| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. сан̇гхабхзд̣̇асуд̇д̇аван̣н̣анаа
8. Saṅghabhedasuttavaṇṇanā
48. адтамз ааяасманд̇ам̣ аананд̣̇ам̣ зд̇ад̣̇авожаад̇и абхимаарз баяож̇зд̇ваа наал̣ааг̇ирим̣ виссаж̇ж̇аабзд̇ваа силам̣ баваддзд̇ваа бхаг̇авад̇о анад̇т̇ам̣ гаад̇ум̣ асаггонд̇о ‘‘сан̇гхам̣ бхинд̣̇ид̇ваа жаггабхзд̣̇ам̣ гариссаамий’’д̇и ад̇хиббааязна зд̇ам̣ ‘‘аж̇ж̇ад̇аг̇г̇з’’д̇иаад̣̇иважанам̣ авожа. ан̃н̃ад̇рзва бхаг̇авад̇аад̇и винаа зва бхаг̇аванд̇ам̣, сад̇т̇аарам̣ агад̇ваад̇и ад̇т̇о. ан̃н̃ад̇ра бхигкусан̇гхаад̇и винаа зва бхигкусан̇гхам̣. убосат̇ам̣ гариссаами сан̇гхагаммаани жаад̇и бхаг̇авад̇о оваад̣̇агаарагам̣ бхигкусан̇гхам̣ висум̣ гад̇ваа мам̣ анувад̇д̇анд̇зхи бхигкуухи сад̣̇д̇хим̣ аавзн̣игам̣ убосат̇ам̣ сан̇гхагаммаани жа гариссаамийд̇и ад̇т̇о. д̣̇звад̣̇ад̇д̇о сан̇гхам̣ бхинд̣̇иссад̇ийд̇и бхзд̣̇агараанам̣ саб̣б̣зсам̣ д̣̇звад̣̇ад̇д̇зна саж̇ж̇ид̇ад̇д̇аа згам̣сзнзва д̣̇звад̣̇ад̇д̇о аж̇ж̇а сан̇гхам̣ бхинд̣̇иссад̇и д̣̇вид̇хаа гариссад̇и. ‘‘ад̇хаммам̣ д̇хаммо’’д̇иаад̣̇ийсу хи адтаарасасу бхзд̣̇агаравад̇т̇уусу яам̣гин̃жи згамби вад̇т̇ум̣ д̣̇ийбзд̇ваа д̇зна д̇зна гааран̣зна ‘‘имам̣ г̇ан̣хат̇а, имам̣ рожзт̇аа’’д̇и сан̃н̃аабзд̇ваа салаагам̣ г̇аахзд̇ваа висум̣ сан̇гхагаммз гад̇з сан̇гхо бхинно ход̇и. вуд̇д̇ан̃хзд̇ам̣ –
48. Aṭṭhame āyasmantaṃ ānandaṃ etadavocāti abhimāre payojetvā nāḷāgiriṃ vissajjāpetvā silaṃ pavaṭṭetvā bhagavato anatthaṃ kātuṃ asakkonto ‘‘saṅghaṃ bhinditvā cakkabhedaṃ karissāmī’’ti adhippāyena etaṃ ‘‘ajjatagge’’tiādivacanaṃ avoca. Aññatreva bhagavatāti vinā eva bhagavantaṃ, satthāraṃ akatvāti attho. Aññatra bhikkhusaṅghāti vinā eva bhikkhusaṅghaṃ. Uposathaṃ karissāmi saṅghakammāni cāti bhagavato ovādakārakaṃ bhikkhusaṅghaṃ visuṃ katvā maṃ anuvattantehi bhikkhūhi saddhiṃ āveṇikaṃ uposathaṃ saṅghakammāni ca karissāmīti attho. Devadatto saṅghaṃ bhindissatīti bhedakarānaṃ sabbesaṃ devadattena sajjitattā ekaṃseneva devadatto ajja saṅghaṃ bhindissati dvidhā karissati. ‘‘Adhammaṃ dhammo’’tiādīsu hi aṭṭhārasasu bhedakaravatthūsu yaṃkiñci ekampi vatthuṃ dīpetvā tena tena kāraṇena ‘‘imaṃ gaṇhatha, imaṃ rocethā’’ti saññāpetvā salākaṃ gāhetvā visuṃ saṅghakamme kate saṅgho bhinno hoti. Vuttañhetaṃ –
‘‘бан̃жахи, убаали, аагаарзхи сан̇гхо бхиж̇ж̇ад̇и гаммзна уд̣̇д̣̇зсзна вохаранд̇о ануссааванзна салаагаг̇г̇аахзнаа’’д̇и (бари. 458).
‘‘Pañcahi, upāli, ākārehi saṅgho bhijjati kammena uddesena voharanto anussāvanena salākaggāhenā’’ti (pari. 458).
д̇ад̇т̇а гаммзнаад̇и абалоганагаммаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и д̇аахи д̇аахи уббад̇д̇ийхи ‘‘ад̇хаммам̣ д̇хаммо’’д̇иаад̣̇ийни (а. ни. 10.37; жуул̣ава. 352) адтаарасабхзд̣̇агаравад̇т̇ууни д̣̇ийбзнд̇о. ануссааванзнаад̇и ‘‘нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ г̇аахзяяаад̇и гим̣ д̇умхаагам̣ жид̇д̇амби уббаад̣̇зд̇ум̣ яуд̇д̇ам̣, гимахам̣ абааяад̇о на бхааяаамий’’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна. салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анаавад̇д̇ид̇хаммз гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна.
Tattha kammenāti apalokanakammādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Voharantoti tāhi tāhi uppattīhi ‘‘adhammaṃ dhammo’’tiādīni (a. ni. 10.37; cūḷava. 352) aṭṭhārasabhedakaravatthūni dīpento. Anussāvanenāti ‘‘nanu tumhe jānātha mayhaṃ uccākulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ gāheyyāti kiṃ tumhākaṃ cittampi uppādetuṃ yuttaṃ, kimahaṃ apāyato na bhāyāmī’’tiādinā nayena kaṇṇamūle vacībhedaṃ katvā anussāvanena. Salākaggāhenāti evaṃ anussāvetvā tesaṃ cittaṃ upatthambhetvā anāvattidhamme katvā ‘‘gaṇhatha imaṃ salāka’’nti salākaggāhena.
зд̇т̇а жа гаммамзва уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасзна хи вохаранд̇зна д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇аахид̇ааяаби абхиннова ход̇и сан̇гхо. яад̣̇аа банзвам̣ жад̇д̇ааро ваа ад̇ирзгаа ваа салаагам̣ г̇аахзд̇ваа аавзн̣игам̣ уд̣̇д̣̇зсам̣ ваа гаммам̣ ваа гаронд̇и, д̇ад̣̇аа сан̇гхо бхинно наама ход̇и. д̣̇звад̣̇ад̇д̇о жа саб̣б̣ам̣ сан̇гхабхзд̣̇асса буб̣б̣абхааг̇ам̣ нибпаад̣̇зд̇ваа ‘‘згам̣сзнзва аж̇ж̇а аавзн̣игам̣ убосат̇ам̣ сан̇гхагамман̃жа гариссаамий’’д̇и жинд̇зд̇ваа ‘‘аж̇ж̇ад̇аг̇г̇з’’д̇иаад̣̇иважанам̣ авожа. д̇знааха – ‘‘аж̇ж̇а, бханд̇з, д̣̇звад̣̇ад̇д̇о сан̇гхам̣ бхинд̣̇иссад̇ий’’д̇и. яад̇о авожумхаа ‘‘бхзд̣̇агараанам̣ саб̣б̣зсам̣ д̣̇звад̣̇ад̇д̇зна саж̇ж̇ид̇ад̇д̇аа’’д̇и.
Ettha ca kammameva uddeso vā pamāṇaṃ, vohārānussāvanasalākaggāhā pana pubbabhāgā. Aṭṭhārasavatthudīpanavasena hi voharantena tattha rucijananatthaṃ anussāvetvā salākāya gāhitāyapi abhinnova hoti saṅgho. Yadā panevaṃ cattāro vā atirekā vā salākaṃ gāhetvā āveṇikaṃ uddesaṃ vā kammaṃ vā karonti, tadā saṅgho bhinno nāma hoti. Devadatto ca sabbaṃ saṅghabhedassa pubbabhāgaṃ nipphādetvā ‘‘ekaṃseneva ajja āveṇikaṃ uposathaṃ saṅghakammañca karissāmī’’ti cintetvā ‘‘ajjatagge’’tiādivacanaṃ avoca. Tenāha – ‘‘ajja, bhante, devadatto saṅghaṃ bhindissatī’’ti. Yato avocumhā ‘‘bhedakarānaṃ sabbesaṃ devadattena sajjitattā’’ti.
зд̇амад̇т̇ам̣ вид̣̇ид̇ваад̇и зд̇ам̣ авийжимахаанираяуббад̇д̇исам̣вад̇д̇анияам̣ габбадтияам̣ ад̇згижчам̣ д̣̇звад̣̇ад̇д̇зна ниб̣б̣ад̇д̇ияамаанам̣ сан̇гхабхзд̣̇агаммам̣ саб̣б̣аагаарад̇о вид̣̇ид̇ваа . имам̣ уд̣̇аананд̇и гусалаагусалзсу яат̇ааггамам̣ саббурисаасаббурисасабхааг̇ависабхааг̇абадибад̇д̇ивасзна бана сугусалаад̇и ид̣̇амад̇т̇авибхааванам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ avīcimahānirayuppattisaṃvattaniyaṃ kappaṭṭhiyaṃ atekicchaṃ devadattena nibbattiyamānaṃ saṅghabhedakammaṃ sabbākārato viditvā . Imaṃ udānanti kusalākusalesu yathākkamaṃ sappurisāsappurisasabhāgavisabhāgapaṭipattivasena pana sukusalāti idamatthavibhāvanaṃ imaṃ udānaṃ udānesi.
д̇ад̇т̇а сугарам̣ саад̇хунаа саад̇хууд̇и ад̇д̇ано барзсан̃жа хид̇ам̣ саад̇хзд̇ийд̇и саад̇ху, саммаабадибанно. д̇зна саад̇хунаа саарибуд̇д̇аад̣̇инаа саавагзна бажжзгаб̣уд̣̇д̇хзна саммаасамб̣уд̣̇д̇хзна ан̃н̃зна ваа логияасаад̇хунаа саад̇ху сунд̣̇арам̣ бхад̣̇д̣̇агам̣ ад̇д̇ано барзсан̃жа хид̇асукаавахам̣ сугарам̣ сукзна гаад̇ум̣ саггаа. саад̇ху баабзна д̣̇уггаранд̇и д̇ад̣̇зва бана вуд̇д̇алагкан̣ам̣ саад̇ху баабзна д̣̇звад̣̇ад̇д̇аад̣̇инаа баабабуг̇г̇алзна д̣̇уггарам̣ гаад̇ум̣ на саггаа, на со д̇ам̣ гаад̇ум̣ саггод̇ийд̇и ад̇т̇о. баабам̣ баабзна сугаранд̇и баабам̣ асунд̣̇арам̣ ад̇д̇ано барзсан̃жа анад̇т̇аавахам̣ баабзна яат̇аавуд̇д̇абаабабуг̇г̇алзна сугарам̣ сукзна гаад̇ум̣ саггун̣зяяа. баабамариязхи д̣̇уггаранд̇и ариязхи бана б̣уд̣̇д̇хаад̣̇ийхи д̇ам̣ д̇ам̣ баабам̣ д̣̇уггарам̣ д̣̇урабхисамбхавам̣. сзд̇угхаад̇оязва хи д̇зсанд̇и сад̇т̇аа д̣̇ийбзд̇и.
Tattha sukaraṃ sādhunā sādhūti attano paresañca hitaṃ sādhetīti sādhu, sammāpaṭipanno. Tena sādhunā sāriputtādinā sāvakena paccekabuddhena sammāsambuddhena aññena vā lokiyasādhunā sādhu sundaraṃ bhaddakaṃ attano paresañca hitasukhāvahaṃ sukaraṃ sukhena kātuṃ sakkā. Sādhu pāpena dukkaranti tadeva pana vuttalakkhaṇaṃ sādhu pāpena devadattādinā pāpapuggalena dukkaraṃ kātuṃ na sakkā, na so taṃ kātuṃ sakkotīti attho. Pāpaṃ pāpena sukaranti pāpaṃ asundaraṃ attano paresañca anatthāvahaṃ pāpena yathāvuttapāpapuggalena sukaraṃ sukhena kātuṃ sakkuṇeyya. Pāpamariyehi dukkaranti ariyehi pana buddhādīhi taṃ taṃ pāpaṃ dukkaraṃ durabhisambhavaṃ. Setughātoyeva hi tesanti satthā dīpeti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. сан̇гхабхзд̣̇асуд̇д̇ам̣ • 8. Saṅghabhedasuttaṃ
