| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. сан̇гхаад̣̇исзсаган̣д̣аад̣̇и
2. Saṅghādisesakaṇḍādi
250. уссаяаваад̣̇игаа бхигкуний ад̣д̣ам̣ гаран̣абажжаяаа д̇иссо аабад̇д̇ияо аабаж̇ж̇ад̇и. згасса аарожзд̇и, аабад̇д̇и д̣̇уггадасса; д̣̇уд̇ияасса аарожзд̇и, аабад̇д̇и т̇уллажжаяасса; ад̣д̣абарияосаанз аабад̇д̇и сан̇гхаад̣̇исзсасса.
250. Ussayavādikā bhikkhunī aḍḍaṃ karaṇapaccayā tisso āpattiyo āpajjati. Ekassa āroceti, āpatti dukkaṭassa; dutiyassa āroceti, āpatti thullaccayassa; aḍḍapariyosāne āpatti saṅghādisesassa.
жорим̣ вудтаабанабажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Coriṃ vuṭṭhāpanapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
згаа г̇ааманд̇арам̣ г̇аманабажжаяаа д̇иссо аабад̇д̇ияо аабаж̇ж̇ад̇и. г̇ажчад̇и, аабад̇д̇и д̣̇уггадасса; батамам̣ баад̣̇ам̣ баригкзбам̣ ад̇иггаамзд̇и, аабад̇д̇и т̇уллажжаяасса; д̣̇уд̇ияам̣ баад̣̇ам̣ ад̇иггаамзд̇и, аабад̇д̇и сан̇гхаад̣̇исзсасса.
Ekā gāmantaraṃ gamanapaccayā tisso āpattiyo āpajjati. Gacchati, āpatti dukkaṭassa; paṭhamaṃ pādaṃ parikkhepaṃ atikkāmeti, āpatti thullaccayassa; dutiyaṃ pādaṃ atikkāmeti, āpatti saṅghādisesassa.
самаг̇г̇зна сан̇гхзна угкид̇д̇ам̣ бхигкуним̣ д̇хаммзна винаязна сад̇т̇усаасанзна анабалогзд̇ваа гаарагасан̇гхам̣ анан̃н̃ааяа г̇ан̣асса чанд̣̇ам̣ осааран̣абажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Samaggena saṅghena ukkhittaṃ bhikkhuniṃ dhammena vinayena satthusāsanena anapaloketvā kārakasaṅghaṃ anaññāya gaṇassa chandaṃ osāraṇapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
авассуд̇аа бхигкуний авассуд̇асса бурисабуг̇г̇аласса хад̇т̇ад̇о каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа бхун̃ж̇анабажжаяаа д̇иссо аабад̇д̇ияо аабаж̇ж̇ад̇и. ‘‘каад̣̇иссаами бхун̃ж̇иссаамий’’д̇и бадиг̇г̇ан̣хаад̇и, аабад̇д̇и т̇уллажжаяасса; аж̇жхохаарз аж̇жхохаарз аабад̇д̇и сан̇гхаад̣̇исзсасса; уд̣̇агад̣̇анд̇абонам̣ бадиг̇г̇ан̣хаад̇и, аабад̇д̇и д̣̇уггадасса.
Avassutā bhikkhunī avassutassa purisapuggalassa hatthato khādanīyaṃ vā bhojanīyaṃ vā sahatthā paṭiggahetvā bhuñjanapaccayā tisso āpattiyo āpajjati. ‘‘Khādissāmi bhuñjissāmī’’ti paṭiggaṇhāti, āpatti thullaccayassa; ajjhohāre ajjhohāre āpatti saṅghādisesassa; udakadantaponaṃ paṭiggaṇhāti, āpatti dukkaṭassa.
‘‘гим̣ д̇з, аяяз, зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа! ин̇гха, аяяз, яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и, уяяож̇анабажжаяаа д̇иссо аабад̇д̇ияо аабаж̇ж̇ад̇и. д̇ассаа важанзна каад̣̇иссаами бхун̃ж̇иссаамийд̇и бадиг̇г̇ан̣хаад̇и, аабад̇д̇и д̣̇уггадасса; аж̇жхохаарз аж̇жхохаарз аабад̇д̇и т̇уллажжаяасса; бхож̇анабарияосаанз аабад̇д̇и сан̇гхаад̣̇исзсасса.
‘‘Kiṃ te, ayye, eso purisapuggalo karissati avassuto vā anavassuto vā, yato tvaṃ anavassutā! Iṅgha, ayye, yaṃ te eso purisapuggalo deti khādanīyaṃ vā bhojanīyaṃ vā taṃ tvaṃ sahatthā paṭiggahetvā khāda vā bhuñja vā’’ti, uyyojanapaccayā tisso āpattiyo āpajjati. Tassā vacanena khādissāmi bhuñjissāmīti paṭiggaṇhāti, āpatti dukkaṭassa; ajjhohāre ajjhohāre āpatti thullaccayassa; bhojanapariyosāne āpatti saṅghādisesassa.
губид̇аа бхигкуний яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Kupitā bhikkhunī yāvatatiyaṃ samanubhāsanāya na paṭinissajjanapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
гисмин̃жид̣̇зва ад̇хигаран̣з бажжаагад̇аа бхигкуний яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Kismiñcideva adhikaraṇe paccākatā bhikkhunī yāvatatiyaṃ samanubhāsanāya na paṭinissajjanapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
сам̣садтаа бхигкуний яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
Saṃsaṭṭhā bhikkhunī yāvatatiyaṃ samanubhāsanāya na paṭinissajjanapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
‘‘сам̣садтаава, аяяз, д̇умхз вихарат̇а, маа д̇умхз наанаа вихарид̇т̇аа’’д̇и уяяож̇знд̇ий яаавад̇ад̇ияам̣ саманубхаасанааяа на бадиниссаж̇ж̇анабажжаяаа д̇иссо аабад̇д̇ияо аабаж̇ж̇ад̇и. н̃ад̇д̇ияаа д̣̇уггадам̣; д̣̇вийхи гаммаваажаахи т̇уллажжаяаа; гаммаваажаабарияосаанз аабад̇д̇и сан̇гхаад̣̇исзсасса.
‘‘Saṃsaṭṭhāva, ayye, tumhe viharatha, mā tumhe nānā viharitthā’’ti uyyojentī yāvatatiyaṃ samanubhāsanāya na paṭinissajjanapaccayā tisso āpattiyo āpajjati. Ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
д̣̇аса сан̇гхаад̣̇исзсаа нидтид̇аа…бз….
Dasa saṅghādisesā niṭṭhitā…pe….
(яат̇аа хздтаа д̇ат̇аа вид̇т̇аарзд̇аб̣б̣аа бажжаяамзва наанаагаран̣ам̣)
(Yathā heṭṭhā tathā vitthāretabbā paccayameva nānākaraṇaṃ)
д̣̇ад̇хим̣ вин̃н̃аабзд̇ваа бхун̃ж̇анабажжаяаа гад̇и аабад̇д̇ияо аабаж̇ж̇ад̇и? д̣̇ад̇хим̣ вин̃н̃аабзд̇ваа бхун̃ж̇анабажжаяаа д̣̇вз аабад̇д̇ияо аабаж̇ж̇ад̇и. бхун̃ж̇иссаамийд̇и бадиг̇г̇ан̣хаад̇и, аабад̇д̇и д̣̇уггадасса; аж̇жхохаарз аж̇жхохаарз аабад̇д̇и баадид̣̇зсанийяасса – д̣̇ад̇хим̣ вин̃н̃аабзд̇ваа бхун̃ж̇анабажжаяаа имаа д̣̇вз аабад̇д̇ияо аабаж̇ж̇ад̇и.
Dadhiṃ viññāpetvā bhuñjanapaccayā kati āpattiyo āpajjati? Dadhiṃ viññāpetvā bhuñjanapaccayā dve āpattiyo āpajjati. Bhuñjissāmīti paṭiggaṇhāti, āpatti dukkaṭassa; ajjhohāre ajjhohāre āpatti pāṭidesanīyassa – dadhiṃ viññāpetvā bhuñjanapaccayā imā dve āpattiyo āpajjati.
гад̇аабад̇д̇ивааро нидтид̇о д̣̇уд̇ияо.
Katāpattivāro niṭṭhito dutiyo.
