| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
(༢༥) ༥. ཨཱཔཏྟིབྷཡཝགྒོ
(25) 5. Āpattibhayavaggo
༡. སངྒྷབྷེདཀསུཏྟཝཎྞནཱ
1. Saṅghabhedakasuttavaṇṇanā
༢༤༣. པཉྩམསྶ པཋམེ ཨཔི ནུ ཏཾ, ཨཱནནྡ, ཨདྷིཀརཎནྟི ཝིཝཱདཱདྷིཀརཎཱདཱིསུ ཨཉྙཏརཾ ཨདྷིཀརཎཾ བྷིཀྑུསངྒྷསྶ ཨུཔྤཛྫི, སཏྠཱ ཏསྶ ཝཱུཔསནྟབྷཱཝཾ པུཙྪནྟོ ཨེཝམཱཧ། ཀུཏོ ཏཾ, བྷནྟེཏི, བྷནྟེ, ཀུཏོ ཀིནྟི ཀེན ཀཱརཎེན ཏཾ ཨདྷིཀརཎཾ ཝཱུཔསམིསྶཏཱིཏི ཝདཏི། ཀེཝལཀཔྤནྟི སཀལཾ སམནྟཏོ། སངྒྷབྷེདཱཡ ཋིཏོཏི སངྒྷེན སདྡྷིཾ ཝཱདཏྠཱཡ ཀཐིཏཾ པཊིཀཐེནྟོཝ ཋིཏོ། ཏཏྲཱཡསྨཱཏི ཏསྨིཾ ཨེཝཾ ཋིཏེ ཨཱཡསྨཱ ཨནུརུདྡྷོ། ན ཨེཀཝཱཙིཀམྤི བྷཎིཏབྦཾ མཉྙཏཱིཏི ‘‘མཱ, ཨཱཝུསོ, སངྒྷེན སདྡྷིཾ ཨེཝཾ ཨཝཙཱ’’ཏི ཨེཀཝཙནམྤི ཝཏྟབྦཾ ན མཉྙཏི། ཝོཡུཉྫཏཱིཏི ཨནུཡུཉྫཏི ཨནུཡོགཾ ཨཱཔཛྫཏི། ཨཏྠཝསེཏི ཀཱརཎཝསེ། ནཱསེསྶནྟཱིཏི ཨུཔོསཐཔྤཝཱརཎཾ ཨུཔགནྟུཾ ཨདཏྭཱ ནིཀྐཌྜྷིསྶནྟི། སེསཾ པཱལི༹ཝསེནེཝ ཝེདིཏབྦཾ།
243. Pañcamassa paṭhame api nu taṃ, ānanda, adhikaraṇanti vivādādhikaraṇādīsu aññataraṃ adhikaraṇaṃ bhikkhusaṅghassa uppajji, satthā tassa vūpasantabhāvaṃ pucchanto evamāha. Kuto taṃ, bhanteti, bhante, kuto kinti kena kāraṇena taṃ adhikaraṇaṃ vūpasamissatīti vadati. Kevalakappanti sakalaṃ samantato. Saṅghabhedāya ṭhitoti saṅghena saddhiṃ vādatthāya kathitaṃ paṭikathentova ṭhito. Tatrāyasmāti tasmiṃ evaṃ ṭhite āyasmā anuruddho. Na ekavācikampi bhaṇitabbaṃ maññatīti ‘‘mā, āvuso, saṅghena saddhiṃ evaṃ avacā’’ti ekavacanampi vattabbaṃ na maññati. Voyuñjatīti anuyuñjati anuyogaṃ āpajjati. Atthavaseti kāraṇavase. Nāsessantīti uposathappavāraṇaṃ upagantuṃ adatvā nikkaḍḍhissanti. Sesaṃ pāḷivaseneva veditabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. སངྒྷབྷེདཀསུཏྟཾ • 1. Saṅghabhedakasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡. སངྒྷབྷེདཀསུཏྟཝཎྞནཱ • 1. Saṅghabhedakasuttavaṇṇanā
