| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. сан̇гхаад̣̇исзсаган̣д̣аад̣̇и
2. Saṅghādisesakaṇḍādi
194. убаггамид̇ваа асужим̣ можанабажжаяаа гад̇и аабад̇д̇ияо аабаж̇ж̇ад̇и? убаггамид̇ваа асужиможанабажжаяаа д̇иссо аабад̇д̇ияо аабаж̇ж̇ад̇и – жзд̇зд̇и убаггамад̇и мужжад̇и, аабад̇д̇и сан̇гхаад̣̇исзсасса; жзд̇зд̇и убаггамад̇и на мужжад̇и, аабад̇д̇и т̇уллажжаяасса; баяог̇з д̣̇уггадам̣ – убаггамид̇ваа асужиможанабажжаяаа имаа д̇иссо аабад̇д̇ияо аабаж̇ж̇ад̇и.
194. Upakkamitvā asuciṃ mocanapaccayā kati āpattiyo āpajjati? Upakkamitvā asucimocanapaccayā tisso āpattiyo āpajjati – ceteti upakkamati muccati, āpatti saṅghādisesassa; ceteti upakkamati na muccati, āpatti thullaccayassa; payoge dukkaṭaṃ – upakkamitvā asucimocanapaccayā imā tisso āpattiyo āpajjati.
гааяасам̣саг̇г̇ам̣ самаабаж̇ж̇анабажжаяаа гад̇и аабад̇д̇ияо аабаж̇ж̇ад̇и? гааяасам̣саг̇г̇ам̣ самаабаж̇ж̇анабажжаяаа бан̃жа аабад̇д̇ияо аабаж̇ж̇ад̇и – авассуд̇аа бхигкуний авассуд̇асса бурисабуг̇г̇аласса ад̇хагкагам̣ уб̣бхаж̇аан̣уман̣д̣алам̣ г̇ахан̣ам̣ саад̣̇ияад̇и, аабад̇д̇и баарааж̇игасса; бхигку гааязна гааяам̣ аамасад̇и, аабад̇д̇и сан̇гхаад̣̇исзсасса; гааязна гааяабадиб̣ад̣̇д̇хам̣ аамасад̇и, аабад̇д̇и т̇уллажжаяасса; гааяабадиб̣ад̣̇д̇хзна гааяабадиб̣ад̣̇д̇хам̣ аамасад̇и, аабад̇д̇и д̣̇уггадасса; ан̇г̇улибад̇од̣̇агз баажид̇д̇ияам̣ – гааяасам̣саг̇г̇ам̣ самаабаж̇ж̇анабажжаяаа имаа бан̃жа аабад̇д̇ияо аабаж̇ж̇ад̇и.
Kāyasaṃsaggaṃ samāpajjanapaccayā kati āpattiyo āpajjati? Kāyasaṃsaggaṃ samāpajjanapaccayā pañca āpattiyo āpajjati – avassutā bhikkhunī avassutassa purisapuggalassa adhakkhakaṃ ubbhajāṇumaṇḍalaṃ gahaṇaṃ sādiyati, āpatti pārājikassa; bhikkhu kāyena kāyaṃ āmasati, āpatti saṅghādisesassa; kāyena kāyapaṭibaddhaṃ āmasati, āpatti thullaccayassa; kāyapaṭibaddhena kāyapaṭibaddhaṃ āmasati, āpatti dukkaṭassa; aṅgulipatodake pācittiyaṃ – kāyasaṃsaggaṃ samāpajjanapaccayā imā pañca āpattiyo āpajjati.
маад̇уг̇аамам̣ д̣̇удтуллаахи ваажаахи обхаасанабажжаяаа д̇иссо аабад̇д̇ияо аабаж̇ж̇ад̇и – важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и, аабад̇д̇и сан̇гхаад̣̇исзсасса; важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и, аабад̇д̇и т̇уллажжаяасса; гааяабадиб̣ад̣̇д̇хам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и, аабад̇д̇и д̣̇уггадасса.
Mātugāmaṃ duṭṭhullāhi vācāhi obhāsanapaccayā tisso āpattiyo āpajjati – vaccamaggaṃ passāvamaggaṃ ādissa vaṇṇampi bhaṇati avaṇṇampi bhaṇati, āpatti saṅghādisesassa; vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati avaṇṇampi bhaṇati, āpatti thullaccayassa; kāyapaṭibaddhaṃ ādissa vaṇṇampi bhaṇati avaṇṇampi bhaṇati, āpatti dukkaṭassa.
ад̇д̇агаамабаарижарияааяа ван̣н̣ам̣ бхаасанабажжаяаа д̇иссо аабад̇д̇ияо аабаж̇ж̇ад̇и – маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и сан̇гхаад̣̇исзсасса; бан̣д̣агасса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и т̇уллажжаяасса; д̇иражчаанаг̇ад̇асса санд̇игз ад̇д̇агаамабаарижарияааяа ван̣н̣ам̣ бхаасад̇и, аабад̇д̇и д̣̇уггадасса.
Attakāmapāricariyāya vaṇṇaṃ bhāsanapaccayā tisso āpattiyo āpajjati – mātugāmassa santike attakāmapāricariyāya vaṇṇaṃ bhāsati, āpatti saṅghādisesassa; paṇḍakassa santike attakāmapāricariyāya vaṇṇaṃ bhāsati, āpatti thullaccayassa; tiracchānagatassa santike attakāmapāricariyāya vaṇṇaṃ bhāsati, āpatti dukkaṭassa.
сан̃жарид̇д̇ам̣ самаабаж̇ж̇анабажжаяаа д̇иссо аабад̇д̇ияо аабаж̇ж̇ад̇и – бадиг̇г̇ан̣хаад̇и виймам̣сад̇и бажжаахарад̇и, аабад̇д̇и сан̇гхаад̣̇исзсасса; бадиг̇г̇ан̣хаад̇и виймам̣сад̇и на бажжаахарад̇и, аабад̇д̇и т̇уллажжаяасса; бадиг̇г̇ан̣хаад̇и на виймам̣сад̇и на бажжаахарад̇и, аабад̇д̇и д̣̇уггадасса.
Sañcarittaṃ samāpajjanapaccayā tisso āpattiyo āpajjati – paṭiggaṇhāti vīmaṃsati paccāharati, āpatti saṅghādisesassa; paṭiggaṇhāti vīmaṃsati na paccāharati, āpatti thullaccayassa; paṭiggaṇhāti na vīmaṃsati na paccāharati, āpatti dukkaṭassa.
сан̃н̃аажигааяа гудим̣ гаараабанабажжаяаа д̇иссо аабад̇д̇ияо аабаж̇ж̇ад̇и – гаараабзд̇и, баяог̇з д̣̇уггадам̣; згам̣ бин̣д̣ам̣ 1 анааг̇ад̇з аабад̇д̇и т̇уллажжаяасса; д̇асмим̣ бин̣д̣з ааг̇ад̇з аабад̇д̇и сан̇гхаад̣̇исзсасса.
Saññācikāya kuṭiṃ kārāpanapaccayā tisso āpattiyo āpajjati – kārāpeti, payoge dukkaṭaṃ; ekaṃ piṇḍaṃ 2 anāgate āpatti thullaccayassa; tasmiṃ piṇḍe āgate āpatti saṅghādisesassa.
махаллагам̣ вихаарам̣ гаараабанабажжаяаа д̇иссо аабад̇д̇ияо аабаж̇ж̇ад̇и – гаараабзд̇и, баяог̇з д̣̇уггадам̣; згам̣ бин̣д̣ам̣ анааг̇ад̇з, аабад̇д̇и т̇уллажжаяасса; д̇асмим̣ бин̣д̣з ааг̇ад̇з аабад̇д̇и сан̇гхаад̣̇исзсасса.
Mahallakaṃ vihāraṃ kārāpanapaccayā tisso āpattiyo āpajjati – kārāpeti, payoge dukkaṭaṃ; ekaṃ piṇḍaṃ anāgate, āpatti thullaccayassa; tasmiṃ piṇḍe āgate āpatti saṅghādisesassa.
бхигкум̣ амуулагзна баарааж̇игзна д̇хаммзна ануд̣̇д̇хам̣санабажжаяаа д̇иссо аабад̇д̇ияо аабаж̇ж̇ад̇и – аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадасса; огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Bhikkhuṃ amūlakena pārājikena dhammena anuddhaṃsanapaccayā tisso āpattiyo āpajjati – anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa; okāsaṃ kārāpetvā akkosādhippāyo vadeti, āpatti omasavādassa.
бхигкум̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣санабажжаяаа д̇иссо аабад̇д̇ияо аабаж̇ж̇ад̇и – аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадасса; огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Bhikkhuṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsanapaccayā tisso āpattiyo āpajjati – anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa; okāsaṃ kārāpetvā akkosādhippāyo vadeti, āpatti omasavādassa.
сан̇гхабхзд̣̇аго бхигку яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и – н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Saṅghabhedako bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
бхзд̣̇агаанувад̇д̇агаа бхигкуу яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и – н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Bhedakānuvattakā bhikkhū yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
д̣̇уб̣б̣ажо бхигку яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и – н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Dubbaco bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
гулад̣̇уусаго бхигку яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и – н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса…бз….
Kuladūsako bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa…pe….
анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа гад̇и аабад̇д̇ияо аабаж̇ж̇ад̇и? анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа згам̣ аабад̇д̇им̣ аабаж̇ж̇ад̇и. д̣̇уггадам̣ – анаад̣̇арияам̣ бадижжа уд̣̇агз ужжаарам̣ ваа бассаавам̣ ваа кзл̣ам̣ ваа гаран̣абажжаяаа имам̣ згам̣ аабад̇д̇им̣ аабаж̇ж̇ад̇и.
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā kati āpattiyo āpajjati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā ekaṃ āpattiṃ āpajjati. Dukkaṭaṃ – anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā imaṃ ekaṃ āpattiṃ āpajjati.
гад̇аабад̇д̇ивааро нидтид̇о д̣̇уд̇ияо.
Katāpattivāro niṭṭhito dutiyo.
Footnotes:
