Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi

    сан̇гхаад̣̇исзсаган̣д̣о

    Saṅghādisesakaṇḍo

    имз ко банаад̇и ид̣̇аани вад̇д̇аб̣б̣аанам̣ абхимукийгаран̣ам̣. ааяасманд̇од̇и саннибад̇ид̇аанам̣ бияаважанзна аалабанам̣. д̇зрасаад̇и г̇ан̣анабарижчзд̣̇о. сан̇гхаад̣̇исзсаад̇и звам̣наамагаа. д̇хаммаад̇и аабад̇д̇ияо. уд̣̇д̣̇зсам̣ ааг̇ажчанд̇ийд̇и саруубзна уд̣̇д̣̇исид̇аб̣б̣ад̇ам̣ ааг̇ажчанд̇и, на нид̣̇аанз вияа ‘‘яасса сияаа аабад̇д̇ий’’д̇и саад̇хааран̣аважанамад̇д̇зна.

    Imekho panāti idāni vattabbānaṃ abhimukhīkaraṇaṃ. Āyasmantoti sannipatitānaṃ piyavacanena ālapanaṃ. Terasāti gaṇanaparicchedo. Saṅghādisesāti evaṃnāmakā. Dhammāti āpattiyo. Uddesaṃ āgacchantīti sarūpena uddisitabbataṃ āgacchanti, na nidāne viya ‘‘yassa siyā āpattī’’ti sādhāraṇavacanamattena.

    1. суггависсадтисигкаабад̣̇аван̣н̣анаа

    1. Sukkavissaṭṭhisikkhāpadavaṇṇanā

    сам̣виж̇ж̇ад̇и жзд̇анаа ассаад̇и сан̃жзд̇анаа, сан̃жзд̇анаава сан̃жзд̇анигаа, сан̃жзд̇анаа ваа асса ад̇т̇ийд̇и сан̃жзд̇анигаа. суггависсадтийд̇и суггасса виссадти, рааг̇уубад̇т̇амбхаад̣̇ийсу язна гзнажи ан̇г̇аж̇аад̇з гамман̃н̃ад̇ам̣ бад̇д̇з аарог̇яаад̣̇ийсу яам̣гин̃жи абад̣̇исид̇ваа аж̇жхад̇д̇аруубаад̣̇ийсу яад̇т̇а гад̇т̇ажи можанассаад̣̇ажзд̇анааяа нимид̇д̇з убаггаманд̇асса аасаяад̇хаад̇унаанад̇д̇ад̇о нийлаад̣̇ивасзна (баараа. 239-240) д̣̇асавид̇хзсу суггзсу яасса гассажи суггасса таанаа жааванаад̇и ад̇т̇о. ан̃н̃ад̇ра субинанд̇аад̇и яаа субинз суггависсадти ход̇и, д̇ам̣ табзд̇ваа. сан̇гхаад̣̇исзсод̇и яаа ан̃н̃ад̇ра субинанд̇аа сан̃жзд̇анигаа суггависсадти, аяам̣ сан̇гхаад̣̇исзсо наама аабад̇д̇инигааяод̇и ад̇т̇о. важанад̇т̇о банзд̇т̇а сан̇гхо аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсо. гим̣ вуд̇д̇ам̣ ход̇и – имам̣ аабад̇д̇им̣ аабаж̇ж̇ид̇ваа вудтаад̇угаамасса яам̣ д̇ам̣ аабад̇д̇ивудтаанам̣, д̇асса аад̣̇имхи жзва бариваасад̣̇аанад̇т̇ааяа, аад̣̇ид̇о сзсз маж̇жхз маанад̇д̇ад̣̇аанад̇т̇ааяа муулааяа бадигассанзна ваа саха маанад̇д̇ад̣̇аанад̇т̇ааяа, авасаанз аб̣бхаанад̇т̇ааяа жа сан̇гхо ижчид̇аб̣б̣о, на хзд̇т̇а згамби гаммам̣ винаа сан̇гхзна саггаа гаад̇ум̣. ид̇и сан̇гхо аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсод̇и.

    Saṃvijjati cetanā assāti sañcetanā, sañcetanāva sañcetanikā, sañcetanā vā assa atthīti sañcetanikā. Sukkavissaṭṭhīti sukkassa vissaṭṭhi, rāgūpatthambhādīsu yena kenaci aṅgajāte kammaññataṃ patte ārogyādīsu yaṃkiñci apadisitvā ajjhattarūpādīsu yattha katthaci mocanassādacetanāya nimitte upakkamantassa āsayadhātunānattato nīlādivasena (pārā. 239-240) dasavidhesu sukkesu yassa kassaci sukkassa ṭhānā cāvanāti attho. Aññatra supinantāti yā supine sukkavissaṭṭhi hoti, taṃ ṭhapetvā. Saṅghādisesoti yā aññatra supinantā sañcetanikā sukkavissaṭṭhi, ayaṃ saṅghādiseso nāma āpattinikāyoti attho. Vacanattho panettha saṅgho ādimhi ceva sese ca icchitabbo assāti saṅghādiseso. Kiṃ vuttaṃ hoti – imaṃ āpattiṃ āpajjitvā vuṭṭhātukāmassa yaṃ taṃ āpattivuṭṭhānaṃ, tassa ādimhi ceva parivāsadānatthāya, ādito sese majjhe mānattadānatthāya mūlāya paṭikassanena vā saha mānattadānatthāya, avasāne abbhānatthāya ca saṅgho icchitabbo, na hettha ekampi kammaṃ vinā saṅghena sakkā kātuṃ. Iti saṅgho ādimhi ceva sese ca icchitabbo assāti saṅghādisesoti.

    саавад̇т̇ияам̣ сзяяасагам̣ аараб̣бха убаггамид̇ваа асужиможанавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра субинанд̇аа’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣. сажз бана барзна ад̇д̇ано ан̇г̇аж̇аад̇з убаггамам̣ гаарзд̇ваа можаабзд̇и, аабаж̇ж̇ад̇иязва. жзд̇зд̇ваа анд̇амасо аагаасз гадигамбанзнаби нимид̇д̇з убаггаманд̇асса сажз на мужжад̇и, т̇уллажжаяам̣. сажз бана анд̇амасо яам̣ згаа куд̣̇д̣̇агамагкигаа бивзяяа, д̇ад̇д̇агамби таанад̇о мужжад̇и, д̣̇агасод̇ам̣ анод̇ин̣н̣зби сан̇гхаад̣̇исзсо. таанад̇о бана жуд̇ам̣ авассамзва д̣̇агасод̇ам̣ од̇арад̇и, д̇асмаа ‘‘д̣̇агасод̇ам̣ од̇ин̣н̣амад̇д̇з б̣ахи нигканд̇з ваа анигканд̇з ваа сан̇гхаад̣̇исзсо’’д̇и (баараа. адта. 2.237) адтагат̇аасу вуд̇д̇ам̣. анубаггаманд̇асса жа, аможанаад̇хиббааяасса жа, субинам̣ бассанд̇асса жа, уммад̇д̇агаад̣̇ийнан̃жа муд̇д̇зби анаабад̇д̇и. сийлавибад̇д̇и, жзд̇анаа, убаггамо , мужжананд̇и имаанзд̇т̇а д̇ийн̣и ан̇г̇аани. самудтаанаад̣̇ийни батамабаарааж̇игз вуд̇д̇асад̣̇исаанзваад̇и.

    Sāvatthiyaṃ seyyasakaṃ ārabbha upakkamitvā asucimocanavatthusmiṃ paññattaṃ, ‘‘aññatra supinantā’’ti ayamettha anupaññatti, asādhāraṇapaññatti, anāṇattikaṃ. Sace pana parena attano aṅgajāte upakkamaṃ kāretvā mocāpeti, āpajjatiyeva. Cetetvā antamaso ākāse kaṭikampanenapi nimitte upakkamantassa sace na muccati, thullaccayaṃ. Sace pana antamaso yaṃ ekā khuddakamakkhikā piveyya, tattakampi ṭhānato muccati, dakasotaṃ anotiṇṇepi saṅghādiseso. Ṭhānato pana cutaṃ avassameva dakasotaṃ otarati, tasmā ‘‘dakasotaṃ otiṇṇamatte bahi nikkhante vā anikkhante vā saṅghādiseso’’ti (pārā. aṭṭha. 2.237) aṭṭhakathāsu vuttaṃ. Anupakkamantassa ca, amocanādhippāyassa ca, supinaṃ passantassa ca, ummattakādīnañca muttepi anāpatti. Sīlavipatti, cetanā, upakkamo , muccananti imānettha tīṇi aṅgāni. Samuṭṭhānādīni paṭhamapārājike vuttasadisānevāti.

    суггависсадтисигкаабад̣̇аван̣н̣анаа нидтид̇аа.

    Sukkavissaṭṭhisikkhāpadavaṇṇanā niṭṭhitā.

    2. гааяасам̣саг̇г̇асигкаабад̣̇аван̣н̣анаа

    2. Kāyasaṃsaggasikkhāpadavaṇṇanā

    д̣̇уд̇ияз од̇ин̣н̣од̇и яагкаад̣̇ийхи вияа сад̇д̇аа анд̇о уббаж̇ж̇анд̇зна рааг̇зна ваа од̇ин̣н̣о, гуубаад̣̇ийни вияа сад̇д̇аа асамабзгкид̇ваа раж̇ж̇анийяз таанз раж̇ж̇анд̇о саяам̣ ваа рааг̇ам̣ од̇ин̣н̣о, гааяасам̣саг̇г̇арааг̇асаман̇г̇иссзд̇ам̣ ад̇хиважанам̣. вибарин̣ад̇зна жид̇д̇знаад̇и барисуд̣̇д̇хабхаван̇г̇асанд̇ад̇исан̇каад̇ам̣ багад̇им̣ виж̇ахид̇ваа ан̃н̃ат̇аа бавад̇д̇зна, вируубам̣ ваа барин̣ад̇зна яат̇аа баривад̇д̇амаанам̣ вируубам̣ ход̇и, звам̣ вуд̇д̇арааг̇авасзна баривад̇д̇зд̇ваа тид̇зна жид̇д̇знаад̇и ад̇т̇о. маад̇уг̇аамзна сад̣̇д̇хинд̇и д̇ад̣̇ахуж̇аад̇ааяаби ж̇ийвамаанагамануссид̇т̇ияаа сад̣̇д̇хим̣. гааяасам̣саг̇г̇ам̣ самаабаж̇ж̇зяяаад̇и хад̇т̇аг̇г̇ахан̣аад̣̇игаааяасамбаяог̇ам̣ гааяамиссийбхаавам̣ самаабаж̇ж̇зяяа. хад̇т̇аг̇г̇аахам̣ ваад̇иаад̣̇и банасса вид̇т̇аарзна ад̇т̇ад̣̇ассанам̣. д̇ад̇т̇а хад̇т̇о наама габбарад̇о бадтааяа яаава аг̇г̇анакаа. взн̣ий наама винанд̇хид̇ваа ваа авинанд̇хид̇ваа ваа суд̣̇д̇хагзсзхи ваа нийлаад̣̇иван̣н̣асуд̇д̇агусумагахаабан̣амаалаасуван̣н̣ажийрагамуд̇д̇аавал̣иаад̣̇ийсу ан̃н̃ад̇арамиссзхи ваа гад̇агзсагалаабассзд̇ам̣ ад̇хиважанам̣. взн̣иг̇г̇ахан̣зна жзд̇т̇а гзсааби г̇ахид̇ааязва сад̣̇д̇хим̣ ломзхи. ид̇и вуд̇д̇алагкан̣асса хад̇т̇асса г̇ахан̣ам̣ хад̇т̇аг̇г̇аахо, взн̣ияаа г̇ахан̣ам̣ взн̣иг̇г̇аахо. авасзсасса сарийрасса бараамасанам̣ ан̃н̃ад̇арасса ваа ан̃н̃ад̇арасса ваа ан̇г̇асса бараамасанам̣ наама. яо д̇ам̣ хад̇т̇аг̇г̇аахам̣ ваа взн̣иг̇г̇аахам̣ ваа ан̃н̃ад̇арасса ваа ан̃н̃ад̇арасса ваа ан̇г̇асса бараамасанам̣ самаабаж̇ж̇зяяа, д̇асса сан̇гхаад̣̇исзсо наама аабад̇д̇инигааяо ход̇ийд̇и.

    Dutiye otiṇṇoti yakkhādīhi viya sattā anto uppajjantena rāgena vā otiṇṇo, kūpādīni viya sattā asamapekkhitvā rajjanīye ṭhāne rajjanto sayaṃ vā rāgaṃ otiṇṇo, kāyasaṃsaggarāgasamaṅgissetaṃ adhivacanaṃ. Vipariṇatena cittenāti parisuddhabhavaṅgasantatisaṅkhātaṃ pakatiṃ vijahitvā aññathā pavattena, virūpaṃ vā pariṇatena yathā parivattamānaṃ virūpaṃ hoti, evaṃ vuttarāgavasena parivattetvā ṭhitena cittenāti attho. Mātugāmena saddhinti tadahujātāyapi jīvamānakamanussitthiyā saddhiṃ. Kāyasaṃsaggaṃ samāpajjeyyāti hatthaggahaṇādikaāyasampayogaṃ kāyamissībhāvaṃ samāpajjeyya. Hatthaggāhaṃ vātiādi panassa vitthārena atthadassanaṃ. Tattha hattho nāma kapparato paṭṭhāya yāva agganakhā. Veṇī nāma vinandhitvā vā avinandhitvā vā suddhakesehi vā nīlādivaṇṇasuttakusumakahāpaṇamālāsuvaṇṇacīrakamuttāvaḷiādīsu aññataramissehi vā katakesakalāpassetaṃ adhivacanaṃ. Veṇiggahaṇena cettha kesāpi gahitāyeva saddhiṃ lomehi. Iti vuttalakkhaṇassa hatthassa gahaṇaṃ hatthaggāho, veṇiyā gahaṇaṃ veṇiggāho. Avasesassa sarīrassa parāmasanaṃ aññatarassa vā aññatarassa vā aṅgassa parāmasanaṃ nāma. Yo taṃ hatthaggāhaṃ vā veṇiggāhaṃ vā aññatarassa vā aññatarassa vā aṅgassa parāmasanaṃ samāpajjeyya, tassa saṅghādiseso nāma āpattinikāyo hotīti.

    саавад̇т̇ияам̣ уд̣̇ааяид̇т̇зрам̣ аараб̣бха гааяасам̣саг̇г̇асамаабаж̇ж̇анавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и , анаан̣ад̇д̇игам̣, ид̇т̇ияаа ид̇т̇исан̃н̃ино анд̇амасо ломзна ломам̣ пусанд̇ассааби, ид̇т̇ияаа ваа пусияамаанасса сзванаад̇хиббааязна вааяамид̇ваа пассам̣ бадиж̇аананд̇асса сан̇гхаад̣̇исзсо. згзна бана хад̇т̇зна г̇ахзд̇ваа д̣̇уд̇иязна хад̇т̇зна д̣̇ивасамби д̇ад̇т̇а д̇ад̇т̇а пусанд̇асса згаава аабад̇д̇и, аг̇г̇ахзд̇ваа пусанд̇о бана сажз сийсад̇о яаава баад̣̇аа, д̇аава гааяад̇о хад̇т̇ам̣ аможзнд̇оязва пусад̇и, згаава аабад̇д̇и, бан̃жаннам̣ ан̇г̇улийнам̣ згад̇о г̇ахан̣зби згааязва. сажз бана наанид̇т̇ийнам̣ бан̃жан̇г̇улияо згад̇о г̇ан̣хаад̇и, бан̃жа аабад̇д̇ияо. ид̇т̇ияаа взмад̇игасса, бан̣д̣агабурисад̇иражчаанаг̇ад̇асан̃н̃исса жа т̇уллажжаяам̣, д̇ат̇аа гааязна гааяаббадиб̣ад̣̇д̇хзна, амануссид̇т̇ибан̣д̣агзхи жа сад̣̇д̇хим̣ гааяасам̣саг̇г̇зби. мануссид̇т̇ияаа бана гааяаббадиб̣ад̣̇д̇хзна гааяаббадиб̣ад̣̇д̇хаад̣̇ийсу, бурисагааяапусанаад̣̇ийсу жа д̣̇уггадам̣. ид̇т̇ияаа пусияамаанасса сзванаад̇хиббааяассааби гааязна авааяамид̇ваа пассам̣ бадиж̇аананд̇асса, могкаад̇хиббааязна ид̇т̇им̣ пусанд̇асса, асан̃жижжа, ассад̇ияаа, аж̇аананд̇асса, асаад̣̇ияанд̇асса, уммад̇д̇агаад̣̇ийнан̃жа анаабад̇д̇и. сийлавибад̇д̇и, мануссид̇т̇ий, ид̇т̇исан̃н̃ид̇аа, гааяасам̣саг̇г̇арааг̇о, д̇зна рааг̇зна вааяаамо, хад̇т̇аг̇г̇аахаад̣̇исамаабаж̇ж̇ананд̇и имаанзд̇т̇а бан̃жа ан̇г̇аани. самудтаанаад̣̇ийни батамабаарааж̇игз вуд̇д̇асад̣̇исаанзваад̇и.

    Sāvatthiyaṃ udāyittheraṃ ārabbha kāyasaṃsaggasamāpajjanavatthusmiṃ paññattaṃ, asādhāraṇapaññatti , anāṇattikaṃ, itthiyā itthisaññino antamaso lomena lomaṃ phusantassāpi, itthiyā vā phusiyamānassa sevanādhippāyena vāyamitvā phassaṃ paṭijānantassa saṅghādiseso. Ekena pana hatthena gahetvā dutiyena hatthena divasampi tattha tattha phusantassa ekāva āpatti, aggahetvā phusanto pana sace sīsato yāva pādā, tāva kāyato hatthaṃ amocentoyeva phusati, ekāva āpatti, pañcannaṃ aṅgulīnaṃ ekato gahaṇepi ekāyeva. Sace pana nānitthīnaṃ pañcaṅguliyo ekato gaṇhāti, pañca āpattiyo. Itthiyā vematikassa, paṇḍakapurisatiracchānagatasaññissa ca thullaccayaṃ, tathā kāyena kāyappaṭibaddhena, amanussitthipaṇḍakehi ca saddhiṃ kāyasaṃsaggepi. Manussitthiyā pana kāyappaṭibaddhena kāyappaṭibaddhādīsu, purisakāyaphusanādīsu ca dukkaṭaṃ. Itthiyā phusiyamānassa sevanādhippāyassāpi kāyena avāyamitvā phassaṃ paṭijānantassa, mokkhādhippāyena itthiṃ phusantassa, asañcicca, assatiyā, ajānantassa, asādiyantassa, ummattakādīnañca anāpatti. Sīlavipatti, manussitthī, itthisaññitā, kāyasaṃsaggarāgo, tena rāgena vāyāmo, hatthaggāhādisamāpajjananti imānettha pañca aṅgāni. Samuṭṭhānādīni paṭhamapārājike vuttasadisānevāti.

    гааяасам̣саг̇г̇асигкаабад̣̇аван̣н̣анаа нидтид̇аа.

    Kāyasaṃsaggasikkhāpadavaṇṇanā niṭṭhitā.

    3. д̣̇удтуллаваажаасигкаабад̣̇аван̣н̣анаа

    3. Duṭṭhullavācāsikkhāpadavaṇṇanā

    д̇ад̇ияз од̇ин̣н̣ад̇аа жа вибарин̣ад̇ажид̇д̇ад̇аа жа д̣̇удтуллаваажассаад̣̇арааг̇авасзна взд̣̇ид̇аб̣б̣аа. маад̇уг̇ааманд̇и д̣̇удтуллаад̣̇удтулласам̣лагкан̣асамад̇т̇ам̣ мануссид̇т̇им̣. д̣̇удтуллаахиваажаахийд̇и важжамаг̇г̇абассаавамаг̇г̇змзт̇унад̇хаммаббадисам̣яуд̇д̇аахи ваажаахи. обхаасзяяаад̇и авабхаасзяяа, ван̣н̣ааван̣н̣аяаажанаааяаажанабужчанабадибужчанааажигкан̣аанусаасанааггосанавасзна наанаббагаарам̣ асад̣̇д̇хаммаважанам̣ вад̣̇зяяа. яат̇аа д̇анд̇и зд̇т̇а нд̇и нибаад̇амад̇д̇ам̣, яат̇аа яуваа яувад̇инд̇и ад̇т̇о. зд̇зна обхаасанз нираасан̇габхаавам̣ д̣̇ассзд̇и. мзт̇унубасам̣хид̇аахийд̇иид̣̇ам̣ д̣̇удтуллаваажааяа сикаабад̇д̇алагкан̣ад̣̇ассанам̣. сан̇гхаад̣̇исзсод̇и д̣̇виннам̣ маг̇г̇аанам̣ васзна ван̣н̣ааван̣н̣зхи ваа мзт̇унаяаажанаад̣̇ийхи ваа ‘‘сикаран̣ийси, сам̣бхиннааси, убхад̇об̣яан̃ж̇анагаасий’’д̇и имзсу д̇ийсу ан̃н̃ад̇арзна аггосаважанзна ваа маад̇уг̇аамам̣ обхаасанд̇асса сан̇гхаад̣̇исзсо наама аабад̇д̇инигааяо ход̇ийд̇и.

    Tatiye otiṇṇatā ca vipariṇatacittatā ca duṭṭhullavācassādarāgavasena veditabbā. Mātugāmanti duṭṭhullāduṭṭhullasaṃlakkhaṇasamatthaṃ manussitthiṃ. Duṭṭhullāhivācāhīti vaccamaggapassāvamaggemethunadhammappaṭisaṃyuttāhi vācāhi. Obhāseyyāti avabhāseyya, vaṇṇāvaṇṇayācanaāyācanapucchanapaṭipucchanaācikkhaṇānusāsanaakkosanavasena nānappakāraṃ asaddhammavacanaṃ vadeyya. Yathā tanti ettha nti nipātamattaṃ, yathā yuvā yuvatinti attho. Etena obhāsane nirāsaṅkabhāvaṃ dasseti. Methunupasaṃhitāhītiidaṃ duṭṭhullavācāya sikhāpattalakkhaṇadassanaṃ. Saṅghādisesoti dvinnaṃ maggānaṃ vasena vaṇṇāvaṇṇehi vā methunayācanādīhi vā ‘‘sikharaṇīsi, saṃbhinnāsi, ubhatobyañjanakāsī’’ti imesu tīsu aññatarena akkosavacanena vā mātugāmaṃ obhāsantassa saṅghādiseso nāma āpattinikāyo hotīti.

    саавад̇т̇ияам̣ уд̣̇ааяид̇т̇зрам̣ аараб̣бха д̣̇удтуллаваажаахи обхаасанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, ид̇т̇ияаа ид̇т̇исан̃н̃ино анд̇амасо хад̇т̇амуд̣̇д̣̇ааяаби вуд̇д̇анаязна обхаасанд̇асса сажз саа д̇амад̇т̇ам̣ д̇асмим̣язва кан̣з ж̇аанаад̇и, сан̇гхаад̣̇исзсо. бан̣д̣агз т̇уллажжаяам̣. д̇асмим̣язва ид̇т̇исан̃н̃ино д̣̇уггадам̣. бунаббунам̣ обхаасанд̇асса, самб̣ахулаа жа ид̇т̇ияо згаваажааяа обхаасанд̇асса ваажааг̇ан̣анааяа жзва ид̇т̇иг̇ан̣анааяа жа аабад̇д̇ияо. сажз яам̣ ид̇т̇им̣ обхаасад̇и, саа на ж̇аанаад̇и, т̇уллажжаяам̣. ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣аад̣̇ибхан̣анзби т̇уллажжаяам̣. бан̣д̣агз д̣̇уггадам̣, уб̣бхагкагам̣ ад̇хож̇аан̣уман̣д̣алам̣ гааяаббадиб̣ад̣̇д̇хан̃жа аад̣̇исса ван̣н̣аад̣̇ибхан̣анз саб̣б̣ад̇т̇а д̣̇уггадам̣. ад̇т̇ад̇хаммаанусаасанибурзгкаараанам̣ уммад̇д̇агаад̣̇ийнан̃жа анаабад̇д̇и. сийлавибад̇д̇и, мануссид̇т̇ий, ид̇т̇исан̃н̃ид̇аа, д̣̇удтуллаваажассаад̣̇арааг̇о, д̇зна рааг̇зна обхаасанам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. ад̣̇иннаад̣̇аанасамудтаанам̣, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇вивзд̣̇ананд̇и.

    Sāvatthiyaṃ udāyittheraṃ ārabbha duṭṭhullavācāhi obhāsanavatthusmiṃ paññattaṃ, asādhāraṇapaññatti, anāṇattikaṃ, itthiyā itthisaññino antamaso hatthamuddāyapi vuttanayena obhāsantassa sace sā tamatthaṃ tasmiṃyeva khaṇe jānāti, saṅghādiseso. Paṇḍake thullaccayaṃ. Tasmiṃyeva itthisaññino dukkaṭaṃ. Punappunaṃ obhāsantassa, sambahulā ca itthiyo ekavācāya obhāsantassa vācāgaṇanāya ceva itthigaṇanāya ca āpattiyo. Sace yaṃ itthiṃ obhāsati, sā na jānāti, thullaccayaṃ. Adhakkhakaṃ ubbhajāṇumaṇḍalaṃ ādissa vaṇṇādibhaṇanepi thullaccayaṃ. Paṇḍake dukkaṭaṃ, ubbhakkhakaṃ adhojāṇumaṇḍalaṃ kāyappaṭibaddhañca ādissa vaṇṇādibhaṇane sabbattha dukkaṭaṃ. Atthadhammaanusāsanipurekkhārānaṃ ummattakādīnañca anāpatti. Sīlavipatti, manussitthī, itthisaññitā, duṭṭhullavācassādarāgo, tena rāgena obhāsanaṃ, taṅkhaṇavijānananti imānettha pañca aṅgāni. Adinnādānasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dvivedananti.

    д̣̇удтуллаваажаасигкаабад̣̇аван̣н̣анаа нидтид̇аа.

    Duṭṭhullavācāsikkhāpadavaṇṇanā niṭṭhitā.

    4. ад̇д̇агаамасигкаабад̣̇аван̣н̣анаа

    4. Attakāmasikkhāpadavaṇṇanā

    жад̇уд̇т̇з од̇ин̣н̣ад̇аа жа вибарин̣ад̇ажид̇д̇ад̇аа жа ад̇д̇агаамабаарижарияаавасзна взд̣̇ид̇аб̣б̣аа. маад̇уг̇аамасса санд̇игзд̇и д̣̇удтуллобхаасанз вуд̇д̇аббагаарааяа ид̇т̇ияаа самийбз. ад̇д̇агаамабаарижарияааяаад̇и мзт̇унад̇хаммасан̇каад̇зна гаамзна баарижарияаа гаамабаарижарияаа, ад̇д̇ано ад̇т̇ааяа гаамабаарижарияаа ад̇д̇агаамабаарижарияаа, ад̇д̇анаа ваа гаамид̇аа ижчид̇аад̇и ад̇д̇агаамаа, саяам̣ мзт̇унарааг̇авасзна бад̇т̇ид̇аад̇и ад̇т̇о, ад̇д̇агаамаа жа саа баарижарияаа жаад̇и ад̇д̇агаамабаарижарияаа, д̇ассаа ад̇д̇агаамабаарижарияааяа. ван̣н̣ам̣ бхаасзяяаад̇и г̇ун̣ам̣ аанисам̣сам̣ багаасзяяа. зд̇ад̣̇аг̇г̇анд̇иаад̣̇и д̇ассаа ад̇д̇агаамабаарижарияааяа ван̣н̣абхаасанаагааранид̣̇ассанам̣. д̇ад̇рааяам̣ бад̣̇асамб̣анд̇хавасзнзва сан̇кзбад̇т̇о – яаа маад̣̇исам̣ баан̣аад̇ибаад̇аад̣̇ийхи вирахид̇ад̇д̇аа сийлаванд̇ам̣ мзт̇унад̇хаммаа вирахид̇ад̇д̇аа б̣рахмажаарим̣ д̇ад̣̇убхаязнааби галяаан̣ад̇хаммам̣ зд̇зна д̇хаммзна барижарзяяа абхирамзяяа, д̇ассаа звам̣ маад̣̇исам̣ барижаранд̇ияаа яаа аяам̣ баарижарияаа наама, зд̇ад̣̇аг̇г̇ам̣ баарижарияаананд̇и. мзт̇унубасам̣хид̇зна сан̇гхаад̣̇исзсод̇и звам̣ ад̇д̇агаамабаарижарияааяа ван̣н̣ам̣ бхаасанд̇о жа ‘‘арахаси д̇вам̣ маяхам̣ мзт̇унад̇хаммам̣ д̣̇аад̇у’’нд̇иаад̣̇инаа мзт̇унаббадисам̣яуд̇д̇знзва важанзна яо бхаасзяяа, д̇асса сан̇гхаад̣̇исзсо.

    Catutthe otiṇṇatā ca vipariṇatacittatā ca attakāmapāricariyāvasena veditabbā. Mātugāmassa santiketi duṭṭhullobhāsane vuttappakārāya itthiyā samīpe. Attakāmapāricariyāyāti methunadhammasaṅkhātena kāmena pāricariyā kāmapāricariyā, attano atthāya kāmapāricariyā attakāmapāricariyā, attanā vā kāmitā icchitāti attakāmā, sayaṃ methunarāgavasena patthitāti attho, attakāmā ca sā pāricariyā cāti attakāmapāricariyā, tassā attakāmapāricariyāya. Vaṇṇaṃ bhāseyyāti guṇaṃ ānisaṃsaṃ pakāseyya. Etadaggantiādi tassā attakāmapāricariyāya vaṇṇabhāsanākāranidassanaṃ. Tatrāyaṃ padasambandhavaseneva saṅkhepattho – yā mādisaṃ pāṇātipātādīhi virahitattā sīlavantaṃ methunadhammā virahitattā brahmacāriṃ tadubhayenāpi kalyāṇadhammaṃ etena dhammena paricareyya abhirameyya, tassā evaṃ mādisaṃ paricarantiyā yā ayaṃ pāricariyā nāma, etadaggaṃ pāricariyānanti. Methunupasaṃhitena saṅghādisesoti evaṃ attakāmapāricariyāya vaṇṇaṃ bhāsanto ca ‘‘arahasi tvaṃ mayhaṃ methunadhammaṃ dātu’’ntiādinā methunappaṭisaṃyutteneva vacanena yo bhāseyya, tassa saṅghādiseso.

    саавад̇т̇ияам̣ уд̣̇ааяид̇т̇зрам̣ аараб̣бха ад̇д̇агаамабаарижарияааяа ван̣н̣абхаасанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, ид̇т̇ияаа ид̇т̇исан̃н̃ино анд̇амасо хад̇т̇амуд̣̇д̣̇ааяаби вуд̇д̇анаязнзва ад̇д̇агаамабаарижарияааяа ван̣н̣ам̣ бхаасанд̇асса сажз саа д̇амад̇т̇ам̣ д̇асмим̣язва кан̣з ж̇аанаад̇и, сан̇гхаад̣̇исзсо . но жз ж̇аанаад̇и, т̇уллажжаяам̣. бан̣д̣агз бан̣д̣агасан̃н̃иноби т̇уллажжаяам̣. д̇асмим̣язва ид̇т̇исан̃н̃ино д̣̇уггадам̣. жийвараад̣̇ийхи вад̇т̇угаамзхи баарижарияааяа ван̣н̣ам̣ бхаасанд̇асса уммад̇д̇агаад̣̇ийнан̃жа анаабад̇д̇и. сийлавибад̇д̇и, мануссид̇т̇ий, ид̇т̇исан̃н̃ид̇аа, ад̇д̇агаамабаарижарияааяа рааг̇о, д̇зна рааг̇зна ван̣н̣абхан̣анам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. самудтаанаад̣̇ийни д̣̇удтуллобхаасанз вуд̇д̇асад̣̇исаанзваад̇и.

    Sāvatthiyaṃ udāyittheraṃ ārabbha attakāmapāricariyāya vaṇṇabhāsanavatthusmiṃ paññattaṃ, asādhāraṇapaññatti, anāṇattikaṃ, itthiyā itthisaññino antamaso hatthamuddāyapi vuttanayeneva attakāmapāricariyāya vaṇṇaṃ bhāsantassa sace sā tamatthaṃ tasmiṃyeva khaṇe jānāti, saṅghādiseso . No ce jānāti, thullaccayaṃ. Paṇḍake paṇḍakasaññinopi thullaccayaṃ. Tasmiṃyeva itthisaññino dukkaṭaṃ. Cīvarādīhi vatthukāmehi pāricariyāya vaṇṇaṃ bhāsantassa ummattakādīnañca anāpatti. Sīlavipatti, manussitthī, itthisaññitā, attakāmapāricariyāya rāgo, tena rāgena vaṇṇabhaṇanaṃ, taṅkhaṇavijānananti imānettha pañca aṅgāni. Samuṭṭhānādīni duṭṭhullobhāsane vuttasadisānevāti.

    ад̇д̇агаамасигкаабад̣̇аван̣н̣анаа нидтид̇аа.

    Attakāmasikkhāpadavaṇṇanā niṭṭhitā.

    5. сан̃жарид̇д̇асигкаабад̣̇аван̣н̣анаа

    5. Sañcarittasikkhāpadavaṇṇanā

    бан̃жамз сан̃жарид̇д̇анд̇и ид̇т̇ибурисаанам̣ анд̇арз сам̣жаран̣абхаавам̣. самаабаж̇ж̇зяяаад̇и саммаа бадиг̇г̇ан̣ханавиймам̣санабажжаахаран̣аани гаронд̇о аабаж̇ж̇зяяа. ид̇т̇ияаа ваад̇иаад̣̇и самаабаж̇ж̇анаагаарад̣̇ассанам̣. д̇ад̇т̇а ид̇т̇ияаа ваа бурисамад̇инд̇и бурисзна ваа д̇асса маад̇аабид̇аад̣̇ийхи ваа бзсид̇о бурисасса мад̇им̣ ад̇хиббааяам̣ ид̇т̇ияаа аарожзяяаад̇и ад̇т̇о. бурисасса ваа ид̇т̇имад̇инд̇и ид̇т̇ияаа ваа д̇ассаа маад̇аабид̇аад̣̇ийхи ваа бзсид̇о ид̇т̇ияаа мад̇им̣ ад̇хиббааяам̣ бурисасса аарожзяяаад̇и ад̇т̇о. ж̇ааяад̇д̇анз ваа ж̇аарад̇д̇анз ваад̇и ж̇ааяабхаавз ваа ж̇аарабхаавз ваа. бурисасса хи мад̇им̣ ид̇т̇ияаа аарожзнд̇о ж̇ааяад̇д̇анз аарожзд̇и, ид̇т̇ияаа мад̇им̣ бурисасса аарожзнд̇о ж̇аарад̇д̇анз аарожзд̇и. абижа бурисассзва мад̇им̣ ид̇т̇ияаа аарожзнд̇о ж̇ааяад̇д̇анз ваа аарожзд̇и ниб̣ад̣̇д̇хабхарияабхаавз, ж̇аарад̇д̇анз ваа мижчаажаарабхаавз, д̇знзвасса бад̣̇абхааж̇анз (баараа. 302) ‘‘ж̇ааяад̇д̇анз ваад̇и ж̇ааяаа бхависсаси, ж̇аарад̇д̇анз ваад̇и ж̇аарий бхависсасий’’д̇и вуд̇д̇ам̣. зд̇знзва убааязна ид̇т̇ияаа мад̇им̣ бурисасса аарожанзби ‘‘бад̇и бхависсаси, ж̇ааро бхависсасий’’д̇и вад̇д̇аб̣б̣ад̇аа взд̣̇ид̇аб̣б̣аа. анд̇амасо д̇ан̇кан̣игааяабийд̇и саб̣б̣анд̇имзна барижчзд̣̇зна яаа аяам̣ д̇ан̇кан̣з мухуд̇д̇амад̇д̇з сам̣васид̇аб̣б̣ад̇о ‘‘д̇ан̇кан̣игаа’’д̇и вужжад̇и, мухуд̇д̇игаад̇и ад̇т̇о. д̇ассааби ‘‘мухуд̇д̇игаа бхависсасий’’д̇и звам̣ бурисасса мад̇им̣ аарожзнд̇асса сан̇гхаад̣̇исзсо, зд̇знзва убааязна ‘‘мухуд̇д̇иго бхависсасий’’д̇и звам̣ бурисасса ид̇т̇имад̇им̣ аарожзнд̇оби сан̇гхаад̣̇исзсам̣ аабаж̇ж̇ад̇ийд̇и взд̣̇ид̇аб̣б̣о.

    Pañcame sañcarittanti itthipurisānaṃ antare saṃcaraṇabhāvaṃ. Samāpajjeyyāti sammā paṭiggaṇhanavīmaṃsanapaccāharaṇāni karonto āpajjeyya. Itthiyā vātiādi samāpajjanākāradassanaṃ. Tattha itthiyā vā purisamatinti purisena vā tassa mātāpitādīhi vā pesito purisassa matiṃ adhippāyaṃ itthiyā āroceyyāti attho. Purisassa vā itthimatinti itthiyā vā tassā mātāpitādīhi vā pesito itthiyā matiṃ adhippāyaṃ purisassa āroceyyāti attho. Jāyattane vā jārattane vāti jāyabhāve vā jārabhāve vā. Purisassa hi matiṃ itthiyā ārocento jāyattane āroceti, itthiyā matiṃ purisassa ārocento jārattane āroceti. Apica purisasseva matiṃ itthiyā ārocento jāyattane vā āroceti nibaddhabhariyabhāve, jārattane vā micchācārabhāve, tenevassa padabhājane (pārā. 302) ‘‘jāyattane vāti jāyā bhavissasi, jārattane vāti jārī bhavissasī’’ti vuttaṃ. Eteneva upāyena itthiyā matiṃ purisassa ārocanepi ‘‘pati bhavissasi, jāro bhavissasī’’ti vattabbatā veditabbā. Antamaso taṅkhaṇikāyapīti sabbantimena paricchedena yā ayaṃ taṅkhaṇe muhuttamatte saṃvasitabbato ‘‘taṅkhaṇikā’’ti vuccati, muhuttikāti attho. Tassāpi ‘‘muhuttikā bhavissasī’’ti evaṃ purisassa matiṃ ārocentassa saṅghādiseso, eteneva upāyena ‘‘muhuttiko bhavissasī’’ti evaṃ purisassa itthimatiṃ ārocentopi saṅghādisesaṃ āpajjatīti veditabbo.

    саавад̇т̇ияам̣ уд̣̇ааяид̇т̇зрам̣ аараб̣бха сан̃жарид̇д̇асамаабаж̇ж̇анавад̇т̇усмим̣ бан̃н̃ад̇д̇ам̣, ‘‘анд̇амасо д̇ан̇кан̣игааяабий’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, ‘‘бадиг̇г̇ан̣хаад̇и, виймам̣сад̇и, анд̇зваасим̣ бажжаахараабзд̇ий’’д̇ииминаа (баараа. 338) наязна саан̣ад̇д̇игам̣, ан̃н̃ад̇ра наалам̣важанийяааяа яааяа гааяажи ид̇т̇ияаа анд̇амасо маад̇уяааби бурисамад̇им̣ аарожзнд̇о ‘‘хохи гира бхарияаа д̇ханаггийд̇аа’’д̇и вад̇д̇угаамо сажзби чанд̣̇аваасинийаад̣̇ийсу ан̃н̃ад̇араагаарзна аарожзд̇ваа д̇ааяа ‘‘саад̇хуу’’д̇и самбадижчид̇зби асамбадижчид̇зби буна ааг̇анд̇ваа язна бахид̇о, д̇асса д̇ам̣ бавад̇д̇им̣ аарожзд̇и, сан̇гхаад̣̇исзсам̣ аабаж̇ж̇ад̇и. саа бана д̇асса бхарияаа ход̇у ваа, маа ваа, агааран̣амзд̇ам̣. сажзби яассаа санд̇игам̣ бзсид̇о, д̇ам̣ ад̣̇исваа ан̃н̃ад̇арасса авассаарожанагасса ‘‘аарожзхий’’д̇и вад̇ваа бажжаахарад̇и, аабаж̇ж̇ад̇иязва. ‘‘маад̇урагкид̇ам̣ б̣руухий’’д̇и бзсид̇асса бана г̇анд̇ваа ан̃н̃ам̣ бид̇урагкид̇аад̣̇ийсу ан̃н̃ад̇арам̣ вад̣̇анд̇асса висан̇гзд̇ам̣ ход̇и, бурисасса ваа ид̇т̇ияаа ваа важанам̣ ‘‘саад̇хуу’’д̇и гааязна ваа ваажааяа ваа убхаязна ваа бадиг̇г̇ан̣хид̇ваа д̇ассаа ид̇т̇ияаа ваа бурисасса ваа аарожзд̇ваа ваа аарожаабзд̇ваа ваа буна язна бзсид̇о, д̇асса д̇ам̣ бавад̇д̇им̣ саяам̣ аарожзнд̇асса ваа ан̃н̃зна аарожаабзнд̇асса ваа сан̇гхаад̣̇исзсо . зд̇д̇аавад̇аа хи ‘‘бадиг̇г̇ан̣хаад̇и, виймам̣сад̇и, бажжаахарад̇ий’’д̇иид̣̇ам̣ ан̇г̇ад̇д̇аяам̣ самбаад̣̇ид̇амзва ход̇и, ид̇о бана язхи гзхижи д̣̇вийхи ан̇г̇зхи, бан̣д̣агз жа ан̇г̇ад̇д̇аязнааби т̇уллажжаяам̣. згзна д̣̇уггадам̣. сан̇гхасса ваа жзд̇ияасса ваа г̇илаанасса ваа гижжзна г̇ажчанд̇асса, уммад̇д̇агаад̣̇ийнан̃жа анаабад̇д̇и.

    Sāvatthiyaṃ udāyittheraṃ ārabbha sañcarittasamāpajjanavatthusmiṃ paññattaṃ, ‘‘antamaso taṅkhaṇikāyapī’’ti ayamettha anupaññatti, sādhāraṇapaññatti, ‘‘paṭiggaṇhāti, vīmaṃsati, antevāsiṃ paccāharāpetī’’tiiminā (pārā. 338) nayena sāṇattikaṃ, aññatra nālaṃvacanīyāya yāya kāyaci itthiyā antamaso mātuyāpi purisamatiṃ ārocento ‘‘hohi kira bhariyā dhanakkītā’’ti vattukāmo sacepi chandavāsinīādīsu aññatarākārena ārocetvā tāya ‘‘sādhū’’ti sampaṭicchitepi asampaṭicchitepi puna āgantvā yena pahito, tassa taṃ pavattiṃ āroceti, saṅghādisesaṃ āpajjati. Sā pana tassa bhariyā hotu vā, mā vā, akāraṇametaṃ. Sacepi yassā santikaṃ pesito, taṃ adisvā aññatarassa avassārocanakassa ‘‘ārocehī’’ti vatvā paccāharati, āpajjatiyeva. ‘‘Māturakkhitaṃ brūhī’’ti pesitassa pana gantvā aññaṃ piturakkhitādīsu aññataraṃ vadantassa visaṅketaṃ hoti, purisassa vā itthiyā vā vacanaṃ ‘‘sādhū’’ti kāyena vā vācāya vā ubhayena vā paṭiggaṇhitvā tassā itthiyā vā purisassa vā ārocetvā vā ārocāpetvā vā puna yena pesito, tassa taṃ pavattiṃ sayaṃ ārocentassa vā aññena ārocāpentassa vā saṅghādiseso . Ettāvatā hi ‘‘paṭiggaṇhāti, vīmaṃsati, paccāharatī’’tiidaṃ aṅgattayaṃ sampāditameva hoti, ito pana yehi kehici dvīhi aṅgehi, paṇḍake ca aṅgattayenāpi thullaccayaṃ. Ekena dukkaṭaṃ. Saṅghassa vā cetiyassa vā gilānassa vā kiccena gacchantassa, ummattakādīnañca anāpatti.

    сийлавибад̇д̇и, язсу сан̃жарид̇д̇ам̣ самаабаж̇ж̇ад̇и, д̇зсам̣ мануссаж̇аад̇игад̇аа, на наалам̣важанийяад̇аа,

    Sīlavipatti, yesu sañcarittaṃ samāpajjati, tesaṃ manussajātikatā, na nālaṃvacanīyatā,

    бадиг̇г̇ан̣ханавиймам̣санабажжаахаран̣аанийд̇и имаанзд̇т̇а бан̃жа ан̇г̇аани. часамудтаанам̣, бан̣н̣ад̇д̇им̣ ваа алам̣важанийяабхаавам̣ ваа аж̇аананд̇асса гааяавигаарзна саасанам̣ г̇ахзд̇ваа д̇ат̇зва виймам̣сид̇ваа д̇ат̇зва бажжаахаранд̇асса гааяад̇о самудтаад̇и. ‘‘ид̇т̇аннаамаа ааг̇амиссад̇и, д̇ассаа жид̇д̇ам̣ ж̇аанзяяаат̇аа’’д̇и гзнажи вуд̇д̇з ‘‘саад̇хуу’’д̇и самбадижчид̇ваа д̇ам̣ ааг̇ад̇ам̣ вад̇ваа буна д̇асмим̣ бурисз ааг̇ад̇з аарожзнд̇асса гааязна гин̃жи агад̇ад̇д̇аа ваажад̇о самудтаад̇и. ваажааяа ‘‘саад̇хуу’’д̇и саасанам̣ г̇ахзд̇ваа ан̃н̃зна гаран̣ийязна д̇ассаа гхарам̣ г̇анд̇ваа ан̃н̃ад̇т̇а ваа г̇аманагаалз д̇ам̣ д̣̇исваа важийбхзд̣̇зна виймам̣сид̇ваа бунаби ан̃н̃знзва гааран̣зна д̇ад̇о абаггамма гад̣̇аажид̣̇зва д̇ам̣ бурисам̣ д̣̇исваа аарожзнд̇ассааби ваажад̇о самудтаад̇и. бан̣н̣ад̇д̇им̣ аж̇аананд̇асса бана кийн̣аасавассааби бид̇уважанзна г̇анд̇ваа алам̣важанийяам̣ маад̇арамби ‘‘зхи мз бид̇арам̣ убадтаахий’’д̇и вад̇ваа бажжаахаранд̇асса гааяаваажад̇о самудтаад̇и. имаани д̇ийн̣и ажид̇д̇агасамудтаанаани. д̇ад̣̇убхаяам̣ бана ж̇аанид̇ваа зд̇зхзва д̇ийхи наязхи самаабаж̇ж̇анд̇асса д̇аанзва д̇ийн̣и д̇ад̣̇убхаяаж̇аананажид̇д̇зна сажид̇д̇агаани хонд̇и, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, гусалаад̣̇ивасзна жзд̇т̇а д̇ийн̣и жид̇д̇аани, сукаад̣̇ивасзна д̇иссо взд̣̇анаад̇и.

    Paṭiggaṇhanavīmaṃsanapaccāharaṇānīti imānettha pañca aṅgāni. Chasamuṭṭhānaṃ, paṇṇattiṃ vā alaṃvacanīyabhāvaṃ vā ajānantassa kāyavikārena sāsanaṃ gahetvā tatheva vīmaṃsitvā tatheva paccāharantassa kāyato samuṭṭhāti. ‘‘Itthannāmā āgamissati, tassā cittaṃ jāneyyāthā’’ti kenaci vutte ‘‘sādhū’’ti sampaṭicchitvā taṃ āgataṃ vatvā puna tasmiṃ purise āgate ārocentassa kāyena kiñci akatattā vācato samuṭṭhāti. Vācāya ‘‘sādhū’’ti sāsanaṃ gahetvā aññena karaṇīyena tassā gharaṃ gantvā aññattha vā gamanakāle taṃ disvā vacībhedena vīmaṃsitvā punapi aññeneva kāraṇena tato apakkamma kadācideva taṃ purisaṃ disvā ārocentassāpi vācato samuṭṭhāti. Paṇṇattiṃ ajānantassa pana khīṇāsavassāpi pituvacanena gantvā alaṃvacanīyaṃ mātarampi ‘‘ehi me pitaraṃ upaṭṭhāhī’’ti vatvā paccāharantassa kāyavācato samuṭṭhāti. Imāni tīṇi acittakasamuṭṭhānāni. Tadubhayaṃ pana jānitvā eteheva tīhi nayehi samāpajjantassa tāneva tīṇi tadubhayajānanacittena sacittakāni honti, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, kusalādivasena cettha tīṇi cittāni, sukhādivasena tisso vedanāti.

    сан̃жарид̇д̇асигкаабад̣̇аван̣н̣анаа нидтид̇аа.

    Sañcarittasikkhāpadavaṇṇanā niṭṭhitā.

    6. гудигаарасигкаабад̣̇аван̣н̣анаа

    6. Kuṭikārasikkhāpadavaṇṇanā

    чадтз сан̃н̃аажигааяа банаад̇и зд̇т̇а сан̃н̃аажигаа наама саяам̣ бавад̇д̇ид̇аяаажанаа вужжад̇и, д̇асмаа сан̃н̃аажигааяаад̇и ад̇д̇ано яаажанааяаад̇и вуд̇д̇ам̣ ход̇и, саяам̣ яаажид̇агзхи убагаран̣зхийд̇и ад̇т̇о. зд̇т̇а жа яам̣гин̃жи барабариг̇г̇ахид̇агам̣ муулажчзд̣̇авасзна яаажид̇ум̣ на ваддад̇и, д̇аавагаалигам̣ бана ваддад̇и. сахааяад̇т̇ааяа гаммагаран̣ад̇т̇ааяа ‘‘бурисам̣ д̣̇зт̇аа’’д̇и вад̇д̇ум̣ ваддад̇и, бурисад̇д̇агарамби яаажид̇ум̣ ваддад̇и, бурисад̇д̇агаро наама вад̣дхагиаад̣̇инаа бурисзна гаад̇аб̣б̣ам̣ хад̇т̇агаммам̣. д̇ам̣ ‘‘бурисад̇д̇агарам̣ д̣̇зхий’’д̇и ваа ‘‘хад̇т̇агаммам̣ д̣̇зхий’’д̇и ваа вад̇ваа яаажид̇ум̣ ваддад̇и. хад̇т̇агаммам̣ наама гин̃жи вад̇т̇у на ход̇и, д̇асмаа ‘‘гим̣, бханд̇з, ааг̇ад̇ад̇т̇аа’’д̇и бужчид̇з ваа абужчид̇з ваа яаажид̇ум̣ ваддад̇и, вин̃н̃ад̇д̇ибажжаяаа д̣̇осо над̇т̇и, миг̇алуд̣̇д̣̇агаад̣̇аяо бана сагагаммам̣ на яаажид̇аб̣б̣аа. гудинд̇и уллид̇д̇аад̣̇ийсу ан̃н̃ад̇арам̣. д̇ад̇т̇а уллид̇д̇аа наама табзд̇ваа т̇амбхад̇улаабидтасан̇гхаадаваад̇абаанад̇хуумажчид̣̇д̣̇аад̣̇ибхзд̣̇ам̣ алзбогаасам̣ авасзсз лзбогаасз гуддзхи сад̣̇д̇хим̣ гхадзд̇ваа чад̣̇анасса анд̇о суд̇хааяа ваа мад̇д̇игааяа ваа лид̇д̇аа. авалид̇д̇аа наама д̇ат̇зва вуд̇д̇анаязнзва чад̣̇анасса б̣ахи лид̇д̇аа. уллид̇д̇аавалид̇д̇аа наама д̇ат̇зва чад̣̇анасса анд̇о жа б̣ахи жа лид̇д̇аа. гаараяамаанзнаад̇и саяам̣ ваа гаронд̇зна, аан̣ад̇д̇ияаа ваа гаараабзнд̇зна. асаамиганд̇и гаарзд̇аа д̣̇ааяагзна вирахид̇ам̣. ад̇д̇уд̣̇д̣̇зсанд̇и ‘‘маяхам̣ ваасааг̇аарам̣ зсаа’’д̇и звам̣ ад̇д̇аа уд̣̇д̣̇зсо зд̇иссаад̇и ад̇д̇уд̣̇д̣̇зсаа, д̇ам̣ ад̇д̇уд̣̇д̣̇зсам̣. бамаан̣игаа гаарзд̇аб̣б̣аад̇и бамаан̣аяуд̇д̇аа гаарзд̇аб̣б̣аа. д̇ад̇рид̣̇ам̣ бамаан̣анд̇и д̇ассаа гудияаа ид̣̇ам̣ бамаан̣ам̣. д̣̇ийгхасод̇и д̣̇ийгхад̇о. д̣̇ваад̣̇аса вид̣̇ад̇т̇ияо суг̇ад̇авид̣̇ад̇т̇ияаад̇изд̇т̇а суг̇ад̇авид̣̇ад̇т̇и наама ид̣̇аани маж̇жхимасса бурисасса д̇иссо вид̣̇ад̇т̇ияо, вад̣дхагихад̇т̇зна д̣̇ияад̣дхо хад̇т̇о ход̇и. минанд̇зна бана гудияаа б̣ахигуддз батамам̣ д̣̇иннам̣ махаамад̇д̇игабарияанд̇ам̣ аг̇г̇ахзд̇ваа т̇усабин̣д̣абарияанд̇зна д̣̇ваад̣̇аса вид̣̇ад̇т̇ияо минзд̇аб̣б̣аа, сажз т̇усабин̣д̣агзна анад̇т̇иго ход̇и, махаамад̇д̇игалзбзнзва нидтаабзд̇и, свзва барижчзд̣̇о. д̇ирияанд̇и вид̇т̇аарад̇о. сад̇д̇анд̇араад̇и гуддасса б̣ахианд̇ам̣ аг̇г̇ахзд̇ваа аб̣бханд̇аримзна анд̇зна сад̇д̇а суг̇ад̇авид̣̇ад̇т̇ияо бамаан̣анд̇и вуд̇д̇ам̣ ход̇и. зд̇т̇а жа гзсаг̇г̇амад̇д̇амби д̣̇ийгхад̇о хаабзд̇ваа д̇ирияам̣, д̇ирияад̇о ваа хаабзд̇ваа д̣̇ийгхам̣ вад̣дхзд̇ум̣ на ваддад̇и, го бана ваад̣̇о убхад̇овад̣дханз. яаа бана д̣̇ийгхад̇о садтихад̇т̇ааби ход̇и, д̇ирияад̇о д̇ихад̇т̇аа ваа уунагажад̇ухад̇т̇аа ваа, яад̇т̇а бамаан̣аяуд̇д̇о ман̃жо ид̇о жид̇о жа на бариваддад̇и, бажчимагодияаа жад̇ухад̇т̇авид̇т̇аараа на ход̇и, аяам̣ гудисан̇кяам̣ на г̇ажчад̇и, д̇асмаа ваддад̇и. бхигкуу абхинзд̇аб̣б̣аа вад̇т̇уд̣̇зсанааяаад̇и яасмим̣ бад̣̇зсз гудим̣ гаарзд̇угаамо ход̇и, д̇ам̣ сод̇хзд̇ваа бад̣̇абхааж̇анз (баараа. 349) вуд̇д̇анаязна сан̇гхам̣ д̇игкад̇д̇ум̣ яаажид̇ваа саб̣б̣з ваа сан̇гхабарияаабаннаа сан̇гхзна ваа саммад̇аа д̣̇вз д̇аяо бхигкуу д̇ад̇т̇а вад̇т̇уд̣̇зсанад̇т̇ааяа нзд̇аб̣б̣аа. д̇зхи бхигкуухи вад̇т̇у д̣̇зсзд̇аб̣б̣ам̣ анаарамбхам̣ сабариггамананд̇и д̇зхи бхигкуухи гибиллигаад̣̇ийнам̣ аасаяаад̣̇ийхи д̇зрасахи, буб̣б̣ан̣н̣аабаран̣н̣аниссид̇аад̣̇ийхи сол̣асахи убад̣̇д̣̇авзхи вирахид̇ад̇д̇аа анаарамбхам̣, д̣̇вийхи ваа жад̇уухи ваа б̣алиб̣ад̣̇д̇хзхи яуд̇д̇зна сагадзна згам̣ жаггам̣ ниб̣б̣од̣̇агабад̇анадтаанз згам̣ б̣ахи гад̇ваа аавиж̇жхид̇ум̣ саггун̣зяяад̇ааяа сабариггамананд̇и саллагкзд̇ваа сажз сан̇гхабахонагаа хонд̇и, д̇ад̇т̇зва, но жз, сан̇гхамаж̇жхам̣ г̇анд̇ваа д̇зна бхигкунаа яаажид̇зхи н̃ад̇д̇ид̣̇уд̇иязна гаммзна вад̇т̇у д̣̇зсзд̇аб̣б̣ам̣. саарамбхз жзд̇иаад̣̇и бадибагканаязна взд̣̇ид̇аб̣б̣ам̣.

    Chaṭṭhe saññācikāya panāti ettha saññācikā nāma sayaṃ pavattitayācanā vuccati, tasmā saññācikāyāti attano yācanāyāti vuttaṃ hoti, sayaṃ yācitakehi upakaraṇehīti attho. Ettha ca yaṃkiñci parapariggahitakaṃ mūlacchedavasena yācituṃ na vaṭṭati, tāvakālikaṃ pana vaṭṭati. Sahāyatthāya kammakaraṇatthāya ‘‘purisaṃ dethā’’ti vattuṃ vaṭṭati, purisattakarampi yācituṃ vaṭṭati, purisattakaro nāma vaḍḍhakiādinā purisena kātabbaṃ hatthakammaṃ. Taṃ ‘‘purisattakaraṃ dehī’’ti vā ‘‘hatthakammaṃ dehī’’ti vā vatvā yācituṃ vaṭṭati. Hatthakammaṃ nāma kiñci vatthu na hoti, tasmā ‘‘kiṃ, bhante, āgatatthā’’ti pucchite vā apucchite vā yācituṃ vaṭṭati, viññattipaccayā doso natthi, migaluddakādayo pana sakakammaṃ na yācitabbā. Kuṭinti ullittādīsu aññataraṃ. Tattha ullittā nāma ṭhapetvā thambhatulāpiṭṭhasaṅghāṭavātapānadhūmacchiddādibhedaṃ alepokāsaṃ avasese lepokāse kuṭṭehi saddhiṃ ghaṭetvā chadanassa anto sudhāya vā mattikāya vā littā. Avalittā nāma tatheva vuttanayeneva chadanassa bahi littā. Ullittāvalittā nāma tatheva chadanassa anto ca bahi ca littā. Kārayamānenāti sayaṃ vā karontena, āṇattiyā vā kārāpentena. Asāmikanti kāretā dāyakena virahitaṃ. Attuddesanti ‘‘mayhaṃ vāsāgāraṃ esā’’ti evaṃ attā uddeso etissāti attuddesā, taṃ attuddesaṃ. Pamāṇikā kāretabbāti pamāṇayuttā kāretabbā. Tatridaṃ pamāṇanti tassā kuṭiyā idaṃ pamāṇaṃ. Dīghasoti dīghato. Dvādasa vidatthiyo sugatavidatthiyātiettha sugatavidatthi nāma idāni majjhimassa purisassa tisso vidatthiyo, vaḍḍhakihatthena diyaḍḍho hattho hoti. Minantena pana kuṭiyā bahikuṭṭe paṭhamaṃ dinnaṃ mahāmattikapariyantaṃ aggahetvā thusapiṇḍapariyantena dvādasa vidatthiyo minetabbā, sace thusapiṇḍakena anatthiko hoti, mahāmattikalepeneva niṭṭhāpeti, sveva paricchedo. Tiriyanti vitthārato. Sattantarāti kuṭṭassa bahiantaṃ aggahetvā abbhantarimena antena satta sugatavidatthiyo pamāṇanti vuttaṃ hoti. Ettha ca kesaggamattampi dīghato hāpetvā tiriyaṃ, tiriyato vā hāpetvā dīghaṃ vaḍḍhetuṃ na vaṭṭati, ko pana vādo ubhatovaḍḍhane. Yā pana dīghato saṭṭhihatthāpi hoti, tiriyato tihatthā vā ūnakacatuhatthā vā, yattha pamāṇayutto mañco ito cito ca na parivaṭṭati, pacchimakoṭiyā catuhatthavitthārā na hoti, ayaṃ kuṭisaṅkhyaṃ na gacchati, tasmā vaṭṭati. Bhikkhūabhinetabbā vatthudesanāyāti yasmiṃ padese kuṭiṃ kāretukāmo hoti, taṃ sodhetvā padabhājane (pārā. 349) vuttanayena saṅghaṃ tikkhattuṃ yācitvā sabbe vā saṅghapariyāpannā saṅghena vā sammatā dve tayo bhikkhū tattha vatthudesanatthāya netabbā. Tehi bhikkhūhi vatthu desetabbaṃ anārambhaṃ saparikkamananti tehi bhikkhūhi kipillikādīnaṃ āsayādīhi terasahi, pubbaṇṇāparaṇṇanissitādīhi soḷasahi upaddavehi virahitattā anārambhaṃ, dvīhi vā catūhi vā balibaddhehi yuttena sakaṭena ekaṃ cakkaṃ nibbodakapatanaṭṭhāne ekaṃ bahi katvā āvijjhituṃ sakkuṇeyyatāya saparikkamananti sallakkhetvā sace saṅghapahonakā honti, tattheva, no ce, saṅghamajjhaṃ gantvā tena bhikkhunā yācitehi ñattidutiyena kammena vatthu desetabbaṃ. Sārambhe cetiādi paṭipakkhanayena veditabbaṃ.

    аал̣авияам̣ аал̣авигз бхигкуу аараб̣бха сан̃н̃аажигааяа гудигаран̣авад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, саан̣ад̇д̇игам̣, ‘‘ад̣̇зсид̇авад̇т̇угам̣ бамаан̣аад̇игганд̇ам̣ гудим̣ гаарзссаамий’’д̇и убагаран̣ад̇т̇ам̣ аран̃н̃ам̣ г̇аманад̇о бадтааяа саб̣б̣абаяог̇зсу д̣̇уггадам̣, ‘‘ид̣̇аани д̣̇вийхи бин̣д̣зхи нидтаанам̣ г̇амиссад̇ий’’д̇и д̇зсу батамабин̣д̣ад̣̇аанз т̇уллажжаяам̣, д̣̇уд̇ияад̣̇аанзна лзбз гхадид̇з сажз ад̣̇зсид̇авад̇т̇угаа зва ваа бамаан̣аад̇игганд̇аа зва ваа ход̇и, зго сан̇гхаад̣̇исзсо, д̣̇вз жа д̣̇уггадаани. убхаяавиббаннаа, д̣̇вз сан̇гхаад̣̇исзсаа, д̣̇вз жа д̣̇уггадаани. сажз бана д̣̇ваараб̣анд̇хам̣ ваа ваад̇абаанам̣ ваа адтабзд̇ваава мад̇д̇игааяа лимбад̇и, табид̇з жа д̇асмим̣ лзбо на гхадияад̇и, рагкад̇и д̇аава. буна лимбанд̇асса бана гхадид̇амад̇д̇з сан̇гхаад̣̇исзсо. сажз д̇ам̣ табияамаанам̣ батамад̣̇инналзбзна сад̣̇д̇хим̣ ниранд̇арамзва худ̇ваа д̇идтад̇и, батамамзва сан̇гхаад̣̇исзсо. гзвалам̣ саарамбхааяа д̣̇уггадам̣, д̇ат̇аа абариггаманааяа. виббагад̇ам̣ гудим̣ ан̃н̃асса д̣̇ад̣̇ад̇о жа, бхуумим̣ самам̣ гад̇ваа бхинд̣̇анд̇асса жа, лзн̣аг̇ухаад̇ин̣агудибан̣н̣ажчад̣̇анаг̇зхзсу ан̃н̃ад̇арам̣ гаарзнд̇асса, гудимби ан̃н̃асса ваасад̇т̇ааяа, ваасааг̇аарам̣ табзд̇ваа убосат̇ааг̇аараад̣̇ийсу ан̃н̃ад̇арад̇т̇ааяа гаарзнд̇асса жа уммад̇д̇агаад̣̇ийнан̃жа анаабад̇д̇и. сийлавибад̇д̇и, уллид̇д̇аад̣̇ийнам̣ ан̃н̃ад̇арад̇аа, хздтимабамаан̣асамбхаво, ад̣̇зсид̇авад̇т̇угад̇аа, бамаан̣аад̇игганд̇ад̇аа, ад̇д̇уд̣̇д̣̇зсигад̇аа, ваасааг̇аарад̇аа , лзбагхаданаад̇и имаанзд̇т̇а ча ваа сад̇д̇а ваа ан̇г̇аани. часамудтаанам̣, гирияан̃жа, гирияаагирияан̃жа. ид̣̇ан̃хи вад̇т̇ум̣ д̣̇зсаабзд̇ваа бамаан̣аад̇игганд̇ам̣ ваа гарод̇о гирияад̇о самудтаад̇и, ад̣̇зсаабзд̇ваа гарод̇о гирияаагирияад̇о самудтаад̇и. сзсамзд̇т̇а сан̃жарид̇д̇з вуд̇д̇асад̣̇исамзваад̇и.

    Āḷaviyaṃ āḷavike bhikkhū ārabbha saññācikāya kuṭikaraṇavatthusmiṃ paññattaṃ, asādhāraṇapaññatti, sāṇattikaṃ, ‘‘adesitavatthukaṃ pamāṇātikkantaṃ kuṭiṃ kāressāmī’’ti upakaraṇatthaṃ araññaṃ gamanato paṭṭhāya sabbapayogesu dukkaṭaṃ, ‘‘idāni dvīhi piṇḍehi niṭṭhānaṃ gamissatī’’ti tesu paṭhamapiṇḍadāne thullaccayaṃ, dutiyadānena lepe ghaṭite sace adesitavatthukā eva vā pamāṇātikkantā eva vā hoti, eko saṅghādiseso, dve ca dukkaṭāni. Ubhayavippannā, dve saṅghādisesā, dve ca dukkaṭāni. Sace pana dvārabandhaṃ vā vātapānaṃ vā aṭṭhapetvāva mattikāya limpati, ṭhapite ca tasmiṃ lepo na ghaṭiyati, rakkhati tāva. Puna limpantassa pana ghaṭitamatte saṅghādiseso. Sace taṃ ṭhapiyamānaṃ paṭhamadinnalepena saddhiṃ nirantarameva hutvā tiṭṭhati, paṭhamameva saṅghādiseso. Kevalaṃ sārambhāya dukkaṭaṃ, tathā aparikkamanāya. Vippakataṃ kuṭiṃ aññassa dadato ca, bhūmiṃ samaṃ katvā bhindantassa ca, leṇaguhātiṇakuṭipaṇṇacchadanagehesu aññataraṃ kārentassa, kuṭimpi aññassa vāsatthāya, vāsāgāraṃ ṭhapetvā uposathāgārādīsu aññataratthāya kārentassa ca ummattakādīnañca anāpatti. Sīlavipatti, ullittādīnaṃ aññataratā, heṭṭhimapamāṇasambhavo, adesitavatthukatā, pamāṇātikkantatā, attuddesikatā, vāsāgāratā , lepaghaṭanāti imānettha cha vā satta vā aṅgāni. Chasamuṭṭhānaṃ, kiriyañca, kiriyākiriyañca. Idañhi vatthuṃ desāpetvā pamāṇātikkantaṃ vā karoto kiriyato samuṭṭhāti, adesāpetvā karoto kiriyākiriyato samuṭṭhāti. Sesamettha sañcaritte vuttasadisamevāti.

    гудигаарасигкаабад̣̇аван̣н̣анаа нидтид̇аа.

    Kuṭikārasikkhāpadavaṇṇanā niṭṭhitā.

    7. вихаарагаарасигкаабад̣̇аван̣н̣анаа

    7. Vihārakārasikkhāpadavaṇṇanā

    сад̇д̇амз махаллаганд̇и сасаамигабхаавзна сан̃н̃аажид̇агудид̇о маханд̇абхааво зд̇асса ад̇т̇ийд̇и махаллаго, яасмаа ваа вад̇т̇ум̣ д̣̇зсаабзд̇ваа бамаан̣аад̇иггамзнааби гаад̇ум̣ ваддад̇и, д̇асмаа бамаан̣амаханд̇ад̇ааяаби махаллаго, д̇ам̣ махаллагам̣. яасмаа банасса д̇ам̣ бамаан̣амаханд̇ад̇д̇ам̣ сасаамигад̇д̇аава лаб̣бхад̇и, д̇асмаа д̇ад̣̇ад̇т̇ад̣̇ассанад̇т̇ам̣ ‘‘махаллаго наама вихааро сасаамиго вужжад̇ий’’д̇и звамасса бад̣̇абхааж̇анз (баараа. 367) вуд̇д̇ам̣. сзсам̣ саб̣б̣ам̣ гудигаарасигкаабад̣̇з вуд̇д̇асад̣̇исам̣, сасаамигабхаавамад̇д̇амзва хи висзсо.

    Sattame mahallakanti sasāmikabhāvena saññācitakuṭito mahantabhāvo etassa atthīti mahallako, yasmā vā vatthuṃ desāpetvā pamāṇātikkamenāpi kātuṃ vaṭṭati, tasmā pamāṇamahantatāyapi mahallako, taṃ mahallakaṃ. Yasmā panassa taṃ pamāṇamahantattaṃ sasāmikattāva labbhati, tasmā tadatthadassanatthaṃ ‘‘mahallako nāma vihāro sasāmiko vuccatī’’ti evamassa padabhājane (pārā. 367) vuttaṃ. Sesaṃ sabbaṃ kuṭikārasikkhāpade vuttasadisaṃ, sasāmikabhāvamattameva hi viseso.

    госамб̣ияам̣ чаннад̇т̇зрам̣ аараб̣бха жзд̇ияаругкам̣ чзд̣̇аабанавад̇т̇усмим̣ бан̃н̃ад̇д̇абхааво, агирияамад̇д̇ад̇о самудтаанабхааво, згасан̇гхаад̣̇исзсад̇аа жа зд̇т̇а висзсо.

    Kosambiyaṃ channattheraṃ ārabbha cetiyarukkhaṃ chedāpanavatthusmiṃ paññattabhāvo, akiriyamattato samuṭṭhānabhāvo, ekasaṅghādisesatā ca ettha viseso.

    вихаарагаарасигкаабад̣̇аван̣н̣анаа нидтид̇аа.

    Vihārakārasikkhāpadavaṇṇanā niṭṭhitā.

    8. д̣̇удтад̣̇осасигкаабад̣̇аван̣н̣анаа

    8. Duṭṭhadosasikkhāpadavaṇṇanā

    адтамз д̣̇удто д̣̇осод̇и д̣̇уусид̇о жзва д̣̇уусаго жа. уббаннз хи д̣̇осз буг̇г̇ало д̇зна д̣̇осзна д̣̇уусид̇о ход̇и, багад̇ибхаавам̣ ж̇ахаабид̇о, д̇асмаа ‘‘д̣̇удто’’д̇и вужжад̇и. баран̃жа д̣̇уусзд̇и винаасзд̇и, д̇асмаа ‘‘д̣̇осо’’д̇и вужжад̇и. ид̇и ‘‘д̣̇удто д̣̇осо’’д̇и згассзвзд̇ам̣ буг̇г̇аласса аагааранаанад̇д̇зна нид̣̇ассанам̣. аббад̇ийд̇од̇и наббад̇ийд̇о, бийд̇исукаад̣̇ийхи виваж̇ж̇ид̇о, на абхисадод̇и ад̇т̇о. амуулагзнаад̇и яам̣ жод̣̇агзна жуд̣̇ид̇агамхи буг̇г̇алз ад̣̇идтам̣ ассуд̇ам̣ абарисан̇гид̇ам̣, ид̣̇ам̣ зд̇зсам̣ д̣̇ассанасаванабарисан̇гаасан̇каад̇аанам̣ муулаанам̣ абхаавад̇о амуулагам̣ наама. д̇ам̣ бана со аабанно ваа ход̇у, анаабанно ваа, зд̇ам̣ ид̇ха аббамаан̣ам̣. зд̇т̇а жа ад̣̇идтам̣ наама ад̇д̇ано басаад̣̇ажагкунаа ваа д̣̇иб̣б̣ажагкунаа ваа ад̣̇идтам̣, ассуд̇ам̣ наама д̇ат̇зва гзнажи вужжамаанам̣ на суд̇ам̣, абарисан̇гид̇ам̣ наама ад̇д̇ано ваа барасса ваа д̣̇идтасуд̇амуд̇авасзна жзд̇асаа абарисан̇гид̇ам̣, ид̇и зваруубзна амуулагзна. баарааж̇игзнаад̇и бхигкуно ануруубзсу згуунавийсад̇ияаа ан̃н̃ад̇арзна, бад̣̇абхааж̇анз (баараа. 386) бана баарааж̇игуд̣̇д̣̇зсз ааг̇ад̇аанзва г̇ахзд̇ваа ‘‘жад̇уннам̣ ан̃н̃ад̇арзнаа’’д̇и вуд̇д̇ам̣. ануд̣̇д̇хам̣сзяяаад̇и д̇хам̣сзяяа вид̣̇д̇хам̣сзяяа бад̇хам̣сзяяа абхибхавзяяа. д̇ам̣ бана ануд̣̇д̇хам̣санам̣ яасмаа ад̇д̇анаа жод̣̇знд̇оби барзна жод̣̇аабзнд̇оби гарод̇и, д̇асмаасса бад̣̇абхааж̇анз ‘‘жод̣̇зд̇и ваа жод̣̇аабзд̇и ваа’’д̇и вуд̇д̇ам̣. д̇ад̇т̇а вад̇т̇усанд̣̇ассанаа аабад̇д̇исанд̣̇ассанаа сам̣ваасаббадигкзбо саамийжиббадигкзбод̇и сан̇кзбад̇о жад̇ассо жод̣̇анаа. д̇аасу вад̇т̇усанд̣̇ассанаа наама ‘‘д̇вам̣ мзт̇унам̣ д̇хаммам̣ бадисзвий’’д̇иаад̣̇инаа наязна бавад̇д̇аа. аабад̇д̇исанд̣̇ассанаа наама ‘‘д̇вам̣ мзт̇унад̇хаммаабад̇д̇им̣ аабанно’’д̇иаад̣̇инаа наязна бавад̇д̇аа. сам̣ваасаббадигкзбо наама ‘‘над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и звам̣ бавад̇д̇о. зд̇д̇аавад̇аа бана сийсам̣ на зд̇и, ‘‘ассаман̣осий’’д̇иаад̣̇ийхи важанзхи сад̣̇д̇хим̣ гхадид̇зязва сийсам̣ зд̇и. саамийжиббадигкзбо наама абхиваад̣̇анабажжудтаанаан̃ж̇алигаммасаамийжигаммаб̣ийж̇анигаммаад̣̇ийнам̣ агаран̣ам̣, д̇ам̣ бадибаад̇ияаа ванд̣̇анаад̣̇ийни гарод̇о згасса агад̇ваа сзсаанам̣ гаран̣агаалз взд̣̇ид̇аб̣б̣ам̣. зд̇д̇аавад̇аа жа жод̣̇анаа наама ход̇и, аабад̇д̇и бана сийсам̣ на зд̇и. ‘‘гасмаа мама ванд̣̇анаад̣̇ийни на гаросий’’д̇и бужчид̇з бана ‘‘ассаман̣осий’’д̇иаад̣̇иважанзхи сад̣̇д̇хим̣ гхадид̇зязва сийсам̣ зд̇и, д̇асмаа яо бхигку бхигкум̣ самийбз тад̇ваа ‘‘д̇вам̣ мзт̇унам̣ д̇хаммам̣ бадисзвий’’д̇и ваа ‘‘ассаман̣осий’’д̇и ваа аад̣̇ийхи важанзхи хад̇т̇амуд̣̇д̣̇ааяа зва ваа зд̇амад̇т̇ам̣ д̣̇ийбзнд̇о саяам̣ ваа жод̣̇зд̇и, г̇ахадтабаб̣б̣аж̇ид̇зсу ваа ан̃н̃ад̇арзна жод̣̇аабзд̇и, аяам̣ ануд̣̇д̇хам̣сзд̇и наама. аббзва наама нам̣ имамхаа б̣рахмажарияаа жаавзяяанд̇и аби зва наама нам̣ буг̇г̇алам̣ имамхаа сздтажарияаа абанзяяам̣. ‘‘саад̇ху вад̇асса сажаахам̣ имам̣ буг̇г̇алам̣ имамхаа б̣рахмажарияаа жаавзяяа’’нд̇и иминаа ад̇хиббааязна ануд̣̇д̇хам̣сзяяаад̇и вуд̇д̇ам̣ ход̇и. зд̇зна згам̣ жааванаад̇хиббааяам̣ г̇ахзд̇ваа авасзсаа аггосаад̇хиббааяо гаммаад̇хиббааяо вудтаанаад̇хиббааяо убосат̇адтабанаад̇хиббааяо бавааран̣адтабанаад̇хиббааяо анувиж̇ж̇анаад̇хиббааяо д̇хаммагат̇аад̇хиббааяод̇и сад̇д̇а ад̇хиббааяаа бадигкид̇д̇аа хонд̇и. д̇ад̇о абарзна самаязнаад̇и яасмим̣ самаяз ануд̣̇д̇хам̣сид̇о ход̇и, д̇ад̇о ан̃н̃асмим̣ самаяз. самануг̇г̇аахийяамаано ваад̇и анувиж̇ж̇агзна гим̣ д̇з д̣̇идтанд̇иаад̣̇инаа наязна анувиж̇ж̇ияамаано убабаригкияамаано. асамануг̇г̇аахийяамаано ваад̇и д̣̇идтаад̣̇ийсу гзнажи вад̇т̇унааваа анувиж̇ж̇агаад̣̇ийсу язна гзнажи буг̇г̇алзна ваа авужжамаано. имзсам̣ бана бад̣̇аанам̣ барад̇о ‘‘бхигку жа д̣̇осам̣ бад̇идтаад̇ий’’д̇и иминаа самб̣анд̇хо. ид̣̇ан̃хи вуд̇д̇ам̣ ход̇и – звам̣ самануг̇г̇аахийяамаано ваа асамануг̇г̇аахийяамаано ваа бхигку жа д̣̇осам̣ бад̇идтаад̇и бадижжа д̇идтад̇и бадиж̇аанаад̇и, сан̇гхаад̣̇исзсод̇и. ид̣̇ан̃жа амуулагабхаавасса баагадагаалад̣̇ассанад̇т̇ам̣ вуд̇д̇ам̣. аабад̇д̇им̣ бана ануд̣̇д̇хам̣сид̇агкан̣зязва аабаж̇ж̇ад̇и. амуулаган̃жзва д̇ам̣ ад̇хигаран̣ам̣ ход̇ийд̇и зд̇т̇а бана д̣̇идтамуулаад̣̇ийнам̣ абхаавзна амуулагам̣, самат̇зхи ад̇хигаран̣ийяабхаавзна ад̇хигаран̣ам̣. яан̃хи ад̇хигижжа аараб̣бха бадижжа санд̇хааяа самат̇аа бавад̇д̇анд̇и, д̇ам̣ ад̇хигаран̣ам̣. ид̇ха бана баарааж̇игасан̇каад̇ам̣ аабад̇д̇аад̇хигаран̣амзва ад̇хиббзд̇ам̣. яад̣̇и хи д̇ам̣ ад̇хигаран̣ам̣ д̣̇идтаад̣̇ийхи муулзхи амуулаган̃жзва ход̇и, аяам̣ жод̣̇зд̇ум̣ ааг̇ад̇о бхигку жа д̣̇осам̣ бад̇идтаад̇и бадижжа д̇идтад̇и, ‘‘д̇ужчагам̣ маяаа бхан̣ид̇а’’нд̇иаад̣̇ийни (баараа. 386) вад̣̇анд̇о бадиж̇аанаад̇и, д̇асса бхигкуно ануд̣̇д̇хам̣сид̇агкан̣зязва сан̇гхаад̣̇исзсод̇и, аяам̣ сигкаабад̣̇асса бад̣̇аануггамзна ад̇т̇о.

    Aṭṭhame duṭṭho dosoti dūsito ceva dūsako ca. Uppanne hi dose puggalo tena dosena dūsito hoti, pakatibhāvaṃ jahāpito, tasmā ‘‘duṭṭho’’ti vuccati. Parañca dūseti vināseti, tasmā ‘‘doso’’ti vuccati. Iti ‘‘duṭṭho doso’’ti ekassevetaṃ puggalassa ākāranānattena nidassanaṃ. Appatītoti nappatīto, pītisukhādīhi vivajjito, na abhisaṭoti attho. Amūlakenāti yaṃ codakena cuditakamhi puggale adiṭṭhaṃ assutaṃ aparisaṅkitaṃ, idaṃ etesaṃ dassanasavanaparisaṅkāsaṅkhātānaṃ mūlānaṃ abhāvato amūlakaṃ nāma. Taṃ pana so āpanno vā hotu, anāpanno vā, etaṃ idha appamāṇaṃ. Ettha ca adiṭṭhaṃ nāma attano pasādacakkhunā vā dibbacakkhunā vā adiṭṭhaṃ, assutaṃ nāma tatheva kenaci vuccamānaṃ na sutaṃ, aparisaṅkitaṃ nāma attano vā parassa vā diṭṭhasutamutavasena cetasā aparisaṅkitaṃ, iti evarūpena amūlakena. Pārājikenāti bhikkhuno anurūpesu ekūnavīsatiyā aññatarena, padabhājane (pārā. 386) pana pārājikuddese āgatāneva gahetvā ‘‘catunnaṃ aññatarenā’’ti vuttaṃ. Anuddhaṃseyyāti dhaṃseyya viddhaṃseyya padhaṃseyya abhibhaveyya. Taṃ pana anuddhaṃsanaṃ yasmā attanā codentopi parena codāpentopi karoti, tasmāssa padabhājane ‘‘codeti vā codāpeti vā’’ti vuttaṃ. Tattha vatthusandassanā āpattisandassanā saṃvāsappaṭikkhepo sāmīcippaṭikkhepoti saṅkhepato catasso codanā. Tāsu vatthusandassanā nāma ‘‘tvaṃ methunaṃ dhammaṃ paṭisevī’’tiādinā nayena pavattā. Āpattisandassanā nāma ‘‘tvaṃ methunadhammāpattiṃ āpanno’’tiādinā nayena pavattā. Saṃvāsappaṭikkhepo nāma ‘‘natthi tayā saddhiṃ uposatho vā pavāraṇā vā saṅghakammaṃ vā’’ti evaṃ pavatto. Ettāvatā pana sīsaṃ na eti, ‘‘assamaṇosī’’tiādīhi vacanehi saddhiṃ ghaṭiteyeva sīsaṃ eti. Sāmīcippaṭikkhepo nāma abhivādanapaccuṭṭhānaañjalikammasāmīcikammabījanikammādīnaṃ akaraṇaṃ, taṃ paṭipātiyā vandanādīni karoto ekassa akatvā sesānaṃ karaṇakāle veditabbaṃ. Ettāvatā ca codanā nāma hoti, āpatti pana sīsaṃ na eti. ‘‘Kasmā mama vandanādīni na karosī’’ti pucchite pana ‘‘assamaṇosī’’tiādivacanehi saddhiṃ ghaṭiteyeva sīsaṃ eti, tasmā yo bhikkhu bhikkhuṃ samīpe ṭhatvā ‘‘tvaṃ methunaṃ dhammaṃ paṭisevī’’ti vā ‘‘assamaṇosī’’ti vā ādīhi vacanehi hatthamuddāya eva vā etamatthaṃ dīpento sayaṃ vā codeti, gahaṭṭhapabbajitesu vā aññatarena codāpeti, ayaṃ anuddhaṃseti nāma. Appeva nāma naṃ imamhā brahmacariyā cāveyyanti api eva nāma naṃ puggalaṃ imamhā seṭṭhacariyā apaneyyaṃ. ‘‘Sādhu vatassa sacāhaṃ imaṃ puggalaṃ imamhā brahmacariyā cāveyya’’nti iminā adhippāyena anuddhaṃseyyāti vuttaṃ hoti. Etena ekaṃ cāvanādhippāyaṃ gahetvā avasesā akkosādhippāyo kammādhippāyo vuṭṭhānādhippāyo uposathaṭṭhapanādhippāyo pavāraṇaṭṭhapanādhippāyo anuvijjanādhippāyo dhammakathādhippāyoti satta adhippāyā paṭikkhittā honti. Tato aparena samayenāti yasmiṃ samaye anuddhaṃsito hoti, tato aññasmiṃ samaye. Samanuggāhīyamāno vāti anuvijjakena kiṃ te diṭṭhantiādinā nayena anuvijjiyamāno upaparikkhiyamāno. Asamanuggāhīyamāno vāti diṭṭhādīsu kenaci vatthunāvā anuvijjakādīsu yena kenaci puggalena vā avuccamāno. Imesaṃ pana padānaṃ parato ‘‘bhikkhu ca dosaṃ patiṭṭhātī’’ti iminā sambandho. Idañhi vuttaṃ hoti – evaṃ samanuggāhīyamāno vā asamanuggāhīyamāno vā bhikkhu ca dosaṃ patiṭṭhāti paṭicca tiṭṭhati paṭijānāti, saṅghādisesoti. Idañca amūlakabhāvassa pākaṭakāladassanatthaṃ vuttaṃ. Āpattiṃ pana anuddhaṃsitakkhaṇeyeva āpajjati. Amūlakañceva taṃ adhikaraṇaṃ hotīti ettha pana diṭṭhamūlādīnaṃ abhāvena amūlakaṃ, samathehi adhikaraṇīyabhāvena adhikaraṇaṃ. Yañhi adhikicca ārabbha paṭicca sandhāya samathā pavattanti, taṃ adhikaraṇaṃ. Idha pana pārājikasaṅkhātaṃ āpattādhikaraṇameva adhippetaṃ. Yadi hi taṃ adhikaraṇaṃ diṭṭhādīhi mūlehi amūlakañceva hoti, ayaṃ codetuṃ āgato bhikkhu ca dosaṃ patiṭṭhāti paṭicca tiṭṭhati, ‘‘tucchakaṃ mayā bhaṇita’’ntiādīni (pārā. 386) vadanto paṭijānāti, tassa bhikkhuno anuddhaṃsitakkhaṇeyeva saṅghādisesoti, ayaṃ sikkhāpadassa padānukkamena attho.

    рааж̇аг̇ахз мзд̇д̇ияабхуумаж̇агз бхигкуу аараб̣бха амуулагзна баарааж̇игзна ануд̣̇д̇хам̣санавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, саан̣ад̇д̇игам̣, гад̇уубасамбад̣̇ам̣ суд̣̇д̇хам̣ ваа асуд̣̇д̇хам̣ ваа буг̇г̇алам̣ язна баарааж̇игзна жод̣̇зд̇и, д̇ам̣ ‘‘аяам̣ анаж̇жхаабанно’’д̇и н̃ад̇ваа жааванаад̇хиббааязна ‘‘гарод̇у мз ааяасмаа огаасам̣, ахам̣ д̇ам̣ вад̇д̇угаамо’’д̇и звам̣ огаасам̣ агаарзд̇ваа жод̣̇знд̇асса сажз со д̇ан̇кан̣зязва ж̇аанаад̇и ‘‘мам̣ жод̣̇зд̇ий’’д̇и, ваажааяа ваажааяа сан̇гхаад̣̇исзсо жзва д̣̇уггадан̃жа. огаасам̣ гаарзд̇ваа жод̣̇знд̇асса сан̇гхаад̣̇исзсоязва. хад̇т̇амуд̣̇д̣̇ааяа саммукаа жод̣̇знд̇ассааби зсзва наяо. бараммукаа жод̣̇знд̇асса бана сийсам̣ на зд̇и . ад̇д̇анаа самийбз тад̇ваа ан̃н̃ам̣ бхигкум̣ аан̣аабзд̇и , со д̇асса важанзна д̇ам̣ жод̣̇зд̇и, жод̣̇аабагассзва вуд̇д̇анаязна аабад̇д̇ияо. ат̇а соби ‘‘маяаа д̣̇идтам̣ суд̇ам̣ ад̇т̇ий’’д̇и жод̣̇зд̇и, д̣̇виннамби ж̇аанаанам̣ д̇ат̇зва аабад̇д̇ияо. аггосаад̇хиббааязна бана огаасам̣ агаарзд̇ваа вад̣̇анд̇асса вуд̇д̇анаязнзва баажид̇д̇ияан̃жзва д̣̇уггадан̃жа. огаасам̣ гаарзд̇ваа вад̣̇анд̇асса баажид̇д̇ияамзва. гаммаад̇хиббааязна асаммукаа сад̇д̇авид̇хамби гаммам̣ гаронд̇асса д̣̇уггадамзва. вудтаанаад̇хиббааязна ‘‘д̇вам̣ ид̇т̇аннаамам̣ аабад̇д̇им̣ аабанно, д̇ам̣ бадигарохий’’д̇и вад̣̇анд̇асса, убосат̇ам̣ ваа бавааран̣ам̣ ваа табзнд̇асса жа огаасагаммам̣ над̇т̇и, табанагкзд̇д̇ам̣ бана ж̇аанид̇аб̣б̣ам̣, анувиж̇ж̇агассааби осадз вад̇т̇усмим̣ ‘‘ад̇т̇зд̇ам̣ д̇аваа’’д̇и анувиж̇ж̇анаад̇хиббааязна вад̣̇анд̇асса огаасагаммам̣ над̇т̇и, д̇хаммагат̇игассааби ‘‘яо ид̣̇ан̃жа ид̣̇ан̃жа гарод̇и, аяам̣ ассаман̣о’’д̇иаад̣̇инаа наязна анод̣̇исагам̣ д̇хаммам̣ гат̇знд̇асса огаасагаммам̣ над̇т̇и. сажз бана од̣̇исса нияамзд̇ваа ‘‘асуго жа асуго жа ассаман̣о анубаасаго’’д̇и гат̇зд̇и, аасанад̇о оруяха аабад̇д̇им̣ д̣̇зсзд̇ваа г̇анд̇аб̣б̣ам̣. уммад̇д̇агаад̣̇ийнан̃жа анаабад̇д̇и, сийлавибад̇д̇и, яам̣ жод̣̇зд̇и ваа жод̣̇аабзд̇и ваа, д̇асса ‘‘убасамбанно’’д̇и сан̇кяубаг̇аманам̣, д̇асмим̣ суд̣̇д̇хасан̃н̃ид̇аа, язна баарааж̇игзна жод̣̇зд̇и, д̇асса д̣̇идтаад̣̇ивасзна амуулагад̇аа, жааванаад̇хиббааязна саммукаажод̣̇анаа, д̇асса д̇ан̇кан̣авиж̇аанананд̇и имаанзд̇т̇а бан̃жа ан̇г̇аани. самудтаанаад̣̇ийни ад̣̇иннаад̣̇аанасад̣̇исаани. взд̣̇анаа банзд̇т̇а д̣̇угкааязваад̇и.

    Rājagahe mettiyabhūmajake bhikkhū ārabbha amūlakena pārājikena anuddhaṃsanavatthusmiṃ paññattaṃ, sādhāraṇapaññatti, sāṇattikaṃ, katūpasampadaṃ suddhaṃ vā asuddhaṃ vā puggalaṃ yena pārājikena codeti, taṃ ‘‘ayaṃ anajjhāpanno’’ti ñatvā cāvanādhippāyena ‘‘karotu me āyasmā okāsaṃ, ahaṃ taṃ vattukāmo’’ti evaṃ okāsaṃ akāretvā codentassa sace so taṅkhaṇeyeva jānāti ‘‘maṃ codetī’’ti, vācāya vācāya saṅghādiseso ceva dukkaṭañca. Okāsaṃ kāretvā codentassa saṅghādisesoyeva. Hatthamuddāya sammukhā codentassāpi eseva nayo. Parammukhā codentassa pana sīsaṃ na eti . Attanā samīpe ṭhatvā aññaṃ bhikkhuṃ āṇāpeti , so tassa vacanena taṃ codeti, codāpakasseva vuttanayena āpattiyo. Atha sopi ‘‘mayā diṭṭhaṃ sutaṃ atthī’’ti codeti, dvinnampi jānānaṃ tatheva āpattiyo. Akkosādhippāyena pana okāsaṃ akāretvā vadantassa vuttanayeneva pācittiyañceva dukkaṭañca. Okāsaṃ kāretvā vadantassa pācittiyameva. Kammādhippāyena asammukhā sattavidhampi kammaṃ karontassa dukkaṭameva. Vuṭṭhānādhippāyena ‘‘tvaṃ itthannāmaṃ āpattiṃ āpanno, taṃ paṭikarohī’’ti vadantassa, uposathaṃ vā pavāraṇaṃ vā ṭhapentassa ca okāsakammaṃ natthi, ṭhapanakkhettaṃ pana jānitabbaṃ, anuvijjakassāpi osaṭe vatthusmiṃ ‘‘atthetaṃ tavā’’ti anuvijjanādhippāyena vadantassa okāsakammaṃ natthi, dhammakathikassāpi ‘‘yo idañca idañca karoti, ayaṃ assamaṇo’’tiādinā nayena anodisakaṃ dhammaṃ kathentassa okāsakammaṃ natthi. Sace pana odissa niyametvā ‘‘asuko ca asuko ca assamaṇo anupāsako’’ti katheti, āsanato oruyha āpattiṃ desetvā gantabbaṃ. Ummattakādīnañca anāpatti, sīlavipatti, yaṃ codeti vā codāpeti vā, tassa ‘‘upasampanno’’ti saṅkhyupagamanaṃ, tasmiṃ suddhasaññitā, yena pārājikena codeti, tassa diṭṭhādivasena amūlakatā, cāvanādhippāyena sammukhācodanā, tassa taṅkhaṇavijānananti imānettha pañca aṅgāni. Samuṭṭhānādīni adinnādānasadisāni. Vedanā panettha dukkhāyevāti.

    д̣̇удтад̣̇осасигкаабад̣̇аван̣н̣анаа нидтид̇аа.

    Duṭṭhadosasikkhāpadavaṇṇanā niṭṭhitā.

    9. ан̃н̃абхааг̇ияасигкаабад̣̇аван̣н̣анаа

    9. Aññabhāgiyasikkhāpadavaṇṇanā

    навамз ан̃н̃абхааг̇ияассаад̇иаад̣̇ийсу ан̃н̃абхааг̇асса ид̣̇ам̣, ан̃н̃абхааг̇о ваа асса ад̇т̇ийд̇и ан̃н̃абхааг̇ияам̣. ад̇хигаран̣анд̇и аад̇хааро взд̣̇ид̇аб̣б̣о, вад̇т̇у ад̇хидтаананд̇и вуд̇д̇ам̣ ход̇и. яо хи со адтуббад̇д̇ияам̣ ‘‘д̣̇аб̣б̣о маллабуд̇д̇о наамаа’’д̇и чаг̇алаго вуд̇д̇о. со явааяам̣ ааяасмад̇о д̣̇аб̣б̣асса маллабуд̇д̇асса бхааг̇о годтаасо багко мануссаж̇аад̇и жзва бхигкубхааво жа, д̇ад̇о ан̃н̃асса бхааг̇асса годтаасасса багкасса ход̇и д̇иражчаанаж̇аад̇ияаа жзва чаг̇алагабхаавасса жа, со ваа ан̃н̃абхааг̇о асса ад̇т̇и, д̇асмаа ан̃н̃абхааг̇ияасан̇кяам̣ лабхад̇и. яасмаа жа д̇зсам̣ ‘‘имам̣ маяам̣ д̣̇аб̣б̣ам̣ маллабуд̇д̇ам̣ наама гаромаа’’д̇и вад̣̇анд̇аанам̣ д̇асса наамагаран̣асан̃н̃ааяа аад̇хааро вад̇т̇у ад̇хидтаанам̣, д̇асмаа ‘‘ад̇хигаран̣а’’нд̇и взд̣̇ид̇аб̣б̣о. д̇ан̃хи санд̇хааяа ‘‘сажжам̣ гира д̇умхз, бхигкавз, д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣ассаа’’д̇иаад̣̇и (баараа. 391) вуд̇д̇ам̣. на виваад̣̇аад̇хигаран̣аад̣̇ийсу ан̃н̃ад̇арам̣, гасмаа? асамбхавад̇о. на хи мзд̇д̇ияабхуумаж̇агаа жад̇уннам̣ ад̇хигаран̣аанам̣ гассажи ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ уббаад̣̇ияим̣су, на жа жад̇уннам̣ ад̇хигаран̣аанам̣ лзсо наама ад̇т̇и. ж̇аад̇илзсаад̣̇аяо хи буг̇г̇алаанам̣язва лзсаа вуд̇д̇аа, на виваад̣̇аад̇хигаран̣аад̣̇ийнам̣. д̇ан̃жа ‘‘д̣̇аб̣б̣о маллабуд̇д̇о’’д̇и наамам̣ д̇асса ан̃н̃абхааг̇ияаад̇хигаран̣абхаавз тид̇асса чаг̇алагасса гожи д̣̇зсо ход̇и т̇зрам̣ баарааж̇игзна д̇хаммзна ануд̣̇д̇хам̣сзд̇ум̣ лзсамад̇д̇о, зд̇т̇а жа д̣̇иссад̇и абад̣̇иссад̇и ‘‘асса аяа’’нд̇и вохарийяад̇ийд̇и д̣̇зсо, ж̇аад̇иаад̣̇ийсу ан̃н̃ад̇арагодтаасассзд̇ам̣ ад̇хиважанам̣. ан̃н̃амби вад̇т̇ум̣ лиссад̇и силиссад̇и вохаарамад̇д̇знзва ийсагам̣ аллийяад̇ийд̇и лзсо, ж̇аад̇иаад̣̇ийнам̣язва ан̃н̃ад̇арагодтаасассзд̇ам̣ ад̇хиважанам̣. бад̣̇абхааж̇анз (баараа. 393) бана яасса ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзяяа, д̇ам̣ яасмаа адтуббад̇д̇ивасзнзва аавибхууд̇ам̣, д̇асмаа д̇ам̣ авибхаж̇ид̇ваа яаани ‘‘ад̇хигаран̣а’’нд̇и важанасааман̃н̃ад̇о ад̇т̇уд̣̇д̇хааравасзна бавад̇д̇аани жад̇д̇аари ад̇хигаран̣аани, д̇зсам̣ ан̃н̃абхааг̇ияад̇аа жа д̇аб̣бхааг̇ияад̇аа жа яасмаа абаагадаа, ж̇аанид̇аб̣б̣аа жа винаяад̇харзхи, д̇асмаа д̇ан̃жа авасаанз аабад̇д̇ан̃н̃абхааг̇иязна жод̣̇анан̃жа аавигаад̇ум̣ ‘‘ан̃н̃абхааг̇ияасса ад̇хигаран̣ассаад̇и аабад̇д̇ан̃н̃абхааг̇ияам̣ ваа ход̇и ад̇хигаран̣ан̃н̃абхааг̇ияам̣ ваа’’д̇иаад̣̇и вуд̇д̇ам̣, сзсаа винижчаяагат̇аа адтамз вуд̇д̇асад̣̇исааязва. аяам̣ бана висзсо – ид̣̇ам̣ ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣санавад̇т̇усмим̣ бан̃н̃ад̇д̇ам̣, ид̇ха жа аабад̇д̇ан̃н̃абхааг̇ияажод̣̇анааяа д̇ат̇аасан̃н̃иноби анаабад̇д̇и. ан̇г̇зсу жа ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ияанад̇аа ад̇хигаад̇и.

    Navame aññabhāgiyassātiādīsu aññabhāgassa idaṃ, aññabhāgo vā assa atthīti aññabhāgiyaṃ. Adhikaraṇanti ādhāro veditabbo, vatthu adhiṭṭhānanti vuttaṃ hoti. Yo hi so aṭṭhuppattiyaṃ ‘‘dabbo mallaputto nāmā’’ti chagalako vutto. So yvāyaṃ āyasmato dabbassa mallaputtassa bhāgo koṭṭhāso pakkho manussajāti ceva bhikkhubhāvo ca, tato aññassa bhāgassa koṭṭhāsassa pakkhassa hoti tiracchānajātiyā ceva chagalakabhāvassa ca, so vā aññabhāgo assa atthi, tasmā aññabhāgiyasaṅkhyaṃ labhati. Yasmā ca tesaṃ ‘‘imaṃ mayaṃ dabbaṃ mallaputtaṃ nāma karomā’’ti vadantānaṃ tassa nāmakaraṇasaññāya ādhāro vatthu adhiṭṭhānaṃ, tasmā ‘‘adhikaraṇa’’nti veditabbo. Tañhi sandhāya ‘‘saccaṃ kira tumhe, bhikkhave, dabbaṃ mallaputtaṃ aññabhāgiyassa adhikaraṇassā’’tiādi (pārā. 391) vuttaṃ. Na vivādādhikaraṇādīsu aññataraṃ, kasmā? Asambhavato. Na hi mettiyabhūmajakā catunnaṃ adhikaraṇānaṃ kassaci aññabhāgiyassa adhikaraṇassa kiñcidesaṃ lesamattaṃ uppādiyiṃsu, na ca catunnaṃ adhikaraṇānaṃ leso nāma atthi. Jātilesādayo hi puggalānaṃyeva lesā vuttā, na vivādādhikaraṇādīnaṃ. Tañca ‘‘dabbo mallaputto’’ti nāmaṃ tassa aññabhāgiyādhikaraṇabhāve ṭhitassa chagalakassa koci deso hoti theraṃ pārājikena dhammena anuddhaṃsetuṃ lesamatto, ettha ca dissati apadissati ‘‘assa aya’’nti voharīyatīti deso, jātiādīsu aññatarakoṭṭhāsassetaṃ adhivacanaṃ. Aññampi vatthuṃ lissati silissati vohāramatteneva īsakaṃ allīyatīti leso, jātiādīnaṃyeva aññatarakoṭṭhāsassetaṃ adhivacanaṃ. Padabhājane (pārā. 393) pana yassa aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃseyya, taṃ yasmā aṭṭhuppattivaseneva āvibhūtaṃ, tasmā taṃ avibhajitvā yāni ‘‘adhikaraṇa’’nti vacanasāmaññato atthuddhāravasena pavattāni cattāri adhikaraṇāni, tesaṃ aññabhāgiyatā ca tabbhāgiyatā ca yasmā apākaṭā, jānitabbā ca vinayadharehi, tasmā tañca avasāne āpattaññabhāgiyena codanañca āvikātuṃ ‘‘aññabhāgiyassa adhikaraṇassāti āpattaññabhāgiyaṃ vā hoti adhikaraṇaññabhāgiyaṃ vā’’tiādi vuttaṃ, sesā vinicchayakathā aṭṭhame vuttasadisāyeva. Ayaṃ pana viseso – idaṃ aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃsanavatthusmiṃ paññattaṃ, idha ca āpattaññabhāgiyacodanāya tathāsaññinopi anāpatti. Aṅgesu ca aññabhāgiyassa adhikaraṇassa kiñcidesaṃ lesamattaṃ upādiyanatā adhikāti.

    ан̃н̃абхааг̇ияасигкаабад̣̇аван̣н̣анаа нидтид̇аа.

    Aññabhāgiyasikkhāpadavaṇṇanā niṭṭhitā.

    10. сан̇гхабхзд̣̇асигкаабад̣̇аван̣н̣анаа

    10. Saṅghabhedasikkhāpadavaṇṇanā

    д̣̇асамз самаг̇г̇асса сан̇гхассаад̇и сахид̇асса бхигкусан̇гхасса, жид̇д̇зна жа сарийрзна жа авияуд̇д̇ассаад̇и ад̇т̇о. д̇знзвасса бад̣̇абхааж̇анз (баараа. 412) ‘‘самаг̇г̇о наама сан̇гхо самаанасам̣ваасаго самаанасиймааяам̣ тид̇о’’д̇и вуд̇д̇ам̣. самаанасам̣ваасаго хи самажид̇д̇ад̇ааяа жид̇д̇зна авияуд̇д̇о ход̇и, самаанасиймааяам̣ тид̇о гааяасаамаг̇г̇ид̣̇аанад̇о сарийрзна авияуд̇д̇о. бхзд̣̇ааяа бараггамзяяаад̇и ‘‘гат̇ам̣ наамааяам̣ бхиж̇ж̇зяяаа’’д̇и бхзд̣̇анад̇т̇ааяа вааяаамзяяа. бхзд̣̇анасам̣вад̇д̇анигам̣ ваа ад̇хигаран̣анд̇и бхзд̣̇анасса сан̇гхабхзд̣̇асса ад̇т̇ааяа сам̣вад̇д̇анигам̣ гааран̣ам̣. имасмин̃хи огаасз ‘‘гаамахзд̇у гааманид̣̇аанам̣ гаамаад̇хигаран̣а’’нд̇и аад̣̇ийсу (ма. ни. 1.168, 178) вияа гааран̣ам̣ ‘‘ад̇хигаран̣а’’нд̇и ад̇хиббзд̇ам̣. д̇ам̣ бхзд̣̇агаравад̇т̇увасзна адтаарасавид̇хам̣. самаад̣̇ааяаад̇и г̇ахзд̇ваа. баг̇г̇аяха д̇идтзяяаад̇и д̇ам̣ сан̇гхабхзд̣̇асса ад̇т̇ааяа сам̣вад̇д̇анигам̣ сан̇гхабхзд̣̇аниб̣б̣ад̇д̇исамад̇т̇ам̣ гааран̣ам̣ г̇ахзд̇ваа д̣̇ийбзяяа жзва наббадиниссаж̇ж̇зяяа жа. бхигкуухи звамасса важанийяод̇и яз д̇ам̣ баг̇г̇аяха д̇идтанд̇ам̣ саммукаа бассанд̇и, яз ваа ‘‘асугасмим̣ наама вихаарз’’д̇и сун̣анд̇и, д̇зхи саб̣б̣анд̇имзна барижчзд̣̇зна ад̣дхаяож̇анамад̇д̇ам̣ г̇анд̇вааби явааяам̣ ананд̇арз ‘‘мааяасмаа’’д̇иаад̣̇иважанаггамо вуд̇д̇о, звамасса важанийяо. д̣̇исваа ваа суд̇ваа ваа авад̣̇анд̇аанам̣ д̣̇уггадам̣. зд̇т̇а жа мааид̇и бад̣̇ам̣ ‘‘бараггамий’’д̇ибад̣̇зна ‘‘адтаасий’’д̇ибад̣̇зна жа сад̣̇д̇хим̣ ‘‘маа бараггами, маа адтаасий’’д̇и яож̇зд̇аб̣б̣ам̣. самзд̇ааяасмаа сан̇гхзнаад̇и ааяасмаа сан̇гхзна сад̣̇д̇хим̣ самзд̇у самааг̇ажчад̇у, згалад̣̇д̇хиго ход̇ууд̇и ад̇т̇о. гим̣ гааран̣аа? самаг̇г̇о хи сан̇гхо…бз… вихарад̇ийд̇и. д̇ад̇т̇а саммод̣̇амаанод̇и ан̃н̃аман̃н̃асамбад̇д̇ияаа судту мод̣̇амаано. авивад̣̇амаанод̇и ‘‘аяам̣ д̇хаммо, нааяам̣ д̇хаммо’’д̇и звам̣ на вивад̣̇амаано. зго уд̣̇д̣̇зсо ассаад̇и згуд̣̇д̣̇зсо, згад̇о бавад̇д̇абаад̇имогкуд̣̇д̣̇зсод̇и ад̇т̇о. паасу вихарад̇ийд̇и сукам̣ вихарад̇и. звам̣ висумби сан̇гхамаж̇жхзби д̇игкад̇д̇ум̣ вужжамаанасса аббадиниссаж̇ж̇ад̇о д̣̇уггадам̣. зван̃жа сод̇иаад̣̇имхи саманубхаасид̇аб̣б̣од̇и саманубхаасанагаммам̣ гаад̇аб̣б̣ам̣. ижжзд̇ам̣ гусаланд̇и ид̇и зд̇ам̣ бадиниссаж̇ж̇анам̣ гусалам̣ кзмам̣ сод̇т̇ибхааво д̇асса бхигкуно. но жз бадиниссаж̇ж̇зяяа, сан̇гхаад̣̇исзсод̇и зд̇т̇а саманубхаасанагаммабарияосаанз аббадиниссаж̇ж̇анд̇асса сан̇гхаад̣̇исзсо. сзсам̣ уд̇д̇аанабад̣̇ад̇т̇амзва.

    Dasame samaggassa saṅghassāti sahitassa bhikkhusaṅghassa, cittena ca sarīrena ca aviyuttassāti attho. Tenevassa padabhājane (pārā. 412) ‘‘samaggo nāma saṅgho samānasaṃvāsako samānasīmāyaṃ ṭhito’’ti vuttaṃ. Samānasaṃvāsako hi samacittatāya cittena aviyutto hoti, samānasīmāyaṃ ṭhito kāyasāmaggidānato sarīrena aviyutto. Bhedāya parakkameyyāti ‘‘kathaṃ nāmāyaṃ bhijjeyyā’’ti bhedanatthāya vāyāmeyya. Bhedanasaṃvattanikaṃ vā adhikaraṇanti bhedanassa saṅghabhedassa atthāya saṃvattanikaṃ kāraṇaṃ. Imasmiñhi okāse ‘‘kāmahetu kāmanidānaṃ kāmādhikaraṇa’’nti ādīsu (ma. ni. 1.168, 178) viya kāraṇaṃ ‘‘adhikaraṇa’’nti adhippetaṃ. Taṃ bhedakaravatthuvasena aṭṭhārasavidhaṃ. Samādāyāti gahetvā. Paggayha tiṭṭheyyāti taṃ saṅghabhedassa atthāya saṃvattanikaṃ saṅghabhedanibbattisamatthaṃ kāraṇaṃ gahetvā dīpeyya ceva nappaṭinissajjeyya ca. Bhikkhūhi evamassa vacanīyoti ye taṃ paggayha tiṭṭhantaṃ sammukhā passanti, ye vā ‘‘asukasmiṃ nāma vihāre’’ti suṇanti, tehi sabbantimena paricchedena aḍḍhayojanamattaṃ gantvāpi yvāyaṃ anantare ‘‘māyasmā’’tiādivacanakkamo vutto, evamassa vacanīyo. Disvā vā sutvā vā avadantānaṃ dukkaṭaṃ. Ettha ca māiti padaṃ ‘‘parakkamī’’tipadena ‘‘aṭṭhāsī’’tipadena ca saddhiṃ ‘‘mā parakkami, mā aṭṭhāsī’’ti yojetabbaṃ. Sametāyasmā saṅghenāti āyasmā saṅghena saddhiṃ sametu samāgacchatu, ekaladdhiko hotūti attho. Kiṃ kāraṇā? Samaggo hi saṅgho…pe… viharatīti. Tattha sammodamānoti aññamaññasampattiyā suṭṭhu modamāno. Avivadamānoti ‘‘ayaṃ dhammo, nāyaṃ dhammo’’ti evaṃ na vivadamāno. Eko uddeso assāti ekuddeso, ekato pavattapātimokkhuddesoti attho. Phāsu viharatīti sukhaṃ viharati. Evaṃ visumpi saṅghamajjhepi tikkhattuṃ vuccamānassa appaṭinissajjato dukkaṭaṃ. Evañca sotiādimhi samanubhāsitabboti samanubhāsanakammaṃ kātabbaṃ. Iccetaṃ kusalanti iti etaṃ paṭinissajjanaṃ kusalaṃ khemaṃ sotthibhāvo tassa bhikkhuno. No cepaṭinissajjeyya, saṅghādisesoti ettha samanubhāsanakammapariyosāne appaṭinissajjantassa saṅghādiseso. Sesaṃ uttānapadatthameva.

    рааж̇аг̇ахз д̣̇звад̣̇ад̇д̇ам̣ аараб̣бха сан̇гхабхзд̣̇ааяа бараггаманавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, саманубхаасанагаммз гарияамаанз аббадиниссаж̇ж̇анд̇асса н̃ад̇д̇ибарияосаанз д̣̇уггадам̣, д̣̇вийхи гаммаваажаахи д̣̇вз т̇уллажжаяаа, ‘‘яасса нагкамад̇и, со бхаасзяяаа’’д̇и звам̣ яяа-гаарабад̇д̇ааяа д̇ад̇ияагаммаваажааяа д̇ан̃жа д̣̇уггадам̣ д̇з жа т̇уллажжаяаа бадиббассамбханд̇и, сан̇гхаад̣̇исзсоязва д̇идтад̇и. асаманубхаасияамаанасса жа бадиниссаж̇ж̇анд̇асса жа уммад̇д̇агаад̣̇ийнан̃жа анаабад̇д̇и. сийлавибад̇д̇и, бхзд̣̇ааяа бараггаманам̣, д̇хаммагаммзна саманубхаасанам̣, гаммаваажаабарияосаанам̣, аббадиниссаж̇ж̇ананд̇и имаанзд̇т̇а жад̇д̇аари ан̇г̇аани. саманубхаасанасамудтаанам̣, агирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.

    Rājagahe devadattaṃ ārabbha saṅghabhedāya parakkamanavatthusmiṃ paññattaṃ, sādhāraṇapaññatti, anāṇattikaṃ, samanubhāsanakamme kariyamāne appaṭinissajjantassa ñattipariyosāne dukkaṭaṃ, dvīhi kammavācāhi dve thullaccayā, ‘‘yassa nakkhamati, so bhāseyyā’’ti evaṃ yya-kārapattāya tatiyakammavācāya tañca dukkaṭaṃ te ca thullaccayā paṭippassambhanti, saṅghādisesoyeva tiṭṭhati. Asamanubhāsiyamānassa ca paṭinissajjantassa ca ummattakādīnañca anāpatti. Sīlavipatti, bhedāya parakkamanaṃ, dhammakammena samanubhāsanaṃ, kammavācāpariyosānaṃ, appaṭinissajjananti imānettha cattāri aṅgāni. Samanubhāsanasamuṭṭhānaṃ, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.

    сан̇гхабхзд̣̇асигкаабад̣̇аван̣н̣анаа нидтид̇аа.

    Saṅghabhedasikkhāpadavaṇṇanā niṭṭhitā.

    11. бхзд̣̇аанувад̇д̇агасигкаабад̣̇аван̣н̣анаа

    11. Bhedānuvattakasikkhāpadavaṇṇanā

    згаад̣̇асамз д̇ассзва ко банаад̇и яо сан̇гхабхзд̣̇ааяа бараггамад̇и, д̇ассзва. анувад̇д̇агаад̇и д̇асса д̣̇идтим̣ канд̇им̣ ружим̣ г̇ахан̣зна анубадибаж̇ж̇анагаа. ваг̇г̇ам̣ асаамаг̇г̇ибагкияаважанам̣ вад̣̇анд̇ийд̇и ваг̇г̇аваад̣̇агаа. яасмаа бана д̇ин̣н̣ам̣ уд̣̇д̇хам̣ гаммаарахаа на хонд̇и. на хи сан̇гхо сан̇гхасса гаммам̣ гарод̇и, д̇асмаа ‘‘зго ваа д̣̇вз ваа д̇аяо ваа’’д̇и вуд̇д̇ам̣. ж̇аанаад̇и нод̇и амхаагам̣ чанд̣̇аад̣̇ийни ж̇аанаад̇и. бхаасад̇ийд̇и ‘‘звам̣ гаромаа’’д̇и амхзхи сад̣̇д̇хим̣ бхаасад̇и. амхаагамбзд̇ам̣ камад̇ийд̇и яам̣ со гарод̇и, зд̇ам̣ амхаагамби ружжад̇и. самзд̇ааяасманд̇аанам̣ сан̇гхзнаад̇и ааяасманд̇аанам̣ жид̇д̇ам̣ сан̇гхзна сад̣̇д̇хим̣ самзд̇у самааг̇ажчад̇у, згийбхаавам̣ г̇ажчад̇ууд̇и вуд̇д̇ам̣ ход̇и. сзсам̣ бад̣̇ад̇т̇ад̇о уд̇д̇аанамзва. винижчаяагат̇аабзд̇т̇а д̣̇асамз вуд̇д̇асад̣̇исааязва.

    Ekādasame tasseva kho panāti yo saṅghabhedāya parakkamati, tasseva. Anuvattakāti tassa diṭṭhiṃ khantiṃ ruciṃ gahaṇena anupaṭipajjanakā. Vaggaṃ asāmaggipakkhiyavacanaṃ vadantīti vaggavādakā. Yasmā pana tiṇṇaṃ uddhaṃ kammārahā na honti. Na hi saṅgho saṅghassa kammaṃ karoti, tasmā ‘‘eko vā dve vā tayo vā’’ti vuttaṃ. Jānāti noti amhākaṃ chandādīni jānāti. Bhāsatīti ‘‘evaṃ karomā’’ti amhehi saddhiṃ bhāsati. Amhākampetaṃ khamatīti yaṃ so karoti, etaṃ amhākampi ruccati. Sametāyasmantānaṃ saṅghenāti āyasmantānaṃ cittaṃ saṅghena saddhiṃ sametu samāgacchatu, ekībhāvaṃ gacchatūti vuttaṃ hoti. Sesaṃ padatthato uttānameva. Vinicchayakathāpettha dasame vuttasadisāyeva.

    аяам̣ бана висзсо – ид̣̇ам̣ рааж̇аг̇ахз самб̣ахулз бхигкуу аараб̣бха д̣̇звад̣̇ад̇д̇асса сан̇гхабхзд̣̇ааяа бараггаманд̇асса анувад̇д̇анавад̇т̇усмим̣ бан̃н̃ад̇д̇ам̣, ан̇г̇зсу жа яат̇аа д̇ад̇т̇а бараггаманам̣, звам̣ ид̇ха анувад̇д̇анам̣ д̣̇адтаб̣б̣анд̇и.

    Ayaṃ pana viseso – idaṃ rājagahe sambahule bhikkhū ārabbha devadattassa saṅghabhedāya parakkamantassa anuvattanavatthusmiṃ paññattaṃ, aṅgesu ca yathā tattha parakkamanaṃ, evaṃ idha anuvattanaṃ daṭṭhabbanti.

    бхзд̣̇аанувад̇д̇агасигкаабад̣̇аван̣н̣анаа нидтид̇аа.

    Bhedānuvattakasikkhāpadavaṇṇanā niṭṭhitā.

    12. д̣̇уб̣б̣ажасигкаабад̣̇аван̣н̣анаа

    12. Dubbacasikkhāpadavaṇṇanā

    д̣̇ваад̣̇асамз д̣̇уб̣б̣ажаж̇аад̇игод̇и д̣̇уб̣б̣ажасабхааво, вад̇д̇ум̣ асаггун̣зяяод̇и ад̇т̇о. уд̣̇д̣̇зсабарияаабаннзсууд̇и уд̣̇д̣̇зсз барияаабаннзсу анд̇ог̇ад̇хзсу, ‘‘яасса сияаа аабад̇д̇и, со аавигарзяяаа’’д̇и звам̣ сан̇г̇ахид̇ад̇д̇аа анд̇о баад̇имогкасса вад̇д̇амаанзсууд̇и ад̇т̇о. сахад̇хаммигам̣ вужжамаанод̇и сахад̇хаммигзна вужжамаано, гааран̣ад̇т̇з жзд̇ам̣ убаяог̇аважанам̣. бан̃жахи сахад̇хаммигзхи сигкид̇аб̣б̣ад̇д̇аа, д̇зсам̣ ваа санд̇агад̇д̇аа ‘‘сахад̇хаммига’’нд̇и лад̣̇д̇ханаамзна б̣уд̣̇д̇хабан̃н̃ад̇д̇зна сигкаабад̣̇зна вужжамаанод̇и ад̇т̇о. вирамат̇ааяасманд̇о мама важанааяаад̇и язна важанзна мам̣ вад̣̇ат̇а, д̇ад̇о мама важанад̇о вирамат̇а, маа мам̣ д̇ам̣ важанам̣ вад̣̇ат̇аад̇и вуд̇д̇ам̣ ход̇и. вад̣̇ад̇у саха д̇хаммзнаад̇и сахад̇хаммигзна сигкаабад̣̇зна, сахад̇хаммзна ваа ан̃н̃знаби баасаад̣̇игабхаавасам̣вад̇д̇анигзна важанзна вад̣̇зд̇у. яад̣̇ид̣̇анд̇и вуд̣̇д̇хигааран̣ад̣̇ассанад̇т̇з нибаад̇о, д̇зна яам̣ ид̣̇ам̣ ан̃н̃аман̃н̃асса хид̇аважанам̣, аабад̇д̇ид̇о жа вудтаабанам̣, д̇зна ан̃н̃аман̃н̃аважанзна ан̃н̃аман̃н̃авудтаабанзна. звам̣ сам̣вад̣̇д̇хаахи д̇асса бхаг̇авад̇о барисаад̇и звам̣ барисааяа вуд̣̇д̇хигааран̣ам̣ д̣̇ассид̇ам̣ ход̇и. сзсам̣ уд̇д̇аанад̇т̇амзва. винижчаяагат̇ааби д̣̇асамз вуд̇д̇асад̣̇исааязва.

    Dvādasame dubbacajātikoti dubbacasabhāvo, vattuṃ asakkuṇeyyoti attho. Uddesapariyāpannesūti uddese pariyāpannesu antogadhesu, ‘‘yassa siyā āpatti, so āvikareyyā’’ti evaṃ saṅgahitattā anto pātimokkhassa vattamānesūti attho. Sahadhammikaṃ vuccamānoti sahadhammikena vuccamāno, kāraṇatthe cetaṃ upayogavacanaṃ. Pañcahi sahadhammikehi sikkhitabbattā, tesaṃ vā santakattā ‘‘sahadhammika’’nti laddhanāmena buddhapaññattena sikkhāpadena vuccamānoti attho. Viramathāyasmanto mama vacanāyāti yena vacanena maṃ vadatha, tato mama vacanato viramatha, mā maṃ taṃ vacanaṃ vadathāti vuttaṃ hoti. Vadatu saha dhammenāti sahadhammikena sikkhāpadena, sahadhammena vā aññenapi pāsādikabhāvasaṃvattanikena vacanena vadetu. Yadidanti vuddhikāraṇadassanatthe nipāto, tena yaṃ idaṃ aññamaññassa hitavacanaṃ, āpattito ca vuṭṭhāpanaṃ, tena aññamaññavacanena aññamaññavuṭṭhāpanena. Evaṃ saṃvaddhāhi tassa bhagavato parisāti evaṃ parisāya vuddhikāraṇaṃ dassitaṃ hoti. Sesaṃ uttānatthameva. Vinicchayakathāpi dasame vuttasadisāyeva.

    аяам̣ бана висзсо – ид̣̇ам̣ госамб̣ияам̣ чаннад̇т̇зрам̣ аараб̣бха ад̇д̇аанам̣ аважанийяагаран̣авад̇т̇усмим̣ бан̃н̃ад̇д̇ам̣, ан̇г̇зсу жа яат̇аа д̇ад̇т̇а бараггаманам̣, звам̣ ид̇ха аважанийяагаран̣ад̇аа д̣̇адтаб̣б̣аад̇и.

    Ayaṃ pana viseso – idaṃ kosambiyaṃ channattheraṃ ārabbha attānaṃ avacanīyakaraṇavatthusmiṃ paññattaṃ, aṅgesu ca yathā tattha parakkamanaṃ, evaṃ idha avacanīyakaraṇatā daṭṭhabbāti.

    д̣̇уб̣б̣ажасигкаабад̣̇аван̣н̣анаа нидтид̇аа.

    Dubbacasikkhāpadavaṇṇanā niṭṭhitā.

    13. гулад̣̇уусагасигкаабад̣̇аван̣н̣анаа

    13. Kuladūsakasikkhāpadavaṇṇanā

    д̇зрасамз г̇аамам̣ ваа ниг̇амам̣ваад̇и зд̇т̇а наг̇арамби г̇аамз анд̇ог̇ад̇хамзва. убаниссааяа вихарад̇ийд̇ид̇ад̇т̇а бадиб̣ад̣̇д̇хажийвараад̣̇ибажжаяад̇ааяа д̇ам̣ ниссааяа васад̇и. бубпад̣̇аанаад̣̇ийхи мануссаанам̣ сад̣̇д̇хам̣ винаасзнд̇о гулаани д̣̇уусзд̇ийд̇и гулад̣̇уусаго. маалааважчаробанаад̣̇аяо баабагаа самаажаараа ассаад̇и баабасамаажааро. со бхигкууд̇и со гулад̣̇уусаго бхигку. ааяасмаа ко гулад̣̇уусаго…бз… алам̣ д̇з ид̇ха ваасзнаад̇и иминаасса баб̣б̣ааж̇анийяагаммаарахад̇ам̣ д̣̇ассзд̇и. баб̣б̣ааж̇анийяагаммагад̇о банзса яасмим̣ г̇аамз ваа ниг̇амз ваа гулад̣̇уусагагаммам̣ гад̇ам̣, яасмин̃жа вихаарз васад̇и, нзва д̇асмим̣ г̇аамз ваа ниг̇амз ваа жарид̇ум̣ лабхад̇и, на вихаарз васид̇ум̣. зван̃жа со бхигкууд̇изд̇т̇а сод̇и баб̣б̣ааж̇анийяагаммагад̇о ад̇хиббзд̇о. чанд̣̇зна г̇ажчанд̇ийд̇и чанд̣̇аг̇аамино, зса наяо сзсзсу. со бхигкууд̇и со ‘‘чанд̣̇аг̇аамино’’д̇иаад̣̇ийни вад̣̇амаано. д̇асса важанасса бадиниссаг̇г̇ааяа звам̣ важанийяо, на гулад̣̇уусананивааран̣ад̇т̇ааяа. гулад̣̇уусанагаммзна хи со аабаж̇ж̇ид̇аб̣б̣аа аабад̇д̇ияо буб̣б̣зва аабанно, звам̣ банасса висумби сан̇гхамаж̇жхзби вужжамаанасса аббадиниссаж̇ж̇ад̇о абарам̣ д̣̇уггадам̣. зван̃жа сод̇иаад̣̇и ид̇о буб̣б̣з вуд̇д̇ан̃жа авуд̇д̇ан̃жа саб̣б̣ам̣ уд̇д̇аанад̇т̇амзва. винижчаяагат̇ааби д̣̇асамз вуд̇д̇асад̣̇исааязва.

    Terasame gāmaṃ vā nigamaṃvāti ettha nagarampi gāme antogadhameva. Upanissāya viharatītitattha paṭibaddhacīvarādipaccayatāya taṃ nissāya vasati. Pupphadānādīhi manussānaṃ saddhaṃ vināsento kulāni dūsetīti kuladūsako. Mālāvaccharopanādayo pāpakā samācārā assāti pāpasamācāro. So bhikkhūti so kuladūsako bhikkhu. Āyasmā khokuladūsako…pe… alaṃ te idha vāsenāti imināssa pabbājanīyakammārahataṃ dasseti. Pabbājanīyakammakato panesa yasmiṃ gāme vā nigame vā kuladūsakakammaṃ kataṃ, yasmiñca vihāre vasati, neva tasmiṃ gāme vā nigame vā carituṃ labhati, na vihāre vasituṃ. Evañca so bhikkhūtiettha soti pabbājanīyakammakato adhippeto. Chandena gacchantīti chandagāmino, esa nayo sesesu. So bhikkhūti so ‘‘chandagāmino’’tiādīni vadamāno. Tassa vacanassa paṭinissaggāya evaṃ vacanīyo, na kuladūsananivāraṇatthāya. Kuladūsanakammena hi so āpajjitabbā āpattiyo pubbeva āpanno, evaṃ panassa visumpi saṅghamajjhepi vuccamānassa appaṭinissajjato aparaṃ dukkaṭaṃ. Evañca sotiādi ito pubbe vuttañca avuttañca sabbaṃ uttānatthameva. Vinicchayakathāpi dasame vuttasadisāyeva.

    аяам̣ бана висзсо – ид̣̇ам̣ саавад̇т̇ияам̣ ассаж̇ибунаб̣б̣асугз бхигкуу аараб̣бха чанд̣̇аг̇аамид̇аад̣̇ийхи баабанавад̇т̇усмим̣ бан̃н̃ад̇д̇ам̣, ан̇г̇зсу жа яат̇аа д̇ад̇т̇а бараггаманам̣, звам̣ ид̇ха чанд̣̇аад̣̇ийхи баабанам̣ д̣̇адтаб̣б̣анд̇и.

    Ayaṃ pana viseso – idaṃ sāvatthiyaṃ assajipunabbasuke bhikkhū ārabbha chandagāmitādīhi pāpanavatthusmiṃ paññattaṃ, aṅgesu ca yathā tattha parakkamanaṃ, evaṃ idha chandādīhi pāpanaṃ daṭṭhabbanti.

    гулад̣̇уусагасигкаабад̣̇аван̣н̣анаа нидтид̇аа.

    Kuladūsakasikkhāpadavaṇṇanā niṭṭhitā.

    ниг̇аманаван̣н̣анаа

    Nigamanavaṇṇanā

    уд̣̇д̣̇идтаа ко…бз… звамзд̇ам̣ д̇хаараяаамийд̇изд̇т̇а батамам̣ аабад̇д̇и зд̇зсанд̇и батамаабад̇д̇игаа, батамам̣ вийд̇иггаманагкан̣зязва аабаж̇ж̇ид̇аб̣б̣аад̇и ад̇т̇о. ид̇арз бана яат̇аа д̇ад̇ияз жа жад̇уд̇т̇з жа д̣̇ивасз ход̇ийд̇и зд̇т̇а ‘‘д̇ад̇ияаго, жад̇уд̇т̇аго’’д̇и вужжад̇и, звам̣ яаавад̇ад̇ияз саманубхаасанагаммз хонд̇ийд̇и яаавад̇ад̇ияагаад̇и взд̣̇ид̇аб̣б̣аа. яаавад̇ийханд̇и яад̇д̇агаани ахаани. ж̇аанам̣ бадижчаад̣̇зд̇ийд̇и ж̇аананд̇о бадижчаад̣̇зд̇и. д̇ад̇т̇ааяам̣ бадижчаад̣̇аналагкан̣асса маад̇игаа – аабад̇д̇и жа ход̇и, аабад̇д̇исан̃н̃ий жа, багад̇ад̇д̇о жа ход̇и, багад̇ад̇д̇асан̃н̃ий жа, ананд̇арааяиго жа ход̇и, ананд̇арааяигасан̃н̃ий жа, баху жа ход̇и, бахусан̃н̃ий жа, чаад̣̇зд̇угаамо жа ход̇и, чаад̣̇зд̇и жаад̇и. д̇ад̇т̇а аабад̇д̇и жа ход̇и, аабад̇д̇исан̃н̃ий жаад̇и яам̣ аабад̇д̇им̣ аабанно, саа д̇зрасаннам̣ ан̃н̃ад̇араа ход̇и, соби жа д̇ад̇т̇а вад̇т̇увасзна ваа ‘‘ид̣̇ам̣ бхигкуунам̣ на ваддад̇ий’’д̇и наамамад̇д̇авасзна ваа ‘‘аяам̣ ид̇т̇аннаамаа аабад̇д̇ий’’д̇и аабад̇д̇исан̃н̃ийязва худ̇ваа ‘‘на д̣̇аани нам̣ гассажи аарожзссаамий’’д̇и звам̣ чаад̣̇зд̇угаамова д̇хурам̣ нигкибид̇ваа арун̣ам̣ удтаабзд̇и, чаннаа ход̇и аабад̇д̇и. сажз банзд̇т̇а анаабад̇д̇исан̃н̃ий ваа ход̇и, ан̃н̃аабад̇д̇игканд̇хасан̃н̃ий ваа, взмад̇иго ваа, ажчаннаава ход̇и. багад̇ад̇д̇од̇и анугкид̇д̇о самаанасам̣ваасаго. со жз багад̇ад̇д̇асан̃н̃ий худ̇ваа вуд̇д̇анаязнзва чаад̣̇зд̇и, чаннаа ход̇и. ананд̇арааяигод̇и яасса д̣̇асасу рааж̇ажорааг̇г̇иуд̣̇агамануссаамануссаваал̣асарийсабаж̇ийвид̇аб̣рахмажарияанд̇арааязсу згоби над̇т̇и, со жз ананд̇арааяигасан̃н̃ий чаад̣̇зд̇и, чаннаа ход̇и. бахууд̇и яо саггод̇и бхигкуно санд̇игам̣ г̇анд̇ун̃жзва аарожзд̇ун̃жа, со жз бахусан̃н̃ий худ̇ваа чаад̣̇зд̇и, чаннаа ход̇и. чаад̣̇зд̇угаамо жа ход̇и, чаад̣̇зд̇и жаад̇иид̣̇ам̣ уд̇д̇аанамзва. сажзби хи со сабхааг̇ам̣ д̣̇исваа ‘‘аяам̣ мз убаж̇жхааяо ваа аажарияо ваа’’д̇и лаж̇ж̇ааяа наарожзд̇и, чаннаава ход̇и. убаж̇жхааяаад̣̇ибхааво хи ид̇ха аббамаан̣ам̣, сабхааг̇амад̇д̇амзва бамаан̣ам̣. аяам̣ ‘‘ж̇аанам̣ бадижчаад̣̇зд̇ий’’д̇ибад̣̇асса сан̇кзбад̇о ад̇т̇авинижчаяо.

    Uddiṭṭhākho…pe… evametaṃ dhārayāmītiettha paṭhamaṃ āpatti etesanti paṭhamāpattikā, paṭhamaṃ vītikkamanakkhaṇeyeva āpajjitabbāti attho. Itare pana yathā tatiye ca catutthe ca divase hotīti ettha ‘‘tatiyako, catutthako’’ti vuccati, evaṃ yāvatatiye samanubhāsanakamme hontīti yāvatatiyakāti veditabbā. Yāvatīhanti yattakāni ahāni. Jānaṃ paṭicchādetīti jānanto paṭicchādeti. Tatthāyaṃ paṭicchādanalakkhaṇassa mātikā – āpatti ca hoti, āpattisaññī ca, pakatatto ca hoti, pakatattasaññī ca, anantarāyiko ca hoti, anantarāyikasaññī ca, pahu ca hoti, pahusaññī ca, chādetukāmo ca hoti, chādeti cāti. Tattha āpatti ca hoti, āpattisaññī cāti yaṃ āpattiṃ āpanno, sā terasannaṃ aññatarā hoti, sopi ca tattha vatthuvasena vā ‘‘idaṃ bhikkhūnaṃ na vaṭṭatī’’ti nāmamattavasena vā ‘‘ayaṃ itthannāmā āpattī’’ti āpattisaññīyeva hutvā ‘‘na dāni naṃ kassaci ārocessāmī’’ti evaṃ chādetukāmova dhuraṃ nikkhipitvā aruṇaṃ uṭṭhāpeti, channā hoti āpatti. Sace panettha anāpattisaññī vā hoti, aññāpattikkhandhasaññī vā, vematiko vā, acchannāva hoti. Pakatattoti anukkhitto samānasaṃvāsako. So ce pakatattasaññī hutvā vuttanayeneva chādeti, channā hoti. Anantarāyikoti yassa dasasu rājacoraaggiudakamanussaamanussavāḷasarīsapajīvitabrahmacariyantarāyesu ekopi natthi, so ce anantarāyikasaññī chādeti, channā hoti. Pahūti yo sakkoti bhikkhuno santikaṃ gantuñceva ārocetuñca, so ce pahusaññī hutvā chādeti, channā hoti. Chādetukāmo ca hoti, chādeti cātiidaṃ uttānameva. Sacepi hi so sabhāgaṃ disvā ‘‘ayaṃ me upajjhāyo vā ācariyo vā’’ti lajjāya nāroceti, channāva hoti. Upajjhāyādibhāvo hi idha appamāṇaṃ, sabhāgamattameva pamāṇaṃ. Ayaṃ ‘‘jānaṃ paṭicchādetī’’tipadassa saṅkhepato atthavinicchayo.

    д̇аавад̇ийханд̇и д̇ад̇д̇агаани ахаани, бадижчаад̣̇ид̇ад̣̇ивасад̇о бадтааяа яаава аарожид̇ад̣̇ивасо, д̇аава д̣̇ивасабагкамаасасам̣важчаравасзна яад̇д̇аго гаало ад̇игганд̇о, д̇ад̇д̇агам̣ гааланд̇и ад̇т̇о. агаамаа баривад̇т̇аб̣б̣анд̇и на гаамзна на васзна, ат̇а ко агаамзна авасзна бариваасам̣ самаад̣̇ааяа вад̇т̇аб̣б̣ам̣. д̇ад̇т̇а бадижчаннабариваасо суд̣̇д̇ханд̇абариваасо самод̇хаанабариваасо жаад̇и д̇ивид̇хо бариваасо. д̇ад̇т̇а бадижчаннабариваасо д̇аава яат̇аабадижчаннааяа аабад̇д̇ияаа д̣̇аад̇аб̣б̣о. гассажи хи згаахаббадижчаннаа аабад̇д̇и ход̇и, гассажи д̣̇вийхаад̣̇иббадижчаннаа. гассажи згаа аабад̇д̇и ход̇и, гассажи д̣̇вз ваа д̇иссо ваа д̇ад̣̇уд̇д̇ари ваа. д̇асмаа бадижчаннабариваасам̣ д̣̇знд̇зна батамамзва вуд̇д̇анаязна бадижчаннабхаавам̣ н̃ад̇ваа д̇ад̇о бадижчаннад̣̇ивасз жа аабад̇д̇ияо жа саллагкзд̇ваа сажз згаа згаахаббадижчаннаа ход̇и, ‘‘ахам̣, бханд̇з, згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ згаахаббадижчанна’’нд̇и звам̣ бариваасам̣ яаажаабзд̇ваа канд̇хагз (жуул̣ава. 98) ааг̇ад̇анаязна гаммаваажам̣ вад̇ваа бариваасо д̣̇аад̇аб̣б̣о. ат̇а д̣̇вийхад̇ийхаад̣̇иббадижчаннаа ход̇и , д̣̇вийхаббадижчаннам̣ д̇ийхаббадижчаннам̣ жад̇уухаббадижчаннам̣ бан̃жаахаббадижчаннам̣…бз… жуд̣̇д̣̇асаахаббадижчаннанд̇извам̣ яаава жуд̣̇д̣̇асад̣̇ивасаани д̣̇ивасавасзна яож̇анаа гаад̇аб̣б̣аа, бан̃жад̣̇асад̣̇ивасаббадижчаннааяам̣ ‘‘багкаббадижчанна’’нд̇и яож̇анаа гаад̇аб̣б̣аа. д̇ад̇о яаава згуунад̇им̣сад̇имо д̣̇ивасо, д̇аава ‘‘ад̇ирзгабагкаббадижчанна’’нд̇и, д̇ад̇о маасаббадижчаннам̣ ад̇ирзгамаасаббадижчаннам̣ д̣̇взмаасаббадижчаннам̣ ад̇ирзгад̣̇взмаасаббадижчаннам̣ д̇змаасаббадижчаннам̣…бз… ад̇ирзгазгаад̣̇асамаасаббадижчаннанд̇и звам̣ яож̇анаа гаад̇аб̣б̣аа. сам̣важчарз бун̣н̣з ‘‘згасам̣важчараббадижчанна’’нд̇и, д̇ад̇о барам̣ ад̇ирзгасам̣важчарам̣ д̣̇взсам̣важчарам̣ звам̣ яаава садтисам̣важчараад̇ирзгасадтисам̣важчараббадижчаннанд̇и, д̇ад̇о ваа бхияяоби вад̇ваа яож̇анаа гаад̇аб̣б̣аа.

    Tāvatīhanti tattakāni ahāni, paṭicchāditadivasato paṭṭhāya yāva ārocitadivaso, tāva divasapakkhamāsasaṃvaccharavasena yattako kālo atikkanto, tattakaṃ kālanti attho. Akāmā parivatthabbanti na kāmena na vasena, atha kho akāmena avasena parivāsaṃ samādāya vatthabbaṃ. Tattha paṭicchannaparivāso suddhantaparivāso samodhānaparivāso cāti tividho parivāso. Tattha paṭicchannaparivāso tāva yathāpaṭicchannāya āpattiyā dātabbo. Kassaci hi ekāhappaṭicchannā āpatti hoti, kassaci dvīhādippaṭicchannā. Kassaci ekā āpatti hoti, kassaci dve vā tisso vā taduttari vā. Tasmā paṭicchannaparivāsaṃ dentena paṭhamameva vuttanayena paṭicchannabhāvaṃ ñatvā tato paṭicchannadivase ca āpattiyo ca sallakkhetvā sace ekā ekāhappaṭicchannā hoti, ‘‘ahaṃ, bhante, ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhappaṭicchanna’’nti evaṃ parivāsaṃ yācāpetvā khandhake (cūḷava. 98) āgatanayena kammavācaṃ vatvā parivāso dātabbo. Atha dvīhatīhādippaṭicchannā hoti , dvīhappaṭicchannaṃ tīhappaṭicchannaṃ catūhappaṭicchannaṃ pañcāhappaṭicchannaṃ…pe… cuddasāhappaṭicchannantievaṃ yāva cuddasadivasāni divasavasena yojanā kātabbā, pañcadasadivasappaṭicchannāyaṃ ‘‘pakkhappaṭicchanna’’nti yojanā kātabbā. Tato yāva ekūnatiṃsatimo divaso, tāva ‘‘atirekapakkhappaṭicchanna’’nti, tato māsappaṭicchannaṃ atirekamāsappaṭicchannaṃ dvemāsappaṭicchannaṃ atirekadvemāsappaṭicchannaṃ temāsappaṭicchannaṃ…pe… atirekaekādasamāsappaṭicchannanti evaṃ yojanā kātabbā. Saṃvacchare puṇṇe ‘‘ekasaṃvaccharappaṭicchanna’’nti, tato paraṃ atirekasaṃvaccharaṃ dvesaṃvaccharaṃ evaṃ yāva saṭṭhisaṃvaccharaatirekasaṭṭhisaṃvaccharappaṭicchannanti, tato vā bhiyyopi vatvā yojanā kātabbā.

    сажз бана д̣̇вз д̇иссо д̇ад̣̇уд̇д̇ари ваа аабад̇д̇ияо хонд̇и, яат̇аа ‘‘згам̣ аабад̇д̇и’’нд̇и вуд̇д̇ам̣, звам̣ ‘‘д̣̇вз аабад̇д̇ияо, д̇иссо аабад̇д̇ияо’’д̇и вад̇д̇аб̣б̣ам̣. д̇ад̇о барам̣ бана сад̇ам̣ ваа ход̇у, сахассам̣ ваа, ‘‘самб̣ахулаа’’д̇и вад̇д̇ум̣ ваддад̇и. наанаавад̇т̇угаасуби ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згам̣ суггависсадтим̣ згам̣ гааяасам̣саг̇г̇ам̣ згам̣ д̣̇удтуллаваажам̣ згам̣ ад̇д̇агаамам̣ згам̣ сан̃жарид̇д̇ам̣ згаахаббадижчаннааяо’’д̇и звам̣ г̇ан̣анавасзна ваа, ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ наанаавад̇т̇угааяо згаахаббадижчаннааяо’’д̇и звам̣ вад̇т̇угид̇д̇анавасзна ваа, ‘‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згаахаббадижчаннааяо’’д̇и звам̣ наамамад̇д̇авасзна ваа яож̇анаа гаад̇аб̣б̣аа. д̇ад̇т̇а наамам̣ д̣̇увид̇хам̣ саж̇аад̇исаад̇хааран̣ам̣ саб̣б̣асаад̇хааран̣ан̃жа, д̇ад̇т̇а сан̇гхаад̣̇исзсод̇и саж̇аад̇исаад̇хааран̣ам̣, аабад̇д̇ийд̇и саб̣б̣асаад̇хааран̣ам̣, д̇асмаа ‘‘самб̣ахулаа аабад̇д̇ияо аабаж̇ж̇им̣ згаахаббадижчаннааяо’’д̇и звам̣ саб̣б̣асаад̇хааран̣анаамавасзнааби вад̇д̇ум̣ ваддад̇и. ид̣̇ан̃хи бариваасаад̣̇ивинаяагаммам̣ вад̇т̇увасзна г̇од̇д̇авасзна наамавасзна аабад̇д̇ивасзна жа гаад̇ум̣ ваддад̇иязва. д̇ад̇т̇а суггависсадтийд̇и вад̇т̇у жзва г̇од̇д̇ан̃жа, сан̇гхаад̣̇исзсод̇и нааман̃жзва аабад̇д̇и жа, д̇ад̇т̇а ‘‘суггависсадтим̣ гааяасам̣саг̇г̇а’’нд̇иаад̣̇иважанзнааби ‘‘наанаавад̇т̇угааяо’’д̇иважанзнааби вад̇т̇у жзва г̇од̇д̇ан̃жа г̇ахид̇ам̣ ход̇и, ‘‘сан̇гхаад̣̇исзсо’’д̇иважанзнааби ‘‘аабад̇д̇ияо’’д̇иважанзнааби нааман̃жзва аабад̇д̇и жа г̇ахид̇аа ход̇и, д̇асмаа зд̇зсу яасса гассажи васзна гаммаваажаа гаад̇аб̣б̣аа.

    Sace pana dve tisso taduttari vā āpattiyo honti, yathā ‘‘ekaṃ āpatti’’nti vuttaṃ, evaṃ ‘‘dve āpattiyo, tisso āpattiyo’’ti vattabbaṃ. Tato paraṃ pana sataṃ vā hotu, sahassaṃ vā, ‘‘sambahulā’’ti vattuṃ vaṭṭati. Nānāvatthukāsupi ‘‘ahaṃ, bhante, sambahulā saṅghādisesā āpattiyo āpajjiṃ ekaṃ sukkavissaṭṭhiṃ ekaṃ kāyasaṃsaggaṃ ekaṃ duṭṭhullavācaṃ ekaṃ attakāmaṃ ekaṃ sañcarittaṃ ekāhappaṭicchannāyo’’ti evaṃ gaṇanavasena vā, ‘‘ahaṃ, bhante, sambahulā saṅghādisesā āpattiyo āpajjiṃ nānāvatthukāyo ekāhappaṭicchannāyo’’ti evaṃ vatthukittanavasena vā, ‘‘ahaṃ, bhante, sambahulā saṅghādisesā āpattiyo āpajjiṃ ekāhappaṭicchannāyo’’ti evaṃ nāmamattavasena vā yojanā kātabbā. Tattha nāmaṃ duvidhaṃ sajātisādhāraṇaṃ sabbasādhāraṇañca, tattha saṅghādisesoti sajātisādhāraṇaṃ, āpattīti sabbasādhāraṇaṃ, tasmā ‘‘sambahulā āpattiyo āpajjiṃ ekāhappaṭicchannāyo’’ti evaṃ sabbasādhāraṇanāmavasenāpi vattuṃ vaṭṭati. Idañhi parivāsādivinayakammaṃ vatthuvasena gottavasena nāmavasena āpattivasena ca kātuṃ vaṭṭatiyeva. Tattha sukkavissaṭṭhīti vatthu ceva gottañca, saṅghādisesoti nāmañceva āpatti ca, tattha ‘‘sukkavissaṭṭhiṃ kāyasaṃsagga’’ntiādivacanenāpi ‘‘nānāvatthukāyo’’tivacanenāpi vatthu ceva gottañca gahitaṃ hoti, ‘‘saṅghādiseso’’tivacanenāpi ‘‘āpattiyo’’tivacanenāpi nāmañceva āpatti ca gahitā hoti, tasmā etesu yassa kassaci vasena kammavācā kātabbā.

    гаммаваажаабарияосаанз жа сажз аббабхигкуго ааваасо ход̇и, саггаа рад̇д̇ижчзд̣̇ам̣ анаабаж̇ж̇анд̇зна васид̇ум̣, д̇ад̇т̇зва ‘‘бариваасам̣ самаад̣̇ияаами, вад̇д̇ам̣ самаад̣̇ияаамий’’д̇и д̇игкад̇д̇ум̣ вад̇д̇ам̣ самаад̣̇аад̇аб̣б̣ам̣, самаад̣̇ияид̇ваа д̇ад̇т̇зва сан̇гхасса аарожзд̇ваа буна ааг̇ад̇ааг̇ад̇аанам̣ бхигкуунам̣ аарожзнд̇зна вад̇д̇абхзд̣̇ан̃жа рад̇д̇ижчзд̣̇ан̃жа агад̇ваа баривасид̇аб̣б̣ам̣. сажз на саггаа ход̇и бариваасам̣ сод̇хзд̇ум̣, нигкид̇д̇авад̇д̇зна васид̇угаамо ход̇и, д̇ад̇т̇зва сан̇гхамаж̇жхз, згабуг̇г̇аласса ваа санд̇игз ‘‘бариваасам̣ нигкибаами, вад̇д̇ам̣ нигкибаамий’’д̇и бариваасо нигкибид̇аб̣б̣о, згабад̣̇знааби жзд̇т̇а нигкид̇д̇о ход̇и бариваасо, д̣̇вийхи бана сунигкид̇д̇оязва, самаад̣̇аанзби зсзва наяо. нигкид̇д̇агаалад̇о бадтааяа багад̇ад̇д̇адтаанз д̇идтад̇и, ат̇аанзна бажжуусасамаяз згзна бхигкунаа сад̣̇д̇хим̣ баригкид̇д̇асса вихаарасса баригкзбад̇о, абаригкид̇д̇асса баригкзбаарахадтаанад̇о д̣̇вз лзд̣д̣убаад̇з ад̇иггамид̇ваа махаамаг̇г̇ад̇о оггамма г̇умб̣зна ваа вад̇ияаа ваа бадижчаннадтаанз нисийд̣̇ид̇ваа анд̇оарун̣зязва вад̇д̇ам̣ самаад̣̇ияид̇ваа аарожзд̇аб̣б̣ам̣. яамби ан̃н̃ам̣ бхигкум̣ бассад̇и, д̇ассааби аарожзд̇аб̣б̣амзва. арун̣з удтид̇з д̇асса санд̇игз вад̇д̇ам̣ нигкибид̇ваа вихаарам̣ г̇анд̇аб̣б̣ам̣. сажз со бурз арун̣зязва гзнажи гаран̣ийязна г̇ад̇о, вихаарам̣ г̇анд̇ваа яам̣ саб̣б̣абатамам̣ бхигкум̣ бассад̇и, д̇асса аарожзд̇ваа нигкибид̇аб̣б̣ам̣. звам̣ саллагкзд̇ваа яаава рад̇д̇ияо буурзнд̇и, д̇аава баривад̇т̇аб̣б̣ам̣, аяам̣ сан̇кзбад̇о бадижчаннабариваасавинижчаяо, вид̇т̇ааро бана саманд̇абаасаад̣̇игааяа винаяасам̣ван̣н̣анааяа (жуул̣ава. адта. 97) вуд̇д̇анаязнзва взд̣̇ид̇аб̣б̣о.

    Kammavācāpariyosāne ca sace appabhikkhuko āvāso hoti, sakkā ratticchedaṃ anāpajjantena vasituṃ, tattheva ‘‘parivāsaṃ samādiyāmi, vattaṃ samādiyāmī’’ti tikkhattuṃ vattaṃ samādātabbaṃ, samādiyitvā tattheva saṅghassa ārocetvā puna āgatāgatānaṃ bhikkhūnaṃ ārocentena vattabhedañca ratticchedañca akatvā parivasitabbaṃ. Sace na sakkā hoti parivāsaṃ sodhetuṃ, nikkhittavattena vasitukāmo hoti, tattheva saṅghamajjhe, ekapuggalassa vā santike ‘‘parivāsaṃ nikkhipāmi, vattaṃ nikkhipāmī’’ti parivāso nikkhipitabbo, ekapadenāpi cettha nikkhitto hoti parivāso, dvīhi pana sunikkhittoyeva, samādānepi eseva nayo. Nikkhittakālato paṭṭhāya pakatattaṭṭhāne tiṭṭhati, athānena paccūsasamaye ekena bhikkhunā saddhiṃ parikkhittassa vihārassa parikkhepato, aparikkhittassa parikkhepārahaṭṭhānato dve leḍḍupāte atikkamitvā mahāmaggato okkamma gumbena vā vatiyā vā paṭicchannaṭṭhāne nisīditvā antoaruṇeyeva vattaṃ samādiyitvā ārocetabbaṃ. Yampi aññaṃ bhikkhuṃ passati, tassāpi ārocetabbameva. Aruṇe uṭṭhite tassa santike vattaṃ nikkhipitvā vihāraṃ gantabbaṃ. Sace so pure aruṇeyeva kenaci karaṇīyena gato, vihāraṃ gantvā yaṃ sabbapaṭhamaṃ bhikkhuṃ passati, tassa ārocetvā nikkhipitabbaṃ. Evaṃ sallakkhetvā yāva rattiyo pūrenti, tāva parivatthabbaṃ, ayaṃ saṅkhepato paṭicchannaparivāsavinicchayo, vitthāro pana samantapāsādikāya vinayasaṃvaṇṇanāya (cūḷava. aṭṭha. 97) vuttanayeneva veditabbo.

    ид̇арзсу бана д̣̇вийсу ‘‘аабад̇д̇ибарияанд̇ам̣ на ж̇аанаад̇и, рад̇д̇ибарияанд̇ам̣ на ж̇аанаад̇ий’’д̇и (жуул̣ава. 157) имасмим̣ вад̇т̇усмим̣ канд̇хагз анун̃н̃аад̇о суд̣̇д̇ханд̇абариваасо наама, со д̣̇увид̇хо жуул̣асуд̣̇д̇ханд̇о махаасуд̣̇д̇ханд̇од̇и, д̣̇увид̇хоби жзса рад̇д̇ибарижчзд̣̇ам̣ сагалам̣ ваа згажжам̣ ваа аж̇аананд̇асса жа ассаранд̇асса жа д̇ад̇т̇а взмад̇игасса жа д̣̇аад̇аб̣б̣о. аабад̇д̇ибарияанд̇ам̣ бана ‘‘зд̇д̇игаа ахам̣ аабад̇д̇ияо аабанно’’д̇и ж̇аанаад̇у ваа, маа ваа, агааран̣амзд̇ам̣. д̇асса д̣̇аанавид̇хи канд̇хагз ааг̇ад̇о, винижчаяагат̇аа бана вид̇т̇аарад̇о саманд̇абаасаад̣̇игааяам̣ (жуул̣ава. адта. 102) вуд̇д̇аа. ид̇аро бана самод̇хаанабариваасо наама, со д̇ивид̇хо ход̇и од̇хаанасамод̇хаано аг̇гхасамод̇хаано миссагасамод̇хаанод̇и. д̇ад̇т̇а од̇хаанасамод̇хаано наама анд̇араабад̇д̇им̣ аабаж̇ж̇ид̇ваа бадижчаад̣̇знд̇асса баривуд̇т̇ад̣̇ивасз од̇хунид̇ваа магкзд̇ваа буримааяа аабад̇д̇ияаа муулад̣̇ивасабарижчзд̣̇з бажчаа аабаннам̣ аабад̇д̇им̣ самод̣̇ахид̇ваа д̣̇аад̇аб̣б̣абариваасо вужжад̇и. аг̇гхасамод̇хаано наама самб̣ахулаасу аабад̇д̇ийсу яаа згаа ваа д̣̇вз ваа д̇иссо ваа самб̣ахулаа ваа аабад̇д̇ияо саб̣б̣ажираббадижчаннааяо, д̇аасам̣ аг̇гхзна самод̇хааяа д̇аасам̣ рад̇д̇ибарижчзд̣̇авасзна авасзсаанам̣ уунад̇араббадижчаннаанам̣ аабад̇д̇ийнам̣ д̣̇аад̇аб̣б̣абариваасо вужжад̇и. миссагасамод̇хаано наама наанаавад̇т̇угааяо аабад̇д̇ияо згад̇о гад̇ваа д̣̇аад̇аб̣б̣абариваасо вужжад̇и, аяам̣ д̇ивид̇хзби самод̇хаанабариваасз сан̇кзбагат̇аа, вид̇т̇ааро бана саманд̇абаасаад̣̇игааяам̣ (жуул̣ава. адта. 102) вуд̇д̇о, ид̣̇ам̣ ‘‘баривад̇т̇аб̣б̣а’’нд̇и бад̣̇асса винижчаяагат̇аамукам̣.

    Itaresu pana dvīsu ‘‘āpattipariyantaṃ na jānāti, rattipariyantaṃ na jānātī’’ti (cūḷava. 157) imasmiṃ vatthusmiṃ khandhake anuññāto suddhantaparivāso nāma, so duvidho cūḷasuddhanto mahāsuddhantoti, duvidhopi cesa rattiparicchedaṃ sakalaṃ vā ekaccaṃ vā ajānantassa ca assarantassa ca tattha vematikassa ca dātabbo. Āpattipariyantaṃ pana ‘‘ettikā ahaṃ āpattiyo āpanno’’ti jānātu vā, mā vā, akāraṇametaṃ. Tassa dānavidhi khandhake āgato, vinicchayakathā pana vitthārato samantapāsādikāyaṃ (cūḷava. aṭṭha. 102) vuttā. Itaro pana samodhānaparivāso nāma, so tividho hoti odhānasamodhāno agghasamodhāno missakasamodhānoti. Tattha odhānasamodhāno nāma antarāpattiṃ āpajjitvā paṭicchādentassa parivutthadivase odhunitvā makkhetvā purimāya āpattiyā mūladivasaparicchede pacchā āpannaṃ āpattiṃ samodahitvā dātabbaparivāso vuccati. Agghasamodhāno nāma sambahulāsu āpattīsu yā ekā vā dve vā tisso vā sambahulā vā āpattiyo sabbacirappaṭicchannāyo, tāsaṃ agghena samodhāya tāsaṃ rattiparicchedavasena avasesānaṃ ūnatarappaṭicchannānaṃ āpattīnaṃ dātabbaparivāso vuccati. Missakasamodhāno nāma nānāvatthukāyo āpattiyo ekato katvā dātabbaparivāso vuccati, ayaṃ tividhepi samodhānaparivāse saṅkhepakathā, vitthāro pana samantapāsādikāyaṃ (cūḷava. aṭṭha. 102) vutto, idaṃ ‘‘parivatthabba’’nti padassa vinicchayakathāmukhaṃ.

    уд̇д̇ари чаарад̇д̇анд̇и бариваасад̇о уд̇д̇ари ча рад̇д̇ияо. бхигкумаанад̇д̇ааяаад̇и бхигкуунам̣ маанабхаавааяа, аараад̇ханад̇т̇ааяаад̇и вуд̇д̇ам̣ ход̇и. бадибаж̇ж̇ид̇аб̣б̣анд̇и вад̇д̇ид̇аб̣б̣ам̣. бхигкумаанад̇д̇ан̃жа банзд̇ам̣ бадижчаннаабадижчаннавасзна д̣̇увид̇хам̣. д̇ад̇т̇а яасса аббадижчаннаабад̇д̇и ход̇и, д̇асса бариваасам̣ ад̣̇ад̇ваа маанад̇д̇амзва д̣̇аад̇аб̣б̣ам̣, ид̣̇ам̣ аббадижчаннамаанад̇д̇ам̣. яасса бадижчаннаа ход̇и, д̇асса бариваасабарияосаанз д̣̇аад̇аб̣б̣ам̣ маанад̇д̇ам̣ бадижчаннамаанад̇д̇анд̇и вужжад̇и, ид̣̇ам̣ ид̇ха ад̇хиббзд̇ам̣. убхиннамби банзд̇зсам̣ д̣̇аанавид̇хи винижчаяагат̇аа жа саманд̇абаасаад̣̇игааяам̣ (жуул̣ава. адта. 102) вуд̇д̇анаязна взд̣̇ид̇аб̣б̣аа, аяам̣ банзд̇т̇а сан̇кзбо. сажз аяам̣ вад̇д̇ам̣ нигкибид̇ваа бажжуусасамаяз самаад̣̇аад̇ум̣ г̇ажчад̇и, саб̣б̣анд̇имзна барижчзд̣̇зна жад̇уухи бхигкуухи сад̣̇д̇хим̣ бариваасз вуд̇д̇аббагаарам̣ бад̣̇зсам̣ г̇анд̇ваа ‘‘маанад̇д̇ам̣ самаад̣̇ияаами, вад̇д̇ам̣ самаад̣̇ияаамий’’д̇и самаад̣̇ияид̇ваа нзсам̣ аарожзд̇ваа д̇ад̇о д̇зсу г̇ад̇зсу ваа аг̇ад̇зсу ваа буриманаязна бадибаж̇ж̇ид̇аб̣б̣ам̣. яад̇т̇а сияаа вийсад̇иг̇ан̣од̇и зд̇т̇а вийсад̇исан̇гхо г̇ан̣о ассаад̇и вийсад̇иг̇ан̣о. д̇ад̇раад̇и яад̇ра саб̣б̣анд̇имзна барижчзд̣̇зна вийсад̇иг̇ан̣о бхигкусан̇гхо ад̇т̇и, д̇ад̇т̇а. аб̣бхзд̇аб̣б̣од̇и абхизд̇аб̣б̣о, самбадижчид̇аб̣б̣о, аб̣бхаанагаммавасзна осаарзд̇аб̣б̣од̇и вуд̇д̇ам̣ ход̇и. авхаад̇аб̣б̣од̇и ваа ад̇т̇о. аб̣бхаанагаммам̣ бана баал̣ивасзна канд̇хагз (жуул̣ава. 100 аад̣̇аяо) винижчаяавасзна саманд̇абаасаад̣̇игааяам̣ вуд̇д̇ам̣. анаб̣бхид̇од̇и на аб̣бхид̇о асамбадижчид̇о, агад̇аб̣бхаанагаммод̇и вуд̇д̇ам̣ ход̇и. анавхаад̇од̇и ваа ад̇т̇о. д̇з жа бхигкуу г̇аараяхаад̇и яз уунабхаавам̣ н̃ад̇ваа аб̣бхзнд̇и, д̇з бхигкуу жа г̇арахид̇аб̣б̣аа, саад̇исаараа сад̣̇осаа д̣̇уггадам̣ аабаж̇ж̇анд̇ийд̇и ад̇т̇о. аяам̣ д̇ад̇т̇а саамийжийд̇и аяам̣ д̇ад̇т̇а ануд̇хаммад̇аа логуд̇д̇арад̇хаммам̣ ануг̇ад̇аа оваад̣̇аанусаасаний саамийжи д̇хаммад̇аа. сзсамзд̇т̇а вуд̇д̇анаяамзваад̇и.

    Uttari chārattanti parivāsato uttari cha rattiyo. Bhikkhumānattāyāti bhikkhūnaṃ mānabhāvāya, ārādhanatthāyāti vuttaṃ hoti. Paṭipajjitabbanti vattitabbaṃ. Bhikkhumānattañca panetaṃ paṭicchannāpaṭicchannavasena duvidhaṃ. Tattha yassa appaṭicchannāpatti hoti, tassa parivāsaṃ adatvā mānattameva dātabbaṃ, idaṃ appaṭicchannamānattaṃ. Yassa paṭicchannā hoti, tassa parivāsapariyosāne dātabbaṃ mānattaṃ paṭicchannamānattanti vuccati, idaṃ idha adhippetaṃ. Ubhinnampi panetesaṃ dānavidhi vinicchayakathā ca samantapāsādikāyaṃ (cūḷava. aṭṭha. 102) vuttanayena veditabbā, ayaṃ panettha saṅkhepo. Sace ayaṃ vattaṃ nikkhipitvā paccūsasamaye samādātuṃ gacchati, sabbantimena paricchedena catūhi bhikkhūhi saddhiṃ parivāse vuttappakāraṃ padesaṃ gantvā ‘‘mānattaṃ samādiyāmi, vattaṃ samādiyāmī’’ti samādiyitvā nesaṃ ārocetvā tato tesu gatesu vā agatesu vā purimanayena paṭipajjitabbaṃ. Yattha siyā vīsatigaṇoti ettha vīsatisaṅgho gaṇo assāti vīsatigaṇo. Tatrāti yatra sabbantimena paricchedena vīsatigaṇo bhikkhusaṅgho atthi, tattha. Abbhetabboti abhietabbo, sampaṭicchitabbo, abbhānakammavasena osāretabboti vuttaṃ hoti. Avhātabboti vā attho. Abbhānakammaṃ pana pāḷivasena khandhake (cūḷava. 100 ādayo) vinicchayavasena samantapāsādikāyaṃ vuttaṃ. Anabbhitoti na abbhito asampaṭicchito, akatabbhānakammoti vuttaṃ hoti. Anavhātoti vā attho. Te ca bhikkhū gārayhāti ye ūnabhāvaṃ ñatvā abbhenti, te bhikkhū ca garahitabbā, sātisārā sadosā dukkaṭaṃ āpajjantīti attho. Ayaṃ tattha sāmīcīti ayaṃ tattha anudhammatā lokuttaradhammaṃ anugatā ovādānusāsanī sāmīci dhammatā. Sesamettha vuttanayamevāti.

    ган̇каавид̇аран̣ияаа баад̇имогкаван̣н̣анааяа

    Kaṅkhāvitaraṇiyā pātimokkhavaṇṇanāya

    сан̇гхаад̣̇исзсаван̣н̣анаа нидтид̇аа.

    Saṅghādisesavaṇṇanā niṭṭhitā.




    Next: анияад̇аган̣д̣о • Aniyatakaṇḍo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact