| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
សង្ឃភេទកវគ្គទ្វយវណ្ណនា
Saṅghabhedakavaggadvayavaṇṇanā
៤៥៩. សង្ឃភេទវគ្គទ្វយេ – វិនិធាយ ទិដ្ឋិំ កម្មេនាតិ តេសុ អធម្មាទីសុ អធម្មាទយោ ឯតេតិ ឯវំទិដ្ឋិកោវ ហុត្វា តំ ទិដ្ឋិំ វិនិធាយ តេ ធម្មាទិវសេន ទីបេត្វា វិសុំ កម្មំ ករោតិ។ ឥតិ យំ វិនិធាយ ទិដ្ឋិំ កម្មំ ករោតិ, តេន ឯវំ កតេន វិនិធាយ ទិដ្ឋិំ កម្មេន សទ្ធិំ បញ្ចង្គានិ ហោន្តិ, ‘‘ឥមេហិ ខោ ឧបាលិ បញ្ចហង្គេហី’’តិ អយមេកស្មិំ បញ្ចកេ អត្ថយោជនា ។ ឯតេន នយេន សព្ពបញ្ចកានិ វេទិតព្ពានិ។ ឯត្ថាបិ ច វោហារាទិ អង្គត្តយំ បុព្ពភាគវសេនេវ វុត្តំ។ កម្មុទ្ទេសវសេន បន អតេកិច្ឆតា វេទិតព្ពា។ សេសំ សព្ពត្ថ ឧត្តានមេវ។ ន ហេត្ថ កិញ្ចិ អត្ថិ យំ បុព្ពេ អវុត្តនយំ។
459. Saṅghabhedavaggadvaye – vinidhāya diṭṭhiṃ kammenāti tesu adhammādīsu adhammādayo eteti evaṃdiṭṭhikova hutvā taṃ diṭṭhiṃ vinidhāya te dhammādivasena dīpetvā visuṃ kammaṃ karoti. Iti yaṃ vinidhāya diṭṭhiṃ kammaṃ karoti, tena evaṃ katena vinidhāya diṭṭhiṃ kammena saddhiṃ pañcaṅgāni honti, ‘‘imehi kho upāli pañcahaṅgehī’’ti ayamekasmiṃ pañcake atthayojanā . Etena nayena sabbapañcakāni veditabbāni. Etthāpi ca vohārādi aṅgattayaṃ pubbabhāgavaseneva vuttaṃ. Kammuddesavasena pana atekicchatā veditabbā. Sesaṃ sabbattha uttānameva. Na hettha kiñci atthi yaṃ pubbe avuttanayaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ១១. សង្ឃភេទកវគ្គោ • 11. Saṅghabhedakavaggo
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / សង្ឃភេទវគ្គទ្វយវណ្ណនា • Saṅghabhedavaggadvayavaṇṇanā
