| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
८. सङ्घभेदसुत्तं
8. Saṅghabhedasuttaṃ
१८. वुत्तञ्हेतं भगवता, वुत्तमरहताति मे सुतं –
18. Vuttañhetaṃ bhagavatā, vuttamarahatāti me sutaṃ –
‘‘एकधम्मो, भिक्खवे, लोके उप्पज्जमानो उप्पज्जति बहुजनाहिताय बहुजनासुखाय बहुनो जनस्स अनत्थाय अहिताय दुक्खाय देवमनुस्सानं। कतमो एकधम्मो? सङ्घभेदो। सङ्घे खो पन, भिक्खवे, भिन्ने अञ्ञमञ्ञं भण्डनानि चेव होन्ति, अञ्ञमञ्ञं परिभासा च होन्ति , अञ्ञमञ्ञं परिक्खेपा च होन्ति, अञ्ञमञ्ञं परिच्चजना च होन्ति। तत्थ अप्पसन्ना चेव नप्पसीदन्ति, पसन्नानञ्च एकच्चानं अञ्ञथत्तं होती’’ति। एतमत्थं भगवा अवोच। तत्थेतं इति वुच्चति –
‘‘Ekadhammo, bhikkhave, loke uppajjamāno uppajjati bahujanāhitāya bahujanāsukhāya bahuno janassa anatthāya ahitāya dukkhāya devamanussānaṃ. Katamo ekadhammo? Saṅghabhedo. Saṅghe kho pana, bhikkhave, bhinne aññamaññaṃ bhaṇḍanāni ceva honti, aññamaññaṃ paribhāsā ca honti , aññamaññaṃ parikkhepā ca honti, aññamaññaṃ pariccajanā ca honti. Tattha appasannā ceva nappasīdanti, pasannānañca ekaccānaṃ aññathattaṃ hotī’’ti. Etamatthaṃ bhagavā avoca. Tatthetaṃ iti vuccati –
‘‘आपायिको नेरयिको, कप्पट्ठो सङ्घभेदको।
‘‘Āpāyiko nerayiko, kappaṭṭho saṅghabhedako;
सङ्घं समग्गं भेत्वान 3, कप्पं निरयम्हि पच्चती’’ति॥
Saṅghaṃ samaggaṃ bhetvāna 4, kappaṃ nirayamhi paccatī’’ti.
अयम्पि अत्थो वुत्तो भगवता, इति मे सुतन्ति। अट्ठमं।
Ayampi attho vutto bhagavatā, iti me sutanti. Aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ८. सङ्घभेदसुत्तवण्णना • 8. Saṅghabhedasuttavaṇṇanā
