| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
(၂၅) ၅. အာပတ္တိဘယဝဂ္ဂော
(25) 5. Āpattibhayavaggo
၁. သင္ဃဘေဒကသုတ္တဝဏ္ဏနာ
1. Saṅghabhedakasuttavaṇṇanā
၂၄၃. ပဉ္စမသ္သ ပဌမေ ဝိဝာဒာဓိကရဏာဒီသူတိ ဝိဝာဒာဓိကရဏံ အနုဝာဒာဓိကရဏံ အာပတ္တာဓိကရဏံ ကိစ္စာဓိကရဏန္တိ ဣမေသု စတူသု။ တတ္ထ ဓမ္မောတိ ဝာ အဓမ္မောတိ ဝာ အဋ္ဌာရသဟိ ဝတ္ထူဟိ ဝိဝဒန္တာနံ ဘိက္ခူနံ ယော ဝိဝာဒော, ဣဒံ ဝိဝာဒာဓိကရဏံ နာမ။ သီလဝိပတ္တိယာ ဝာ အာစာရဒိဋ္ဌိအာဇီဝဝိပတ္တိယာ ဝာ အနုဝဒန္တာနံ ယော အနုဝာဒော ဥပဝဒနာ စေဝ စောဒနာ စ, ဣဒံ အနုဝာဒာဓိကရဏံ နာမ။ မာတိကာယ အာဂတာ ပဉ္စ, ဝိဘင္ဂေ ဒ္ဝေတိ သတ္တပိ အာပတ္တိက္ခန္ဓာ, ဣဒံ အာပတ္တာဓိကရဏံ နာမ။ သင္ဃသ္သ အပလောကနာဒီနံ စတုန္နံ ကမ္မာနံ ကရဏံ, ဣဒံ ကိစ္စာဓိကရဏံ နာမ။ သေသမေတ္ထ ဥတ္တာနမေဝ။
243. Pañcamassa paṭhame vivādādhikaraṇādīsūti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti imesu catūsu. Tattha dhammoti vā adhammoti vā aṭṭhārasahi vatthūhi vivadantānaṃ bhikkhūnaṃ yo vivādo, idaṃ vivādādhikaraṇaṃ nāma. Sīlavipattiyā vā ācāradiṭṭhiājīvavipattiyā vā anuvadantānaṃ yo anuvādo upavadanā ceva codanā ca, idaṃ anuvādādhikaraṇaṃ nāma. Mātikāya āgatā pañca, vibhaṅge dveti sattapi āpattikkhandhā, idaṃ āpattādhikaraṇaṃ nāma. Saṅghassa apalokanādīnaṃ catunnaṃ kammānaṃ karaṇaṃ, idaṃ kiccādhikaraṇaṃ nāma. Sesamettha uttānameva.
သင္ဃဘေဒကသုတ္တဝဏ္ဏနာ နိဋ္ဌိတာ။
Saṅghabhedakasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. သင္ဃဘေဒကသုတ္တံ • 1. Saṅghabhedakasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. သင္ဃဘေဒကသုတ္တဝဏ္ဏနာ • 1. Saṅghabhedakasuttavaṇṇanā
