| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
сан̇гхабхзд̣̇агат̇аа
Saṅghabhedakathā
344. сод̇и д̣̇звад̣̇ад̇д̇о, г̇ад̇о гираад̇и самб̣анд̇хо. д̇ад̇т̇зваад̇и вихаарасиймааяамзва. аавзн̣иганд̇и бхигкусан̇гхад̇о аавзн̣игам̣.
344.Soti devadatto, gato kirāti sambandho. Tatthevāti vihārasīmāyameva. Āveṇikanti bhikkhusaṅghato āveṇikaṃ.
345. ааг̇илааяад̇ийд̇и зд̇т̇а аад̇яуубасаг̇г̇о абхибхаванад̇т̇о, г̇илзд̇хаад̇у б̣аад̇ханад̇т̇од̇и ааха ‘‘взд̣̇анаабхибхууд̇аа б̣аад̇хад̇ий’’д̇и. д̇анд̇и бидтим̣. барасса жид̇д̇ам̣ аад̣̇исид̇ваа д̣̇зсаяад̇и зд̇ааяаад̇и аад̣̇зсанаа, саа зва баадихаарияам̣ аад̣̇зсанаабаадихаарияам̣. анусаасад̇и зд̇ааяаад̇и анусаасаний, имамзвад̇т̇ам̣ д̣̇ассзнд̇о ааха ‘‘звамби д̇з’’д̇иаад̣̇и.
345.Āgilāyatīti ettha ātyūpasaggo abhibhavanattho, giledhātu bādhanatthoti āha ‘‘vedanābhibhūtā bādhatī’’ti. Tanti piṭṭhiṃ. Parassa cittaṃ ādisitvā desayati etāyāti ādesanā, sā eva pāṭihāriyaṃ ādesanāpāṭihāriyaṃ. Anusāsati etāyāti anusāsanī, imamevatthaṃ dassento āha ‘‘evampi te’’tiādi.
346. мамаанугруб̣б̣анд̇и зд̇т̇а ануд̇яуубасаг̇г̇о анугирияад̇т̇о гарад̇хаад̇у анд̇абажжаяо г̇ажчанд̇аад̣̇иг̇ан̣од̇и д̣̇ассзнд̇о ааха ‘‘мамаанугирияам̣ гурумаано’’д̇и. ‘‘д̣̇угкид̇о’’д̇и иминаа габан̣од̇и зд̇т̇а габад̇хаад̇у хим̣санад̇т̇од̇и д̣̇ассзд̇и. махаавараахассаад̇и вараахасад̣̇д̣̇асса суугарад̇т̇ам̣ бадигкибанд̇о ааха ‘‘махаанааг̇ассаа’’д̇и. ‘‘бат̇ави’’нд̇и иминаа махим̣ вигуб̣б̣ад̇од̇и зд̇т̇а махийсад̣̇д̣̇асса звам̣наамагам̣ махаанад̣̇им̣ бадигкибад̇и. ‘‘бад̣̇аалзнд̇ассаа’’д̇и иминаа гарад̇хаад̇уяаа вид̇яуубасаг̇г̇авасзна бад̣̇ааланад̇т̇ам̣ д̣̇ассзд̇и. бхисам̣ гхасамаанассаад̇и зд̇т̇а маанасад̣̇д̣̇о гад̇вад̇т̇од̇и ааха ‘‘бхисам̣ гхасанд̇ассаа’’д̇и. гхасанд̇ассаад̇и бхагканд̇асса. над̣̇ийнаамагам̣ д̇ам̣ богкаран̣инд̇и яож̇анаа. иминаа над̣̇ийсу ж̇аг̇г̇ад̇од̇и зд̇т̇а над̣̇ий наама богкаран̣ийд̇и д̣̇ассзд̇и. ж̇аг̇г̇ад̇од̇и хад̇т̇ияуут̇ам̣ баалзнд̇асса.
346.Mamānukrubbanti ettha anutyūpasaggo anukiriyattho karadhātu antapaccayo gacchantādigaṇoti dassento āha ‘‘mamānukiriyaṃ kurumāno’’ti. ‘‘Dukkhito’’ti iminā kapaṇoti ettha kapadhātu hiṃsanatthoti dasseti. Mahāvarāhassāti varāhasaddassa sūkaratthaṃ paṭikkhipanto āha ‘‘mahānāgassā’’ti. ‘‘Pathavi’’nti iminā mahiṃ vikubbatoti ettha mahīsaddassa evaṃnāmakaṃ mahānadiṃ paṭikkhipati. ‘‘Padālentassā’’ti iminā karadhātuyā vityūpasaggavasena padālanatthaṃ dasseti. Bhisaṃghasamānassāti ettha mānasaddo katvatthoti āha ‘‘bhisaṃ ghasantassā’’ti. Ghasantassāti bhakkhantassa. Nadīnāmakaṃ taṃ pokkharaṇinti yojanā. Iminā nadīsu jaggatoti ettha nadī nāma pokkharaṇīti dasseti. Jaggatoti hatthiyūthaṃ pālentassa.
347. ‘‘суд̇аад̇и сод̇аа’’д̇и иминаа баал̣ияаа д̣̇вид̇хаабхаавам̣ д̣̇ассзд̇и. ‘‘ниссанд̣̇зхо’’д̇и иминаа асанд̣̇ид̣̇д̇ход̇и зд̇т̇а д̣̇ихад̇хаад̇ум̣ д̣̇ассзд̇и, д̣̇исад̇хаад̇ум̣ нивад̇д̇зд̇и.
347. ‘‘Sutāti sotā’’ti iminā pāḷiyā dvidhābhāvaṃ dasseti. ‘‘Nissandeho’’ti iminā asandiddhoti ettha dihadhātuṃ dasseti, disadhātuṃ nivatteti.
350. б̣уд̣̇д̇хасахассзнабийд̇и бисад̣̇д̣̇о г̇арахад̇т̇о, баг̇зва згзна б̣уд̣̇д̇хзнаад̇и д̣̇ассзд̇и.
350.Buddhasahassenapīti pisaddo garahattho, pageva ekena buddhenāti dasseti.
‘‘сад̇д̇о’’д̇и иминаа гожисад̣̇д̣̇асса бад̇хаанабад̣̇ам̣ д̣̇ассзд̇и. адтаад̇и аакяаад̇абад̣̇асса ад̇т̇ам̣ д̣̇ассзнд̇о ааха ‘‘тид̇о’’д̇и. д̣̇звад̣̇ад̇д̇од̇и мз суд̇анд̇и зд̇т̇а ‘‘мз’’д̇и бад̣̇ам̣ бхаг̇аванд̇ам̣ санд̇хааяа вуд̇д̇анд̇и ааха ‘‘бхаг̇авад̇аа’’д̇и. д̇ад̣̇зваад̇и суд̇амзва. ид̣̇анд̇и ‘‘д̣̇звад̣̇ад̇д̇од̇и мз суд̇а’’нд̇и важанам̣. анужинаад̇ийд̇и анувад̣дхзд̇и. ‘‘бад̇ваа’’д̇и иминаа аасаж̇ж̇ананд̇и зд̇т̇а сад̣̇ад̇хаад̇уяаа г̇ад̇яад̇т̇ам̣, гирияаависзсанан̃жа д̣̇ассзд̇и. авийжинираяам̣ бад̇д̇од̇и зд̇т̇а ид̣̇аани на д̣̇звад̣̇ад̇д̇о авийжинираяам̣ бад̇д̇о ход̇и, ааяад̇им̣ бана авийжинираяз авассамбхаавияад̇д̇аа ‘‘авийжинираяам̣ бад̇д̇о’’д̇и вуд̇д̇анд̇и ааха ‘‘аасам̣сааяам̣ ад̇ийд̇аважана’’нд̇и. аасам̣сааяанд̇и авассамбхаавияад̇т̇з. бхзсмаа хи уд̣̇ад̇хий махаад̇и зд̇т̇а бхзсмаасад̣̇д̣̇о бхаяаанагабарияааяод̇и ааха ‘‘бхаяаанаго’’д̇и.
‘‘Satto’’ti iminā kocisaddassa padhānapadaṃ dasseti. Aṭṭhāti ākhyātapadassa atthaṃ dassento āha ‘‘ṭhito’’ti. Devadattoti me sutanti ettha ‘‘me’’ti padaṃ bhagavantaṃ sandhāya vuttanti āha ‘‘bhagavatā’’ti. Tadevāti sutameva. Idanti ‘‘devadattoti me suta’’nti vacanaṃ. Anucinātīti anuvaḍḍheti. ‘‘Patvā’’ti iminā āsajjananti ettha sadadhātuyā gatyatthaṃ, kiriyāvisesanañca dasseti. Avīcinirayaṃ pattoti ettha idāni na devadatto avīcinirayaṃ patto hoti, āyatiṃ pana avīciniraye avassambhāviyattā ‘‘avīcinirayaṃ patto’’ti vuttanti āha ‘‘āsaṃsāyaṃ atītavacana’’nti. Āsaṃsāyanti avassambhāviyatthe. Bhesmā hi udadhī mahāti ettha bhesmāsaddo bhayānakapariyāyoti āha ‘‘bhayānako’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сан̇гхабхзд̣̇агат̇аа • Saṅghabhedakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сан̇гхабхзд̣̇агагат̇аа • Saṅghabhedakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхабхзд̣̇агат̇ааван̣н̣анаа • Saṅghabhedakathāvaṇṇanā
