| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
සඞ්‌ඝභෙදකවග්‌ගද්‌වයවණ්‌ණනා
Saṅghabhedakavaggadvayavaṇṇanā
459. සඞ්‌ඝභෙදවග්‌ගද්‌වයෙ – විනිධාය දිට්‌ඨිං කම්‌මෙනාති තෙසු අධම්‌මාදීසු අධම්‌මාදයො එතෙති එවංදිට්‌ඨිකොව හුත්‌වා තං දිට්‌ඨිං විනිධාය තෙ ධම්‌මාදිවසෙන දීපෙත්‌වා විසුං කම්‌මං කරොති. ඉති යං විනිධාය දිට්‌ඨිං කම්‌මං කරොති, තෙන එවං කතෙන විනිධාය දිට්‌ඨිං කම්‌මෙන සද්‌ධිං පඤ්‌චඞ්‌ගානි හොන්‌ති, ‘‘ඉමෙහි ඛො උපාලි පඤ්‌චහඞ්‌ගෙහී’’ති අයමෙකස්‌මිං පඤ්‌චකෙ අත්‌ථයොජනා . එතෙන නයෙන සබ්‌බපඤ්‌චකානි වෙදිතබ්‌බානි. එත්‌ථාපි ච වොහාරාදි අඞ්‌ගත්‌තයං පුබ්‌බභාගවසෙනෙව වුත්‌තං. කම්‌මුද්‌දෙසවසෙන පන අතෙකිච්‌ඡතා වෙදිතබ්‌බා. සෙසං සබ්‌බත්‌ථ උත්‌තානමෙව. න හෙත්‌ථ කිඤ්‌චි අත්‌ථි යං පුබ්‌බෙ අවුත්‌තනයං.
459. Saṅghabhedavaggadvaye – vinidhāya diṭṭhiṃ kammenāti tesu adhammādīsu adhammādayo eteti evaṃdiṭṭhikova hutvā taṃ diṭṭhiṃ vinidhāya te dhammādivasena dīpetvā visuṃ kammaṃ karoti. Iti yaṃ vinidhāya diṭṭhiṃ kammaṃ karoti, tena evaṃ katena vinidhāya diṭṭhiṃ kammena saddhiṃ pañcaṅgāni honti, ‘‘imehi kho upāli pañcahaṅgehī’’ti ayamekasmiṃ pañcake atthayojanā . Etena nayena sabbapañcakāni veditabbāni. Etthāpi ca vohārādi aṅgattayaṃ pubbabhāgavaseneva vuttaṃ. Kammuddesavasena pana atekicchatā veditabbā. Sesaṃ sabbattha uttānameva. Na hettha kiñci atthi yaṃ pubbe avuttanayaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 11. සඞ්‌ඝභෙදකවග්‌ගො • 11. Saṅghabhedakavaggo
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / සඞ්‌ඝභෙදවග්‌ගද්‌වයවණ්‌ණනා • Saṅghabhedavaggadvayavaṇṇanā
