| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
১১৪. সঙ্ঘভেদে অনাপত্তিৰস্সচ্ছেদৰারো
114. Saṅghabhede anāpattivassacchedavāro
২০২. ইধ পন, ভিক্খৰে, ৰস্সূপগতো ভিক্খু পস্সতি সম্বহুলে ভিক্খূ সঙ্ঘভেদায পরক্কমন্তে। তত্র চে ভিক্খুনো এৰং হোতি, ‘গরুকো খো সঙ্ঘভেদো ৰুত্তো ভগৰতা; মা মযি সম্মুখীভূতে সঙ্ঘো ভিজ্জী’তি, পক্কমিতব্বং। অনাপত্তি ৰস্সচ্ছেদস্স।
202. Idha pana, bhikkhave, vassūpagato bhikkhu passati sambahule bhikkhū saṅghabhedāya parakkamante. Tatra ce bhikkhuno evaṃ hoti, ‘garuko kho saṅghabhedo vutto bhagavatā; mā mayi sammukhībhūte saṅgho bhijjī’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অসুকস্মিং কির আৰাসে সম্বহুলা ভিক্খূ সঙ্ঘভেদায পরক্কমন্তী’’তি। তত্র চে ভিক্খুনো এৰং হোতি, ‘গরুকো খো সঙ্ঘভেদো ৰুত্তো ভগৰতা; মা মযি সম্মুখীভূতে সঙ্ঘো ভিজ্জী’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti, ‘garuko kho saṅghabhedo vutto bhagavatā; mā mayi sammukhībhūte saṅgho bhijjī’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অসুকস্মিং কির আৰাসে সম্বহুলা ভিক্খূ সঙ্ঘভেদায পরক্কমন্তী’’তি। তত্র চে ভিক্খুনো এৰং হোতি – ‘‘তে খো মে ভিক্খূ মিত্তা। ত্যাহং ৰক্খামি ‘গরুকো খো, আৰুসো, সঙ্ঘভেদো ৰুত্তো ভগৰতা; মাযস্মন্তানং সঙ্ঘভেদো রুচ্চিত্থা’তি। করিস্সন্তি মে ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti – ‘‘te kho me bhikkhū mittā. Tyāhaṃ vakkhāmi ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অসুকস্মিং কির আৰাসে সম্বহুলা ভিক্খূ সঙ্ঘভেদায পরক্কমন্তী’’তি। তত্র চে ভিক্খুনো এৰং হোতি – ‘‘তে খো মে ভিক্খূ ন মিত্তা; অপি চ যে তেসং মিত্তা, তে মে মিত্তা। ত্যাহং ৰক্খামি। তে ৰুত্তা তে ৰক্খন্তি ‘গরুকো খো, আৰুসো, সঙ্ঘভেদো ৰুত্তো ভগৰতা; মাযস্মন্তানং সঙ্ঘভেদো রুচ্চিত্থা’তি। করিস্সন্তি তেসং ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti – ‘‘te kho me bhikkhū na mittā; api ca ye tesaṃ mittā, te me mittā. Tyāhaṃ vakkhāmi. Te vuttā te vakkhanti ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti tesaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অসুকস্মিং কির আৰাসে সম্বহুলেহি ভিক্খূহি সঙ্ঘো ভিন্নো’’তি। তত্র চে ভিক্খুনো এৰং হোতি – ‘‘তে খো মে ভিক্খূ মিত্তা। ত্যাহং ৰক্খামি ‘গরুকো খো, আৰুসো, সঙ্ঘভেদো ৰুত্তো ভগৰতা; মাযস্মন্তানং সঙ্ঘভেদো রুচ্চিত্থা’তি। করিস্সন্তি মে ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulehi bhikkhūhi saṅgho bhinno’’ti. Tatra ce bhikkhuno evaṃ hoti – ‘‘te kho me bhikkhū mittā. Tyāhaṃ vakkhāmi ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অসুকস্মিং কির আৰাসে সম্বহুলেহি ভিক্খূহি সঙ্ঘো ভিন্নো’’তি। তত্র চে ভিক্খুনো এৰং হোতি – ‘‘তে খো মে ভিক্খূ ন মিত্তা; অপি চ, যে তেসং মিত্তা তে মে মিত্তা। ত্যাহং ৰক্খামি। তে ৰুত্তা তে ৰক্খন্তি ‘গরুকো খো, আৰুসো, সঙ্ঘভেদো ৰুত্তো ভগৰতা; মাযস্মন্তানং সঙ্ঘভেদো রুচ্চিত্থা’তি। করিস্সন্তি তেসং ৰচনং, সুস্সূসিস্সন্তি , সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulehi bhikkhūhi saṅgho bhinno’’ti. Tatra ce bhikkhuno evaṃ hoti – ‘‘te kho me bhikkhū na mittā; api ca, ye tesaṃ mittā te me mittā. Tyāhaṃ vakkhāmi. Te vuttā te vakkhanti ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti tesaṃ vacanaṃ, sussūsissanti , sotaṃ odahissantī’’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অমুকস্মিং কির আৰাসে সম্বহুলা ভিক্খুনিযো সঙ্ঘভেদায পরক্কমন্তী’’তি। তত্র চে ভিক্খুনো এৰং হোতি – ‘‘তা খো মে ভিক্খুনিযো মিত্তা। তাহং ৰক্খামি ‘গরুকো খো, ভগিনিযো, সঙ্ঘভেদো ৰুত্তো ভগৰতা; মা ভগিনীনং সঙ্ঘভেদো রুচ্চিত্থা’তি। করিস্সন্তি মে ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্স।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulā bhikkhuniyo saṅghabhedāya parakkamantī’’ti. Tatra ce bhikkhuno evaṃ hoti – ‘‘tā kho me bhikkhuniyo mittā. Tāhaṃ vakkhāmi ‘garuko kho, bhaginiyo, saṅghabhedo vutto bhagavatā; mā bhaginīnaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অমুকস্মিং কির আৰাসে সম্বহুলা ভিক্খুনিযো সঙ্ঘভেদায পরক্কমন্তী’’তি। তত্র চে ভিক্খুনো এৰং হোতি – ‘‘তা খো মে ভিক্খুনিযো ন মিত্তা। অপি চ, যা তাসং মিত্তা, তা মে মিত্তা। তাহং ৰক্খামি। তা ৰুত্তা তা ৰক্খন্তি ‘গরুকো খো, ভগিনিযো, সঙ্ঘভেদো ৰুত্তো ভগৰতা। মা ভগিনীনং সঙ্ঘভেদো রুচ্চিত্থা’তি। করিস্সন্তি তাসং ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্সতি।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulā bhikkhuniyo saṅghabhedāya parakkamantī’’ti. Tatra ce bhikkhuno evaṃ hoti – ‘‘tā kho me bhikkhuniyo na mittā. Api ca, yā tāsaṃ mittā, tā me mittā. Tāhaṃ vakkhāmi. Tā vuttā tā vakkhanti ‘garuko kho, bhaginiyo, saṅghabhedo vutto bhagavatā. Mā bhaginīnaṃ saṅghabhedo ruccitthā’ti. Karissanti tāsaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassati.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অমুকস্মিং কির আৰাসে সম্বহুলাহি ভিক্খুনীহি সঙ্ঘো ভিন্নো’’তি। তত্র চে ভিক্খুনো এৰং হোতি – ‘‘তা খো মে ভিক্খুনিযো মিত্তা। তাহং ৰক্খামি ‘গরুকো খো, ভগিনিযো, সঙ্ঘভেদো ৰুত্তো ভগৰতা। মা ভগিনীনং সঙ্ঘভেদো রুচ্চিত্থা’তি। করিস্সন্তি মে ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্সতি।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulāhi bhikkhunīhi saṅgho bhinno’’ti. Tatra ce bhikkhuno evaṃ hoti – ‘‘tā kho me bhikkhuniyo mittā. Tāhaṃ vakkhāmi ‘garuko kho, bhaginiyo, saṅghabhedo vutto bhagavatā. Mā bhaginīnaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassati.
ইধ পন, ভিক্খৰে, ৰস্সূপগতো ভিক্খু সুণাতি – ‘‘অমুকস্মিং কির আৰাসে সম্বহুলাহি ভিক্খুনীহি সঙ্ঘো ভিন্নো’’তি। তত্র চে ভিক্খুনো এৰং হোতি – ‘‘তা খো মে ভিক্খুনিযো ন মিত্তা। অপি চ, যা তাসং মিত্তা তা মে মিত্তা। তাহং ৰক্খামি। তা ৰুত্তা তা ৰক্খন্তি ‘গরুকো খো, ভগিনিযো 1, সঙ্ঘভেদো ৰুত্তো ভগৰতা; মা ভগিনীনং 2 সঙ্ঘভেদো রুচ্চিত্থা’তি। করিস্সন্তি তাসং ৰচনং, সুস্সূসিস্সন্তি, সোতং ওদহিস্সন্তী’’তি, পক্কমিতব্বং। অনাপত্তি ৰস্সচ্ছেদস্সাতি।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulāhi bhikkhunīhi saṅgho bhinno’’ti. Tatra ce bhikkhuno evaṃ hoti – ‘‘tā kho me bhikkhuniyo na mittā. Api ca, yā tāsaṃ mittā tā me mittā. Tāhaṃ vakkhāmi. Tā vuttā tā vakkhanti ‘garuko kho, bhaginiyo 3, saṅghabhedo vutto bhagavatā; mā bhaginīnaṃ 4 saṅghabhedo ruccitthā’ti. Karissanti tāsaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassāti.
সঙ্ঘভেদে অনাপত্তিৰস্সচ্ছেদৰারো নিট্ঠিতো।
Saṅghabhede anāpattivassacchedavāro niṭṭhito.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সঙ্ঘভেদেঅনাপত্তিৰস্সচ্ছেদকথা • Saṅghabhedeanāpattivassacchedakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১১৪. সঙ্ঘভেদে অনাপত্তিৰস্সচ্ছেদকথা • 114. Saṅghabhede anāpattivassacchedakathā
