| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১১৪. সঙ্ঘভেদে অনাপত্তিৰস্সচ্ছেদকথা
114. Saṅghabhede anāpattivassacchedakathā
২০২. ভিন্নোতি এত্থ তপচ্চযস্স অতীতত্থে অযুত্তভাৰং দস্সেন্তো আহ ‘‘ভিন্নে সঙ্ঘে করণীযং নত্থী’’তি। যো পনাতি সঙ্ঘো পন। ইদং ‘‘ভিজ্জিস্সতী’’তিপদে কত্তা, ‘‘আসঙ্কিতো’’তিপদে কম্মং। ‘‘ভিজ্জিস্সতী’’তি ইমিনা ভিন্নোতি এত্থ তপচ্চযস্স অনাগতত্থে পৰত্তভাৰং দস্সেতি। ভিক্খুনীহি সঙ্ঘো ভিন্নোতি এত্থ কিং ভিক্খুনীহি সঙ্ঘো ভিন্নোতি দট্ঠব্বোতি আহ ‘‘ন ভিক্খুনীহি সঙ্ঘো ভিন্নোতি দট্ঠব্বো’’তি। এতন্তি ভিক্খুনীহি অভিন্নভাৰং। এতা পনাতি ভিক্খুনিযো পন। তন্তি সঙ্ঘং। এতন্তি ‘‘সম্বহুলাহি ভিক্খুনীহি সঙ্ঘো ভিন্নো’’তি ৰচনং।
202.Bhinnoti ettha tapaccayassa atītatthe ayuttabhāvaṃ dassento āha ‘‘bhinne saṅghe karaṇīyaṃ natthī’’ti. Yo panāti saṅgho pana. Idaṃ ‘‘bhijjissatī’’tipade kattā, ‘‘āsaṅkito’’tipade kammaṃ. ‘‘Bhijjissatī’’ti iminā bhinnoti ettha tapaccayassa anāgatatthe pavattabhāvaṃ dasseti. Bhikkhunīhi saṅgho bhinnoti ettha kiṃ bhikkhunīhi saṅgho bhinnoti daṭṭhabboti āha ‘‘na bhikkhunīhi saṅgho bhinnoti daṭṭhabbo’’ti. Etanti bhikkhunīhi abhinnabhāvaṃ. Etā panāti bhikkhuniyo pana. Tanti saṅghaṃ. Etanti ‘‘sambahulāhi bhikkhunīhi saṅgho bhinno’’ti vacanaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১১৪. সঙ্ঘভেদে অনাপত্তিৰস্সচ্ছেদৰারো • 114. Saṅghabhede anāpattivassacchedavāro
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সঙ্ঘভেদেঅনাপত্তিৰস্সচ্ছেদকথা • Saṅghabhedeanāpattivassacchedakathā
