| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
2. ஸங்கா⁴தி³ஸேஸகண்டா³தி³
2. Saṅghādisesakaṇḍādi
248. யங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உஸ்ஸயவாதி³காய பி⁴க்கு²னியா அட்³ட³ங் கரணபச்சயா ஸங்கா⁴தி³ஸேஸோ கத்த² பஞ்ஞத்தோ? கங் ஆரப்³ப⁴? கிஸ்மிங் வத்து²ஸ்மிங்…பே॰… கேனாப⁴தந்தி?
248. Yaṃ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṃ karaṇapaccayā saṅghādiseso kattha paññatto? Kaṃ ārabbha? Kismiṃ vatthusmiṃ…pe… kenābhatanti?
யங் தேன ப⁴க³வதா ஜானதா பஸ்ஸதா அரஹதா ஸம்மாஸம்பு³த்³தே⁴ன உஸ்ஸயவாதி³காய பி⁴க்கு²னியா அட்³ட³ங் கரணபச்சயா ஸங்கா⁴தி³ஸேஸோ கத்த² பஞ்ஞத்தோதி ? ஸாவத்தி²யங் பஞ்ஞத்தோ. கங் ஆரப்³பா⁴தி ? து²ல்லனந்த³ங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? து²ல்லனந்தா³ பி⁴க்கு²னீ உஸ்ஸயவாதி³கா விஹரி, தஸ்மிங் வத்து²ஸ்மிங். அத்தி² தத்த² பஞ்ஞத்தி, அனுபஞ்ஞத்தி, அனுப்பன்னபஞ்ஞத்தீதி? ஏகா பஞ்ஞத்தி. அனுபஞ்ஞத்தி அனுப்பன்னபஞ்ஞத்தி தஸ்மிங் நத்தி². ஸப்³ப³த்த²பஞ்ஞத்தி, பதே³ஸபஞ்ஞத்தீதி? ஸப்³ப³த்த²பஞ்ஞத்தி. ஸாதா⁴ரணபஞ்ஞத்தி, அஸாதா⁴ரணபஞ்ஞத்தீதி? அஸாதா⁴ரணபஞ்ஞத்தி. ஏகதோபஞ்ஞத்தி, உப⁴தோபஞ்ஞத்தீதி? ஏகதோபஞ்ஞத்தி. சதுன்னங் பாதிமொக்கு²த்³தே³ஸானங் கத்தோ²க³த⁴ங் கத்த² பரியாபன்னந்தி? நிதா³னோக³த⁴ங் நிதா³னபரியாபன்னங். கதமேன உத்³தே³ஸேன உத்³தே³ஸங் ஆக³ச்ச²தீதி? ததியேன உத்³தே³ஸேன உத்³தே³ஸங் ஆக³ச்ச²தி. சதுன்னங் விபத்தீனங் கதமா விபத்தீதி? ஸீலவிபத்தி. ஸத்தன்னங் ஆபத்திக்க²ந்தா⁴னங் கதமோ ஆபத்திக்க²ந்தோ⁴தி? ஸங்கா⁴தி³ஸேஸாபத்திக்க²ந்தோ⁴. ச²ன்னங் ஆபத்திஸமுட்டா²னானங் கதிஹி ஸமுட்டா²னேஹி ஸமுட்டா²தீதி? த்³வீஹி ஸமுட்டா²னேஹி ஸமுட்டா²தி – ஸியா காயதோ ச வாசதோ ச ஸமுட்டா²தி, ந சித்ததோ; ஸியா காயதோ ச வாசதோ சித்ததோ ச ஸமுட்டா²தி…பே॰… கேனாப⁴தந்தி? பரம்பராப⁴தங் –
Yaṃ tena bhagavatā jānatā passatā arahatā sammāsambuddhena ussayavādikāya bhikkhuniyā aḍḍaṃ karaṇapaccayā saṅghādiseso kattha paññattoti ? Sāvatthiyaṃ paññatto. Kaṃ ārabbhāti ? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī ussayavādikā vihari, tasmiṃ vatthusmiṃ. Atthi tattha paññatti, anupaññatti, anuppannapaññattīti? Ekā paññatti. Anupaññatti anuppannapaññatti tasmiṃ natthi. Sabbatthapaññatti, padesapaññattīti? Sabbatthapaññatti. Sādhāraṇapaññatti, asādhāraṇapaññattīti? Asādhāraṇapaññatti. Ekatopaññatti, ubhatopaññattīti? Ekatopaññatti. Catunnaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ nidānapariyāpannaṃ. Katamena uddesena uddesaṃ āgacchatīti? Tatiyena uddesena uddesaṃ āgacchati. Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti? Saṅghādisesāpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Dvīhi samuṭṭhānehi samuṭṭhāti – siyā kāyato ca vācato ca samuṭṭhāti, na cittato; siyā kāyato ca vācato cittato ca samuṭṭhāti…pe… kenābhatanti? Paramparābhataṃ –
உபாலி தா³ஸகோ சேவ, ஸோணகோ ஸிக்³க³வோ ததா²;
Upāli dāsako ceva, soṇako siggavo tathā;
மொக்³க³லிபுத்தேன பஞ்சமா, ஏதே ஜம்பு³ஸிரிவ்ஹயே. …பே॰…;
Moggaliputtena pañcamā, ete jambusirivhaye. …pe…;
ஏதே நாகா³ மஹாபஞ்ஞா, வினயஞ்ஞூ மக்³க³கோவிதா³;
Ete nāgā mahāpaññā, vinayaññū maggakovidā;
வினயங் தீ³பே பகாஸேஸுங், பிடகங் தம்ப³பண்ணியாதி.
Vinayaṃ dīpe pakāsesuṃ, piṭakaṃ tambapaṇṇiyāti.
சோரிங் வுட்டா²பனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? து²ல்லனந்த³ங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? து²ல்லனந்தா³ பி⁴க்கு²னீ சோரிங் வுட்டா²பேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் த்³வீஹி ஸமுட்டா²னேஹி ஸமுட்டா²தி – ஸியா வாசதோ ச சித்ததோ ச ஸமுட்டா²தி, ந காயதோ; ஸியா காயதோ ச வாசதோ ச சித்ததோ ச ஸமுட்டா²தி…பே॰….
Coriṃ vuṭṭhāpanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī coriṃ vuṭṭhāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti – siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
ஏகா கா³மந்தரங் க³மனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? அஞ்ஞதரங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? அஞ்ஞதரா பி⁴க்கு²னீ ஏகா கா³மந்தரங் க³ச்சி², தஸ்மிங் வத்து²ஸ்மிங். ஏகா பஞ்ஞத்தி, திஸ்ஸோ அனுபஞ்ஞத்தியோ. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – பட²மபாராஜிகே…பே॰….
Ekā gāmantaraṃ gamanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Aññataraṃ bhikkhuniṃ ārabbha. Kismiṃ vatthusminti? Aññatarā bhikkhunī ekā gāmantaraṃ gacchi, tasmiṃ vatthusmiṃ. Ekā paññatti, tisso anupaññattiyo. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
ஸமக்³கே³ன ஸங்கே⁴ன உக்கி²த்தங் பி⁴க்கு²னிங் த⁴ம்மேன வினயேன ஸத்து²ஸாஸனேன அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரணபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? து²ல்லனந்த³ங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? து²ல்லனந்தா³ பி⁴க்கு²னீ ஸமக்³கே³ன ஸங்கே⁴ன உக்கி²த்தங் பி⁴க்கு²னிங் த⁴ம்மேன வினயேன ஸத்து²ஸாஸனேன அனபலோகெத்வா காரகஸங்க⁴ங் அனஞ்ஞாய க³ணஸ்ஸ ச²ந்த³ங் ஓஸாரேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே॰….
Samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāraṇapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāresi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
அவஸ்ஸுதாய பி⁴க்கு²னியா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ கா²த³னீயங் வா போ⁴ஜனீயங் வா ஸஹத்தா² படிக்³க³ஹெத்வா பு⁴ஞ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஸுந்த³ரீனந்த³ங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? ஸுந்த³ரீனந்தா³ பி⁴க்கு²னீ அவஸ்ஸுதா அவஸ்ஸுதஸ்ஸ புரிஸபுக்³க³லஸ்ஸ ஹத்த²தோ ஆமிஸங் படிக்³க³ஹேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – பட²மபாராஜிகே…பே॰….
Avassutāya bhikkhuniyā avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā bhuñjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Sundarīnandaṃ bhikkhuniṃ ārabbha. Kismiṃ vatthusminti? Sundarīnandā bhikkhunī avassutā avassutassa purisapuggalassa hatthato āmisaṃ paṭiggahesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – paṭhamapārājike…pe….
‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வங் அனவஸ்ஸுதா! இங்க⁴, அய்யே, யங் தே ஏஸோ புரிஸபுக்³க³லோ தே³தி கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா பு⁴ஞ்ஜ வா’’தி உய்யோஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? அஞ்ஞதரங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? அஞ்ஞதரா பி⁴க்கு²னீ – ‘‘கிங் தே, அய்யே, ஏஸோ புரிஸபுக்³க³லோ கரிஸ்ஸதி அவஸ்ஸுதோ வா அனவஸ்ஸுதோ வா, யதோ த்வங் அனவஸ்ஸுதா! இங்க⁴, அய்யே, யங் தே ஏஸோ புரிஸபுக்³க³லோ தே³தி கா²த³னீயங் வா போ⁴ஜனீயங் வா தங் த்வங் ஸஹத்தா² படிக்³க³ஹெத்வா கா²த³ வா பு⁴ஞ்ஜ வா’’தி உய்யோஜேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் தீஹி ஸமுட்டா²னேஹி ஸமுட்டா²தி…பே॰….
‘‘Kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā! Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti uyyojanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Aññataraṃ bhikkhuniṃ ārabbha. Kismiṃ vatthusminti? Aññatarā bhikkhunī – ‘‘kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā! Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti uyyojesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
குபிதாய அனத்தமனாய பி⁴க்கு²னியா யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? சண்ட³காளிங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? சண்ட³காளீ பி⁴க்கு²னீ குபிதா அனத்தமனா ஏவங் அவச – ‘‘பு³த்³த⁴ங் பச்சாசிக்கா²மி, த⁴ம்மங் பச்சாசிக்கா²மி, ஸங்க⁴ங் பச்சாசிக்கா²மி, ஸிக்க²ங் பச்சாசிக்கா²மீ’’தி, தஸ்மிங் வத்து²ஸ்மிங் . ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே॰….
Kupitāya anattamanāya bhikkhuniyā yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Caṇḍakāḷiṃ bhikkhuniṃ ārabbha. Kismiṃ vatthusminti? Caṇḍakāḷī bhikkhunī kupitā anattamanā evaṃ avaca – ‘‘buddhaṃ paccācikkhāmi, dhammaṃ paccācikkhāmi, saṅghaṃ paccācikkhāmi, sikkhaṃ paccācikkhāmī’’ti, tasmiṃ vatthusmiṃ . Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
கிஸ்மிஞ்சிதே³வ அதி⁴கரணே பச்சாகதாய பி⁴க்கு²னியா யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? சண்ட³காளிங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? சண்ட³காளீ பி⁴க்கு²னீ கிஸ்மிஞ்சிதே³வ அதி⁴கரணே பச்சாகதா குபிதா அனத்தமனா ஏவங் அவச – ‘‘ச²ந்த³கா³மினியோ ச பி⁴க்கு²னியோ, தோ³ஸகா³மினியோ ச பி⁴க்கு²னியோ, மோஹகா³மினியோ ச பி⁴க்கு²னியோ, ப⁴யகா³மினியோ ச பி⁴க்கு²னியோ’’தி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே॰….
Kismiñcideva adhikaraṇe paccākatāya bhikkhuniyā yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Caṇḍakāḷiṃ bhikkhuniṃ ārabbha. Kismiṃ vatthusminti? Caṇḍakāḷī bhikkhunī kismiñcideva adhikaraṇe paccākatā kupitā anattamanā evaṃ avaca – ‘‘chandagāminiyo ca bhikkhuniyo, dosagāminiyo ca bhikkhuniyo, mohagāminiyo ca bhikkhuniyo, bhayagāminiyo ca bhikkhuniyo’’ti, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
ஸங்ஸட்டா²னங் பி⁴க்கு²னீனங் யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? ஸம்ப³ஹுலா பி⁴க்கு²னியோ ஆரப்³ப⁴. கிஸ்மிங் வத்து²ஸ்மிந்தி? ஸம்ப³ஹுலா பி⁴க்கு²னியோ ஸங்ஸட்டா² விஹரிங்ஸு, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே॰….
Saṃsaṭṭhānaṃ bhikkhunīnaṃ yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Sambahulā bhikkhuniyo ārabbha. Kismiṃ vatthusminti? Sambahulā bhikkhuniyo saṃsaṭṭhā vihariṃsu, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
‘‘ஸங்ஸட்டா² , அய்யே, தும்ஹே விஹரத². மா தும்ஹே நானா விஹரித்தா²’’தி உய்யோஜெந்தியா யாவததியங் ஸமனுபா⁴ஸனாய ந படினிஸ்ஸஜ்ஜனபச்சயா ஸங்கா⁴தி³ஸேஸோ கத்த² பஞ்ஞத்தோதி? ஸாவத்தி²யங் பஞ்ஞத்தோ. கங் ஆரப்³பா⁴தி? து²ல்லனந்த³ங் பி⁴க்கு²னிங் ஆரப்³ப⁴. கிஸ்மிங் வத்து²ஸ்மிந்தி? து²ல்லனந்தா³ பி⁴க்கு²னீ – ‘‘ஸங்ஸட்டா²வ அய்யே, தும்ஹே விஹரத². மா தம்ஹே நானா விஹரித்தா²’’தி உய்யோஜேஸி, தஸ்மிங் வத்து²ஸ்மிங். ஏகா பஞ்ஞத்தி. ச²ன்னங் ஆபத்திஸமுட்டா²னானங் ஏகேன ஸமுட்டா²னேன ஸமுட்டா²தி – து⁴ரனிக்கே²பே…பே॰….
‘‘Saṃsaṭṭhā , ayye, tumhe viharatha. Mā tumhe nānā viharitthā’’ti uyyojentiyā yāvatatiyaṃ samanubhāsanāya na paṭinissajjanapaccayā saṅghādiseso kattha paññattoti? Sāvatthiyaṃ paññatto. Kaṃ ārabbhāti? Thullanandaṃ bhikkhuniṃ ārabbha. Kismiṃ vatthusminti? Thullanandā bhikkhunī – ‘‘saṃsaṭṭhāva ayye, tumhe viharatha. Mā tamhe nānā viharitthā’’ti uyyojesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – dhuranikkhepe…pe….
த³தி⁴ங் விஞ்ஞாபெத்வா பு⁴ஞ்ஜனபச்சயா பாடிதே³ஸனீயங் கத்த² பஞ்ஞத்தந்தி? ஸாவத்தி²யங் பஞ்ஞத்தங். கங் ஆரப்³பா⁴தி? ச²ப்³ப³க்³கி³யா பி⁴க்கு²னியோ ஆரப்³ப⁴. கிஸ்மிங் வத்து²ஸ்மிந்தி? ச²ப்³ப³க்³கி³யா பி⁴க்கு²னியோ த³தி⁴ங் விஞ்ஞாபெத்வா பு⁴ஞ்ஜிங்ஸு, தஸ்மிங் வத்து²ஸ்மிங். ஏகா பஞ்ஞத்தி, ஏகா அனுபஞ்ஞத்தி. ச²ன்னங் ஆபத்திஸமுட்டா²னானங் சதூஹி ஸமுட்டா²னேஹி ஸமுட்டா²தி…பே॰… .
Dadhiṃ viññāpetvā bhuñjanapaccayā pāṭidesanīyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiyā bhikkhuniyo ārabbha. Kismiṃ vatthusminti? Chabbaggiyā bhikkhuniyo dadhiṃ viññāpetvā bhuñjiṃsu, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ catūhi samuṭṭhānehi samuṭṭhāti…pe… .
கத்த²பஞ்ஞத்திவாரோ நிட்டி²தோ பட²மோ.
Katthapaññattivāro niṭṭhito paṭhamo.
