| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
সঙ্ঘভেদকৰগ্গদ্ৰযৰণ্ণনা
Saṅghabhedakavaggadvayavaṇṇanā
৪৫৯. সঙ্ঘভেদৰগ্গদ্ৰযে – ৰিনিধায দিট্ঠিং কম্মেনাতি তেসু অধম্মাদীসু অধম্মাদযো এতেতি এৰংদিট্ঠিকোৰ হুত্ৰা তং দিট্ঠিং ৰিনিধায তে ধম্মাদিৰসেন দীপেত্ৰা ৰিসুং কম্মং করোতি। ইতি যং ৰিনিধায দিট্ঠিং কম্মং করোতি, তেন এৰং কতেন ৰিনিধায দিট্ঠিং কম্মেন সদ্ধিং পঞ্চঙ্গানি হোন্তি, ‘‘ইমেহি খো উপালি পঞ্চহঙ্গেহী’’তি অযমেকস্মিং পঞ্চকে অত্থযোজনা । এতেন নযেন সব্বপঞ্চকানি ৰেদিতব্বানি। এত্থাপি চ ৰোহারাদি অঙ্গত্তযং পুব্বভাগৰসেনেৰ ৰুত্তং। কম্মুদ্দেসৰসেন পন অতেকিচ্ছতা ৰেদিতব্বা। সেসং সব্বত্থ উত্তানমেৰ। ন হেত্থ কিঞ্চি অত্থি যং পুব্বে অৰুত্তনযং।
459. Saṅghabhedavaggadvaye – vinidhāya diṭṭhiṃ kammenāti tesu adhammādīsu adhammādayo eteti evaṃdiṭṭhikova hutvā taṃ diṭṭhiṃ vinidhāya te dhammādivasena dīpetvā visuṃ kammaṃ karoti. Iti yaṃ vinidhāya diṭṭhiṃ kammaṃ karoti, tena evaṃ katena vinidhāya diṭṭhiṃ kammena saddhiṃ pañcaṅgāni honti, ‘‘imehi kho upāli pañcahaṅgehī’’ti ayamekasmiṃ pañcake atthayojanā . Etena nayena sabbapañcakāni veditabbāni. Etthāpi ca vohārādi aṅgattayaṃ pubbabhāgavaseneva vuttaṃ. Kammuddesavasena pana atekicchatā veditabbā. Sesaṃ sabbattha uttānameva. Na hettha kiñci atthi yaṃ pubbe avuttanayaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi / ১১. সঙ্ঘভেদকৰগ্গো • 11. Saṅghabhedakavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / সঙ্ঘভেদৰগ্গদ্ৰযৰণ্ণনা • Saṅghabhedavaggadvayavaṇṇanā
