| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
(੨੫) ੫. ਆਪਤ੍ਤਿਭਯવਗ੍ਗੋ
(25) 5. Āpattibhayavaggo
੧. ਸਙ੍ਘਭੇਦਕਸੁਤ੍ਤવਣ੍ਣਨਾ
1. Saṅghabhedakasuttavaṇṇanā
੨੪੩. ਪਞ੍ਚਮਸ੍ਸ ਪਠਮੇ ਅਪਿ ਨੁ ਤਂ, ਆਨਨ੍ਦ, ਅਧਿਕਰਣਨ੍ਤਿ વਿવਾਦਾਧਿਕਰਣਾਦੀਸੁ ਅਞ੍ਞਤਰਂ ਅਧਿਕਰਣਂ ਭਿਕ੍ਖੁਸਙ੍ਘਸ੍ਸ ਉਪ੍ਪਜ੍ਜਿ, ਸਤ੍ਥਾ ਤਸ੍ਸ વੂਪਸਨ੍ਤਭਾવਂ ਪੁਚ੍ਛਨ੍ਤੋ ਏવਮਾਹ। ਕੁਤੋ ਤਂ, ਭਨ੍ਤੇਤਿ, ਭਨ੍ਤੇ, ਕੁਤੋ ਕਿਨ੍ਤਿ ਕੇਨ ਕਾਰਣੇਨ ਤਂ ਅਧਿਕਰਣਂ વੂਪਸਮਿਸ੍ਸਤੀਤਿ વਦਤਿ। ਕੇવਲਕਪ੍ਪਨ੍ਤਿ ਸਕਲਂ ਸਮਨ੍ਤਤੋ। ਸਙ੍ਘਭੇਦਾਯ ਠਿਤੋਤਿ ਸਙ੍ਘੇਨ ਸਦ੍ਧਿਂ વਾਦਤ੍ਥਾਯ ਕਥਿਤਂ ਪਟਿਕਥੇਨ੍ਤੋવ ਠਿਤੋ। ਤਤ੍ਰਾਯਸ੍ਮਾਤਿ ਤਸ੍ਮਿਂ ਏવਂ ਠਿਤੇ ਆਯਸ੍ਮਾ ਅਨੁਰੁਦ੍ਧੋ। ਨ ਏਕવਾਚਿਕਮ੍ਪਿ ਭਣਿਤਬ੍ਬਂ ਮਞ੍ਞਤੀਤਿ ‘‘ਮਾ, ਆવੁਸੋ, ਸਙ੍ਘੇਨ ਸਦ੍ਧਿਂ ਏવਂ ਅવਚਾ’’ਤਿ ਏਕવਚਨਮ੍ਪਿ વਤ੍ਤਬ੍ਬਂ ਨ ਮਞ੍ਞਤਿ। વੋਯੁਞ੍ਜਤੀਤਿ ਅਨੁਯੁਞ੍ਜਤਿ ਅਨੁਯੋਗਂ ਆਪਜ੍ਜਤਿ। ਅਤ੍ਥવਸੇਤਿ ਕਾਰਣવਸੇ। ਨਾਸੇਸ੍ਸਨ੍ਤੀਤਿ ਉਪੋਸਥਪ੍ਪવਾਰਣਂ ਉਪਗਨ੍ਤੁਂ ਅਦਤ੍વਾ ਨਿਕ੍ਕਡ੍ਢਿਸ੍ਸਨ੍ਤਿ। ਸੇਸਂ ਪਾਲ਼ਿવਸੇਨੇવ વੇਦਿਤਬ੍ਬਂ।
243. Pañcamassa paṭhame api nu taṃ, ānanda, adhikaraṇanti vivādādhikaraṇādīsu aññataraṃ adhikaraṇaṃ bhikkhusaṅghassa uppajji, satthā tassa vūpasantabhāvaṃ pucchanto evamāha. Kuto taṃ, bhanteti, bhante, kuto kinti kena kāraṇena taṃ adhikaraṇaṃ vūpasamissatīti vadati. Kevalakappanti sakalaṃ samantato. Saṅghabhedāya ṭhitoti saṅghena saddhiṃ vādatthāya kathitaṃ paṭikathentova ṭhito. Tatrāyasmāti tasmiṃ evaṃ ṭhite āyasmā anuruddho. Na ekavācikampi bhaṇitabbaṃ maññatīti ‘‘mā, āvuso, saṅghena saddhiṃ evaṃ avacā’’ti ekavacanampi vattabbaṃ na maññati. Voyuñjatīti anuyuñjati anuyogaṃ āpajjati. Atthavaseti kāraṇavase. Nāsessantīti uposathappavāraṇaṃ upagantuṃ adatvā nikkaḍḍhissanti. Sesaṃ pāḷivaseneva veditabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਙ੍ਘਭੇਦਕਸੁਤ੍ਤਂ • 1. Saṅghabhedakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸਙ੍ਘਭੇਦਕਸੁਤ੍ਤવਣ੍ਣਨਾ • 1. Saṅghabhedakasuttavaṇṇanā
