| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੨. ਸਙ੍ਘਾਦਿਸੇਸਕਣ੍ਡਾਦਿ
2. Saṅghādisesakaṇḍādi
੧੯੪. ਉਪਕ੍ਕਮਿਤ੍વਾ ਅਸੁਚਿਂ ਮੋਚਨਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਉਪਕ੍ਕਮਿਤ੍વਾ ਅਸੁਚਿਮੋਚਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਪਯੋਗੇ ਦੁਕ੍ਕਟਂ – ਉਪਕ੍ਕਮਿਤ੍વਾ ਅਸੁਚਿਮੋਚਨਪਚ੍ਚਯਾ ਇਮਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ।
194. Upakkamitvā asuciṃ mocanapaccayā kati āpattiyo āpajjati? Upakkamitvā asucimocanapaccayā tisso āpattiyo āpajjati – ceteti upakkamati muccati, āpatti saṅghādisesassa; ceteti upakkamati na muccati, āpatti thullaccayassa; payoge dukkaṭaṃ – upakkamitvā asucimocanapaccayā imā tisso āpattiyo āpajjati.
ਕਾਯਸਂਸਗ੍ਗਂ ਸਮਾਪਜ੍ਜਨਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਕਾਯਸਂਸਗ੍ਗਂ ਸਮਾਪਜ੍ਜਨਪਚ੍ਚਯਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ – ਅવਸ੍ਸੁਤਾ ਭਿਕ੍ਖੁਨੀ ਅવਸ੍ਸੁਤਸ੍ਸ ਪੁਰਿਸਪੁਗ੍ਗਲਸ੍ਸ ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਗਹਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ; ਭਿਕ੍ਖੁ ਕਾਯੇਨ ਕਾਯਂ ਆਮਸਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ; ਅਙ੍ਗੁਲਿਪਤੋਦਕੇ ਪਾਚਿਤ੍ਤਿਯਂ – ਕਾਯਸਂਸਗ੍ਗਂ ਸਮਾਪਜ੍ਜਨਪਚ੍ਚਯਾ ਇਮਾ ਪਞ੍ਚ ਆਪਤ੍ਤਿਯੋ ਆਪਜ੍ਜਤਿ।
Kāyasaṃsaggaṃ samāpajjanapaccayā kati āpattiyo āpajjati? Kāyasaṃsaggaṃ samāpajjanapaccayā pañca āpattiyo āpajjati – avassutā bhikkhunī avassutassa purisapuggalassa adhakkhakaṃ ubbhajāṇumaṇḍalaṃ gahaṇaṃ sādiyati, āpatti pārājikassa; bhikkhu kāyena kāyaṃ āmasati, āpatti saṅghādisesassa; kāyena kāyapaṭibaddhaṃ āmasati, āpatti thullaccayassa; kāyapaṭibaddhena kāyapaṭibaddhaṃ āmasati, āpatti dukkaṭassa; aṅgulipatodake pācittiyaṃ – kāyasaṃsaggaṃ samāpajjanapaccayā imā pañca āpattiyo āpajjati.
ਮਾਤੁਗਾਮਂ ਦੁਟ੍ਠੁਲ੍ਲਾਹਿ વਾਚਾਹਿ ਓਭਾਸਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – વਚ੍ਚਮਗ੍ਗਂ ਪਸ੍ਸਾવਮਗ੍ਗਂ ਆਦਿਸ੍ਸ વਣ੍ਣਮ੍ਪਿ ਭਣਤਿ ਅવਣ੍ਣਮ੍ਪਿ ਭਣਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; વਚ੍ਚਮਗ੍ਗਂ ਪਸ੍ਸਾવਮਗ੍ਗਂ ਠਪੇਤ੍વਾ ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਦਿਸ੍ਸ વਣ੍ਣਮ੍ਪਿ ਭਣਤਿ ਅવਣ੍ਣਮ੍ਪਿ ਭਣਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਕਾਯਪਟਿਬਦ੍ਧਂ ਆਦਿਸ੍ਸ વਣ੍ਣਮ੍ਪਿ ਭਣਤਿ ਅવਣ੍ਣਮ੍ਪਿ ਭਣਤਿ, ਆਪਤ੍ਤਿ ਦੁਕ੍ਕਟਸ੍ਸ।
Mātugāmaṃ duṭṭhullāhi vācāhi obhāsanapaccayā tisso āpattiyo āpajjati – vaccamaggaṃ passāvamaggaṃ ādissa vaṇṇampi bhaṇati avaṇṇampi bhaṇati, āpatti saṅghādisesassa; vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati avaṇṇampi bhaṇati, āpatti thullaccayassa; kāyapaṭibaddhaṃ ādissa vaṇṇampi bhaṇati avaṇṇampi bhaṇati, āpatti dukkaṭassa.
ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਪਣ੍ਡਕਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਿਰਚ੍ਛਾਨਗਤਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ વਣ੍ਣਂ ਭਾਸਤਿ, ਆਪਤ੍ਤਿ ਦੁਕ੍ਕਟਸ੍ਸ।
Attakāmapāricariyāya vaṇṇaṃ bhāsanapaccayā tisso āpattiyo āpajjati – mātugāmassa santike attakāmapāricariyāya vaṇṇaṃ bhāsati, āpatti saṅghādisesassa; paṇḍakassa santike attakāmapāricariyāya vaṇṇaṃ bhāsati, āpatti thullaccayassa; tiracchānagatassa santike attakāmapāricariyāya vaṇṇaṃ bhāsati, āpatti dukkaṭassa.
ਸਞ੍ਚਰਿਤ੍ਤਂ ਸਮਾਪਜ੍ਜਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਪਟਿਗ੍ਗਣ੍ਹਾਤਿ વੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ; ਪਟਿਗ੍ਗਣ੍ਹਾਤਿ વੀਮਂਸਤਿ ਨ ਪਚ੍ਚਾਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਪਟਿਗ੍ਗਣ੍ਹਾਤਿ ਨ વੀਮਂਸਤਿ ਨ ਪਚ੍ਚਾਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ।
Sañcarittaṃ samāpajjanapaccayā tisso āpattiyo āpajjati – paṭiggaṇhāti vīmaṃsati paccāharati, āpatti saṅghādisesassa; paṭiggaṇhāti vīmaṃsati na paccāharati, āpatti thullaccayassa; paṭiggaṇhāti na vīmaṃsati na paccāharati, āpatti dukkaṭassa.
ਸਞ੍ਞਾਚਿਕਾਯ ਕੁਟਿਂ ਕਾਰਾਪਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਕਾਰਾਪੇਤਿ, ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ 1 ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Saññācikāya kuṭiṃ kārāpanapaccayā tisso āpattiyo āpajjati – kārāpeti, payoge dukkaṭaṃ; ekaṃ piṇḍaṃ 2 anāgate āpatti thullaccayassa; tasmiṃ piṇḍe āgate āpatti saṅghādisesassa.
ਮਹਲ੍ਲਕਂ વਿਹਾਰਂ ਕਾਰਾਪਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਕਾਰਾਪੇਤਿ, ਪਯੋਗੇ ਦੁਕ੍ਕਟਂ; ਏਕਂ ਪਿਣ੍ਡਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Mahallakaṃ vihāraṃ kārāpanapaccayā tisso āpattiyo āpajjati – kārāpeti, payoge dukkaṭaṃ; ekaṃ piṇḍaṃ anāgate, āpatti thullaccayassa; tasmiṃ piṇḍe āgate āpatti saṅghādisesassa.
ਭਿਕ੍ਖੁਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਅਨੋਕਾਸਂ ਕਾਰਾਪੇਤ੍વਾ ਚਾવਨਾਧਿਪ੍ਪਾਯੋ વਦੇਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ; ਓਕਾਸਂ ਕਾਰਾਪੇਤ੍વਾ ਅਕ੍ਕੋਸਾਧਿਪ੍ਪਾਯੋ વਦੇਤਿ, ਆਪਤ੍ਤਿ ਓਮਸવਾਦਸ੍ਸ।
Bhikkhuṃ amūlakena pārājikena dhammena anuddhaṃsanapaccayā tisso āpattiyo āpajjati – anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa; okāsaṃ kārāpetvā akkosādhippāyo vadeti, āpatti omasavādassa.
ਭਿਕ੍ਖੁਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਅਨੋਕਾਸਂ ਕਾਰਾਪੇਤ੍વਾ ਚਾવਨਾਧਿਪ੍ਪਾਯੋ વਦੇਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ; ਓਕਾਸਂ ਕਾਰਾਪੇਤ੍વਾ ਅਕ੍ਕੋਸਾਧਿਪ੍ਪਾਯੋ વਦੇਤਿ, ਆਪਤ੍ਤਿ ਓਮਸવਾਦਸ੍ਸ।
Bhikkhuṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsanapaccayā tisso āpattiyo āpajjati – anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa; okāsaṃ kārāpetvā akkosādhippāyo vadeti, āpatti omasavādassa.
ਸਙ੍ਘਭੇਦਕੋ ਭਿਕ੍ਖੁ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਞਤ੍ਤਿਯਾ ਦੁਕ੍ਕਟਂ; ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ; ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Saṅghabhedako bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
ਭੇਦਕਾਨੁવਤ੍ਤਕਾ ਭਿਕ੍ਖੂ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਞਤ੍ਤਿਯਾ ਦੁਕ੍ਕਟਂ; ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ; ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bhedakānuvattakā bhikkhū yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
ਦੁਬ੍ਬਚੋ ਭਿਕ੍ਖੁ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਞਤ੍ਤਿਯਾ ਦੁਕ੍ਕਟਂ; ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ; ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dubbaco bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa.
ਕੁਲਦੂਸਕੋ ਭਿਕ੍ਖੁ ਯਾવਤਤਿਯਂ ਸਮਨੁਭਾਸਨਾਯ ਨ ਪਟਿਨਿਸ੍ਸਜ੍ਜਨਪਚ੍ਚਯਾ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ – ਞਤ੍ਤਿਯਾ ਦੁਕ੍ਕਟਂ; ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ; ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰…।
Kuladūsako bhikkhu yāvatatiyaṃ samanubhāsanāya na paṭinissajjanapaccayā tisso āpattiyo āpajjati – ñattiyā dukkaṭaṃ; dvīhi kammavācāhi thullaccayā; kammavācāpariyosāne āpatti saṅghādisesassa…pe….
ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ? ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰਣਪਚ੍ਚਯਾ ਏਕਂ ਆਪਤ੍ਤਿਂ ਆਪਜ੍ਜਤਿ। ਦੁਕ੍ਕਟਂ – ਅਨਾਦਰਿਯਂ ਪਟਿਚ੍ਚ ਉਦਕੇ ਉਚ੍ਚਾਰਂ વਾ ਪਸ੍ਸਾવਂ વਾ ਖੇਲ਼ਂ વਾ ਕਰਣਪਚ੍ਚਯਾ ਇਮਂ ਏਕਂ ਆਪਤ੍ਤਿਂ ਆਪਜ੍ਜਤਿ।
Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā kati āpattiyo āpajjati? Anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā ekaṃ āpattiṃ āpajjati. Dukkaṭaṃ – anādariyaṃ paṭicca udake uccāraṃ vā passāvaṃ vā kheḷaṃ vā karaṇapaccayā imaṃ ekaṃ āpattiṃ āpajjati.
ਕਤਾਪਤ੍ਤਿવਾਰੋ ਨਿਟ੍ਠਿਤੋ ਦੁਤਿਯੋ।
Katāpattivāro niṭṭhito dutiyo.
Footnotes:
