| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. д̇ад̇ияабхаан̣авааро
3. Tatiyabhāṇavāro
сан̇гхабхзд̣̇агат̇аа
Saṅghabhedakathā
344. ат̇а ко д̣̇звад̣̇ад̇д̇о д̇ад̣̇ахубосат̇з удтааяаасанаа салаагам̣ г̇аахзси – ‘‘маяам̣, аавусо, саман̣ам̣ г̇од̇амам̣ убасан̇гамид̇ваа бан̃жа вад̇т̇ууни яаажимхаа – ‘бхаг̇аваа, бханд̇з, анзгабарияааязна аббижчасса…бз… вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа…бз… вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа…бз… яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’д̇и. имаани бан̃жа вад̇т̇ууни саман̣о г̇од̇амо наануж̇аанаад̇и. д̇з маяам̣ имзхи бан̃жахи вад̇т̇уухи самаад̣̇ааяа вад̇д̇аама. яассааяасмад̇о имаани бан̃жа вад̇т̇ууни каманд̇и, со салаагам̣ г̇ан̣хаад̇уу’’д̇и.
344. Atha kho devadatto tadahuposathe uṭṭhāyāsanā salākaṃ gāhesi – ‘‘mayaṃ, āvuso, samaṇaṃ gotamaṃ upasaṅkamitvā pañca vatthūni yācimhā – ‘bhagavā, bhante, anekapariyāyena appicchassa…pe… vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya…pe… vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya…pe… yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’ti. Imāni pañca vatthūni samaṇo gotamo nānujānāti. Te mayaṃ imehi pañcahi vatthūhi samādāya vattāma. Yassāyasmato imāni pañca vatthūni khamanti, so salākaṃ gaṇhātū’’ti.
д̇зна ко бана самаязна взсаалигаа важ̇ж̇ибуд̇д̇агаа бан̃жамад̇д̇аани бхигкусад̇аани навагаа жзва хонд̇и аббагад̇ан̃н̃уно жа. д̇з – ‘аяам̣ д̇хаммо , аяам̣ винаяо, ид̣̇ам̣ сад̇т̇усаасана’нд̇и – салаагам̣ г̇ан̣хим̣су. ат̇а ко д̣̇звад̣̇ад̇д̇о сан̇гхам̣ бхинд̣̇ид̇ваа бан̃жамад̇д̇аани бхигкусад̇аани аад̣̇ааяа язна г̇аяаасийсам̣ д̇зна баггаами. ат̇а ко саарибуд̇д̇амог̇г̇аллаанаа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘д̣̇звад̣̇ад̇д̇о, бханд̇з, сан̇гхам̣ бхинд̣̇ид̇ваа бан̃жамад̇д̇аани бхигкусад̇аани аад̣̇ааяа язна г̇аяаасийсам̣ д̇зна багганд̇о’’д̇и. ‘‘на хи наама д̇умхаагам̣, саарибуд̇д̇аа, д̇зсу навагзсу бхигкуусу гаарун̃н̃амби бхависсад̇и? г̇ажчат̇а д̇умхз, саарибуд̇д̇аа, бураа д̇з бхигкуу анаяаб̣яасанам̣ аабаж̇ж̇анд̇ий’’д̇и. ‘‘звам̣ бханд̇з’’д̇и ко саарибуд̇д̇амог̇г̇аллаанаа бхаг̇авад̇о бадиссуд̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна г̇аяаасийсам̣ д̇знубасан̇гамим̣су.
Tena kho pana samayena vesālikā vajjiputtakā pañcamattāni bhikkhusatāni navakā ceva honti appakataññuno ca. Te – ‘ayaṃ dhammo , ayaṃ vinayo, idaṃ satthusāsana’nti – salākaṃ gaṇhiṃsu. Atha kho devadatto saṅghaṃ bhinditvā pañcamattāni bhikkhusatāni ādāya yena gayāsīsaṃ tena pakkāmi. Atha kho sāriputtamoggallānā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā sāriputto bhagavantaṃ etadavoca – ‘‘devadatto, bhante, saṅghaṃ bhinditvā pañcamattāni bhikkhusatāni ādāya yena gayāsīsaṃ tena pakkanto’’ti. ‘‘Na hi nāma tumhākaṃ, sāriputtā, tesu navakesu bhikkhūsu kāruññampi bhavissati? Gacchatha tumhe, sāriputtā, purā te bhikkhū anayabyasanaṃ āpajjantī’’ti. ‘‘Evaṃ bhante’’ti kho sāriputtamoggallānā bhagavato paṭissutvā uṭṭhāyāsanā bhagavantaṃ abhivādetvā padakkhiṇaṃ katvā yena gayāsīsaṃ tenupasaṅkamiṃsu.
д̇зна ко бана самаязна ан̃н̃ад̇аро бхигку бхаг̇авад̇о авид̣̇уурз род̣̇амаано тид̇о ход̇и. ат̇а ко бхаг̇аваа д̇ам̣ бхигкум̣ зд̇ад̣̇авожа – ‘‘гисса д̇вам̣, бхигку, род̣̇асий’’д̇и? ‘‘язби д̇з, бханд̇з, бхаг̇авад̇о аг̇г̇асаавагаа саарибуд̇д̇амог̇г̇аллаанаа д̇зби д̣̇звад̣̇ад̇д̇асса санд̇игз г̇ажчанд̇и д̣̇звад̣̇ад̇д̇асса д̇хаммам̣ рожзнд̇аа’’д̇и. ‘‘адтаанамзд̇ам̣, бхигку, анавагаасо, яам̣ саарибуд̇д̇амог̇г̇аллаанаа д̣̇звад̣̇ад̇д̇асса д̇хаммам̣ рожзяяум̣, аби жа д̇з г̇ад̇аа бхигкуунам̣ сан̃н̃ад̇д̇ияаа’’д̇и 1.
Tena kho pana samayena aññataro bhikkhu bhagavato avidūre rodamāno ṭhito hoti. Atha kho bhagavā taṃ bhikkhuṃ etadavoca – ‘‘kissa tvaṃ, bhikkhu, rodasī’’ti? ‘‘Yepi te, bhante, bhagavato aggasāvakā sāriputtamoggallānā tepi devadattassa santike gacchanti devadattassa dhammaṃ rocentā’’ti. ‘‘Aṭṭhānametaṃ, bhikkhu, anavakāso, yaṃ sāriputtamoggallānā devadattassa dhammaṃ roceyyuṃ, api ca te gatā bhikkhūnaṃ saññattiyā’’ti 2.
345. д̇зна ко бана самаязна д̣̇звад̣̇ад̇д̇о махад̇ияаа барисааяа баривуд̇д̇о д̇хаммам̣ д̣̇зсзнд̇о нисинно ход̇и. ад̣̇д̣̇асаа ко д̣̇звад̣̇ад̇д̇о саарибуд̇д̇амог̇г̇аллаанз д̣̇уурад̇ова ааг̇ажчанд̇з. д̣̇исваана бхигкуу ааманд̇зси – ‘‘бассат̇а, бхигкавз, яаава сваагкаад̇о маяаа д̇хаммо, язби д̇з саман̣асса г̇од̇амасса аг̇г̇асаавагаа саарибуд̇д̇амог̇г̇аллаанаа д̇зби мама санд̇игз ааг̇ажчанд̇и. мама д̇хаммам̣ рожзнд̇аа’’д̇и. звам̣ вуд̇д̇з гогаалиго д̣̇звад̣̇ад̇д̇ам̣ зд̇ад̣̇авожа – ‘‘маа, аавусо д̣̇звад̣̇ад̇д̇а, саарибуд̇д̇амог̇г̇аллаанз виссаси . баабижчаа саарибуд̇д̇амог̇г̇аллаанаа , баабигаанам̣ ижчаанам̣ васам̣ г̇ад̇аа’’д̇и. ‘‘алам̣, аавусо. свааг̇ад̇ам̣ д̇зсам̣ яад̇о мз д̇хаммам̣ рожзнд̇ий’’д̇и.
345. Tena kho pana samayena devadatto mahatiyā parisāya parivutto dhammaṃ desento nisinno hoti. Addasā kho devadatto sāriputtamoggallāne dūratova āgacchante. Disvāna bhikkhū āmantesi – ‘‘passatha, bhikkhave, yāva svākkhāto mayā dhammo, yepi te samaṇassa gotamassa aggasāvakā sāriputtamoggallānā tepi mama santike āgacchanti. Mama dhammaṃ rocentā’’ti. Evaṃ vutte kokāliko devadattaṃ etadavoca – ‘‘mā, āvuso devadatta, sāriputtamoggallāne vissasi . Pāpicchā sāriputtamoggallānā , pāpikānaṃ icchānaṃ vasaṃ gatā’’ti. ‘‘Alaṃ, āvuso. Svāgataṃ tesaṃ yato me dhammaṃ rocentī’’ti.
ат̇а ко д̣̇звад̣̇ад̇д̇о ааяасманд̇ам̣ саарибуд̇д̇ам̣ убад̣дхаасанзна ниманд̇зси – ‘‘зхаавусо саарибуд̇д̇а, ид̇ха нисийд̣̇аахий’’д̇и. ‘‘алам̣ аавусо’’д̇и ко ааяасмаа саарибуд̇д̇о ан̃н̃ад̇арам̣ аасанам̣ г̇ахзд̇ваа згаманд̇ам̣ нисийд̣̇и. ааяасмааби ко махаамог̇г̇аллаано ан̃н̃ад̇арам̣ аасанам̣ г̇ахзд̇ваа згаманд̇ам̣ нисийд̣̇и. ат̇а ко д̣̇звад̣̇ад̇д̇о б̣ахуд̣̇зва рад̇д̇им̣ бхигкуу д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа ааяасманд̇ам̣ саарибуд̇д̇ам̣ аж̇жхзси – ‘‘виг̇ад̇ат̇инамид̣̇д̇хо ко, аавусо саарибуд̇д̇а, бхигкусан̇гхо. бадибхаад̇у д̇ам̣, аавусо саарибуд̇д̇а, бхигкуунам̣ д̇хаммий гат̇аа, бидти мз ааг̇илааяад̇и, д̇амахам̣ ааяамиссаамий’’д̇и. ‘‘звамаавусо’’д̇и ко ааяасмаа саарибуд̇д̇о д̣̇звад̣̇ад̇д̇асса бажжассоси. ат̇а ко д̣̇звад̣̇ад̇д̇о жад̇уг̇г̇ун̣ам̣ сан̇гхаадим̣ бан̃н̃аабзд̇ваа д̣̇агкин̣зна бассзна сзяяам̣ габбзси. д̇асса гиламанд̇асса мудтассад̇исса асамбаж̇аанасса мухуд̇д̇агзнзва нид̣̇д̣̇аа оггами.
Atha kho devadatto āyasmantaṃ sāriputtaṃ upaḍḍhāsanena nimantesi – ‘‘ehāvuso sāriputta, idha nisīdāhī’’ti. ‘‘Alaṃ āvuso’’ti kho āyasmā sāriputto aññataraṃ āsanaṃ gahetvā ekamantaṃ nisīdi. Āyasmāpi kho mahāmoggallāno aññataraṃ āsanaṃ gahetvā ekamantaṃ nisīdi. Atha kho devadatto bahudeva rattiṃ bhikkhū dhammiyā kathāya sandassetvā samādapetvā samuttejetvā sampahaṃsetvā āyasmantaṃ sāriputtaṃ ajjhesi – ‘‘vigatathinamiddho kho, āvuso sāriputta, bhikkhusaṅgho. Paṭibhātu taṃ, āvuso sāriputta, bhikkhūnaṃ dhammī kathā, piṭṭhi me āgilāyati, tamahaṃ āyamissāmī’’ti. ‘‘Evamāvuso’’ti kho āyasmā sāriputto devadattassa paccassosi. Atha kho devadatto catugguṇaṃ saṅghāṭiṃ paññāpetvā dakkhiṇena passena seyyaṃ kappesi. Tassa kilamantassa muṭṭhassatissa asampajānassa muhuttakeneva niddā okkami.
ат̇а ко ааяасмаа саарибуд̇д̇о аад̣̇зсанаабаадихаарияаанусаасанияаа бхигкуу д̇хаммияаа гат̇ааяа овад̣̇и анусааси. ааяасмаа махаамог̇г̇аллаано ид̣̇д̇хибаадихаарияаанусаасанияаа бхигкуу д̇хаммияаа гат̇ааяа овад̣̇и анусааси. ат̇а ко д̇зсам̣ бхигкуунам̣ ааяасмад̇аа саарибуд̇д̇зна аад̣̇зсанаабаадихаарияаанусаасанияаа ааяасмад̇аа жа махаамог̇г̇аллаанзна ид̣̇д̇хибаадихаарияаанусаасанияаа овад̣̇ияамаанаанам̣ анусаасияамаанаанам̣ вираж̇ам̣ вийд̇амалам̣ д̇хаммажагкум̣ уд̣̇абаад̣̇и – яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамманд̇и.
Atha kho āyasmā sāriputto ādesanāpāṭihāriyānusāsaniyā bhikkhū dhammiyā kathāya ovadi anusāsi. Āyasmā mahāmoggallāno iddhipāṭihāriyānusāsaniyā bhikkhū dhammiyā kathāya ovadi anusāsi. Atha kho tesaṃ bhikkhūnaṃ āyasmatā sāriputtena ādesanāpāṭihāriyānusāsaniyā āyasmatā ca mahāmoggallānena iddhipāṭihāriyānusāsaniyā ovadiyamānānaṃ anusāsiyamānānaṃ virajaṃ vītamalaṃ dhammacakkhuṃ udapādi – yaṃ kiñci samudayadhammaṃ, sabbaṃ taṃ nirodhadhammanti.
ат̇а ко ааяасмаа саарибуд̇д̇о бхигкуу ааманд̇зси – ‘‘г̇ажчаама маяам̣, аавусо, бхаг̇авад̇о санд̇игз. яо д̇асса бхаг̇авад̇о д̇хаммам̣ рожзси со ааг̇ажчад̇уу’’д̇и. ат̇а ко саарибуд̇д̇амог̇г̇аллаанаа д̇аани бан̃жабхигкусад̇аани аад̣̇ааяа язна взл̣уванам̣ д̇знубасан̇гамим̣су. ат̇а ко гогаалиго д̣̇звад̣̇ад̇д̇ам̣ удтаабзси – ‘‘удтзхи, аавусо д̣̇звад̣̇ад̇д̇а, нийд̇аа д̇з бхигкуу саарибуд̇д̇амог̇г̇аллаанзхи. нану д̇вам̣, аавусо д̣̇звад̣̇ад̇д̇а, маяаа вуд̇д̇о – ‘маа, аавусо д̣̇звад̣̇ад̇д̇а, саарибуд̇д̇амог̇г̇аллаанз виссааси. баабижчаа саарибуд̇д̇амог̇г̇аллаанаа, баабигаанам̣ ижчаанам̣ васам̣ г̇ад̇аа’’’д̇и? ат̇а ко д̣̇звад̣̇ад̇д̇асса д̇ад̇т̇зва ун̣хам̣ лохид̇ам̣ мукад̇о уг̇г̇ан̃чи.
Atha kho āyasmā sāriputto bhikkhū āmantesi – ‘‘gacchāma mayaṃ, āvuso, bhagavato santike. Yo tassa bhagavato dhammaṃ rocesi so āgacchatū’’ti. Atha kho sāriputtamoggallānā tāni pañcabhikkhusatāni ādāya yena veḷuvanaṃ tenupasaṅkamiṃsu. Atha kho kokāliko devadattaṃ uṭṭhāpesi – ‘‘uṭṭhehi, āvuso devadatta, nītā te bhikkhū sāriputtamoggallānehi. Nanu tvaṃ, āvuso devadatta, mayā vutto – ‘mā, āvuso devadatta, sāriputtamoggallāne vissāsi. Pāpicchā sāriputtamoggallānā, pāpikānaṃ icchānaṃ vasaṃ gatā’’’ti? Atha kho devadattassa tattheva uṇhaṃ lohitaṃ mukhato uggañchi.
ат̇а ко саарибуд̇д̇амог̇г̇аллаанаа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇исум̣. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘саад̇ху, бханд̇з , бхзд̣̇агаанувад̇д̇агаа бхигкуу буна убасамбаж̇ж̇зяяу’’нд̇и. ‘‘алам̣, саарибуд̇д̇а. маа д̇з ружжи бхзд̣̇агаанувад̇д̇агаанам̣ бхигкуунам̣ буна убасамбад̣̇аа. д̇зна хи д̇вам̣, саарибуд̇д̇а, бхзд̣̇агаанувад̇д̇агз бхигкуу т̇уллажжаяам̣ д̣̇зсаабзхи. гат̇ам̣ бана д̇з, саарибуд̇д̇а, д̣̇звад̣̇ад̇д̇о бадибаж̇ж̇ий’’д̇и? ‘‘яат̇зва, бханд̇з, бхаг̇аваа б̣ахуд̣̇зва рад̇д̇им̣ бхигкуу д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа мам̣ аж̇жхзсад̇и – ‘виг̇ад̇ат̇инамид̣̇д̇хо ко , саарибуд̇д̇а, бхигкусан̇гхо; бадибхаад̇у д̇ам̣, саарибуд̇д̇а, бхигкуунам̣ д̇хаммий гат̇аа, бидти мз ааг̇илааяад̇и, д̇амахам̣ ааяамиссаамий’д̇и, звамзва ко, бханд̇з, д̣̇звад̣̇ад̇д̇о бадибаж̇ж̇ий’’д̇и.
Atha kho sāriputtamoggallānā yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdisuṃ. Ekamantaṃ nisinno kho āyasmā sāriputto bhagavantaṃ etadavoca – ‘‘sādhu, bhante , bhedakānuvattakā bhikkhū puna upasampajjeyyu’’nti. ‘‘Alaṃ, sāriputta. Mā te rucci bhedakānuvattakānaṃ bhikkhūnaṃ puna upasampadā. Tena hi tvaṃ, sāriputta, bhedakānuvattake bhikkhū thullaccayaṃ desāpehi. Kathaṃ pana te, sāriputta, devadatto paṭipajjī’’ti? ‘‘Yatheva, bhante, bhagavā bahudeva rattiṃ bhikkhū dhammiyā kathāya sandassetvā samādapetvā samuttejetvā sampahaṃsetvā maṃ ajjhesati – ‘vigatathinamiddho kho , sāriputta, bhikkhusaṅgho; paṭibhātu taṃ, sāriputta, bhikkhūnaṃ dhammī kathā, piṭṭhi me āgilāyati, tamahaṃ āyamissāmī’ti, evameva kho, bhante, devadatto paṭipajjī’’ti.
346. ат̇а ко бхаг̇аваа бхигкуу ааманд̇зси – ‘‘бхууд̇абуб̣б̣ам̣, бхигкавз, аран̃н̃ааяад̇анз махаасарасий. д̇ам̣ нааг̇аа убаниссааяа вихарим̣су. д̇з д̇ам̣ сарасим̣ ог̇аахзд̇ваа, сон̣д̣ааяа бхисамул̣аалам̣ аб̣б̣ухид̇ваа, сувигкаалид̇ам̣ вигкаалзд̇ваа, агад̣̇д̣̇амам̣ сан̇каад̣̇ид̇ваа, аж̇жхохаранд̇и. д̇зсам̣ д̇ам̣ ван̣н̣ааяа жзва ход̇и, б̣алааяа жа. на жа д̇ад̇онид̣̇аанам̣ маран̣ам̣ ваа ниг̇ажчанд̇и, маран̣амад̇д̇ам̣ ваа д̣̇угкам̣. д̇зсам̣язва ко бана, бхигкавз, махаанааг̇аанам̣ анусигкамаанаа д̇арун̣аа бхин̇гажчаабаа. д̇з д̇ам̣ сарасим̣ ог̇аахзд̇ваа, сон̣д̣ааяа бхисамул̣аалам̣ аб̣б̣ухид̇ваа, на сувигкаалид̇ам̣ вигкаалзд̇ваа, сагад̣̇д̣̇амам̣ сан̇каад̣̇ид̇ваа, аж̇жхохаранд̇и. д̇зсам̣ д̇ам̣ нзва ван̣н̣ааяа ход̇и, на б̣алааяа. д̇ад̇онид̣̇аанан̃жа маран̣ам̣ ваа ниг̇ажчанд̇и, маран̣амад̇д̇ам̣ ваа д̣̇угкам̣. звамзва ко, бхигкавз, д̣̇звад̣̇ад̇д̇о мамаанугруб̣б̣ам̣ 3 габан̣о мариссад̇ийд̇и.
346. Atha kho bhagavā bhikkhū āmantesi – ‘‘bhūtapubbaṃ, bhikkhave, araññāyatane mahāsarasī. Taṃ nāgā upanissāya vihariṃsu. Te taṃ sarasiṃ ogāhetvā, soṇḍāya bhisamuḷālaṃ abbuhitvā, suvikkhālitaṃ vikkhāletvā, akaddamaṃ saṅkhāditvā, ajjhoharanti. Tesaṃ taṃ vaṇṇāya ceva hoti, balāya ca. Na ca tatonidānaṃ maraṇaṃ vā nigacchanti, maraṇamattaṃ vā dukkhaṃ. Tesaṃyeva kho pana, bhikkhave, mahānāgānaṃ anusikkhamānā taruṇā bhiṅkacchāpā. Te taṃ sarasiṃ ogāhetvā, soṇḍāya bhisamuḷālaṃ abbuhitvā, na suvikkhālitaṃ vikkhāletvā, sakaddamaṃ saṅkhāditvā, ajjhoharanti. Tesaṃ taṃ neva vaṇṇāya hoti, na balāya. Tatonidānañca maraṇaṃ vā nigacchanti, maraṇamattaṃ vā dukkhaṃ. Evameva kho, bhikkhave, devadatto mamānukrubbaṃ 4 kapaṇo marissatīti.
бхин̇гова бан̇гам̣ абхибхагкаяид̇ваа, мамаанугруб̣б̣ам̣ габан̣о мариссад̇ий’’д̇и.
Bhiṅkova paṅkaṃ abhibhakkhayitvā, mamānukrubbaṃ kapaṇo marissatī’’ti.
347. 9 ‘‘адтахи, бхигкавз, ан̇г̇зхи саманнааг̇ад̇о бхигку д̣̇ууд̇зяяам̣ г̇анд̇умарахад̇и. гад̇амзхи адтахи? ид̇ха, бхигкавз, бхигку сод̇аа жа ход̇и, саавзд̇аа жа, уг̇г̇ахзд̇аа жа, д̇хаарзд̇аа жа, вин̃н̃аад̇аа жа, вин̃н̃аабзд̇аа жа, гусало жа сахид̇аасахид̇асса, но жа галахагаараго – имзхи ко, бхигкавз, адтахан̇г̇зхи саманнааг̇ад̇о бхигку д̣̇ууд̇зяяам̣ г̇анд̇умарахад̇и.
347.10 ‘‘Aṭṭhahi, bhikkhave, aṅgehi samannāgato bhikkhu dūteyyaṃ gantumarahati. Katamehi aṭṭhahi? Idha, bhikkhave, bhikkhu sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako – imehi kho, bhikkhave, aṭṭhahaṅgehi samannāgato bhikkhu dūteyyaṃ gantumarahati.
11 ‘‘адтахи , бхигкавз, ан̇г̇зхи саманнааг̇ад̇о саарибуд̇д̇о д̣̇ууд̇зяяам̣ г̇анд̇умарахад̇и. гад̇амзхи адтахи? ид̇ха, бхигкавз, саарибуд̇д̇о сод̇аа жа ход̇и, саавзд̇аа жа, уг̇г̇ахзд̇аа жа, д̇хаарзд̇аа жа, вин̃н̃аад̇аа жа, вин̃н̃аабзд̇аа жа, гусало жа сахид̇аасахид̇асса, но жа галахагаараго – имзхи ко, бхигкавз, адтахан̇г̇зхи саманнааг̇ад̇о саарибуд̇д̇о д̣̇ууд̇зяяам̣ г̇анд̇умарахад̇ийд̇и.
12 ‘‘Aṭṭhahi , bhikkhave, aṅgehi samannāgato sāriputto dūteyyaṃ gantumarahati. Katamehi aṭṭhahi? Idha, bhikkhave, sāriputto sotā ca hoti, sāvetā ca, uggahetā ca, dhāretā ca, viññātā ca, viññāpetā ca, kusalo ca sahitāsahitassa, no ca kalahakārako – imehi kho, bhikkhave, aṭṭhahaṅgehi samannāgato sāriputto dūteyyaṃ gantumarahatīti.
на жа хаабзд̇и важанам̣, на жа чаад̣̇зд̇и саасанам̣.
Na ca hāpeti vacanaṃ, na ca chādeti sāsanaṃ.
‘‘асанд̣̇ид̣̇д̇хо жа агкаад̇и 17, бужчид̇о жа на губбад̇и;
‘‘Asandiddho ca akkhāti 18, pucchito ca na kuppati;
са вз д̇аад̣̇исаго бхигку, д̣̇ууд̇зяяам̣ г̇анд̇умарахад̇ий’’д̇и.
Sa ve tādisako bhikkhu, dūteyyaṃ gantumarahatī’’ti.
348. 19 ‘‘адтахи, бхигкавз, асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо. гад̇амзхи адтахи ? лаабхзна, бхигкавз, абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо; алаабхзна, бхигкавз…бз… яасзна, бхигкавз…бз… аяасзна, бхигкавз…бз… саггаарзна, бхигкавз…бз… асаггаарзна, бхигкавз…бз… баабижчад̇ааяа, бхигкавз…бз… баабамид̇д̇ад̇ааяа бхигкавз, абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо – имзхи ко, бхигкавз, адтахи асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо.
348.20 ‘‘Aṭṭhahi, bhikkhave, asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho. Katamehi aṭṭhahi ? Lābhena, bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho; alābhena, bhikkhave…pe… yasena, bhikkhave…pe… ayasena, bhikkhave…pe… sakkārena, bhikkhave…pe… asakkārena, bhikkhave…pe… pāpicchatāya, bhikkhave…pe… pāpamittatāya bhikkhave, abhibhūto pariyādinnacitto devadatto āpāyiko nerayiko kappaṭṭho atekiccho – imehi kho, bhikkhave, aṭṭhahi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho.
349. ‘‘саад̇ху, бхигкавз, бхигку уббаннам̣ лаабхам̣ абхибхуяяа абхибхуяяа вихарзяяа, уббаннам̣ алаабхам̣…бз… уббаннам̣ яасам̣… уббаннам̣ аяасам̣… уббаннам̣ саггаарам̣… уббаннам̣ асаггаарам̣… уббаннам̣ баабижчад̇ам̣… уббаннам̣ баабамид̇д̇ад̇ам̣ абхибхуяяа абхибхуяяа вихарзяяа. гат̇ан̃жа, бхигкавз, бхигку ад̇т̇авасам̣ бадижжа уббаннам̣ лаабхам̣ абхибхуяяа абхибхуяяа вихарзяяа, уббаннам̣ алаабхам̣…бз… уббаннам̣ яасам̣… уббаннам̣ аяасам̣… уббаннам̣ саггаарам̣… уббаннам̣ асаггаарам̣… уббаннам̣ баабижчад̇ам̣… уббаннам̣ баабамид̇д̇ад̇ам̣ абхибхуяяа абхибхуяяа вихарзяяа? яам̣ хисса, бхигкавз, уббаннам̣ лаабхам̣ анабхибхуяяа вихарад̇о уббаж̇ж̇зяяум̣ аасаваа вигхаад̇абарил̣аахаа, уббаннам̣ лаабхам̣ абхибхуяяа абхибхуяяа вихарад̇о звам̣сад̇з аасаваа вигхаад̇абарил̣аахаа на хонд̇и. яам̣ хисса, бхигкавз, уббаннам̣ алаабхам̣…бз… уббаннам̣ яасам̣… уббаннам̣ аяасам̣… уббаннам̣ саггаарам̣… уббаннам̣ асаггаарам̣… уббаннам̣ баабижчад̇ам̣… уббаннам̣ баабамид̇д̇ад̇ам̣ анабхибхуяяа вихарад̇о уббаж̇ж̇зяяум̣ аасаваа вигхаад̇абарил̣аахаа, уббаннам̣ баабамид̇д̇ад̇ам̣ абхибхуяяа абхибхуяяа вихарад̇о звам̣сад̇з аасаваа вигхаад̇абарил̣аахаа на хонд̇и. ид̣̇ам̣ ко, бхигкавз, ад̇т̇авасам̣ бадижжа уббаннам̣ лаабхам̣ абхибхуяяа абхибхуяяа вихарзяяа, уббаннам̣ алаабхам̣…бз… уббаннам̣ яасам̣… уббаннам̣ аяасам̣… уббаннам̣ саггаарам̣… уббаннам̣ асаггаарам̣… уббаннам̣ баабижчад̇ам̣… уббаннам̣ баабамид̇д̇ад̇ам̣ абхибхуяяа абхибхуяяа вихарзяяа. д̇асмаад̇иха, бхигкавз, уббаннам̣ лаабхам̣ абхибхуяяа абхибхуяяа вихариссаама, уббаннам̣ алаабхам̣…бз… уббаннам̣ яасам̣… уббаннам̣ аяасам̣… уббаннам̣ саггаарам̣… уббаннам̣ асаггаарам̣… уббаннам̣ баабижчад̇ам̣… уббаннам̣ баабамид̇д̇ад̇ам̣ абхибхуяяа абхибхуяяа вихариссаамаад̇и; зван̃хи во, бхигкавз, сигкид̇аб̣б̣анд̇и.
349. ‘‘Sādhu, bhikkhave, bhikkhu uppannaṃ lābhaṃ abhibhuyya abhibhuyya vihareyya, uppannaṃ alābhaṃ…pe… uppannaṃ yasaṃ… uppannaṃ ayasaṃ… uppannaṃ sakkāraṃ… uppannaṃ asakkāraṃ… uppannaṃ pāpicchataṃ… uppannaṃ pāpamittataṃ abhibhuyya abhibhuyya vihareyya. Kathañca, bhikkhave, bhikkhu atthavasaṃ paṭicca uppannaṃ lābhaṃ abhibhuyya abhibhuyya vihareyya, uppannaṃ alābhaṃ…pe… uppannaṃ yasaṃ… uppannaṃ ayasaṃ… uppannaṃ sakkāraṃ… uppannaṃ asakkāraṃ… uppannaṃ pāpicchataṃ… uppannaṃ pāpamittataṃ abhibhuyya abhibhuyya vihareyya? Yaṃ hissa, bhikkhave, uppannaṃ lābhaṃ anabhibhuyya viharato uppajjeyyuṃ āsavā vighātapariḷāhā, uppannaṃ lābhaṃ abhibhuyya abhibhuyya viharato evaṃsate āsavā vighātapariḷāhā na honti. Yaṃ hissa, bhikkhave, uppannaṃ alābhaṃ…pe… uppannaṃ yasaṃ… uppannaṃ ayasaṃ… uppannaṃ sakkāraṃ… uppannaṃ asakkāraṃ… uppannaṃ pāpicchataṃ… uppannaṃ pāpamittataṃ anabhibhuyya viharato uppajjeyyuṃ āsavā vighātapariḷāhā, uppannaṃ pāpamittataṃ abhibhuyya abhibhuyya viharato evaṃsate āsavā vighātapariḷāhā na honti. Idaṃ kho, bhikkhave, atthavasaṃ paṭicca uppannaṃ lābhaṃ abhibhuyya abhibhuyya vihareyya, uppannaṃ alābhaṃ…pe… uppannaṃ yasaṃ… uppannaṃ ayasaṃ… uppannaṃ sakkāraṃ… uppannaṃ asakkāraṃ… uppannaṃ pāpicchataṃ… uppannaṃ pāpamittataṃ abhibhuyya abhibhuyya vihareyya. Tasmātiha, bhikkhave, uppannaṃ lābhaṃ abhibhuyya abhibhuyya viharissāma, uppannaṃ alābhaṃ…pe… uppannaṃ yasaṃ… uppannaṃ ayasaṃ… uppannaṃ sakkāraṃ… uppannaṃ asakkāraṃ… uppannaṃ pāpicchataṃ… uppannaṃ pāpamittataṃ abhibhuyya abhibhuyya viharissāmāti; evañhi vo, bhikkhave, sikkhitabbanti.
350. ‘‘д̇ийхи, бхигкавз, асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо. гад̇амзхи д̇ийхи? баабижчад̇аа, баабамид̇д̇ад̇аа, орамад̇д̇агзна висзсаад̇хиг̇амзна анд̇араа восаанам̣ аабаад̣̇и – имзхи ко, бхигкавз, д̇ийхи асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчод̇и.
350. ‘‘Tīhi, bhikkhave, asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho. Katamehi tīhi? Pāpicchatā, pāpamittatā, oramattakena visesādhigamena antarā vosānaṃ āpādi – imehi kho, bhikkhave, tīhi asaddhammehi abhibhūto pariyādinnacitto devadatto āpāyiko nerayiko kappaṭṭho atekicchoti.
‘‘маа ж̇аад̇у гожи логасмим̣, баабижчо уд̣̇абаж̇ж̇ат̇а;
‘‘Mā jātu koci lokasmiṃ, pāpiccho udapajjatha;
д̇ад̣̇аминааби ж̇аанаат̇а, баабижчаанам̣ яат̇ааг̇ад̇и.
Tadamināpi jānātha, pāpicchānaṃ yathāgati.
‘‘бан̣д̣ид̇од̇и саман̃н̃аад̇о, бхаавид̇ад̇д̇од̇и саммад̇о;
‘‘Paṇḍitoti samaññāto, bhāvitattoti sammato;
ж̇алам̣ва яасасаа адтаа, д̣̇звад̣̇ад̇д̇од̇и мз суд̇ам̣.
Jalaṃva yasasā aṭṭhā, devadattoti me sutaṃ.
‘‘со бамаад̣̇ам̣ анужин̣н̣о, аасаж̇ж̇а нам̣ д̇ат̇ааг̇ад̇ам̣;
‘‘So pamādaṃ anuciṇṇo, āsajja naṃ tathāgataṃ;
авийжинираяам̣ бад̇д̇о, жад̇уд̣̇ваарам̣ бхаяаанагам̣.
Avīcinirayaṃ patto, catudvāraṃ bhayānakaṃ.
‘‘ад̣̇удтасса хи яо д̣̇уб̣бхз, баабагаммам̣ агруб̣б̣ад̇о;
‘‘Aduṭṭhassa hi yo dubbhe, pāpakammaṃ akrubbato;
д̇амзва баабам̣ пусад̇и, д̣̇удтажид̇д̇ам̣ анаад̣̇арам̣.
Tameva pāpaṃ phusati, duṭṭhacittaṃ anādaraṃ.
‘‘самуд̣̇д̣̇ам̣ висагумбхзна, яо ман̃н̃зяяа бад̣̇уусид̇ум̣ 21;
‘‘Samuddaṃ visakumbhena, yo maññeyya padūsituṃ 22;
на со д̇зна бад̣̇уусзяяа, бхзсмаа хи уд̣̇ад̇хий махаа.
Na so tena padūseyya, bhesmā hi udadhī mahā.
‘‘звамзва д̇ат̇ааг̇ад̇ам̣, яо ваад̣̇знубахим̣сад̇и;
‘‘Evameva tathāgataṃ, yo vādenupahiṃsati;
самаг̇г̇ад̇ам̣ 23 санд̇ажид̇д̇ам̣, ваад̣̇о д̇амхи на руухад̇и.
Samaggataṃ 24 santacittaṃ, vādo tamhi na rūhati.
‘‘д̇аад̣̇исам̣ мид̇д̇ам̣ груб̣б̣зт̇а 25, д̇ан̃жа сзвзт̇а бан̣д̣ид̇о;
‘‘Tādisaṃ mittaṃ krubbetha 26, tañca sevetha paṇḍito;
яасса маг̇г̇аануг̇о бхигку, каяам̣ д̣̇угкасса баабун̣з’’д̇и.
Yassa maggānugo bhikkhu, khayaṃ dukkhassa pāpuṇe’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сан̇гхабхзд̣̇агагат̇аа • Saṅghabhedakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхабхзд̣̇агат̇ааван̣н̣анаа • Saṅghabhedakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сан̇гхабхзд̣̇агагат̇ааван̣н̣анаа • Saṅghabhedakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сан̇гхабхзд̣̇агат̇аа • Saṅghabhedakathā
