| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੧੪. ਸਙ੍ਘਭੇਦੇ ਅਨਾਪਤ੍ਤਿવਸ੍ਸਚ੍ਛੇਦવਾਰੋ
114. Saṅghabhede anāpattivassacchedavāro
੨੦੨. ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਪਸ੍ਸਤਿ ਸਮ੍ਬਹੁਲੇ ਭਿਕ੍ਖੂ ਸਙ੍ਘਭੇਦਾਯ ਪਰਕ੍ਕਮਨ੍ਤੇ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ, ‘ਗਰੁਕੋ ਖੋ ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾ ਮਯਿ ਸਮ੍ਮੁਖੀਭੂਤੇ ਸਙ੍ਘੋ ਭਿਜ੍ਜੀ’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
202. Idha pana, bhikkhave, vassūpagato bhikkhu passati sambahule bhikkhū saṅghabhedāya parakkamante. Tatra ce bhikkhuno evaṃ hoti, ‘garuko kho saṅghabhedo vutto bhagavatā; mā mayi sammukhībhūte saṅgho bhijjī’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਸੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਭਿਕ੍ਖੂ ਸਙ੍ਘਭੇਦਾਯ ਪਰਕ੍ਕਮਨ੍ਤੀ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ, ‘ਗਰੁਕੋ ਖੋ ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾ ਮਯਿ ਸਮ੍ਮੁਖੀਭੂਤੇ ਸਙ੍ਘੋ ਭਿਜ੍ਜੀ’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti, ‘garuko kho saṅghabhedo vutto bhagavatā; mā mayi sammukhībhūte saṅgho bhijjī’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਸੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਭਿਕ੍ਖੂ ਸਙ੍ਘਭੇਦਾਯ ਪਰਕ੍ਕਮਨ੍ਤੀ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤੇ ਖੋ ਮੇ ਭਿਕ੍ਖੂ ਮਿਤ੍ਤਾ। ਤ੍ਯਾਹਂ વਕ੍ਖਾਮਿ ‘ਗਰੁਕੋ ਖੋ, ਆવੁਸੋ, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾਯਸ੍ਮਨ੍ਤਾਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਮੇ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti – ‘‘te kho me bhikkhū mittā. Tyāhaṃ vakkhāmi ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਸੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਭਿਕ੍ਖੂ ਸਙ੍ਘਭੇਦਾਯ ਪਰਕ੍ਕਮਨ੍ਤੀ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤੇ ਖੋ ਮੇ ਭਿਕ੍ਖੂ ਨ ਮਿਤ੍ਤਾ; ਅਪਿ ਚ ਯੇ ਤੇਸਂ ਮਿਤ੍ਤਾ, ਤੇ ਮੇ ਮਿਤ੍ਤਾ। ਤ੍ਯਾਹਂ વਕ੍ਖਾਮਿ। ਤੇ વੁਤ੍ਤਾ ਤੇ વਕ੍ਖਨ੍ਤਿ ‘ਗਰੁਕੋ ਖੋ, ਆવੁਸੋ, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾਯਸ੍ਮਨ੍ਤਾਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਤੇਸਂ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulā bhikkhū saṅghabhedāya parakkamantī’’ti. Tatra ce bhikkhuno evaṃ hoti – ‘‘te kho me bhikkhū na mittā; api ca ye tesaṃ mittā, te me mittā. Tyāhaṃ vakkhāmi. Te vuttā te vakkhanti ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti tesaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਸੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲੇਹਿ ਭਿਕ੍ਖੂਹਿ ਸਙ੍ਘੋ ਭਿਨ੍ਨੋ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤੇ ਖੋ ਮੇ ਭਿਕ੍ਖੂ ਮਿਤ੍ਤਾ। ਤ੍ਯਾਹਂ વਕ੍ਖਾਮਿ ‘ਗਰੁਕੋ ਖੋ, ਆવੁਸੋ, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾਯਸ੍ਮਨ੍ਤਾਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਮੇ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulehi bhikkhūhi saṅgho bhinno’’ti. Tatra ce bhikkhuno evaṃ hoti – ‘‘te kho me bhikkhū mittā. Tyāhaṃ vakkhāmi ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਸੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲੇਹਿ ਭਿਕ੍ਖੂਹਿ ਸਙ੍ਘੋ ਭਿਨ੍ਨੋ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤੇ ਖੋ ਮੇ ਭਿਕ੍ਖੂ ਨ ਮਿਤ੍ਤਾ; ਅਪਿ ਚ, ਯੇ ਤੇਸਂ ਮਿਤ੍ਤਾ ਤੇ ਮੇ ਮਿਤ੍ਤਾ। ਤ੍ਯਾਹਂ વਕ੍ਖਾਮਿ। ਤੇ વੁਤ੍ਤਾ ਤੇ વਕ੍ਖਨ੍ਤਿ ‘ਗਰੁਕੋ ਖੋ, ਆવੁਸੋ, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾਯਸ੍ਮਨ੍ਤਾਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਤੇਸਂ વਚਨਂ, ਸੁਸ੍ਸੂਸਿਸ੍ਸਨ੍ਤਿ , ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘asukasmiṃ kira āvāse sambahulehi bhikkhūhi saṅgho bhinno’’ti. Tatra ce bhikkhuno evaṃ hoti – ‘‘te kho me bhikkhū na mittā; api ca, ye tesaṃ mittā te me mittā. Tyāhaṃ vakkhāmi. Te vuttā te vakkhanti ‘garuko kho, āvuso, saṅghabhedo vutto bhagavatā; māyasmantānaṃ saṅghabhedo ruccitthā’ti. Karissanti tesaṃ vacanaṃ, sussūsissanti , sotaṃ odahissantī’’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਮੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਭਿਕ੍ਖੁਨਿਯੋ ਸਙ੍ਘਭੇਦਾਯ ਪਰਕ੍ਕਮਨ੍ਤੀ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤਾ ਖੋ ਮੇ ਭਿਕ੍ਖੁਨਿਯੋ ਮਿਤ੍ਤਾ। ਤਾਹਂ વਕ੍ਖਾਮਿ ‘ਗਰੁਕੋ ਖੋ, ਭਗਿਨਿਯੋ, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾ ਭਗਿਨੀਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਮੇ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸ।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulā bhikkhuniyo saṅghabhedāya parakkamantī’’ti. Tatra ce bhikkhuno evaṃ hoti – ‘‘tā kho me bhikkhuniyo mittā. Tāhaṃ vakkhāmi ‘garuko kho, bhaginiyo, saṅghabhedo vutto bhagavatā; mā bhaginīnaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassa.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਮੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾ ਭਿਕ੍ਖੁਨਿਯੋ ਸਙ੍ਘਭੇਦਾਯ ਪਰਕ੍ਕਮਨ੍ਤੀ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤਾ ਖੋ ਮੇ ਭਿਕ੍ਖੁਨਿਯੋ ਨ ਮਿਤ੍ਤਾ। ਅਪਿ ਚ, ਯਾ ਤਾਸਂ ਮਿਤ੍ਤਾ, ਤਾ ਮੇ ਮਿਤ੍ਤਾ। ਤਾਹਂ વਕ੍ਖਾਮਿ। ਤਾ વੁਤ੍ਤਾ ਤਾ વਕ੍ਖਨ੍ਤਿ ‘ਗਰੁਕੋ ਖੋ, ਭਗਿਨਿਯੋ, ਸਙ੍ਘਭੇਦੋ વੁਤ੍ਤੋ ਭਗવਤਾ। ਮਾ ਭਗਿਨੀਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਤਾਸਂ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸਤਿ।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulā bhikkhuniyo saṅghabhedāya parakkamantī’’ti. Tatra ce bhikkhuno evaṃ hoti – ‘‘tā kho me bhikkhuniyo na mittā. Api ca, yā tāsaṃ mittā, tā me mittā. Tāhaṃ vakkhāmi. Tā vuttā tā vakkhanti ‘garuko kho, bhaginiyo, saṅghabhedo vutto bhagavatā. Mā bhaginīnaṃ saṅghabhedo ruccitthā’ti. Karissanti tāsaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassati.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਮੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾਹਿ ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤਾ ਖੋ ਮੇ ਭਿਕ੍ਖੁਨਿਯੋ ਮਿਤ੍ਤਾ। ਤਾਹਂ વਕ੍ਖਾਮਿ ‘ਗਰੁਕੋ ਖੋ, ਭਗਿਨਿਯੋ, ਸਙ੍ਘਭੇਦੋ વੁਤ੍ਤੋ ਭਗવਤਾ। ਮਾ ਭਗਿਨੀਨਂ ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਮੇ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸਤਿ।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulāhi bhikkhunīhi saṅgho bhinno’’ti. Tatra ce bhikkhuno evaṃ hoti – ‘‘tā kho me bhikkhuniyo mittā. Tāhaṃ vakkhāmi ‘garuko kho, bhaginiyo, saṅghabhedo vutto bhagavatā. Mā bhaginīnaṃ saṅghabhedo ruccitthā’ti. Karissanti me vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassati.
ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਸੁਣਾਤਿ – ‘‘ਅਮੁਕਸ੍ਮਿਂ ਕਿਰ ਆવਾਸੇ ਸਮ੍ਬਹੁਲਾਹਿ ਭਿਕ੍ਖੁਨੀਹਿ ਸਙ੍ਘੋ ਭਿਨ੍ਨੋ’’ਤਿ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ – ‘‘ਤਾ ਖੋ ਮੇ ਭਿਕ੍ਖੁਨਿਯੋ ਨ ਮਿਤ੍ਤਾ। ਅਪਿ ਚ, ਯਾ ਤਾਸਂ ਮਿਤ੍ਤਾ ਤਾ ਮੇ ਮਿਤ੍ਤਾ। ਤਾਹਂ વਕ੍ਖਾਮਿ। ਤਾ વੁਤ੍ਤਾ ਤਾ વਕ੍ਖਨ੍ਤਿ ‘ਗਰੁਕੋ ਖੋ, ਭਗਿਨਿਯੋ 1, ਸਙ੍ਘਭੇਦੋ વੁਤ੍ਤੋ ਭਗવਤਾ; ਮਾ ਭਗਿਨੀਨਂ 2 ਸਙ੍ਘਭੇਦੋ ਰੁਚ੍ਚਿਤ੍ਥਾ’ਤਿ। ਕਰਿਸ੍ਸਨ੍ਤਿ ਤਾਸਂ વਚਨਂ, ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤੀ’’ਤਿ, ਪਕ੍ਕਮਿਤਬ੍ਬਂ। ਅਨਾਪਤ੍ਤਿ વਸ੍ਸਚ੍ਛੇਦਸ੍ਸਾਤਿ।
Idha pana, bhikkhave, vassūpagato bhikkhu suṇāti – ‘‘amukasmiṃ kira āvāse sambahulāhi bhikkhunīhi saṅgho bhinno’’ti. Tatra ce bhikkhuno evaṃ hoti – ‘‘tā kho me bhikkhuniyo na mittā. Api ca, yā tāsaṃ mittā tā me mittā. Tāhaṃ vakkhāmi. Tā vuttā tā vakkhanti ‘garuko kho, bhaginiyo 3, saṅghabhedo vutto bhagavatā; mā bhaginīnaṃ 4 saṅghabhedo ruccitthā’ti. Karissanti tāsaṃ vacanaṃ, sussūsissanti, sotaṃ odahissantī’’ti, pakkamitabbaṃ. Anāpatti vassacchedassāti.
ਸਙ੍ਘਭੇਦੇ ਅਨਾਪਤ੍ਤਿવਸ੍ਸਚ੍ਛੇਦવਾਰੋ ਨਿਟ੍ਠਿਤੋ।
Saṅghabhede anāpattivassacchedavāro niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸਙ੍ਘਭੇਦੇਅਨਾਪਤ੍ਤਿવਸ੍ਸਚ੍ਛੇਦਕਥਾ • Saṅghabhedeanāpattivassacchedakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੪. ਸਙ੍ਘਭੇਦੇ ਅਨਾਪਤ੍ਤਿવਸ੍ਸਚ੍ਛੇਦਕਥਾ • 114. Saṅghabhede anāpattivassacchedakathā
