| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. ஸங்கா⁴தி³ஸேஸகண்டா³தி³
2. Saṅghādisesakaṇḍādi
192. யங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உபக்கமித்வாஅஸுசிங் மோசனபச்சயா ஸங்கா⁴தி³ஸேஸோ கத்த² பஞ்ஞத்தோ, கங் ஆரப்³ப⁴, கிஸ்மிங் வத்து²ஸ்மிங்…பே॰… கேனாப⁴தந்தி?
192. Yaṃ tena bhagavatā jānatā passatā arahatā sammāsambuddhena upakkamitvāasuciṃ mocanapaccayā saṅghādiseso kattha paññatto, kaṃ ārabbha, kismiṃ vatthusmiṃ…pe… kenābhatanti?
யங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உபக்கமித்வா அஸுசிங் மோசனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஆயஸ்மந்தங் ஸெய்யஸகங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா ஸெய்யஸகோ உபக்கமித்வா அஸுசிங் மோசேஸி, தஸ்மிங் வத்து²ஸ்மிங். அத்தி² தத்த² பஞ்ஞத்தி, அனுபஞ்ஞத்தி, அனுப்பன்னபஞ்ஞத்தீதி? ஏகா பஞ்ஞத்தி, ஏகா அனுபஞ்ஞத்தி. அனுப்பன்னபஞ்ஞத்தி தஸ்மிங் நத்தி². ஸப்³ப³த்த²பஞ்ஞத்தி, பதே³ஸபஞ்ஞத்தீதி? ஸப்³ப³த்த²பஞ்ஞத்தி. ஸாதா⁴ரணபஞ்ஞத்தி, அஸாதா⁴ரணபஞ்ஞத்தீதி? அஸாதா⁴ரணபஞ்ஞத்தி. ஏகதோபஞ்ஞத்தி, உப⁴தோபஞ்ஞத்தீதி? ஏகதோபஞ்ஞத்தி. பஞ்சன்னங் பாதிமொக்கு²த்³தே³ஸானங் கத்தோ²க³த⁴ங் கத்த² பரியாபன்னந்தி? நிதா³னோக³த⁴ங் நிதா³னபரியாபன்னங். கதமேன உத்³தே³ஸேன உத்³தே³ஸங் ஆக³ச்ச²தீதி? ததியேன உத்³தே³ஸேன உத்³தே³ஸங் ஆக³ச்ச²தி. சதுன்னங் விபத்தீனங் கதமா விபத்தீதி? ஸீலவிபத்தி. ஸத்தன்னங் ஆபத்திக்க²ந்தா⁴னங் கதமோ ஆபத்திக்க²ந்தோ⁴தி? ஸங்கா⁴தி³ஸேஸாபத்திக்க²ந்தோ⁴. ச²ன்னங் ஆபத்திஸமுட்டா²னானங் கதிஹி ஸமுட்டா²னேஹி ஸமுட்டா²தீதி? ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே॰… கேனாப⁴தந்தி? பரம்பராப⁴தங் –
Yaṃ tena bhagavatā jānatā passatā arahatā sammāsambuddhena upakkamitvā asuciṃ mocanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ seyyasakaṃ ārabbha. Kismiṃ vatthusminti? Āyasmā seyyasako upakkamitvā asuciṃ mocesi, tasmiṃ vatthusmiṃ. Atthi tattha paññatti, anupaññatti, anuppannapaññattīti? Ekā paññatti, ekā anupaññatti. Anuppannapaññatti tasmiṃ natthi. Sabbatthapaññatti, padesapaññattīti? Sabbatthapaññatti. Sādhāraṇapaññatti, asādhāraṇapaññattīti? Asādhāraṇapaññatti. Ekatopaññatti, ubhatopaññattīti? Ekatopaññatti. Pañcannaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ nidānapariyāpannaṃ. Katamena uddesena uddesaṃ āgacchatīti? Tatiyena uddesena uddesaṃ āgacchati. Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti? Saṅghādisesāpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe… kenābhatanti? Paramparābhataṃ –
உபாலி தா³ஸகோ சேவ, ஸோணகோ ஸிக்³க³வோ ததா²;
Upāli dāsako ceva, soṇako siggavo tathā;
மொக்³க³லிபுத்தேன பஞ்சமா, ஏதே ஜம்பு³ஸிரிவ்ஹயே. …பே॰…;
Moggaliputtena pañcamā, ete jambusirivhaye. …pe…;
ஏதே நாகா³ மஹாபஞ்ஞா, வினயஞ்ஞூ மக்³க³கோவிதா³;
Ete nāgā mahāpaññā, vinayaññū maggakovidā;
வினயங் தீ³பே பகாஸேஸுங், பிடகங் தம்ப³பண்ணியாதி.
Vinayaṃ dīpe pakāsesuṃ, piṭakaṃ tambapaṇṇiyāti.
மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஆயஸ்மந்தங் உதா³யிங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா உதா³யீ மாதுகா³மேன ஸத்³தி⁴ங் காயஸங்ஸக்³க³ங் ஸமாபஜ்ஜி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே॰….
Mātugāmena saddhiṃ kāyasaṃsaggaṃ samāpajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmena saddhiṃ kāyasaṃsaggaṃ samāpajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe….
மாதுகா³மங் து³ட்டு²ல்லாஹி வாசாஹி ஓபா⁴ஸனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஆயஸ்மந்தங் உதா³யிங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா உதா³யீ மாதுகா³மங் து³ட்டு²ல்லாஹி வாசாஹி ஓபா⁴ஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்டா²தி – ஸியா காயதோ ச சித்ததோ ச ஸமுட்டா²தி, ந வாசதோ; ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி…பே॰….
Mātugāmaṃ duṭṭhullāhi vācāhi obhāsanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmaṃ duṭṭhullāhi vācāhi obhāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
மாதுகா³மஸ்ஸ ஸந்திகே அத்தகாமபாரிசரியாய வண்ணங் பா⁴ஸனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஆயஸ்மந்தங் உதா³யிங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா உதா³யீ மாதுகா³மஸ்ஸ ஸந்திகே அத்தகாமபாரிசரியாய வண்ணங் பா⁴ஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்டா²தி…பே॰….
Mātugāmassa santike attakāmapāricariyāya vaṇṇaṃ bhāsanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmassa santike attakāmapāricariyāya vaṇṇaṃ bhāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ஸஞ்சரித்தங் ஸமாபஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஆயஸ்மந்தங் உதா³யிங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா உதா³யீ ஸஞ்சரித்தங் ஸமாபஜ்ஜி, தஸ்மிங் வத்து²ஸ்மிங். ஏகா பஞ்ஞத்தி, ஏகா அனுபஞ்ஞத்தி. ச²ன்னங் ஆபத்திஸமுட்டா²னானங் ச²ஹி ஸமுட்டா²னேஹி ஸமுட்டா²தி – ஸியா காயதோ ஸமுட்டா²தி, ந வாசதோ ந சித்ததோ; ஸியா வாசதோ ஸமுட்டா²தி, ந காயதோ ந சித்ததோ; ஸியா காயதோ ச வாசதோ ச ஸமுட்டா²தி, ந சித்ததோ; ஸியா காயதோ ச சித்ததோ ச ஸமுட்டா²தி, ந வாசதோ; ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி…பே॰….
Sañcarittaṃ samāpajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī sañcarittaṃ samāpajji, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ chahi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā vācato samuṭṭhāti, na kāyato na cittato; siyā kāyato ca vācato ca samuṭṭhāti, na cittato; siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
ஸஞ்ஞாசிகாய குடிங் காராபனபச்சயா ஸங்கா⁴தி³ஸேஸோ கத்த² பஞ்ஞத்தோதி ? ஆளவியங் பஞ்ஞத்தோ. கங் ஆரப்³பா⁴தி? ஆளவகே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? ஆளவகா பி⁴க்கூ² ஸஞ்ஞாசிகாய குடியோ காராபேஸுங், தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ச²ஹி ஸமுட்டா²னேஹி ஸமுட்டா²தி…பே॰….
Saññācikāya kuṭiṃ kārāpanapaccayā saṅghādiseso kattha paññattoti ? Āḷaviyaṃ paññatto. Kaṃ ārabbhāti? Āḷavake bhikkhū ārabbha. Kismiṃ vatthusminti? Āḷavakā bhikkhū saññācikāya kuṭiyo kārāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
மஹல்லகங் விஹாரங் காராபனபச்சயா ஸங்கா⁴தி³ஸேஸோ கத்த² பஞ்ஞத்தோதி? கோஸம்பி³யங் பஞ்ஞத்தோ. கங் ஆரப்³பா⁴தி? ஆயஸ்மந்தங் ச²ன்னங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா ச²ன்னோ விஹாரவத்து²ங் ஸோதெ⁴ந்தோ அஞ்ஞதரங் சேதியருக்க²ங் சே²தா³பேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ச²ஹி ஸமுட்டா²னேஹி ஸமுட்டா²தி…பே॰….
Mahallakaṃ vihāraṃ kārāpanapaccayā saṅghādiseso kattha paññattoti? Kosambiyaṃ paññatto. Kaṃ ārabbhāti? Āyasmantaṃ channaṃ ārabbha. Kismiṃ vatthusminti? Āyasmā channo vihāravatthuṃ sodhento aññataraṃ cetiyarukkhaṃ chedāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
பி⁴க்கு²ங் அமூலகேன பாராஜிகேன த⁴ம்மேன அனுத்³த⁴ங்ஸனபச்சயா ஸங்கா⁴தி³ஸேஸோ கத்த² பஞ்ஞத்தோதி? ராஜக³ஹே பஞ்ஞத்தோ. கங் ஆரப்³பா⁴தி? மெத்தியபூ⁴மஜகே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங் அமூலகேன பாராஜிகேன த⁴ம்மேன அனுத்³த⁴ங்ஸேஸுங், தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்டா²தி…பே॰….
Bhikkhuṃ amūlakena pārājikena dhammena anuddhaṃsanapaccayā saṅghādiseso kattha paññattoti? Rājagahe paññatto. Kaṃ ārabbhāti? Mettiyabhūmajake bhikkhū ārabbha. Kismiṃ vatthusminti? Mettiyabhūmajakā bhikkhū āyasmantaṃ dabbaṃ mallaputtaṃ amūlakena pārājikena dhammena anuddhaṃsesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
பி⁴க்கு²ங் அஞ்ஞபா⁴கி³யஸ்ஸ அதி⁴கரணஸ்ஸ கிஞ்சிதே³ஸங் லேஸமத்தங் உபாதா³ய பாராஜிகேன த⁴ம்மேன அனுத்³த⁴ங்ஸனபச்சயா ஸங்கா⁴தி³ஸேஸோ கத்த² பஞ்ஞத்தோதி? ராஜக³ஹே பஞ்ஞத்தோ. கங் ஆரப்³பா⁴தி? மெத்தியபூ⁴மஜகே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? மெத்தியபூ⁴மஜகா பி⁴க்கூ² ஆயஸ்மந்தங் த³ப்³ப³ங் மல்லபுத்தங் அஞ்ஞபா⁴கி³யஸ்ஸ அதி⁴கரணஸ்ஸ கிஞ்சி தே³ஸங் லேஸமத்தங் உபாதா³ய பாராஜிகேன த⁴ம்மேன அனுத்³த⁴ங்ஸேஸுங், தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்டா²தி…பே॰….
Bhikkhuṃ aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃsanapaccayā saṅghādiseso kattha paññattoti? Rājagahe paññatto. Kaṃ ārabbhāti? Mettiyabhūmajake bhikkhū ārabbha. Kismiṃ vatthusminti? Mettiyabhūmajakā bhikkhū āyasmantaṃ dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
ஸங்க⁴பே⁴த³கஸ்ஸ பி⁴க்கு²னோ யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ராஜக³ஹே பஞ்ஞத்தோ. கங் ஆரப்³பா⁴தி? தே³வத³த்தங் ஆரப்³ப⁴. கிஸ்மிங் வத்து²ஸ்மிந்தி? தே³வத³த்தோ ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே॰….
Saṅghabhedakassa bhikkhuno yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Rājagahe paññatto. Kaṃ ārabbhāti? Devadattaṃ ārabbha. Kismiṃ vatthusminti? Devadatto samaggassa saṅghassa bhedāya parakkami, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
பே⁴த³கானுவத்தகானங் பி⁴க்கூ²னங் யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ராஜக³ஹே பஞ்ஞத்தோ. கங் ஆரப்³பா⁴தி? ஸம்ப³ஹுலே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? ஸம்ப³ஹுலா பி⁴க்கூ² தே³வத³த்தஸ்ஸ ஸங்க⁴பே⁴தா³ய பரக்கமந்தஸ்ஸ அனுவத்தகா அஹேஸுங் வக்³க³வாத³கா, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகே ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே॰….
Bhedakānuvattakānaṃ bhikkhūnaṃ yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Rājagahe paññatto. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū devadattassa saṅghabhedāya parakkamantassa anuvattakā ahesuṃ vaggavādakā, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ eke samuṭṭhānena samuṭṭhāti – kāyato ca vācato ca cittato ca samuṭṭhāti…pe….
து³ப்³ப³சஸ்ஸ பி⁴க்கு²னோ யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? கோஸம்பி³யங் பஞ்ஞத்தோ. கங் ஆரப்³பா⁴தி? ஆயஸ்மந்தங் ச²ன்னங் ஆரப்³ப⁴. கிஸ்மிங் வத்து²ஸ்மிந்தி? ஆயஸ்மா ச²ன்னோ பி⁴க்கூ²ஹி ஸஹத⁴ம்மிகங் வுச்சமானோ அத்தானங் அவசனீயங் அகாஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே॰….
Dubbacassa bhikkhuno yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Kosambiyaṃ paññatto. Kaṃ ārabbhāti? Āyasmantaṃ channaṃ ārabbha. Kismiṃ vatthusminti? Āyasmā channo bhikkhūhi sahadhammikaṃ vuccamāno attānaṃ avacanīyaṃ akāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
குலதூ³ஸகஸ்ஸ பி⁴க்கு²னோ யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? அஸ்ஸஜிபுனப்³ப³ஸுகே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? அஸ்ஸஜிபுனப்³ப³ஸுகா பி⁴க்கூ² ஸங்கே⁴ன பப்³பா³ஜனீயகம்மகதா பி⁴க்கூ² ச²ந்த³கா³மிதா தோ³ஸகா³மிதா மோஹகா³மிதா ப⁴யகா³மிதா பாபேஸுங், தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – காயதோ ச வாசதோ ச சித்ததோ ச ஸமுட்டா²தி…பே॰….
Kuladūsakassa bhikkhuno yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Assajipunabbasuke bhikkhū ārabbha. Kismiṃ vatthusminti? Assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
அனாத³ரியங் படிச்ச உத³கே உச்சாரங் வா பஸ்ஸாவங் வா கே²ளங் வா கரணபச்சயா து³க்கடங் கத்த² பஞ்ஞத்தந்தி? ஸாவத்தி²யங் பஞ்ஞத்தங். கங் ஆரப்³பா⁴தி? ச²ப்³ப³க்³கி³யே பி⁴க்கூ² ஆரப்³ப⁴. கிஸ்மிங் வத்து²ஸ்மிந்தி? ச²ப்³ப³க்³கி³யா பி⁴க்கூ² உத³கே உச்சாரம்பி பஸ்ஸாவம்பி கே²ளம்பி அகங்ஸு, தஸ்மிங் வத்து²ஸ்மிங். ஏகா பஞ்ஞத்தி, ஏகா அனுபஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – காயதோ ச சித்ததோ ச ஸமுட்டா²தி, ந வாசதோ…பே॰….
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā dukkaṭaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū udake uccārampi passāvampi kheḷampi akaṃsu, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe….
கத்த²பஞ்ஞத்திவாரோ நிட்டி²தோ பட²மோ.
Katthapaññattivāro niṭṭhito paṭhamo.
