| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
(25) 5. ஆபத்திப⁴யவக்³கோ³
(25) 5. Āpattibhayavaggo
1. ஸங்க⁴பே⁴த³கஸுத்தவண்ணனா
1. Saṅghabhedakasuttavaṇṇanā
243. பஞ்சமஸ்ஸ பட²மே அபி நு தங், ஆனந்த³, அதி⁴கரணந்தி விவாதா³தி⁴கரணாதீ³ஸு அஞ்ஞதரங் அதி⁴கரணங் பி⁴க்கு²ஸங்க⁴ஸ்ஸ உப்பஜ்ஜி, ஸத்தா² தஸ்ஸ வூபஸந்தபா⁴வங் புச்ச²ந்தோ ஏவமாஹ. குதோ தங், ப⁴ந்தேதி, ப⁴ந்தே, குதோ கிந்தி கேன காரணேன தங் அதி⁴கரணங் வூபஸமிஸ்ஸதீதி வத³தி. கேவலகப்பந்தி ஸகலங் ஸமந்ததோ. ஸங்க⁴பே⁴தா³ய டி²தோதி ஸங்கே⁴ன ஸத்³தி⁴ங் வாத³த்தா²ய கதி²தங் படிகதெ²ந்தோவ டி²தோ. தத்ராயஸ்மாதி தஸ்மிங் ஏவங் டி²தே ஆயஸ்மா அனுருத்³தோ⁴. ந ஏகவாசிகம்பி ப⁴ணிதப்³ப³ங் மஞ்ஞதீதி ‘‘மா, ஆவுஸோ, ஸங்கே⁴ன ஸத்³தி⁴ங் ஏவங் அவசா’’தி ஏகவசனம்பி வத்தப்³ப³ங் ந மஞ்ஞதி. வோயுஞ்ஜதீதி அனுயுஞ்ஜதி அனுயோக³ங் ஆபஜ்ஜதி. அத்த²வஸேதி காரணவஸே. நாஸெஸ்ஸந்தீதி உபோஸத²ப்பவாரணங் உபக³ந்துங் அத³த்வா நிக்கட்³டி⁴ஸ்ஸந்தி. ஸேஸங் பாளிவஸேனேவ வேதி³தப்³ப³ங்.
243. Pañcamassa paṭhame api nu taṃ, ānanda, adhikaraṇanti vivādādhikaraṇādīsu aññataraṃ adhikaraṇaṃ bhikkhusaṅghassa uppajji, satthā tassa vūpasantabhāvaṃ pucchanto evamāha. Kuto taṃ, bhanteti, bhante, kuto kinti kena kāraṇena taṃ adhikaraṇaṃ vūpasamissatīti vadati. Kevalakappanti sakalaṃ samantato. Saṅghabhedāya ṭhitoti saṅghena saddhiṃ vādatthāya kathitaṃ paṭikathentova ṭhito. Tatrāyasmāti tasmiṃ evaṃ ṭhite āyasmā anuruddho. Na ekavācikampi bhaṇitabbaṃ maññatīti ‘‘mā, āvuso, saṅghena saddhiṃ evaṃ avacā’’ti ekavacanampi vattabbaṃ na maññati. Voyuñjatīti anuyuñjati anuyogaṃ āpajjati. Atthavaseti kāraṇavase. Nāsessantīti uposathappavāraṇaṃ upagantuṃ adatvā nikkaḍḍhissanti. Sesaṃ pāḷivaseneva veditabbaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸங்க⁴பே⁴த³கஸுத்தங் • 1. Saṅghabhedakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. ஸங்க⁴பே⁴த³கஸுத்தவண்ணனா • 1. Saṅghabhedakasuttavaṇṇanā
