| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
сан̇гхабхзд̣̇агат̇ааван̣н̣анаа
Saṅghabhedakathāvaṇṇanā
345. ат̇а ко ааяасмаа саарибуд̇д̇о аад̣̇зсанаабаадихаарияаанусаасанияаад̇иаад̣̇ийсу барасса жид̇д̇ам̣ н̃ад̇ваа гат̇анам̣ аад̣̇зсанаабаадихаарияам̣, саавагаанан̃жа б̣уд̣̇д̇хаанан̃жа сад̇ад̇ам̣ д̇хаммад̣̇зсанам̣ анусаасанийбаадихаарияам̣, ид̣̇д̇хивид̇хам̣ ид̣̇д̇хибаадихаарияам̣. д̇ад̇т̇а ид̣̇д̇хибаадихаариязна сад̣̇д̇хим̣ анусаасанийбаадихаарияам̣ махаамог̇г̇аллаанад̇т̇зрасса аажин̣н̣ам̣, аад̣̇зсанаабаадихаариязна сад̣̇д̇хим̣ анусаасанийбаадихаарияам̣ д̇хаммасзнаабад̇исса. д̇зна вуд̇д̇ам̣ ‘‘ааяасмаа саарибуд̇д̇о аад̣̇зсанаабаадихаарияаанусаасанияаа бхигкуу д̇хаммияаа гат̇ааяа овад̣̇ий’’д̇иаад̣̇и. д̇ад̣̇аа хи д̣̇вийсу аг̇г̇асаавагзсу д̇хаммасзнаабад̇и д̇зсам̣ бхигкуунам̣ жид̇д̇ажаарам̣ н̃ад̇ваа д̇хаммам̣ д̣̇зсзси, махаамог̇г̇аллаанад̇т̇зро вигуб̣б̣анам̣ д̣̇ассзд̇ваа д̇хаммам̣ д̣̇зсзси, баал̣ияан̃жзд̇т̇а д̣̇виннамби т̇зраанам̣ д̣̇зсанааяа д̇хаммажагкубадилаабхова д̣̇ассид̇о. д̣̇ийгхабхаан̣агаа бана звам̣ вад̣̇анд̇и ‘‘бхаг̇авад̇аа бзсид̇зсу д̣̇вийсу аг̇г̇асаавагзсу д̇хаммасзнаабад̇и д̇зсам̣ жид̇д̇ажаарам̣ н̃ад̇ваа д̇хаммам̣ д̣̇зсзси, т̇зрасса д̇хаммад̣̇зсанам̣ суд̇ваа бан̃жасад̇ааби бхигкуу сод̇аабад̇д̇ипалз бад̇идтахим̣су. ат̇а нзсам̣ махаамог̇г̇аллаанад̇т̇зро вигуб̣б̣анам̣ д̣̇ассзд̇ваа д̇хаммам̣ д̣̇зсзси, д̇ам̣ суд̇ваа саб̣б̣з арахад̇д̇апалз бад̇идтахим̣суу’’д̇и. д̣̇звад̣̇ад̇д̇ам̣ удтаабзсийд̇и ж̇ан̣н̣угзна хад̣̇аяамаж̇жхз бахарид̇ваа удтаабзси.
345.Atha kho āyasmā sāriputto ādesanāpāṭihāriyānusāsaniyātiādīsu parassa cittaṃ ñatvā kathanaṃ ādesanāpāṭihāriyaṃ, sāvakānañca buddhānañca satataṃ dhammadesanaṃ anusāsanīpāṭihāriyaṃ, iddhividhaṃ iddhipāṭihāriyaṃ. Tattha iddhipāṭihāriyena saddhiṃ anusāsanīpāṭihāriyaṃ mahāmoggallānattherassa āciṇṇaṃ, ādesanāpāṭihāriyena saddhiṃ anusāsanīpāṭihāriyaṃ dhammasenāpatissa. Tena vuttaṃ ‘‘āyasmā sāriputto ādesanāpāṭihāriyānusāsaniyā bhikkhū dhammiyā kathāya ovadī’’tiādi. Tadā hi dvīsu aggasāvakesu dhammasenāpati tesaṃ bhikkhūnaṃ cittacāraṃ ñatvā dhammaṃ desesi, mahāmoggallānatthero vikubbanaṃ dassetvā dhammaṃ desesi, pāḷiyañcettha dvinnampi therānaṃ desanāya dhammacakkhupaṭilābhova dassito. Dīghabhāṇakā pana evaṃ vadanti ‘‘bhagavatā pesitesu dvīsu aggasāvakesu dhammasenāpati tesaṃ cittacāraṃ ñatvā dhammaṃ desesi, therassa dhammadesanaṃ sutvā pañcasatāpi bhikkhū sotāpattiphale patiṭṭhahiṃsu. Atha nesaṃ mahāmoggallānatthero vikubbanaṃ dassetvā dhammaṃ desesi, taṃ sutvā sabbe arahattaphale patiṭṭhahiṃsū’’ti. Devadattaṃ uṭṭhāpesīti jaṇṇukena hadayamajjhe paharitvā uṭṭhāpesi.
346. сарасийд̇и саро. сувигкаалид̇анд̇и судту вигкаалид̇ам̣, сувисод̇хид̇ам̣ гад̇ваад̇и ад̇т̇о. сам̣каад̣̇ид̇ваад̇и судту каад̣̇ид̇ваа. махим̣ вигуб̣б̣ад̇од̇и махим̣ д̣̇анд̇зхи виликанд̇асса. над̣̇ийсу бхисам̣ гхасаанассаад̇и яож̇зд̇аб̣б̣ам̣. над̣̇ийд̇и жзд̇т̇а махаасаро ад̇хиббзд̇о. ж̇аг̇г̇ад̇од̇и хад̇т̇ияуут̇ам̣ баалзнд̇асса. бхин̇говаад̇и хад̇т̇ибод̇аго вияа. мамаанугуб̣б̣анд̇и мам̣ анугаронд̇о.
346.Sarasīti saro. Suvikkhālitanti suṭṭhu vikkhālitaṃ, suvisodhitaṃ katvāti attho. Saṃkhāditvāti suṭṭhu khāditvā. Mahiṃ vikubbatoti mahiṃ dantehi vilikhantassa. Nadīsu bhisaṃ ghasānassāti yojetabbaṃ. Nadīti cettha mahāsaro adhippeto. Jaggatoti hatthiyūthaṃ pālentassa. Bhiṅkovāti hatthipotako viya. Mamānukubbanti maṃ anukaronto.
347. д̣̇ууд̇зяяанд̇и д̣̇ууд̇агаммам̣. г̇анд̇умарахад̇ийд̇и д̣̇ууд̇зяяасан̇каад̇ам̣ саасанам̣ харид̇ум̣ д̇хаарзд̇ваа харид̇ум̣ арахад̇и. сод̇аад̇и яам̣ асса саасанам̣ д̣̇знд̇и, д̇асса сод̇аа. саавзд̇аад̇и д̇ам̣ уг̇г̇ан̣хид̇ваа ‘‘ид̣̇ам̣ наама д̇умхзхи вуд̇д̇а’’нд̇и бадисаавзд̇аа. уг̇г̇ахзд̇аад̇и сууг̇г̇ахид̇ам̣ гад̇ваа уг̇г̇ахзд̇аа. д̇хаарзд̇аад̇и суд̇хаарид̇ам̣ гад̇ваа д̇хаарзд̇аа. вин̃н̃аад̇аад̇и ад̇д̇анаа д̇асса ад̇т̇ам̣ ж̇аанид̇аа. вин̃н̃аабзд̇аад̇и барам̣ виж̇аанаабзд̇аа. сахид̇аасахид̇ассаад̇и ‘‘ид̣̇ам̣ сахид̇ам̣, ид̣̇ам̣ асахид̇а’’нд̇и звам̣ сахид̇аасахид̇асса гусало убаг̇ад̇аанубаг̇ад̇зсу чзго саасанам̣ аарожзнд̇о сахид̇аасахид̇ам̣ саллагкзд̇ваа аарожзд̇и. на б̣яат̇ад̇ийд̇и на взд̇хад̇и на чамбхад̇и. уг̇г̇аваад̣̇ининд̇и парусаважанзна саманнааг̇ад̇ам̣. бужчид̇од̇и бадин̃н̃ад̇т̇ааяа бужчид̇о.
347.Dūteyyanti dūtakammaṃ. Gantumarahatīti dūteyyasaṅkhātaṃ sāsanaṃ harituṃ dhāretvā harituṃ arahati. Sotāti yaṃ assa sāsanaṃ denti, tassa sotā. Sāvetāti taṃ uggaṇhitvā ‘‘idaṃ nāma tumhehi vutta’’nti paṭisāvetā. Uggahetāti suuggahitaṃ katvā uggahetā. Dhāretāti sudhāritaṃ katvā dhāretā. Viññātāti attanā tassa atthaṃ jānitā. Viññāpetāti paraṃ vijānāpetā. Sahitāsahitassāti ‘‘idaṃ sahitaṃ, idaṃ asahita’’nti evaṃ sahitāsahitassa kusalo upagatānupagatesu cheko sāsanaṃ ārocento sahitāsahitaṃ sallakkhetvā āroceti. Na byathatīti na vedhati na chambhati. Uggavādininti pharusavacanena samannāgataṃ. Pucchitoti paṭiññatthāya pucchito.
348. адтахи, бхигкавз, асад̣̇д̇хаммзхийд̇иаад̣̇ийсу асад̣̇д̇хаммзхийд̇и (ид̇иву. адта. 89) асад̇ам̣ д̇хаммзхи, асанд̇зхи ваа асобханзхи ваа д̇хаммзхи. абхибхууд̇од̇и аж̇жход̇т̇адо. барияаад̣̇иннажид̇д̇од̇и кзбид̇ажид̇д̇о лаабхаад̣̇ихзд̇угзна ижчаажаарзна маанамад̣̇аад̣̇инаа жа каяам̣ баабид̇агусалажид̇д̇о. ат̇а ваа барияаад̣̇иннажид̇д̇од̇и барид̇о аад̣̇иннажид̇д̇о, вуд̇д̇аббагаарзна агусалагодтаасзна яат̇аа гусалажид̇д̇асса уббад̇д̇ивааро на ход̇и, звам̣ саманд̇ад̇о г̇ахид̇ажид̇д̇асанд̇аанод̇и ад̇т̇о. абааяз ниб̣б̣ад̇д̇анаарахад̇ааяа аабааяиго. д̇ад̇т̇аби авийжисан̇каад̇з махаанираяз уббаж̇ж̇ад̇ийд̇и нзраяиго. згам̣ анд̇арагаббам̣ барибун̣н̣амзва гад̇ваа д̇ад̇т̇а д̇идтад̇ийд̇и габбадто. ад̇згижчод̇и б̣уд̣̇д̇хзхиби анивад̇д̇анийяад̇д̇аа авийжиниб̣б̣ад̇д̇ияаа д̇игижчаабхаавад̇о ад̇згижчо, ад̇игижчанийяод̇и ад̇т̇о. лаабхзнаад̇и лаабхзна хзд̇убхууд̇зна. ат̇а ваа лаабхахзд̇угзна маанаад̣̇инаа. лаабхан̃хи ниссааяа ид̇хзгажжз буг̇г̇алаа баабижчаа ижчаабагад̇аа ижчаажаарз тад̇ваа ‘‘лаабхам̣ ниб̣б̣ад̇д̇зссаамаа’’д̇и анзгавихид̇ам̣ анзсанам̣ аббад̇ируубам̣ аабаж̇ж̇ид̇ваа ид̇о жуд̇аа абааязсу ниб̣б̣ад̇д̇анд̇и. абарз яат̇аалаабхам̣ лабхид̇ваа д̇ам̣нимид̇д̇ам̣ маанаад̇имаанамад̣̇амажчарияаад̣̇ивасзна бамаад̣̇ам̣ аабаж̇ж̇ид̇ваа ид̇о жуд̇аа абааязсу ниб̣б̣ад̇д̇анд̇и, аяан̃жа д̇аад̣̇исо. д̇зна вуд̇д̇ам̣ ‘‘лаабхзна, бхигкавз, абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго’’д̇иаад̣̇и. асаггаарзнаад̇и хийл̣зд̇ваа барибхавид̇ваа барзхи ад̇д̇ани бавад̇д̇ид̇зна асаггаарзна, асаггаарахзд̇угзна ваа маанаад̣̇инаа. асанд̇аг̇ун̣асамбхааванаад̇хиббааязна бавад̇д̇аа баабаа ижчаа зд̇ассаад̇и баабижчо, д̇асса бхааво баабижчад̇аа, д̇ааяа. ‘‘ахам̣ б̣уд̣̇д̇хо бхависсаами, бхигкусан̇гхам̣ барихариссаамий’’д̇и хи д̇асса ижчаа уббаннаа. гогаалигаад̣̇аяо баабаа лаамагаа мид̇д̇аа зд̇ассаад̇и баабамид̇д̇о, д̇асса бхааво баабамид̇д̇ад̇аа, д̇ааяа.
348.Aṭṭhahi, bhikkhave, asaddhammehītiādīsu asaddhammehīti (itivu. aṭṭha. 89) asataṃ dhammehi, asantehi vā asobhanehi vā dhammehi. Abhibhūtoti ajjhotthaṭo. Pariyādinnacittoti khepitacitto lābhādihetukena icchācārena mānamadādinā ca khayaṃ pāpitakusalacitto. Atha vā pariyādinnacittoti parito ādinnacitto, vuttappakārena akusalakoṭṭhāsena yathā kusalacittassa uppattivāro na hoti, evaṃ samantato gahitacittasantānoti attho. Apāye nibbattanārahatāya āpāyiko. Tatthapi avīcisaṅkhāte mahāniraye uppajjatīti nerayiko. Ekaṃ antarakappaṃ paripuṇṇameva katvā tattha tiṭṭhatīti kappaṭṭho. Atekicchoti buddhehipi anivattanīyattā avīcinibbattiyā tikicchābhāvato atekiccho, atikicchanīyoti attho. Lābhenāti lābhena hetubhūtena. Atha vā lābhahetukena mānādinā. Lābhañhi nissāya idhekacce puggalā pāpicchā icchāpakatā icchācāre ṭhatvā ‘‘lābhaṃ nibbattessāmā’’ti anekavihitaṃ anesanaṃ appatirūpaṃ āpajjitvā ito cutā apāyesu nibbattanti. Apare yathālābhaṃ labhitvā taṃnimittaṃ mānātimānamadamacchariyādivasena pamādaṃ āpajjitvā ito cutā apāyesu nibbattanti, ayañca tādiso. Tena vuttaṃ ‘‘lābhena, bhikkhave, abhibhūto pariyādinnacitto devadatto āpāyiko’’tiādi. Asakkārenāti hīḷetvā paribhavitvā parehi attani pavattitena asakkārena, asakkārahetukena vā mānādinā. Asantaguṇasambhāvanādhippāyena pavattā pāpā icchā etassāti pāpiccho, tassa bhāvo pāpicchatā, tāya. ‘‘Ahaṃ buddho bhavissāmi, bhikkhusaṅghaṃ pariharissāmī’’ti hi tassa icchā uppannā. Kokālikādayo pāpā lāmakā mittā etassāti pāpamitto, tassa bhāvo pāpamittatā, tāya.
349. абхибхуяяаад̇и абхибхавид̇ваа мад̣̇д̣̇ид̇ваа.
349.Abhibhuyyāti abhibhavitvā madditvā.
350. д̇ийхи, бхигкавз, асад̣̇д̇хаммзхийд̇иаад̣̇и вуд̇д̇анаяамзва. орамад̇д̇агзна висзсаад̇хиг̇амзна анд̇араа восаанам̣ аабаад̣̇ийд̇и зд̇т̇а бана аяамад̇т̇о. орамад̇д̇агзнаад̇и аббамад̇д̇агзна жхаанаабхин̃н̃аамад̇д̇зна. висзсаад̇хиг̇амзнаад̇и уд̇д̇аримануссад̇хаммаад̇хиг̇амзна. анд̇араад̇и взмаж̇жхз. восаанам̣ аабаад̣̇ийд̇и агад̇агижжова самаано ‘‘гад̇агижжомхий’’д̇и ман̃н̃амаано саман̣ад̇хаммад̇о виг̇амам̣ аабаж̇ж̇и. ид̣̇ам̣ вуд̇д̇ам̣ ход̇и – жхаанаабхин̃н̃аахи уд̇д̇аригаран̣ийяз ад̇хиг̇анд̇аб̣б̣з маг̇г̇апалз анад̇хиг̇ад̇з сад̇иязва д̇ам̣ анад̇хиг̇анд̇ваа саман̣ад̇хаммад̇о виг̇амам̣ аабаж̇ж̇ийд̇и. ид̇и бхаг̇аваа иминаа суд̇д̇зна висзсад̇о бут̇уж̇ж̇анабхаавз аад̣̇ийнавам̣ багаасзд̇и ‘‘бхаарияо бут̇уж̇ж̇анабхааво, яад̇ра хи наама жхаанаабхин̃н̃аабарияосаанаа самбад̇д̇ияо ниб̣б̣ад̇д̇зд̇вааби анзгаанад̇т̇аавахам̣ наанаавид̇хад̣̇угкахзд̇уасанд̇аг̇ун̣асамбхааванам̣ асаббурисасам̣саг̇г̇ам̣ ааласияаануяог̇ан̃жа авиж̇аханд̇о авийжисам̣вад̇д̇анигам̣ габбадтияам̣ ад̇згижчам̣ гиб̣б̣исам̣ басавад̇ий’’д̇и.
350.Tīhi, bhikkhave, asaddhammehītiādi vuttanayameva. Oramattakena visesādhigamena antarā vosānaṃ āpādīti ettha pana ayamattho. Oramattakenāti appamattakena jhānābhiññāmattena. Visesādhigamenāti uttarimanussadhammādhigamena. Antarāti vemajjhe. Vosānaṃ āpādīti akatakiccova samāno ‘‘katakiccomhī’’ti maññamāno samaṇadhammato vigamaṃ āpajji. Idaṃ vuttaṃ hoti – jhānābhiññāhi uttarikaraṇīye adhigantabbe maggaphale anadhigate satiyeva taṃ anadhigantvā samaṇadhammato vigamaṃ āpajjīti. Iti bhagavā iminā suttena visesato puthujjanabhāve ādīnavaṃ pakāseti ‘‘bhāriyo puthujjanabhāvo, yatra hi nāma jhānābhiññāpariyosānā sampattiyo nibbattetvāpi anekānatthāvahaṃ nānāvidhadukkhahetuasantaguṇasambhāvanaṃ asappurisasaṃsaggaṃ ālasiyānuyogañca avijahanto avīcisaṃvattanikaṃ kappaṭṭhiyaṃ atekicchaṃ kibbisaṃ pasavatī’’ti.
г̇аат̇аасу маад̇и бадисзд̇хз нибаад̇о. ж̇аад̇ууд̇и згам̣сзна. гожийд̇и саб̣б̣асан̇г̇аахагаважанам̣. логасминд̇и сад̇д̇алогз. ид̣̇ам̣ вуд̇д̇ам̣ ход̇и – имасмим̣ сад̇д̇алогз гожи буг̇г̇ало згам̣сзна баабижчо маа ход̇ууд̇и. д̇ад̣̇аминааби ж̇аанаат̇а, баабижчаанам̣ яат̇аа г̇ад̇ийд̇и баабижчаанам̣ буг̇г̇алаанам̣ яат̇ааг̇ад̇и яаад̣̇исий ниб̣б̣ад̇д̇и яаад̣̇исо абхисамбарааяод̇и иминааби гааран̣зна ж̇аанаат̇аад̇и д̣̇звад̣̇ад̇д̇ам̣ нид̣̇ассзнд̇о звамааха.
Gāthāsu māti paṭisedhe nipāto. Jātūti ekaṃsena. Kocīti sabbasaṅgāhakavacanaṃ. Lokasminti sattaloke. Idaṃ vuttaṃ hoti – imasmiṃ sattaloke koci puggalo ekaṃsena pāpiccho mā hotūti. Tadamināpi jānātha, pāpicchānaṃ yathā gatīti pāpicchānaṃ puggalānaṃ yathāgati yādisī nibbatti yādiso abhisamparāyoti imināpi kāraṇena jānāthāti devadattaṃ nidassento evamāha.
бан̣д̣ид̇од̇и саман̃н̃аад̇од̇и барияад̇д̇иб̣аахусажжзна бан̣д̣ид̇од̇и н̃аад̇о. бхаавид̇ад̇д̇од̇и саммад̇од̇и жхаанаабхин̃н̃аахи бхаавид̇ажид̇д̇од̇и самбхаавид̇о. д̇ат̇аа хи со ‘‘махид̣̇д̇хиго г̇од̇хибуд̇д̇о, махаанубхааво г̇од̇хибуд̇д̇о’’д̇и д̇хаммасзнаабад̇инааби басам̣сид̇о ахоси. ж̇алам̣ва яасасаа адтаа, д̣̇звад̣̇ад̇д̇од̇и виссуд̇од̇и ад̇д̇ано гид̇д̇ияаа бариваарзна жа ж̇аланд̇о вияа обхаасанд̇о вияа тид̇о д̣̇звад̣̇ад̇д̇од̇и звам̣ виссуд̇о баагадо ахоси. ‘‘мз суд̇а’’нд̇иби баато, маяаа суд̇ам̣ суд̇амад̇д̇ам̣, гад̇ибаахзнзва ад̇ат̇аабхууд̇ад̇д̇аа д̇асса д̇ам̣ бан̣д̣ижжаад̣̇исаванамад̇д̇амзваад̇и ад̇т̇о.
Paṇḍitoti samaññātoti pariyattibāhusaccena paṇḍitoti ñāto. Bhāvitattoti sammatoti jhānābhiññāhi bhāvitacittoti sambhāvito. Tathā hi so ‘‘mahiddhiko godhiputto, mahānubhāvo godhiputto’’ti dhammasenāpatināpi pasaṃsito ahosi. Jalaṃva yasasā aṭṭhā, devadattoti vissutoti attano kittiyā parivārena ca jalanto viya obhāsanto viya ṭhito devadattoti evaṃ vissuto pākaṭo ahosi. ‘‘Me suta’’ntipi pāṭho, mayā sutaṃ sutamattaṃ, katipāheneva atathābhūtattā tassa taṃ paṇḍiccādisavanamattamevāti attho.
со бамаад̣̇ам̣ анужин̣н̣о, аасаж̇ж̇а нам̣ д̇ат̇ааг̇ад̇анд̇и со звам̣бхууд̇о д̣̇звад̣̇ад̇д̇о ‘‘б̣уд̣̇д̇хоби саагияабуд̇д̇о, ахамби саагияабуд̇д̇о, б̣уд̣̇д̇хоби саман̣о, ахамби саман̣о, б̣уд̣̇д̇хоби ид̣̇д̇химаа, ахамби ид̣̇д̇химаа, б̣уд̣̇д̇хоби д̣̇иб̣б̣ажагкуго, д̣̇иб̣б̣асод̇ажзд̇обарияан̃аан̣алаабхий, б̣уд̣̇д̇хоби ад̇ийд̇аанааг̇ад̇абажжуббаннз д̇хаммз ж̇аанаад̇и, ахамби д̇з ж̇аанаамий’’д̇и ад̇д̇ано бамаан̣ам̣ аж̇аанид̇ваа саммаасамб̣уд̣̇д̇хам̣ ад̇д̇анаа самасамадтабанзна бамаад̣̇ам̣ аабаж̇ж̇анд̇о ‘‘ид̣̇аанаахам̣ б̣уд̣̇д̇хо бхависсаами, бхигкусан̇гхам̣ барихариссаамий’’д̇и абхимаарабаяож̇анаад̣̇инаа д̇ат̇ааг̇ад̇ам̣ аасаж̇ж̇а аасаад̣̇зд̇ваа вихзтзд̇ваа. ‘‘бамаад̣̇амануж̇ин̣н̣о’’д̇иби батанд̇и. д̇ассад̇т̇о – бамаад̣̇ам̣ вуд̇д̇анаязна бамаж̇ж̇анд̇о бамаад̣̇ам̣ ниссааяа бхаг̇авад̇аа сад̣̇д̇хим̣ яуг̇аг̇г̇аахажид̇д̇уббаад̣̇зна сахзва жхаанаабхин̃н̃аахи ануж̇ин̣н̣о барихийнод̇и. авийжинираяам̣ бад̇д̇о, жад̇уд̣̇ваарам̣ бхаяаанаганд̇и ж̇аалаанам̣ д̇ад̇т̇а уббаннасад̇д̇аанам̣ ваа ниранд̇арад̇ааяа ‘‘авийжий’’д̇и лад̣̇д̇ханаамам̣ жад̇уусу бассзсу жад̇умахаад̣̇ваараяог̇зна жад̇уд̣̇ваарам̣ ад̇ибхаяаанагам̣ махаанираяам̣ бадисанд̇хиг̇г̇ахан̣авасзна бад̇д̇о. д̇ат̇аа хи вуд̇д̇ам̣ –
Sopamādaṃ anuciṇṇo, āsajja naṃ tathāgatanti so evaṃbhūto devadatto ‘‘buddhopi sākiyaputto, ahampi sākiyaputto, buddhopi samaṇo, ahampi samaṇo, buddhopi iddhimā, ahampi iddhimā, buddhopi dibbacakkhuko, dibbasotacetopariyañāṇalābhī, buddhopi atītānāgatapaccuppanne dhamme jānāti, ahampi te jānāmī’’ti attano pamāṇaṃ ajānitvā sammāsambuddhaṃ attanā samasamaṭṭhapanena pamādaṃ āpajjanto ‘‘idānāhaṃ buddho bhavissāmi, bhikkhusaṅghaṃ pariharissāmī’’ti abhimārapayojanādinā tathāgataṃ āsajja āsādetvā viheṭhetvā. ‘‘Pamādamanujiṇṇo’’tipi paṭhanti. Tassattho – pamādaṃ vuttanayena pamajjanto pamādaṃ nissāya bhagavatā saddhiṃ yugaggāhacittuppādena saheva jhānābhiññāhi anujiṇṇo parihīnoti. Avīcinirayaṃ patto, catudvāraṃ bhayānakanti jālānaṃ tattha uppannasattānaṃ vā nirantaratāya ‘‘avīcī’’ti laddhanāmaṃ catūsu passesu catumahādvārayogena catudvāraṃ atibhayānakaṃ mahānirayaṃ paṭisandhiggahaṇavasena patto. Tathā hi vuttaṃ –
‘‘жад̇угган̣н̣о жад̇уд̣̇вааро, вибхад̇д̇о бхааг̇асо мид̇о;
‘‘Catukkaṇṇo catudvāro, vibhatto bhāgaso mito;
аяобаагаарабарияанд̇о, аяасаа бадигуж̇ж̇ид̇о.
Ayopākārapariyanto, ayasā paṭikujjito.
‘‘д̇асса аяомаяаа бхууми, ж̇алид̇аа д̇зж̇асаа яуд̇аа;
‘‘Tassa ayomayā bhūmi, jalitā tejasā yutā;
саманд̇аа яож̇анасад̇ам̣, парид̇ваа д̇идтад̇и саб̣б̣ад̣̇аа’’д̇и. (ма. ни. 3.250, 267; а. ни. 3.36);
Samantā yojanasataṃ, pharitvā tiṭṭhati sabbadā’’ti. (ma. ni. 3.250, 267; a. ni. 3.36);
ад̣̇удтассаад̇и ад̣̇удтажид̇д̇асса. д̣̇уб̣бхзд̇и д̣̇уссзяяа. д̇амзва баабам̣ пусад̇ийд̇и д̇амзва ад̣̇удтад̣̇уб̣бхим̣ баабабуг̇г̇алам̣ баабам̣ нихийнам̣ баабапалам̣ пусад̇и баабун̣аад̇и абхибхавад̇и. бхзсмаад̇и вибулабхаавзна г̇амбхийрабхаавзна жа бхим̣саабано, бхим̣саабзнд̇о вияа вибулаг̇амбхийрод̇и ад̇т̇о. ваад̣̇знаад̇и д̣̇осзна. убахим̣сад̇ийд̇и б̣аад̇хад̇и аасаад̣̇зд̇и. ваад̣̇о д̇амхи на руухад̇ийд̇и д̇асмим̣ д̇ат̇ааг̇ад̇з барзна ааробияамаано д̣̇осо на рухад̇и на д̇идтад̇и, висагумбхо вияа самуд̣̇д̣̇асса на д̇асса вигаарам̣ ж̇анзд̇ийд̇и ад̇т̇о.
Aduṭṭhassāti aduṭṭhacittassa. Dubbheti dusseyya. Tameva pāpaṃ phusatīti tameva aduṭṭhadubbhiṃ pāpapuggalaṃ pāpaṃ nihīnaṃ pāpaphalaṃ phusati pāpuṇāti abhibhavati. Bhesmāti vipulabhāvena gambhīrabhāvena ca bhiṃsāpano, bhiṃsāpento viya vipulagambhīroti attho. Vādenāti dosena. Upahiṃsatīti bādhati āsādeti. Vādo tamhi na rūhatīti tasmiṃ tathāgate parena āropiyamāno doso na ruhati na tiṭṭhati, visakumbho viya samuddassa na tassa vikāraṃ janetīti attho.
звам̣ чахи г̇аат̇аахи баабижчад̇аад̣̇исаманнааг̇ад̇асса нираяуубаг̇абхаавад̣̇ассанзна д̣̇угкад̇о абаримуд̇д̇им̣ д̣̇ассзд̇ваа ид̣̇аани д̇аббадибагкад̇хаммасаманнааг̇ад̇асса д̣̇угкагкаяам̣ д̣̇ассзнд̇о ‘‘д̇аад̣̇исам̣ мид̇д̇а’’нд̇и осаанаг̇аат̇амааха. д̇ассад̇т̇о – яасса саммаа бадибаннасса маг̇г̇аануг̇о бадибад̇д̇имаг̇г̇ам̣ ануг̇ад̇о саммаа бадибанно аббижчад̇аад̣̇иг̇ун̣асаманнааг̇амзна сагаласса ваддад̣̇угкасса каяам̣ барияосаанам̣ баабун̣зяяа, д̇аад̣̇исам̣ б̣уд̣̇д̇хам̣ б̣уд̣̇д̇хасаавагам̣ ваа бан̣д̣ид̇о саббан̃н̃о ад̇д̇ано мид̇д̇ам̣ губ̣б̣зт̇а д̇зна мзд̇д̇им̣ гарзяяа, д̇ан̃жа сзвзт̇а д̇амзва баяирубаасзяяаад̇и.
Evaṃ chahi gāthāhi pāpicchatādisamannāgatassa nirayūpagabhāvadassanena dukkhato aparimuttiṃ dassetvā idāni tappaṭipakkhadhammasamannāgatassa dukkhakkhayaṃ dassento ‘‘tādisaṃ mitta’’nti osānagāthamāha. Tassattho – yassa sammā paṭipannassa maggānugo paṭipattimaggaṃ anugato sammā paṭipanno appicchatādiguṇasamannāgamena sakalassa vaṭṭadukkhassa khayaṃ pariyosānaṃ pāpuṇeyya, tādisaṃ buddhaṃ buddhasāvakaṃ vā paṇḍito sappañño attano mittaṃ kubbetha tena mettiṃ kareyya, tañca sevetha tameva payirupāseyyāti.
гим̣ банзд̇ам̣ суд̇д̇ам̣ д̣̇звад̣̇ад̇д̇асса нираяуубабад̇д̇ид̇о буб̣б̣з бхаасид̇ам̣, уд̣̇ааху бажчаад̇и? ид̇ивуд̇д̇агадтагат̇ааяам̣ (ид̇иву. адта. 89) д̇аава –
Kiṃ panetaṃ suttaṃ devadattassa nirayūpapattito pubbe bhāsitaṃ, udāhu pacchāti? Itivuttakaṭṭhakathāyaṃ (itivu. aṭṭha. 89) tāva –
‘‘д̣̇звад̣̇ад̇д̇з хи авийжимахаанираяам̣ бавидтз д̣̇звад̣̇ад̇д̇абагкигаа ан̃н̃ад̇ид̇т̇ияаа ‘саман̣зна г̇од̇амзна абхисабид̇о д̣̇звад̣̇ад̇д̇о бат̇авим̣ бавидто’д̇и аб̣бхаажигким̣су. д̇ам̣ суд̇ваа саасанз анабхиббасаннаа мануссаа ‘сияаа ну ко зд̇ад̣̇звам̣, яат̇аа имз бхан̣анд̇ий’д̇и аасан̇гам̣ уббаад̣̇зсум̣. д̇ам̣ бавад̇д̇им̣ бхигкуу бхаг̇авад̇о аарожзсум̣. ат̇а ко бхаг̇аваа ‘на, бхигкавз, д̇ат̇ааг̇ад̇аа гассажи абхисабам̣ д̣̇знд̇и, д̇асмаа на д̣̇звад̣̇ад̇д̇о маяаа абхисабид̇о, ад̇д̇ано гаммзнзва нираяам̣ бавидто’д̇и вад̇ваа д̇зсам̣ мижчааг̇аахам̣ бадисзд̇хзнд̇о имааяа адтуббад̇д̇ияаа ид̣̇ам̣ суд̇д̇ам̣ абхаасий’’д̇и –
‘‘Devadatte hi avīcimahānirayaṃ paviṭṭhe devadattapakkhikā aññatitthiyā ‘samaṇena gotamena abhisapito devadatto pathaviṃ paviṭṭho’ti abbhācikkhiṃsu. Taṃ sutvā sāsane anabhippasannā manussā ‘siyā nu kho etadevaṃ, yathā ime bhaṇantī’ti āsaṅkaṃ uppādesuṃ. Taṃ pavattiṃ bhikkhū bhagavato ārocesuṃ. Atha kho bhagavā ‘na, bhikkhave, tathāgatā kassaci abhisapaṃ denti, tasmā na devadatto mayā abhisapito, attano kammeneva nirayaṃ paviṭṭho’ti vatvā tesaṃ micchāgāhaṃ paṭisedhento imāya aṭṭhuppattiyā idaṃ suttaṃ abhāsī’’ti –
вуд̇д̇ам̣, д̇асмаа д̇зсам̣ мад̇зна д̇асса нираяуубабад̇д̇ид̇о бажчааби бхаг̇аваа ид̣̇ам̣ суд̇д̇амабхаасийд̇и взд̣̇ид̇аб̣б̣ам̣. ид̇ха бана д̇асса нираяуубабад̇д̇ид̇о батамамзва уббаннз вад̇т̇умхи бхаасид̇ам̣ баал̣иаарул̣ханд̇и д̣̇адтаб̣б̣ам̣. д̇знзва ‘‘авийжинираяам̣ бад̇д̇о’’д̇и ид̣̇ам̣ бана аасам̣сааяам̣ ад̇ийд̇аважананд̇и вуд̇д̇ам̣, аасам̣саад̇и жзд̇т̇а авассамбхаавиний ад̇т̇асид̣̇д̇хи ад̇хиббзд̇аа. авассамбхаавинин̃хи ад̇т̇асид̣̇д̇химабзгкид̇ваа анааг̇ад̇амби бхууд̇ам̣ вияа вохаранд̇и, д̇ан̃жа сад̣̇д̣̇алагкан̣аанусаарзна взд̣̇ид̇аб̣б̣ам̣.
Vuttaṃ, tasmā tesaṃ matena tassa nirayūpapattito pacchāpi bhagavā idaṃ suttamabhāsīti veditabbaṃ. Idha pana tassa nirayūpapattito paṭhamameva uppanne vatthumhi bhāsitaṃ pāḷiāruḷhanti daṭṭhabbaṃ. Teneva ‘‘avīcinirayaṃ patto’’ti idaṃ pana āsaṃsāyaṃ atītavacananti vuttaṃ, āsaṃsāti cettha avassambhāvinī atthasiddhi adhippetā. Avassambhāviniñhi atthasiddhimapekkhitvā anāgatampi bhūtaṃ viya voharanti, tañca saddalakkhaṇānusārena veditabbaṃ.
сан̇гхабхзд̣̇агат̇ааван̣н̣анаа нидтид̇аа.
Saṅghabhedakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / сан̇гхабхзд̣̇агат̇аа • Saṅghabhedakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / сан̇гхабхзд̣̇агагат̇аа • Saṅghabhedakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / часагяабаб̣б̣аж̇ж̇аагат̇ааван̣н̣анаа • Chasakyapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сан̇гхабхзд̣̇агагат̇ааван̣н̣анаа • Saṅghabhedakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / сан̇гхабхзд̣̇агат̇аа • Saṅghabhedakathā
