ਸਨ੍ਤਿ; વਗ੍ਗਾ ਪਨ ਮਂ ਸਕ੍ਕਰਿਸ੍ਸਨ੍ਤਿ ਗਰੁਂ ਕਰਿਸ੍ਸਨ੍ਤਿ ਮਾਨੇਸ੍ਸਨ੍ਤਿ ਪੂਜੇਸ੍ਸਨ੍ਤੀ’ਤਿ। ਇਦਂ, ਆਨਨ੍ਦ, ਚਤੁਤ੍ਥਂ ਅਤ੍ਥવਸਂ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤਿ। ਇਮੇ ਖੋ, ਆਨਨ੍ਦ, ਚਤ੍ਤਾਰੋ ਅਤ੍ਥવਸੇ ਸਮ੍ਪਸ੍ਸਮਾਨੋ ਪਾਪਭਿਕ੍ਖੁ ਸਙ੍ਘਭੇਦੇਨ ਨਨ੍ਦਤੀ’’ਤਿ। ਪਠਮਂ।
‘‘Puna caparaṃ, ānanda, pāpabhikkhu lābhakāmo hoti sakkārakāmo anavaññattikāmo. Tassa evaṃ hoti – ‘sace kho maṃ bhikkhū jānissanti – lābhakāmo sakkārakāmo anavaññattikāmoti, samaggā maṃ santā na sakkarissanti na garuṃ karissanti na mānessanti na pūjessanti; vaggā pana maṃ sakkarissanti garuṃ karissanti mānessanti pūjessantī’ti. Idaṃ, ānanda, catutthaṃ atthavasaṃ sampassamāno pāpabhikkhu saṅghabhedena nandati. Ime kho, ānanda, cattāro atthavase sampassamāno pāpabhikkhu saṅghabhedena nandatī’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਸਙ੍ਘਭੇਦਕਸੁਤ੍ਤવਣ੍ਣਨਾ • 1. Saṅghabhedakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸਙ੍ਘਭੇਦਕਸੁਤ੍ਤવਣ੍ਣਨਾ • 1. Saṅghabhedakasuttavaṇṇanā
