| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
(25) 5. ආපත්‌තිභයවග්‌ගො
(25) 5. Āpattibhayavaggo
1. සඞ්‌ඝභෙදකසුත්‌තවණ්‌ණනා
1. Saṅghabhedakasuttavaṇṇanā
243. පඤ්‌චමස්‌ස පඨමෙ අපි නු තං, ආනන්‌ද, අධිකරණන්‌ති විවාදාධිකරණාදීසු අඤ්‌ඤතරං අධිකරණං භික්‌ඛුසඞ්‌ඝස්‌ස උප්‌පජ්‌ජි, සත්‌ථා තස්‌ස වූපසන්‌තභාවං පුච්‌ඡන්‌තො එවමාහ. කුතො තං, භන්‌තෙති, භන්‌තෙ, කුතො කින්‌ති කෙන කාරණෙන තං අධිකරණං වූපසමිස්‌සතීති වදති. කෙවලකප්‌පන්‌ති සකලං සමන්‌තතො. සඞ්‌ඝභෙදාය ඨිතොති සඞ්‌ඝෙන සද්‌ධිං වාදත්‌ථාය කථිතං පටිකථෙන්‌තොව ඨිතො. තත්‍රායස්‌මාති තස්‌මිං එවං ඨිතෙ ආයස්‌මා අනුරුද්‌ධො. න එකවාචිකම්‌පි භණිතබ්‌බං මඤ්‌ඤතීති ‘‘මා, ආවුසො, සඞ්‌ඝෙන සද්‌ධිං එවං අවචා’’ති එකවචනම්‌පි වත්‌තබ්‌බං න මඤ්‌ඤති. වොයුඤ්‌ජතීති අනුයුඤ්‌ජති අනුයොගං ආපජ්‌ජති. අත්‌ථවසෙති කාරණවසෙ. නාසෙස්‌සන්‌තීති උපොසථප්‌පවාරණං උපගන්‌තුං අදත්‌වා නික්‌කඩ්‌ඪිස්‌සන්‌ති. සෙසං පාළිවසෙනෙව වෙදිතබ්‌බං.
243. Pañcamassa paṭhame api nu taṃ, ānanda, adhikaraṇanti vivādādhikaraṇādīsu aññataraṃ adhikaraṇaṃ bhikkhusaṅghassa uppajji, satthā tassa vūpasantabhāvaṃ pucchanto evamāha. Kuto taṃ, bhanteti, bhante, kuto kinti kena kāraṇena taṃ adhikaraṇaṃ vūpasamissatīti vadati. Kevalakappanti sakalaṃ samantato. Saṅghabhedāya ṭhitoti saṅghena saddhiṃ vādatthāya kathitaṃ paṭikathentova ṭhito. Tatrāyasmāti tasmiṃ evaṃ ṭhite āyasmā anuruddho. Na ekavācikampi bhaṇitabbaṃ maññatīti ‘‘mā, āvuso, saṅghena saddhiṃ evaṃ avacā’’ti ekavacanampi vattabbaṃ na maññati. Voyuñjatīti anuyuñjati anuyogaṃ āpajjati. Atthavaseti kāraṇavase. Nāsessantīti uposathappavāraṇaṃ upagantuṃ adatvā nikkaḍḍhissanti. Sesaṃ pāḷivaseneva veditabbaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. සඞ්‌ඝභෙදකසුත්‌තං • 1. Saṅghabhedakasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. සඞ්‌ඝභෙදකසුත්‌තවණ්‌ණනා • 1. Saṅghabhedakasuttavaṇṇanā
