| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. сан̇гхабхзд̣̇асигкаабад̣̇аван̣н̣анаа
10. Saṅghabhedasikkhāpadavaṇṇanā
сахид̇ассаад̇и гааяажид̇д̇зхи згийбхууд̇асса. д̇знааха ‘‘жид̇д̇зна жа сарийрзна жа авияуд̇д̇ассаад̇и ад̇т̇о’’д̇и. ассаад̇и ‘‘самаг̇г̇ассаа’’д̇и бад̣̇асса. самаанасам̣ваасагод̇и самаано згуубосат̇аад̣̇ибхзд̣̇о сам̣ваасо ассаад̇и самаанасам̣ваасаго, лад̣̇д̇хинаанаасам̣ваасагзна ваа гамманаанаасам̣ваасагзна ваа вирахид̇о. гааяасаамаг̇г̇ид̣̇аанад̇од̇и гааязна, гааяасса ваа саамаг̇г̇ияаа сахид̇абхаавасса д̣̇аанад̇о, д̇зсу д̇зсу сан̇гхагаммзсу хад̇т̇абаасуубаг̇аманад̇од̇и вуд̇д̇ам̣ ход̇и. гат̇ам̣ наамааяам̣ бхиж̇ж̇зяяаад̇и аяам̣ сан̇гхо гзна ну ко убааязна ваг̇г̇о бхавзяяа. вааяаамзяяаад̇и уссаахам̣ гарзяяа, багкам̣ бариязсзяяа, г̇ан̣ам̣ б̣анд̇хзяяаад̇и вуд̇д̇ам̣ ход̇и. ад̇д̇ано палам̣ гарод̇ийд̇и гаран̣ам̣, яам̣ гин̃жи гааран̣ам̣, ад̇хигам̣ гаран̣анд̇и ад̇хигаран̣ам̣, висзсагааран̣ам̣, висзсагааран̣ан̃жа сан̇гхабхзд̣̇ассаад̇и вуд̇д̇ам̣ ‘‘бхзд̣̇анассаа’’д̇иаад̣̇и. бхзд̣̇агаравад̇т̇увасзна адтаарасавид̇ханд̇и –
Sahitassāti kāyacittehi ekībhūtassa. Tenāha ‘‘cittena ca sarīrena ca aviyuttassāti attho’’ti. Assāti ‘‘samaggassā’’ti padassa. Samānasaṃvāsakoti samāno ekūposathādibhedo saṃvāso assāti samānasaṃvāsako, laddhinānāsaṃvāsakena vā kammanānāsaṃvāsakena vā virahito. Kāyasāmaggidānatoti kāyena, kāyassa vā sāmaggiyā sahitabhāvassa dānato, tesu tesu saṅghakammesu hatthapāsūpagamanatoti vuttaṃ hoti. Kathaṃ nāmāyaṃ bhijjeyyāti ayaṃ saṅgho kena nu kho upāyena vaggo bhaveyya. Vāyāmeyyāti ussāhaṃ kareyya, pakkhaṃ pariyeseyya, gaṇaṃ bandheyyāti vuttaṃ hoti. Attano phalaṃ karotīti karaṇaṃ, yaṃ kiñci kāraṇaṃ, adhikaṃ karaṇanti adhikaraṇaṃ, visesakāraṇaṃ, visesakāraṇañca saṅghabhedassāti vuttaṃ ‘‘bhedanassā’’tiādi. Bhedakaravatthuvasena aṭṭhārasavidhanti –
‘‘ид̇хубаали бхигкуу ад̇хаммам̣ ‘д̇хаммо’д̇и д̣̇ийбзнд̇и, д̇хаммам̣ ‘ад̇хаммо’д̇и д̣̇ийбзнд̇и. авинаяам̣ ‘винаяо’д̇и д̣̇ийбзнд̇и, винаяам̣ ‘авинаяо’д̇и д̣̇ийбзнд̇и. абхаасид̇ам̣ алабид̇ам̣ д̇ат̇ааг̇ад̇зна ‘бхаасид̇ам̣ лабид̇ам̣ д̇ат̇ааг̇ад̇знаа’д̇и д̣̇ийбзнд̇и, бхаасид̇ам̣ лабид̇ам̣ д̇ат̇ааг̇ад̇зна ‘абхаасид̇ам̣ алабид̇ам̣ д̇ат̇ааг̇ад̇знаа’д̇и д̣̇ийбзнд̇и. анаажин̣н̣ам̣ д̇ат̇ааг̇ад̇зна ‘аажин̣н̣ам̣ д̇ат̇ааг̇ад̇знаа’д̇и д̣̇ийбзнд̇и, аажин̣н̣ам̣ д̇ат̇ааг̇ад̇зна ‘анаажин̣н̣ам̣ д̇ат̇ааг̇ад̇знаа’д̇и д̣̇ийбзнд̇и. абан̃н̃ад̇д̇ам̣ д̇ат̇ааг̇ад̇зна ‘бан̃н̃ад̇д̇ам̣ д̇ат̇ааг̇ад̇знаа’д̇и д̣̇ийбзнд̇и, бан̃н̃ад̇д̇ам̣ д̇ат̇ааг̇ад̇зна ‘абан̃н̃ад̇д̇ам̣ д̇ат̇ааг̇ад̇знаа’д̇и д̣̇ийбзнд̇и. анаабад̇д̇им̣ ‘аабад̇д̇ий’д̇и д̣̇ийбзнд̇и, аабад̇д̇им̣ ‘анаабад̇д̇ий’д̇и д̣̇ийбзнд̇и. лахугам̣ аабад̇д̇им̣ ‘г̇аругаа аабад̇д̇ий’д̇и д̣̇ийбзнд̇и, г̇аругам̣ аабад̇д̇им̣ ‘лахугаа аабад̇д̇ий’д̇и д̣̇ийбзнд̇и. саавасзсам̣ аабад̇д̇им̣ ‘анавасзсаа аабад̇д̇ий’д̇и д̣̇ийбзнд̇и, анавасзсам̣ аабад̇д̇им̣ ‘саавасзсаа аабад̇д̇ий’д̇и д̣̇ийбзнд̇и. д̣̇удтуллам̣ аабад̇д̇им̣ ‘ад̣̇удтуллаа аабад̇д̇ий’д̇и д̣̇ийбзнд̇и, ад̣̇удтуллам̣ аабад̇д̇им̣ ‘д̣̇удтуллаа аабад̇д̇ий’д̇и д̣̇ийбзнд̇ий’’д̇и (жуул̣ава. 352) –
‘‘Idhupāli bhikkhū adhammaṃ ‘dhammo’ti dīpenti, dhammaṃ ‘adhammo’ti dīpenti. Avinayaṃ ‘vinayo’ti dīpenti, vinayaṃ ‘avinayo’ti dīpenti. Abhāsitaṃ alapitaṃ tathāgatena ‘bhāsitaṃ lapitaṃ tathāgatenā’ti dīpenti, bhāsitaṃ lapitaṃ tathāgatena ‘abhāsitaṃ alapitaṃ tathāgatenā’ti dīpenti. Anāciṇṇaṃ tathāgatena ‘āciṇṇaṃ tathāgatenā’ti dīpenti, āciṇṇaṃ tathāgatena ‘anāciṇṇaṃ tathāgatenā’ti dīpenti. Apaññattaṃ tathāgatena ‘paññattaṃ tathāgatenā’ti dīpenti, paññattaṃ tathāgatena ‘apaññattaṃ tathāgatenā’ti dīpenti. Anāpattiṃ ‘āpattī’ti dīpenti, āpattiṃ ‘anāpattī’ti dīpenti. Lahukaṃ āpattiṃ ‘garukā āpattī’ti dīpenti, garukaṃ āpattiṃ ‘lahukā āpattī’ti dīpenti. Sāvasesaṃ āpattiṃ ‘anavasesā āpattī’ti dīpenti, anavasesaṃ āpattiṃ ‘sāvasesā āpattī’ti dīpenti. Duṭṭhullaṃ āpattiṃ ‘aduṭṭhullā āpattī’ti dīpenti, aduṭṭhullaṃ āpattiṃ ‘duṭṭhullā āpattī’ti dīpentī’’ti (cūḷava. 352) –
звам̣ гаммагканд̇хагз вуд̇д̇аанам̣ адтаарасаннам̣ бхзд̣̇агаран̣аанам̣ васзна адтаарасавид̇хам̣. гааран̣ан̃хи д̇ад̣̇ааяад̇д̇авуд̇д̇ид̇ааяа палам̣ зд̇т̇а васад̇ийд̇и ‘‘вад̇т̇уу’’д̇и вужжад̇и. хонд̇и жзд̇т̇а –
Evaṃ kammakkhandhake vuttānaṃ aṭṭhārasannaṃ bhedakaraṇānaṃ vasena aṭṭhārasavidhaṃ. Kāraṇañhi tadāyattavuttitāya phalaṃ ettha vasatīti ‘‘vatthū’’ti vuccati. Honti cettha –
‘‘д̇хаммавинаяабхаасид̇аа-жин̣н̣абан̃н̃ад̇д̇игаа д̣̇угаа;
‘‘Dhammavinayabhāsitā-ciṇṇapaññattikā dukā;
аабад̇д̇илахуд̣̇удтулла-саавасзсад̣̇угаани жа.
Āpattilahuduṭṭhulla-sāvasesadukāni ca.
‘‘зд̇аанадтаараса ‘бхзд̣̇а-гаравад̇т̇уу’д̇и вужжарз;
‘‘Etānaṭṭhārasa ‘bheda-karavatthū’ti vuccare;
вибаллаасаг̇ахид̇аани, ваад̣̇амуулуубаниссаяаа’’д̇и.
Vipallāsagahitāni, vādamūlūpanissayā’’ti.
баг̇г̇аяхаад̇и баг̇г̇ахид̇ам̣ аб̣бхуссид̇ам̣ баагадам̣ гад̇ваа. д̇идтзяяаад̇и яат̇аасамаад̣̇иннам̣, яат̇аабаг̇г̇ахид̇амзва жа гад̇ваа ажчзяяа. яасмаа бана звам̣ баг̇г̇ан̣хад̇аа, д̇идтад̇аа жа д̇ам̣ д̣̇ийбид̇ан̃жзва авиниссадтан̃жа ход̇и, д̇асмаа ‘‘д̣̇ийбзяяа жзва наббадиниссаж̇ж̇зяяа жаа’’д̇и вуд̇д̇ам̣. гийва д̣̇уурз суд̇ваа г̇анд̇ваа авад̣̇анд̇аанам̣ д̣̇уггаданд̇и ааха ‘‘саб̣б̣анд̇имзна барижчзд̣̇знаа’’д̇иаад̣̇и. би-сад̣̇д̣̇о жзд̇т̇а адтаанаббаяуд̇д̇о, д̇асса ‘‘ад̣дхаяож̇анамад̇д̇а’’нд̇и иминаа самб̣анд̇хо взд̣̇ид̇аб̣б̣о. д̇ад̇т̇а ‘‘ад̣дхаяож̇анамад̇д̇а’’нд̇и иминаа згавихаарз вад̇д̇аб̣б̣амзва над̇т̇ийд̇и д̣̇ийбзд̇и. ‘‘г̇анд̇ваа’’д̇и иминаа д̣̇ууд̇ам̣ ваа бан̣н̣ам̣ ваа бзсзд̇ваа вад̣̇ад̇оби аабад̇д̇имогко над̇т̇и, саяамзва бана г̇анд̇ваа ‘‘г̇аруго ко, аавусо, сан̇гхабхзд̣̇о, маа сан̇гхабхзд̣̇ааяа бараггамий’’д̇и (баараа. адта. 2.411) ниваарзд̇аб̣б̣од̇и д̣̇ийбзд̇и.
Paggayhāti paggahitaṃ abbhussitaṃ pākaṭaṃ katvā. Tiṭṭheyyāti yathāsamādinnaṃ, yathāpaggahitameva ca katvā accheyya. Yasmā pana evaṃ paggaṇhatā, tiṭṭhatā ca taṃ dīpitañceva avinissaṭṭhañca hoti, tasmā ‘‘dīpeyya ceva nappaṭinissajjeyya cā’’ti vuttaṃ. Kīva dūre sutvā gantvā avadantānaṃ dukkaṭanti āha ‘‘sabbantimena paricchedenā’’tiādi. Pi-saddo cettha aṭṭhānappayutto, tassa ‘‘aḍḍhayojanamatta’’nti iminā sambandho veditabbo. Tattha ‘‘aḍḍhayojanamatta’’nti iminā ekavihāre vattabbameva natthīti dīpeti. ‘‘Gantvā’’ti iminā dūtaṃ vā paṇṇaṃ vā pesetvā vadatopi āpattimokkho natthi, sayameva pana gantvā ‘‘garuko kho, āvuso, saṅghabhedo, mā saṅghabhedāya parakkamī’’ti (pārā. aṭṭha. 2.411) nivāretabboti dīpeti.
самааг̇ажчад̇ууд̇и згийбхавад̇у. згийбхааво жа самааналад̣̇д̇хивасзна ход̇ийд̇и ааха ‘‘згалад̣̇д̇хиго ход̇уу’’д̇и. згаа лад̣̇д̇хи г̇ахан̣ам̣ ассаад̇и згалад̣̇д̇хиго, згад̣̇идтигод̇и ад̇т̇о. ан̃н̃аман̃н̃асамбад̇д̇ияаад̇и ан̃н̃аман̃н̃асса самаанад̣̇идтижид̇д̇ад̇аасан̇каад̇ааяа самбад̇д̇ияаа. ‘‘ан̃н̃аман̃н̃асса г̇ун̣алаабхаад̣̇игааяа самбад̇д̇ияаа’’д̇и гзжи. асамаг̇г̇о хи висум̣ баад̇имогкам̣ уд̣̇д̣̇исад̇и, б̣ахисиймааяам̣ ваа анубаривзн̣ияам̣ ваад̇и на згуд̣̇д̣̇зсо. д̇знааха ‘‘згад̇о бавад̇д̇абаад̇имогкуд̣̇д̣̇зсод̇и ад̇т̇о’’д̇и. аббадиниссаж̇ж̇ад̇о д̣̇уггаданд̇и висум̣ висум̣ вад̣̇анд̇аанам̣ г̇ан̣анааяа д̣̇уггадам̣. саманубхаасанагаммам̣ гаад̇аб̣б̣анд̇и яаавад̇ад̇ияам̣ саманубхаасанагаммам̣ гаад̇аб̣б̣ам̣, ‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку самаг̇г̇асса сан̇гхасса бхзд̣̇ааяа бараггамад̇ий’’д̇иаад̣̇инаа (баараа. 413) бад̣̇абхааж̇анз вуд̇д̇аахи н̃ад̇д̇ижад̇уд̇т̇аахи д̇ийхи саманубхаасанагаммаваажаахи гаммам̣ гаад̇аб̣б̣анд̇и вуд̇д̇ам̣ ход̇и. ‘‘бхзд̣̇ааяа бараггамзяяаа’’д̇и висум̣ вуд̇д̇ад̇д̇аа бхзд̣̇анасам̣вад̇д̇анигасса ад̇хигаран̣асса самаад̣̇ааяа баг̇г̇ан̣ханад̇о буб̣б̣зби багкабариязсанаад̣̇ивасзна сан̇гхабхзд̣̇ааяа бараггаманд̇асса саманубхаасанагаммам̣ гаад̇аб̣б̣анд̇и взд̣̇ид̇аб̣б̣ам̣. бадиниссаж̇ж̇анд̇асса анаабад̇д̇ибхаавад̇о ‘‘сод̇т̇ибхааво д̇асса бхигкуно’’д̇и вуд̇д̇ам̣.
Samāgacchatūti ekībhavatu. Ekībhāvo ca samānaladdhivasena hotīti āha ‘‘ekaladdhiko hotū’’ti. Ekā laddhi gahaṇaṃ assāti ekaladdhiko, ekadiṭṭhikoti attho. Aññamaññasampattiyāti aññamaññassa samānadiṭṭhicittatāsaṅkhātāya sampattiyā. ‘‘Aññamaññassa guṇalābhādikāya sampattiyā’’ti keci. Asamaggo hi visuṃ pātimokkhaṃ uddisati, bahisīmāyaṃ vā anupariveṇiyaṃ vāti na ekuddeso. Tenāha ‘‘ekato pavattapātimokkhuddesoti attho’’ti. Appaṭinissajjato dukkaṭanti visuṃ visuṃ vadantānaṃ gaṇanāya dukkaṭaṃ. Samanubhāsanakammaṃ kātabbanti yāvatatiyaṃ samanubhāsanakammaṃ kātabbaṃ, ‘‘suṇātu me, bhante, saṅgho, ayaṃ itthannāmo bhikkhu samaggassa saṅghassa bhedāya parakkamatī’’tiādinā (pārā. 413) padabhājane vuttāhi ñatticatutthāhi tīhi samanubhāsanakammavācāhi kammaṃ kātabbanti vuttaṃ hoti. ‘‘Bhedāya parakkameyyā’’ti visuṃ vuttattā bhedanasaṃvattanikassa adhikaraṇassa samādāya paggaṇhanato pubbepi pakkhapariyesanādivasena saṅghabhedāya parakkamantassa samanubhāsanakammaṃ kātabbanti veditabbaṃ. Paṭinissajjantassa anāpattibhāvato ‘‘sotthibhāvo tassa bhikkhuno’’ti vuttaṃ.
гин̃жааби бхигкуний сан̇гхам̣ на бхинд̣̇ад̇и, абижа ко бхзд̣̇ааяа бараггамад̇ийд̇и ‘‘саад̇хааран̣абан̃н̃ад̇д̇ий’’д̇и вуд̇д̇ам̣. сан̇гхаад̣̇исзсам̣ аж̇жхаабаж̇ж̇анд̇асса н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа жа бадиббассамбханд̇ийд̇и ааха ‘‘саманубхаасанагаммз’’д̇иаад̣̇и. д̇ан̃жа д̣̇уггадам̣ д̇з жа т̇уллажжаяаа бадиббассамбханд̇ийд̇и яан̃жа н̃ад̇д̇ибарияосаанз д̣̇уггадам̣ аабанно, яз жа д̣̇вийхи гаммаваажаахи т̇уллажжаяз, д̇аа д̇иссоби аабад̇д̇ияо лин̇г̇абаривад̇д̇зна асаад̇хааран̣аабад̇д̇ияо вияа бадиббассамбханд̇и. сажз банасса н̃ад̇д̇ибарияосаанз лаж̇ж̇ид̇хаммо оггамад̇и, сам̣варо уббаж̇ж̇ад̇и, д̇ам̣ бадиниссаж̇ж̇ад̇и, н̃ад̇д̇ияаа д̣̇уггадам̣ д̣̇зсзд̇ваа мужжад̇и. ат̇а д̇ам̣ на бадиниссаж̇ж̇ад̇и, бхзд̣̇ааяа бараггамад̇и жзва бхзд̣̇анасам̣вад̇д̇анигам̣ ад̇хигаран̣ам̣ самаад̣̇ааяа баг̇г̇аяха д̇идтад̇и жа, н̃ад̇д̇ид̣̇уггадам̣ бадиббассамбхад̇и, батамагаммаваажааяа т̇уллажжаяз бад̇идтаад̇и. зса наяо ид̇арагаммаваажааяамби. асаманубхаасияамаанасса аббадиниссаж̇ж̇анд̇ассааби сан̇гхаад̣̇исзсзна анаабад̇д̇и. бадиниссаж̇ж̇анд̇ассааби н̃ад̇д̇ид̇о буб̣б̣з ваа н̃ад̇д̇игкан̣з ваа н̃ад̇д̇ибарияосаанз ваа батамааяа ваа ануссааванааяа д̣̇уд̇ияааяа ваа д̇ад̇ияааяа ваа яаава яяа-гаарам̣ на самбаабун̣аад̇и, д̇аава бадиниссаж̇ж̇анд̇асса сан̇гхаад̣̇исзсзна анаабад̇д̇и. д̇знааха ‘‘асаманубхаасияамаанасса жаа’’д̇иаад̣̇и.
Kiñcāpi bhikkhunī saṅghaṃ na bhindati, apica kho bhedāya parakkamatīti ‘‘sādhāraṇapaññattī’’ti vuttaṃ. Saṅghādisesaṃ ajjhāpajjantassa ñattiyā dukkaṭaṃ, dvīhi kammavācāhi thullaccayā ca paṭippassambhantīti āha ‘‘samanubhāsanakamme’’tiādi. Tañca dukkaṭaṃ te ca thullaccayā paṭippassambhantīti yañca ñattipariyosāne dukkaṭaṃ āpanno, ye ca dvīhi kammavācāhi thullaccaye, tā tissopi āpattiyo liṅgaparivattena asādhāraṇāpattiyo viya paṭippassambhanti. Sace panassa ñattipariyosāne lajjidhammo okkamati, saṃvaro uppajjati, taṃ paṭinissajjati, ñattiyā dukkaṭaṃ desetvā muccati. Atha taṃ na paṭinissajjati, bhedāya parakkamati ceva bhedanasaṃvattanikaṃ adhikaraṇaṃ samādāya paggayha tiṭṭhati ca, ñattidukkaṭaṃ paṭippassambhati, paṭhamakammavācāya thullaccaye patiṭṭhāti. Esa nayo itarakammavācāyampi. Asamanubhāsiyamānassa appaṭinissajjantassāpi saṅghādisesena anāpatti. Paṭinissajjantassāpi ñattito pubbe vā ñattikkhaṇe vā ñattipariyosāne vā paṭhamāya vā anussāvanāya dutiyāya vā tatiyāya vā yāva yya-kāraṃ na sampāpuṇāti, tāva paṭinissajjantassa saṅghādisesena anāpatti. Tenāha ‘‘asamanubhāsiyamānassa cā’’tiādi.
зд̇т̇а бана (баараа. адта. 2.416) ‘‘д̣̇звад̣̇ад̇д̇о самаг̇г̇асса сан̇гхасса бхзд̣̇ааяа бараггами, д̇асмим̣ вад̇т̇усми’’нд̇и (бари. 17) бариваарз ааг̇ад̇ад̇д̇аа д̣̇звад̣̇ад̇д̇о аад̣̇игаммиго, со жа ко сан̇гхабхзд̣̇ааяа бараггаманассзва, на аббадиниссаж̇ж̇анасса. на хи д̇асса д̇ам̣ гаммам̣ гад̇ам̣. гат̇амид̣̇ам̣ ж̇аанид̇аб̣б̣анд̇и жз? суд̇д̇ад̇о. д̇ат̇аа хи ‘‘аридто бхигку г̇ад̣̇д̇хаб̣аад̇хибуб̣б̣о баабигааяа д̣̇идтияаа яаавад̇ад̇ияам̣ саманубхаасанааяа на бадиниссаж̇ж̇и, д̇асмим̣ вад̇т̇усми’’нд̇и бариваарз ааг̇ад̇ад̇д̇аа аридтасса гаммам̣ гад̇анд̇и бан̃н̃ааяад̇и, на д̇ат̇аа д̣̇звад̣̇ад̇д̇асса. ат̇аабисса гад̇зна бхавид̇аб̣б̣анд̇и гожи ад̇д̇ано ружимад̇д̇зна вад̣̇зяяа, д̇ат̇ааби аббадиниссаж̇ж̇анз аад̣̇игаммигасса анаабад̇д̇и наама над̇т̇и. на хи бан̃н̃ад̇д̇ам̣ сигкаабад̣̇ам̣ вийд̇иггаманд̇асса ан̃н̃ад̇ра од̣̇исса анун̃н̃аад̇ад̇о анаабад̇д̇и наама д̣̇иссад̇и. яамби аридтасигкаабад̣̇асса бад̣̇абхааж̇анз анаабад̇д̇ияам̣ ‘‘аад̣̇игаммигассаа’’д̇и бод̇т̇агзсу ликид̇ам̣, д̇ам̣ бамаад̣̇аликид̇ам̣, бамаад̣̇аликид̇абхааво жа д̇асса ‘‘батамам̣ аридто бхигку жод̣̇зд̇аб̣б̣о, жод̣̇зд̇ваа саарзд̇аб̣б̣о, саарзд̇ваа аабад̇д̇им̣ ааробзд̇аб̣б̣о’’д̇и (жуул̣ава. 65) звам̣ гаммагканд̇хагз аабад̇д̇иробанад̇о взд̣̇ид̇аб̣б̣о.
Ettha pana (pārā. aṭṭha. 2.416) ‘‘devadatto samaggassa saṅghassa bhedāya parakkami, tasmiṃ vatthusmi’’nti (pari. 17) parivāre āgatattā devadatto ādikammiko, so ca kho saṅghabhedāya parakkamanasseva, na appaṭinissajjanassa. Na hi tassa taṃ kammaṃ kataṃ. Kathamidaṃ jānitabbanti ce? Suttato. Tathā hi ‘‘ariṭṭho bhikkhu gaddhabādhipubbo pāpikāya diṭṭhiyā yāvatatiyaṃ samanubhāsanāya na paṭinissajji, tasmiṃ vatthusmi’’nti parivāre āgatattā ariṭṭhassa kammaṃ katanti paññāyati, na tathā devadattassa. Athāpissa katena bhavitabbanti koci attano rucimattena vadeyya, tathāpi appaṭinissajjane ādikammikassa anāpatti nāma natthi. Na hi paññattaṃ sikkhāpadaṃ vītikkamantassa aññatra odissa anuññātato anāpatti nāma dissati. Yampi ariṭṭhasikkhāpadassa padabhājane anāpattiyaṃ ‘‘ādikammikassā’’ti potthakesu likhitaṃ, taṃ pamādalikhitaṃ, pamādalikhitabhāvo ca tassa ‘‘paṭhamaṃ ariṭṭho bhikkhu codetabbo, codetvā sāretabbo, sāretvā āpattiṃ āropetabbo’’ti (cūḷava. 65) evaṃ kammakkhandhake āpattiropanato veditabbo.
ид̇ха бхзд̣̇ааяа бараггаманз аад̣̇игаммигасса д̣̇звад̣̇ад̇д̇асса яасмаа д̇ам̣ гаммам̣ на гад̇ам̣ (баараа. адта. 2.416), д̇асмаасса аабад̇д̇иязва на ж̇аад̇аа. сигкаабад̣̇ам̣ бана д̇ам̣ аараб̣бха бан̃н̃ад̇д̇анд̇и гад̇ваа ‘‘аад̣̇игаммиго’’д̇и вуд̇д̇о. ид̇и аабад̇д̇ияаа абхаавад̇оязвасса анаабад̇д̇и вуд̇д̇аа. саа банзсаа гин̃жааби ‘‘асаманубхаасияамаанассаа’’д̇и иминаава сид̣̇д̇хаа. яасмаа бана асаманубхаасияамаано наама яасса гзвалам̣ саманубхаасанам̣ на гаронд̇и, со вужжад̇и, на аад̣̇игаммиго. аяан̃жа д̣̇звад̣̇ад̇д̇о аад̣̇игаммигоязва. д̇асмаа ‘‘аад̣̇игаммигассаа’’д̇и (баараа. 416) вуд̇д̇ам̣. зд̇знзва убааязна табзд̇ваа аридтасигкаабад̣̇ам̣ саб̣б̣асаманубхаасанаасу винижчаяо взд̣̇ид̇аб̣б̣о. гааяаваажаажид̇д̇ад̇о самудтаанад̇о саманубхаасанасамудтаанам̣. ‘‘бадиниссаж̇ж̇аамий’’д̇и гааяавигаарам̣ ваа важийбхзд̣̇ам̣ ваа агаронд̇ассзва бана аабаж̇ж̇анад̇о агирияам̣. ‘‘наббадиниссаж̇ж̇аамий’’д̇и сан̃н̃ааяа абхаавзна мужжанад̇о сан̃н̃аавимогкам̣. ‘‘наббадиниссаж̇ж̇аамий’’д̇и ж̇аананажид̇д̇знзва сажид̇д̇агам̣.
Idha bhedāya parakkamane ādikammikassa devadattassa yasmā taṃ kammaṃ na kataṃ (pārā. aṭṭha. 2.416), tasmāssa āpattiyeva na jātā. Sikkhāpadaṃ pana taṃ ārabbha paññattanti katvā ‘‘ādikammiko’’ti vutto. Iti āpattiyā abhāvatoyevassa anāpatti vuttā. Sā panesā kiñcāpi ‘‘asamanubhāsiyamānassā’’ti imināva siddhā. Yasmā pana asamanubhāsiyamāno nāma yassa kevalaṃ samanubhāsanaṃ na karonti, so vuccati, na ādikammiko. Ayañca devadatto ādikammikoyeva. Tasmā ‘‘ādikammikassā’’ti (pārā. 416) vuttaṃ. Eteneva upāyena ṭhapetvā ariṭṭhasikkhāpadaṃ sabbasamanubhāsanāsu vinicchayo veditabbo. Kāyavācācittato samuṭṭhānato samanubhāsanasamuṭṭhānaṃ. ‘‘Paṭinissajjāmī’’ti kāyavikāraṃ vā vacībhedaṃ vā akarontasseva pana āpajjanato akiriyaṃ. ‘‘Nappaṭinissajjāmī’’ti saññāya abhāvena muccanato saññāvimokkhaṃ. ‘‘Nappaṭinissajjāmī’’ti jānanacitteneva sacittakaṃ.
сан̇гхабхзд̣̇асигкаабад̣̇аван̣н̣анаа нидтид̇аа.
Saṅghabhedasikkhāpadavaṇṇanā niṭṭhitā.
