| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. сан̇гхаад̣̇исзсаган̣д̣ам̣
2. Saṅghādisesakaṇḍaṃ
7. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна убаггамид̇ваа асужим̣ можзнд̇асса сан̇гхаад̣̇исзсо гад̇т̇а бан̃н̃ад̇д̇о? гам̣ аараб̣бха? гисмим̣ вад̇т̇усмим̣? ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и , ануббаннабан̃н̃ад̇д̇и? саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇и? саад̇хааран̣абан̃н̃ад̇д̇и, асаад̇хааран̣абан̃н̃ад̇д̇и? згад̇обан̃н̃ад̇д̇и, убхад̇обан̃н̃ад̇д̇и? бан̃жаннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннам̣? гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇и? жад̇уннам̣ вибад̇д̇ийнам̣ гад̇амаа вибад̇д̇и? сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇хо? чаннам̣ аабад̇д̇исамудтаанаанам̣ гад̇ихи самудтаанзхи самудтаад̇и? жад̇уннам̣ ад̇хигаран̣аанам̣ гад̇амам̣ ад̇хигаран̣ам̣? сад̇д̇аннам̣ самат̇аанам̣ гад̇ихи самат̇зхи саммад̇и? го д̇ад̇т̇а винаяо, го д̇ад̇т̇а абхивинаяо? гим̣ д̇ад̇т̇а баад̇имогкам̣, гим̣ д̇ад̇т̇а ад̇хибаад̇имогкам̣ ? гаа вибад̇д̇и, гаа самбад̇д̇и, гаа бадибад̇д̇и? гад̇и ад̇т̇авасз бадижжа бхаг̇авад̇аа убаггамид̇ваа асужим̣ можзнд̇асса сан̇гхаад̣̇исзсо бан̃н̃ад̇д̇о? гз сигканд̇и, гз сигкид̇асигкаа? гад̇т̇а тид̇ам̣? гз д̇хаарзнд̇и? гасса важанам̣? гзнаабхад̇анд̇и?
7. Yaṃ tena bhagavatā jānatā passatā arahatā sammāsambuddhena upakkamitvā asuciṃ mocentassa saṅghādiseso kattha paññatto? Kaṃ ārabbha? Kismiṃ vatthusmiṃ? Atthi tattha paññatti, anupaññatti , anuppannapaññatti? Sabbatthapaññatti, padesapaññatti? Sādhāraṇapaññatti, asādhāraṇapaññatti? Ekatopaññatti, ubhatopaññatti? Pañcannaṃ pātimokkhuddesānaṃ katthogadhaṃ kattha pariyāpannaṃ? Katamena uddesena uddesaṃ āgacchati? Catunnaṃ vipattīnaṃ katamā vipatti? Sattannaṃ āpattikkhandhānaṃ katamo āpattikkhandho? Channaṃ āpattisamuṭṭhānānaṃ katihi samuṭṭhānehi samuṭṭhāti? Catunnaṃ adhikaraṇānaṃ katamaṃ adhikaraṇaṃ? Sattannaṃ samathānaṃ katihi samathehi sammati? Ko tattha vinayo, ko tattha abhivinayo? Kiṃ tattha pātimokkhaṃ, kiṃ tattha adhipātimokkhaṃ ? Kā vipatti, kā sampatti, kā paṭipatti? Kati atthavase paṭicca bhagavatā upakkamitvā asuciṃ mocentassa saṅghādiseso paññatto? Ke sikkhanti, ke sikkhitasikkhā? Kattha ṭhitaṃ? Ke dhārenti? Kassa vacanaṃ? Kenābhatanti?
8. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна убаггамид̇ваа асужим̣ можзнд̇асса сан̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ сзяяасагам̣ аараб̣бха. гисмим̣ вад̇т̇усминд̇и? ааяасмаа сзяяасаго хад̇т̇зна убаггамид̇ваа асужим̣ можзси, д̇асмим̣ вад̇т̇усмим̣. ад̇т̇и д̇ад̇т̇а бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇ийд̇и? згаа бан̃н̃ад̇д̇и, згаа анубан̃н̃ад̇д̇и. ануббаннабан̃н̃ад̇д̇и д̇асмим̣ над̇т̇и. саб̣б̣ад̇т̇а бан̃н̃ад̇д̇и, бад̣̇зсабан̃н̃ад̇д̇ийд̇и? саб̣б̣ад̇т̇абан̃н̃ад̇д̇и. саад̇хааран̣абан̃н̃ад̇д̇и, асаад̇хааран̣абан̃н̃ад̇д̇ийд̇и ? асаад̇хааран̣абан̃н̃ад̇д̇и. згад̇обан̃н̃ад̇д̇и, убхад̇обан̃н̃ад̇д̇ийд̇и? згад̇обан̃н̃ад̇д̇и. бан̃жаннам̣ баад̇имогкуд̣̇д̣̇зсаанам̣ гад̇т̇ог̇ад̇хам̣ гад̇т̇а барияаабаннанд̇и? нид̣̇ааног̇ад̇хам̣ нид̣̇аанабарияаабаннам̣. гад̇амзна уд̣̇д̣̇зсзна уд̣̇д̣̇зсам̣ ааг̇ажчад̇ийд̇и? д̇ад̇ияз уд̣̇д̣̇зсзна уд̣̇д̣̇зсам̣ ааг̇ажчад̇и . жад̇уннам̣ вибад̇д̇ийнам̣ гад̇амаа вибад̇д̇ийд̇и? сийлавибад̇д̇и. сад̇д̇аннам̣ аабад̇д̇игканд̇хаанам̣ гад̇амо аабад̇д̇игканд̇ход̇и? сан̇гхаад̣̇исзсо аабад̇д̇игканд̇хо. чаннам̣ аабад̇д̇исамудтаанаанам̣ гад̇ихи самудтаанзхи самудтаад̇ийд̇и? згзна самудтаанзна самудтаад̇и – гааяад̇о жа жид̇д̇ад̇о жа самудтаад̇и, на ваажад̇о. жад̇уннам̣ ад̇хигаран̣аанам̣ гад̇амам̣ ад̇хигаран̣анд̇и? аабад̇д̇аад̇хигаран̣ам̣. сад̇д̇аннам̣ самат̇аанам̣ гад̇ихи самат̇зхи саммад̇ийд̇и? д̣̇вийхи самат̇зхи саммад̇и – саммукаавинаязна жа бадин̃н̃аад̇агаран̣зна жа. го д̇ад̇т̇а винаяо, го д̇ад̇т̇а абхивинаяод̇и? бан̃н̃ад̇д̇и винаяо, вибхад̇д̇и абхивинаяо. гим̣ д̇ад̇т̇а баад̇имогкам̣, гим̣ д̇ад̇т̇а ад̇хибаад̇имогканд̇и? бан̃н̃ад̇д̇и баад̇имогкам̣, вибхад̇д̇и ад̇хибаад̇имогкам̣. гаа вибад̇д̇ийд̇и? асам̣варо вибад̇д̇и. гаа самбад̇д̇ийд̇и? сам̣варо самбад̇д̇и. гаа бадибад̇д̇ийд̇и? на зваруубам̣ гариссаамийд̇и яааваж̇ийвам̣ аабаан̣агодигам̣ самаад̣̇ааяа сигкад̇и сигкаабад̣̇зсу. 1 гад̇и ад̇т̇авасз бадижжа бхаг̇авад̇аа убаггамид̇ваа асужим̣ можзнд̇асса сан̇гхаад̣̇исзсо бан̃н̃ад̇д̇од̇и? д̣̇аса ад̇т̇авасз бадижжа бхаг̇авад̇аа убаггамид̇ваа асужим̣ можзнд̇асса сан̇гхаад̣̇исзсо бан̃н̃ад̇д̇о – сан̇гхасудтуд̇ааяа, сан̇гхапаасуд̇ааяа, д̣̇умман̇гуунам̣ буг̇г̇алаанам̣ ниг̇г̇ахааяа, бзсалаанам̣ бхигкуунам̣ паасувихаарааяа, д̣̇идтад̇хаммигаанам̣ аасаваанам̣ сам̣варааяа, самбарааяигаанам̣ аасаваанам̣ бадигхаад̇ааяа, аббасаннаанам̣ басаад̣̇ааяа, басаннаанам̣ бхияяобхаавааяа, сад̣̇д̇хаммадтид̇ияаа, винаяаануг̇г̇ахааяа. гз сигканд̇ийд̇и? сзгкаа жа бут̇уж̇ж̇анагаляаан̣агаа жа сигканд̇и. гз сигкид̇асигкаад̇и? араханд̇о сигкид̇асигкаа. гад̇т̇а тид̇анд̇и? сигкаагаамзсу тид̇ам̣. гз д̇хаарзнд̇ийд̇и? язсам̣ вад̇д̇ад̇и , д̇з д̇хаарзнд̇и. гасса важананд̇и? бхаг̇авад̇о важанам̣ арахад̇о саммаасамб̣уд̣̇д̇хасса. гзнаабхад̇анд̇и? барамбараабхад̇ам̣ –
8. Yaṃ tena bhagavatā jānatā passatā arahatā sammāsambuddhena upakkamitvā asuciṃ mocentassa saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ seyyasakaṃ ārabbha. Kismiṃ vatthusminti? Āyasmā seyyasako hatthena upakkamitvā asuciṃ mocesi, tasmiṃ vatthusmiṃ. Atthi tattha paññatti, anupaññatti, anuppannapaññattīti? Ekā paññatti, ekā anupaññatti. Anuppannapaññatti tasmiṃ natthi. Sabbattha paññatti, padesapaññattīti? Sabbatthapaññatti. Sādhāraṇapaññatti, asādhāraṇapaññattīti ? Asādhāraṇapaññatti. Ekatopaññatti, ubhatopaññattīti? Ekatopaññatti. Pañcannaṃ pātimokkhuddesānaṃ katthogadhaṃ kattha pariyāpannanti? Nidānogadhaṃ nidānapariyāpannaṃ. Katamena uddesena uddesaṃ āgacchatīti? Tatiye uddesena uddesaṃ āgacchati . Catunnaṃ vipattīnaṃ katamā vipattīti? Sīlavipatti. Sattannaṃ āpattikkhandhānaṃ katamo āpattikkhandhoti? Saṅghādiseso āpattikkhandho. Channaṃ āpattisamuṭṭhānānaṃ katihi samuṭṭhānehi samuṭṭhātīti? Ekena samuṭṭhānena samuṭṭhāti – kāyato ca cittato ca samuṭṭhāti, na vācato. Catunnaṃ adhikaraṇānaṃ katamaṃ adhikaraṇanti? Āpattādhikaraṇaṃ. Sattannaṃ samathānaṃ katihi samathehi sammatīti? Dvīhi samathehi sammati – sammukhāvinayena ca paṭiññātakaraṇena ca. Ko tattha vinayo, ko tattha abhivinayoti? Paññatti vinayo, vibhatti abhivinayo. Kiṃ tattha pātimokkhaṃ, kiṃ tattha adhipātimokkhanti? Paññatti pātimokkhaṃ, vibhatti adhipātimokkhaṃ. Kā vipattīti? Asaṃvaro vipatti. Kā sampattīti? Saṃvaro sampatti. Kā paṭipattīti? Na evarūpaṃ karissāmīti yāvajīvaṃ āpāṇakoṭikaṃ samādāya sikkhati sikkhāpadesu. 2 Kati atthavase paṭicca bhagavatā upakkamitvā asuciṃ mocentassa saṅghādiseso paññattoti? Dasa atthavase paṭicca bhagavatā upakkamitvā asuciṃ mocentassa saṅghādiseso paññatto – saṅghasuṭṭhutāya, saṅghaphāsutāya, dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya, diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya, appasannānaṃ pasādāya, pasannānaṃ bhiyyobhāvāya, saddhammaṭṭhitiyā, vinayānuggahāya. Ke sikkhantīti? Sekkhā ca puthujjanakalyāṇakā ca sikkhanti. Ke sikkhitasikkhāti? Arahanto sikkhitasikkhā. Kattha ṭhitanti? Sikkhākāmesu ṭhitaṃ. Ke dhārentīti? Yesaṃ vattati , te dhārenti. Kassa vacananti? Bhagavato vacanaṃ arahato sammāsambuddhassa. Kenābhatanti? Paramparābhataṃ –
убаали д̣̇аасаго жзва, сон̣аго сиг̇г̇аво д̇ат̇аа;
Upāli dāsako ceva, soṇako siggavo tathā;
мог̇г̇алибуд̇д̇зна бан̃жамаа, зд̇з ж̇амб̣усиривхаяз.
Moggaliputtena pañcamā, ete jambusirivhaye.
д̇ад̇о махинд̣̇о иддияо, уд̇д̇ияо самб̣ало д̇ат̇аа;
Tato mahindo iṭṭiyo, uttiyo sambalo tathā;
бхад̣̇д̣̇анаамо жа бан̣д̣ид̇о.
Bhaddanāmo ca paṇḍito.
зд̇з нааг̇аа махаабан̃н̃аа, ж̇амб̣уд̣̇ийбаа ид̇хааг̇ад̇аа;
Ete nāgā mahāpaññā, jambudīpā idhāgatā;
винаяам̣ д̇з ваажаяим̣су, бидагам̣ д̇амб̣абан̣н̣ияаа.
Vinayaṃ te vācayiṃsu, piṭakaṃ tambapaṇṇiyā.
нигааяз бан̃жа ваажзсум̣, сад̇д̇а жзва багаран̣з;
Nikāye pañca vācesuṃ, satta ceva pakaraṇe;
д̇ад̇о аридто мзд̇хаавий, д̇иссад̣̇ад̇д̇о жа бан̣д̣ид̇о.
Tato ariṭṭho medhāvī, tissadatto ca paṇḍito.
висаарад̣̇о гаал̣асумано, т̇зро жа д̣̇ийгханаамаго;
Visārado kāḷasumano, thero ca dīghanāmako;
д̣̇ийгхасумано жа бан̣д̣ид̇о.
Dīghasumano ca paṇḍito.
бунад̣̇зва гаал̣асумано, нааг̇ад̇т̇зро жа б̣уд̣̇д̇харагкид̇о;
Punadeva kāḷasumano, nāgatthero ca buddharakkhito;
д̇иссад̇т̇зро жа мзд̇хаавий, д̣̇звад̇т̇зро жа бан̣д̣ид̇о.
Tissatthero ca medhāvī, devatthero ca paṇḍito.
бунад̣̇зва сумано мзд̇хаавий, винаяз жа висаарад̣̇о;
Punadeva sumano medhāvī, vinaye ca visārado;
б̣ахуссуд̇о жуул̣анааг̇о, г̇аж̇ова д̣̇уббад̇хам̣сияо.
Bahussuto cūḷanāgo, gajova duppadhaṃsiyo.
д̇хаммабаалид̇анаамо жа, рохан̣з саад̇хубууж̇ид̇о;
Dhammapālitanāmo ca, rohaṇe sādhupūjito;
д̇асса сиссо махаабан̃н̃о, кзманаамо д̇ибздаго.
Tassa sisso mahāpañño, khemanāmo tipeṭako.
д̣̇ийбз д̇аарагарааж̇аава, бан̃н̃ааяа ад̇ирожат̇а;
Dīpe tārakarājāva, paññāya atirocatha;
убад̇иссо жа мзд̇хаавий, пуссад̣̇зво махаагат̇ий.
Upatisso ca medhāvī, phussadevo mahākathī.
бунад̣̇зва сумано мзд̇хаавий, бубпанаамо б̣ахуссуд̇о;
Punadeva sumano medhāvī, pupphanāmo bahussuto;
махаагат̇ий махаасиво, бидагз саб̣б̣ад̇т̇а говид̣̇о.
Mahākathī mahāsivo, piṭake sabbattha kovido.
бунад̣̇зва убаали мзд̇хаавий, винаяз жа висаарад̣̇о;
Punadeva upāli medhāvī, vinaye ca visārado;
махаанааг̇о махаабан̃н̃о, сад̣̇д̇хаммавам̣саговид̣̇о.
Mahānāgo mahāpañño, saddhammavaṃsakovido.
бунад̣̇зва абхаяо мзд̇хаавий, бидагз саб̣б̣ад̇т̇а говид̣̇о;
Punadeva abhayo medhāvī, piṭake sabbattha kovido;
д̇иссад̇т̇зро жа мзд̇хаавий, винаяз жа висаарад̣̇о.
Tissatthero ca medhāvī, vinaye ca visārado.
д̇асса сиссо махаабан̃н̃о, бубпанаамо б̣ахуссуд̇о;
Tassa sisso mahāpañño, pupphanāmo bahussuto;
саасанам̣ анурагканд̇о, ж̇амб̣уд̣̇ийбз бад̇идтид̇о.
Sāsanaṃ anurakkhanto, jambudīpe patiṭṭhito.
жуул̣аабхаяо жа мзд̇хаавий, винаяз жа висаарад̣̇о;
Cūḷābhayo ca medhāvī, vinaye ca visārado;
д̇иссад̇т̇зро жа мзд̇хаавий, сад̣̇д̇хаммавам̣саговид̣̇о.
Tissatthero ca medhāvī, saddhammavaṃsakovido.
жуул̣ад̣̇зво жа мзд̇хаавий, винаяз жа висаарад̣̇о;
Cūḷadevo ca medhāvī, vinaye ca visārado;
сивад̇т̇зро жа мзд̇хаавий, винаяз саб̣б̣ад̇т̇а говид̣̇о.
Sivatthero ca medhāvī, vinaye sabbattha kovido.
зд̇з нааг̇аа махаабан̃н̃аа, винаяан̃н̃уу маг̇г̇аговид̣̇о;
Ete nāgā mahāpaññā, vinayaññū maggakovido;
винаяам̣ д̣̇ийбз багаасзсум̣, бидагам̣ д̇амб̣абан̣н̣ияаад̇и.
Vinayaṃ dīpe pakāsesuṃ, piṭakaṃ tambapaṇṇiyāti.
9. яам̣ д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇анд̇асса сам̣н̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ уд̣̇ааяим̣ аараб̣бха . гисмим̣ вад̇т̇усминд̇и? ааяасмаа уд̣̇ааяий маад̇уг̇аамзна сад̣̇д̇хим̣ гааяасам̣саг̇г̇ам̣ самаабаж̇ж̇и, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа жид̇д̇ад̇о жа самудтаад̇и, на ваажад̇о…бз….
9. Yaṃ tena bhagavatā jānatā passatā arahatā sammāsambuddhena mātugāmena saddhiṃ kāyasaṃsaggaṃ samāpajjantassa saṃṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha . Kismiṃ vatthusminti? Āyasmā udāyī mātugāmena saddhiṃ kāyasaṃsaggaṃ samāpajji, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca cittato ca samuṭṭhāti, na vācato…pe….
10. маад̇уг̇аамам̣ д̣̇удтуллаахи ваажаахи обхаасанд̇асса сан̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ уд̣̇ааяим̣ аараб̣бха. гисмим̣ вад̇т̇усминд̇и? ааяасмаа уд̣̇ааяий маад̇уг̇аамам̣ д̣̇удтуллаахи ваажаахи обхааси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и – сияаа гааяад̇о жа жид̇д̇ад̇о жа самудтаад̇и, на ваажад̇о; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
10. Mātugāmaṃ duṭṭhullāhi vācāhi obhāsantassa saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmaṃ duṭṭhullāhi vācāhi obhāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
11. маад̇уг̇аамасса санд̇игз ад̇д̇агаамабаарижарияааяа ван̣н̣ам̣ бхаасанд̇асса сан̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ уд̣̇ааяим̣ аараб̣бха. гисмим̣ вад̇т̇усминд̇и? ааяасмаа уд̣̇ааяий маад̇уг̇аамасса санд̇игз ад̇д̇агаамабаарижарияааяа ван̣н̣ам̣ абхааси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и – сияаа гааяад̇о жа жид̇д̇ад̇о жа самудтаад̇и, на ваажад̇о; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
11. Mātugāmassa santike attakāmapāricariyāya vaṇṇaṃ bhāsantassa saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī mātugāmassa santike attakāmapāricariyāya vaṇṇaṃ abhāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti – siyā kāyato ca cittato ca samuṭṭhāti, na vācato; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
12. сан̃жарид̇д̇ам̣ самаабаж̇ж̇анд̇асса сан̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ уд̣̇ааяим̣ аараб̣бха. гисмим̣ вад̇т̇усминд̇и? ааяасмаа уд̣̇ааяий сан̃жарид̇д̇ам̣ самаабаж̇ж̇и, д̇асмим̣ вад̇т̇усмим̣. згаа бан̃н̃ад̇д̇и, згаа анубан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и – сияаа гааяад̇о самудтаад̇и, на ваажад̇о на жид̇д̇ад̇о; сияаа ваажад̇о самудтаад̇и, на гааяад̇о на жид̇д̇ад̇о; сияаа гааяад̇о жа ваажад̇о жа самудтаад̇и, на жид̇д̇ад̇о; сияаа гааяад̇о жа жид̇д̇ад̇о жа самудтаад̇и, на ваажад̇о ; сияаа ваажад̇о жа жид̇д̇ад̇о жа самудтаад̇и, на гааяад̇о; сияаа гааяад̇о жа ваажад̇о жа жид̇д̇ад̇о жа самудтаад̇и…бз….
12. Sañcarittaṃ samāpajjantassa saṅghādiseso kattha paññattoti? Sāvatthiyaṃ paññatto. Kaṃ ārabbhāti? Āyasmantaṃ udāyiṃ ārabbha. Kismiṃ vatthusminti? Āyasmā udāyī sañcarittaṃ samāpajji, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ chahi samuṭṭhānehi samuṭṭhāti – siyā kāyato samuṭṭhāti, na vācato na cittato; siyā vācato samuṭṭhāti, na kāyato na cittato; siyā kāyato ca vācato ca samuṭṭhāti, na cittato; siyā kāyato ca cittato ca samuṭṭhāti, na vācato ; siyā vācato ca cittato ca samuṭṭhāti, na kāyato; siyā kāyato ca vācato ca cittato ca samuṭṭhāti…pe….
13. сан̃н̃аажигаа гудим̣ гаараабзнд̇асса сан̇гхаад̣̇исзсо гад̇т̇а бан̃н̃ад̇д̇од̇и? аал̣авияам̣ бан̃н̃ад̇д̇о. гам̣ аараб̣бхаад̇и? аал̣авагз бхигкуу аараб̣бха. гисмим̣ вад̇т̇усминд̇и? аал̣авагаа бхигкуу сан̃н̃аажигааяа гудияо гаараабзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
13. Saññācikā kuṭiṃ kārāpentassa saṅghādiseso kattha paññattoti? Āḷaviyaṃ paññatto. Kaṃ ārabbhāti? Āḷavake bhikkhū ārabbha. Kismiṃ vatthusminti? Āḷavakā bhikkhū saññācikāya kuṭiyo kārāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
14. махаллагам̣ вихаарам̣ гаараабзнд̇асса сан̇гхаад̣̇исзсо гад̇т̇а бан̃н̃ад̇д̇од̇и? госамб̣ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ чаннам̣ аараб̣бха. гисмим̣ вад̇т̇усминд̇и? ааяасмаа чанно вихааравад̇т̇ум̣ сод̇хзнд̇о ан̃н̃ад̇арам̣ жзд̇ияаругкам̣ чзд̣̇аабзси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ чахи самудтаанзхи самудтаад̇и…бз….
14. Mahallakaṃ vihāraṃ kārāpentassa saṅghādiseso kattha paññattoti? Kosambiyaṃ paññatto. Kaṃ ārabbhāti? Āyasmantaṃ channaṃ ārabbha. Kismiṃ vatthusminti? Āyasmā channo vihāravatthuṃ sodhento aññataraṃ cetiyarukkhaṃ chedāpesi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….
15. бхигкум̣ амуулагзна баарааж̇игзна д̇хаммзна ануд̣̇д̇хам̣сзнд̇асса сан̇гхаад̣̇исзсо гад̇т̇а бан̃н̃ад̇д̇од̇и? рааж̇аг̇ахз бан̃н̃ад̇д̇о. гам̣ аараб̣бхаад̇и? мзд̇д̇ияабхуумаж̇агз бхигкуу аараб̣бха. гисмим̣ вад̇т̇усминд̇и? мзд̇д̇ияабхуумаж̇агаа бхигкуу ааяасманд̇ам̣ д̣̇аб̣б̣ам̣ маллабуд̇д̇ам̣ амуулагзна баарааж̇игзна д̇хаммзна ануд̣̇д̇хам̣сзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и…бз….
15. Bhikkhuṃ amūlakena pārājikena dhammena anuddhaṃsentassa saṅghādiseso kattha paññattoti? Rājagahe paññatto. Kaṃ ārabbhāti? Mettiyabhūmajake bhikkhū ārabbha. Kismiṃ vatthusminti? Mettiyabhūmajakā bhikkhū āyasmantaṃ dabbaṃ mallaputtaṃ amūlakena pārājikena dhammena anuddhaṃsesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
16. бхигкум̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзнд̇асса сан̇гхаад̣̇исзсо гад̇т̇а бан̃н̃ад̇д̇од̇и? рааж̇аг̇ахз бан̃н̃ад̇д̇о. гам̣ аараб̣бхаад̇и? мзд̇д̇ияабхуумаж̇агз бхигкуу аараб̣бха. гисмим̣ вад̇т̇усминд̇и? мзд̇д̇ияабхуумаж̇агаа бхигкуу ааяасманд̇ам̣ д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣асса гин̃жи д̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ д̇ийхи самудтаанзхи самудтаад̇и…бз….
16. Bhikkhuṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsentassa saṅghādiseso kattha paññattoti? Rājagahe paññatto. Kaṃ ārabbhāti? Mettiyabhūmajake bhikkhū ārabbha. Kismiṃ vatthusminti? Mettiyabhūmajakā bhikkhū āyasmantaṃ dabbaṃ mallaputtaṃ aññabhāgiyassa adhikaraṇassa kiñci desaṃ lesamattaṃ upādāya pārājikena dhammena anuddhaṃsesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ tīhi samuṭṭhānehi samuṭṭhāti…pe….
17. сан̇гхабхзд̣̇агасса бхигкуно яаавад̇ад̇ияам̣ саманубхаасанааяа на бадиниссаж̇ж̇анд̇асса сан̇гхаад̣̇исзсо гад̇т̇а бан̃н̃ад̇д̇од̇и? рааж̇аг̇ахз бан̃н̃ад̇д̇о. гам̣ аараб̣бхаад̇и? д̣̇звад̣̇ад̇д̇ам̣ аараб̣бха. гисмим̣ вад̇т̇усминд̇и? д̣̇звад̣̇ад̇д̇о самаг̇г̇асса сан̇гхасса бхзд̣̇ааяа бараггами, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа ваажад̇о жа жид̇д̇ад̇о жа самудтаад̇и…бз….
17. Saṅghabhedakassa bhikkhuno yāvatatiyaṃ samanubhāsanāya na paṭinissajjantassa saṅghādiseso kattha paññattoti? Rājagahe paññatto. Kaṃ ārabbhāti? Devadattaṃ ārabbha. Kismiṃ vatthusminti? Devadatto samaggassa saṅghassa bhedāya parakkami, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
18. бхзд̣̇аанувад̇д̇агаанам̣ бхигкуунам̣ яаавад̇ад̇ияам̣ саманубхаасанааяа на бадиниссаж̇ж̇анд̇аанам̣ сан̇гхаад̣̇исзсо гад̇т̇а бан̃н̃ад̇д̇од̇и? рааж̇аг̇ахз бан̃н̃ад̇д̇о. гам̣ аараб̣бхаад̇и? самб̣ахулз бхигкуу аараб̣бха. гисмим̣ вад̇т̇усминд̇и? самб̣ахулаа бхигкуу д̣̇звад̣̇ад̇д̇асса сан̇гхабхзд̣̇ааяа бараггаманд̇асса анувад̇д̇агаа ахзсум̣ ваг̇г̇аваад̣̇агаа, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа ваажад̇о жа жид̇д̇ад̇о жа самудтаад̇и…бз….
18. Bhedānuvattakānaṃ bhikkhūnaṃ yāvatatiyaṃ samanubhāsanāya na paṭinissajjantānaṃ saṅghādiseso kattha paññattoti? Rājagahe paññatto. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū devadattassa saṅghabhedāya parakkamantassa anuvattakā ahesuṃ vaggavādakā, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
19. д̣̇уб̣б̣ажасса бхигкуно яаавад̇ад̇ияам̣ саманубхаасанаа на бадиниссаж̇ж̇анд̇асса сан̇гхаад̣̇исзсо гад̇т̇а бан̃н̃ад̇д̇од̇и? госамб̣ияам̣ бан̃н̃ад̇д̇о. гам̣ аараб̣бхаад̇и? ааяасманд̇ам̣ чаннам̣ аараб̣бха. гисмим̣ вад̇т̇усминд̇и? ааяасмаа чанно бхигкуухи сахад̇хаммигам̣ вужжамаано ад̇д̇аанам̣ аважанийяам̣ агааси, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа ваажад̇о жа жид̇д̇ад̇о жа самудтаад̇и…бз….
19. Dubbacassa bhikkhuno yāvatatiyaṃ samanubhāsanā na paṭinissajjantassa saṅghādiseso kattha paññattoti? Kosambiyaṃ paññatto. Kaṃ ārabbhāti? Āyasmantaṃ channaṃ ārabbha. Kismiṃ vatthusminti? Āyasmā channo bhikkhūhi sahadhammikaṃ vuccamāno attānaṃ avacanīyaṃ akāsi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
20. гулад̣̇уусагасса бхигкуно яаавад̇ад̇ияам̣ саманубхаасанааяа на бадиниссаж̇ж̇анд̇асса сан̇гхаад̣̇исзсо гад̇т̇а бан̃н̃ад̇д̇од̇и? саавад̇т̇ияам̣ бан̃н̃ад̇д̇о. гам̣ аараб̣бхаад̇и? ассаж̇ибунаб̣б̣асугз бхигкуу аараб̣бха. гисмим̣ вад̇т̇усминд̇и? ассаж̇ибунаб̣б̣асугаа бхигкуу сан̇гхзна баб̣б̣ааж̇анийяагаммагад̇аа бхигкуу чанд̣̇аг̇аамид̇аа д̣̇осаг̇аамид̇аа мохаг̇аамид̇аа бхаяаг̇аамид̇аа баабзсум̣, д̇асмим̣ вад̇т̇усмим̣. згаа бан̃н̃ад̇д̇и. чаннам̣ аабад̇д̇исамудтаанаанам̣ згзна самудтаанзна самудтаад̇и – гааяад̇о жа ваажад̇о жа жид̇д̇ад̇о жа самудтаад̇и…бз….
20. Kuladūsakassa bhikkhuno yāvatatiyaṃ samanubhāsanāya na paṭinissajjantassa saṅghādiseso kattha paññattoti? Sāvatthiyaṃ paññatto. Kaṃ ārabbhāti? Assajipunabbasuke bhikkhū ārabbha. Kismiṃ vatthusminti? Assajipunabbasukā bhikkhū saṅghena pabbājanīyakammakatā bhikkhū chandagāmitā dosagāmitā mohagāmitā bhayagāmitā pāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ ekena samuṭṭhānena samuṭṭhāti – kāyato ca vācato ca cittato ca samuṭṭhāti…pe….
д̇зраса сан̇гхаад̣̇исзсаа нидтид̇аа.
Terasa saṅghādisesā niṭṭhitā.
д̇ассуд̣̇д̣̇аанам̣ –
Tassuddānaṃ –
виссадти гааяасам̣саг̇г̇ам̣, д̣̇удтуллам̣ ад̇д̇агааман̃жа;
Vissaṭṭhi kāyasaṃsaggaṃ, duṭṭhullaṃ attakāmañca;
сан̃жарид̇д̇ам̣ гудий жзва, вихааро жа амуулагам̣.
Sañcarittaṃ kuṭī ceva, vihāro ca amūlakaṃ.
д̣̇уб̣б̣ажам̣ гулад̣̇уусан̃жа, сан̇гхаад̣̇исзсаа д̇зрасаад̇и.
Dubbacaṃ kuladūsañca, saṅghādisesā terasāti.
Footnotes:
