| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
сан̇гхаад̣̇исзсаган̣д̣о
Saṅghādisesakaṇḍo
1. уссаяаваад̣̇игаасигкаабад̣̇аван̣н̣анаа
1. Ussayavādikāsikkhāpadavaṇṇanā
сан̇гхаад̣̇исзсзсу батамз уссаяаваад̣̇игаад̇и маануссаяавасзна год̇хуссаяавасзна ад̣д̣агаран̣ад̇т̇ааяа винижчаяамахаамад̇д̇аанам̣ санд̇игз вивад̣̇амаанаа. г̇ахабад̇инаа ваад̇иаад̣̇ийхи табзд̇ваа бан̃жа сахад̇хаммигз авасзсаа г̇ахадтабаб̣б̣аж̇ид̇аа сан̇г̇ахид̇аа. аяам̣ бхигкуний батамаабад̇д̇иганд̇и аад̣̇имхи батамам̣ аабад̇д̇и зд̇ассаад̇и батамаабад̇д̇иго, вийд̇иггамагкан̣зязва аабаж̇ж̇ид̇аб̣б̣од̇и ад̇т̇о, д̇ам̣ батамаабад̇д̇игам̣. аабаннаад̇и ад̣д̣абарияосаанз аабаннаа. бхигкуним̣ сан̇гхад̇о ниссаарзд̇ийд̇и ниссааран̣ийяо, д̇ам̣ ниссааран̣ийяам̣. сан̇гхаад̣̇исзсанд̇и звам̣наамагам̣.
Saṅghādisesesu paṭhame ussayavādikāti mānussayavasena kodhussayavasena aḍḍakaraṇatthāya vinicchayamahāmattānaṃ santike vivadamānā. Gahapatinā vātiādīhi ṭhapetvā pañca sahadhammike avasesā gahaṭṭhapabbajitā saṅgahitā. Ayaṃ bhikkhunī paṭhamāpattikanti ādimhi paṭhamaṃ āpatti etassāti paṭhamāpattiko, vītikkamakkhaṇeyeva āpajjitabboti attho, taṃ paṭhamāpattikaṃ. Āpannāti aḍḍapariyosāne āpannā. Bhikkhuniṃ saṅghato nissāretīti nissāraṇīyo, taṃ nissāraṇīyaṃ. Saṅghādisesanti evaṃnāmakaṃ.
саавад̇т̇ияам̣ т̇уллананд̣̇ам̣ аараб̣бха уссаяаваад̣̇игавад̇т̇усмим̣ бан̃н̃ад̇д̇ам̣, саан̣ад̇д̇игам̣, ‘‘ад̣д̣ам̣ гариссаамий’’д̇и яам̣гин̃жи д̣̇уд̇ияигам̣ ваа сагким̣ ваа сахааяам̣ ваа бариязсанд̇ияаа бариязсанз д̣̇уггадам̣, яад̇т̇а тид̇ааяа ‘‘ад̣д̣ам̣ гаад̇ум̣ г̇ажчаамий’’д̇и жид̇д̇ам̣ уббаж̇ж̇ад̇и, д̇ад̇о бадтааяа г̇ажчанд̇ияаа бад̣̇з бад̣̇з д̣̇уггадам̣, яад̇т̇агад̇т̇ажи анд̇амасо бхигкунубассаяам̣ ааг̇ад̇зби вохааригз д̣̇исваа ад̇д̇ано гат̇ам̣ аарожзнд̇ияаа д̣̇уггадам̣. ид̇арзна ад̇д̇ано гат̇ааяа аарожид̇ааяа бхигкунияаа т̇уллажжаяам̣, батамам̣ ид̇арзна бажчаа бхигкунияаа аарожанзби зсзва наяо. сажз бана бхигкуний д̇ам̣ вад̣̇ад̇и ‘‘мама жа д̇ава жа гат̇ам̣ д̇вам̣язва аарожзхий’’д̇и, со ад̇д̇ано ваа гат̇ам̣ батамам̣ аарожзд̇у, д̇ассаа ваа, батамаарожанз бхигкунияаа д̣̇уггадам̣, д̣̇уд̇ияз т̇уллажжаяам̣, д̇зна звам̣ вуд̇д̇ааяа бхигкунияаа аарожанзби зсзва наяо. сажз бана бхигкуний ан̃н̃зна гат̇аабзд̇и, д̇ад̇рааби зсзва наяо. яат̇аа ваа д̇ат̇аа ваа хи аарожияамаанз батамаарожанз бхигкунияаа д̣̇уггадам̣, д̣̇уд̇ияз т̇уллажжаяам̣. убхиннам̣ бана гат̇ам̣ суд̇ваа вохааригзхи винижчаяз гад̇з ад̣д̣абарияосаанам̣ наама ход̇и, д̇асмим̣ ад̣д̣абарияосаанз бхигкунияаа ж̇аязби барааж̇аязби сан̇гхаад̣̇исзсо.
Sāvatthiyaṃ thullanandaṃ ārabbha ussayavādikavatthusmiṃ paññattaṃ, sāṇattikaṃ, ‘‘aḍḍaṃ karissāmī’’ti yaṃkiñci dutiyikaṃ vā sakkhiṃ vā sahāyaṃ vā pariyesantiyā pariyesane dukkaṭaṃ, yattha ṭhitāya ‘‘aḍḍaṃ kātuṃ gacchāmī’’ti cittaṃ uppajjati, tato paṭṭhāya gacchantiyā pade pade dukkaṭaṃ, yatthakatthaci antamaso bhikkhunupassayaṃ āgatepi vohārike disvā attano kathaṃ ārocentiyā dukkaṭaṃ. Itarena attano kathāya ārocitāya bhikkhuniyā thullaccayaṃ, paṭhamaṃ itarena pacchā bhikkhuniyā ārocanepi eseva nayo. Sace pana bhikkhunī taṃ vadati ‘‘mama ca tava ca kathaṃ tvaṃyeva ārocehī’’ti, so attano vā kathaṃ paṭhamaṃ ārocetu, tassā vā, paṭhamārocane bhikkhuniyā dukkaṭaṃ, dutiye thullaccayaṃ, tena evaṃ vuttāya bhikkhuniyā ārocanepi eseva nayo. Sace pana bhikkhunī aññena kathāpeti, tatrāpi eseva nayo. Yathā vā tathā vā hi ārociyamāne paṭhamārocane bhikkhuniyā dukkaṭaṃ, dutiye thullaccayaṃ. Ubhinnaṃ pana kathaṃ sutvā vohārikehi vinicchaye kate aḍḍapariyosānaṃ nāma hoti, tasmiṃ aḍḍapariyosāne bhikkhuniyā jayepi parājayepi saṅghādiseso.
яаа бана бажжад̇т̇игамануссзхи д̣̇ууд̇ам̣ ваа бахин̣ид̇ваа, саяам̣ ваа ааг̇анд̇ваа ‘‘зхи, аяяз’’д̇и аагад̣дхияамаанаа г̇ажчад̇и, яаа ваа убассаяз ан̃н̃зхи гад̇ам̣ анаажаарам̣ анод̣̇исса аажигканд̇ий рагкам̣ яаажад̇и, яааяа жа гин̃жи авуд̇д̇аа вохааригаа ан̃н̃ад̇о суд̇ваа саяамзва ад̣д̣ам̣ барияосаабзнд̇и, д̇ассаа, уммад̇д̇игаад̣̇ийнан̃жа анаабад̇д̇и. ан̃н̃зхи анаагад̣дхид̇ааяа ад̣д̣агаран̣ам̣, ад̣д̣абарияосаананд̇и имаанзд̇т̇а д̣̇вз ан̇г̇аани. самудтаанаад̣̇ийни батамагат̇инасад̣̇исаани, ид̣̇ам̣ бана гирияамзваад̇и.
Yā pana paccatthikamanussehi dūtaṃ vā pahiṇitvā, sayaṃ vā āgantvā ‘‘ehi, ayye’’ti ākaḍḍhiyamānā gacchati, yā vā upassaye aññehi kataṃ anācāraṃ anodissa ācikkhantī rakkhaṃ yācati, yāya ca kiñci avuttā vohārikā aññato sutvā sayameva aḍḍaṃ pariyosāpenti, tassā, ummattikādīnañca anāpatti. Aññehi anākaḍḍhitāya aḍḍakaraṇaṃ, aḍḍapariyosānanti imānettha dve aṅgāni. Samuṭṭhānādīni paṭhamakathinasadisāni, idaṃ pana kiriyamevāti.
уссаяаваад̣̇игаасигкаабад̣̇аван̣н̣анаа нидтид̇аа.
Ussayavādikāsikkhāpadavaṇṇanā niṭṭhitā.
2. жоривудтаабигаасигкаабад̣̇аван̣н̣анаа
2. Corivuṭṭhāpikāsikkhāpadavaṇṇanā
д̣̇уд̇ияз яааяа бан̃жамаасаг̇гханагад̇о бадтааяа яам̣гин̃жи барасанд̇агам̣ авахарид̇ам̣, аяам̣ жорий наама, д̇ам̣ жорим̣. важ̇жхам̣ вид̣̇ид̇анд̇и д̇зна гаммзна ‘‘вад̇хаарахаа аяа’’нд̇и звам̣ вид̣̇ид̇ам̣. анабалогзд̇ваад̇и анаабужчаа. г̇ан̣анд̇и маллаг̇ан̣абхадибуд̇д̇аг̇ан̣аад̣̇игам̣. бууг̇анд̇и д̇хаммаг̇ан̣ам̣. сзн̣инд̇и г̇анд̇хигасзн̣ид̣̇уссигасзн̣иаад̣̇игам̣. яад̇т̇а яад̇т̇а хи рааж̇аано г̇ан̣аад̣̇ийнам̣ г̇ааманиг̇амз нияяаад̇знд̇и ‘‘д̇умхзва зд̇т̇а анусаасат̇аа’’д̇и, д̇ад̇т̇а д̇ад̇т̇а д̇зязва иссараа хонд̇и, д̇асмаа д̇з санд̇хааяа ид̣̇ам̣ вуд̇д̇ам̣. зд̇т̇а жа рааж̇аанам̣ ваа г̇ан̣аад̣̇игз ваа абалогзд̇вааби бхигкунисан̇гхо абалогзд̇аб̣б̣ова. ан̃н̃ад̇ра габбаад̇и д̇ид̇т̇иязсу ваа ан̃н̃абхигкунийсу ваа баб̣б̣аж̇ид̇абуб̣б̣аа габбаа наама, д̇ам̣ табзд̇ваа ан̃н̃ам̣ убасамбаад̣̇знд̇ияаа г̇ан̣ааажариний бад̇д̇ажийварабариязсанзсу сиймаасаммуд̇ияаа н̃ад̇д̇ияаа жа д̣̇уггадам̣, д̣̇вийхи гаммаваажаахи т̇уллажжаяам̣, гаммаваажаабарияосаанз сан̇гхаад̣̇исзсо.
Dutiye yāya pañcamāsagghanakato paṭṭhāya yaṃkiñci parasantakaṃ avaharitaṃ, ayaṃ corī nāma, taṃ coriṃ. Vajjhaṃ viditanti tena kammena ‘‘vadhārahā aya’’nti evaṃ viditaṃ. Anapaloketvāti anāpucchā. Gaṇanti mallagaṇabhaṭiputtagaṇādikaṃ. Pūganti dhammagaṇaṃ. Seṇinti gandhikaseṇidussikaseṇiādikaṃ. Yattha yattha hi rājāno gaṇādīnaṃ gāmanigame niyyātenti ‘‘tumheva ettha anusāsathā’’ti, tattha tattha teyeva issarā honti, tasmā te sandhāya idaṃ vuttaṃ. Ettha ca rājānaṃ vā gaṇādike vā apaloketvāpi bhikkhunisaṅgho apaloketabbova. Aññatra kappāti titthiyesu vā aññabhikkhunīsu vā pabbajitapubbā kappā nāma, taṃ ṭhapetvā aññaṃ upasampādentiyā gaṇaācarinī pattacīvarapariyesanesu sīmāsammutiyā ñattiyā ca dukkaṭaṃ, dvīhi kammavācāhi thullaccayaṃ, kammavācāpariyosāne saṅghādiseso.
саавад̇т̇ияам̣ т̇уллананд̣̇ам̣ аараб̣бха жорим̣ вудтаабанавад̇т̇усмим̣ бан̃н̃ад̇д̇ам̣, жорияаа взмад̇игааяа д̣̇уггадам̣, д̇ат̇аа ажорияаа жорисан̃н̃ааяа жзва взмад̇игааяа жа. ажорисан̃н̃ааяа, аж̇аананд̇ияаа, абалогзд̇ваа вудтаабзнд̇ияаа, габбам̣ вудтаабзнд̇ияаа, уммад̇д̇игаад̣̇ийнан̃жа анаабад̇д̇и. жорид̇аа, жорисан̃н̃ид̇аа, ан̃н̃ад̇ра анун̃н̃аад̇агааран̣аа вудтаабананд̇и, имаанзд̇т̇а д̇ийн̣и ан̇г̇аани. жоривудтаабанасамудтаанам̣, гирияаагирияам̣, сан̃н̃аавимогкам̣, сажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ thullanandaṃ ārabbha coriṃ vuṭṭhāpanavatthusmiṃ paññattaṃ, coriyā vematikāya dukkaṭaṃ, tathā acoriyā corisaññāya ceva vematikāya ca. Acorisaññāya, ajānantiyā, apaloketvā vuṭṭhāpentiyā, kappaṃ vuṭṭhāpentiyā, ummattikādīnañca anāpatti. Coritā, corisaññitā, aññatra anuññātakāraṇā vuṭṭhāpananti, imānettha tīṇi aṅgāni. Corivuṭṭhāpanasamuṭṭhānaṃ, kiriyākiriyaṃ, saññāvimokkhaṃ, sacittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
жоривудтаабигаасигкаабад̣̇аван̣н̣анаа нидтид̇аа.
Corivuṭṭhāpikāsikkhāpadavaṇṇanā niṭṭhitā.
3. згаг̇ааманд̇араг̇аманасигкаабад̣̇аван̣н̣анаа
3. Ekagāmantaragamanasikkhāpadavaṇṇanā
д̇ад̇ияз г̇ааманд̇аранд̇иаад̣̇ийсу сагаг̇аамад̇о д̇аава нигкаманд̇ияаа анаабад̇д̇и, нигкамид̇ваа бана ан̃н̃ам̣ г̇аамам̣ г̇ажчанд̇ияаа бад̣̇з бад̣̇з д̣̇уггадам̣, згзна баад̣̇зна ид̇арасса г̇аамасса баригкзбз ваа убажаарз ваа ад̇игганд̇з т̇уллажжаяам̣, д̣̇уд̇иязна ад̇игганд̇амад̇д̇з сан̇гхаад̣̇исзсо, д̇ад̇о нигкамид̇ваа буна сагаг̇аамам̣ бависанд̇ияааби зсзва наяо. сажз бана кан̣д̣абаагаарзна ваа вад̇ижчид̣̇д̣̇зна ваа бхигкунивихаарабхуумим̣язва саггаа ход̇и бависид̇ум̣, звам̣ бависамаанааяа габбияабхуумияаа бавидтаа наама ход̇и, д̇асмаа ваддад̇и. б̣ахиг̇аамз тад̇ваа яам̣гин̃жи сагаг̇аамам̣ ваа бараг̇аамам̣ ваа агаббияабхуумим̣ бад̣̇асаа бависанд̇ияаа аабад̇д̇ийд̇и аяамзд̇т̇а сан̇кзбо.
Tatiye gāmantarantiādīsu sakagāmato tāva nikkhamantiyā anāpatti, nikkhamitvā pana aññaṃ gāmaṃ gacchantiyā pade pade dukkaṭaṃ, ekena pādena itarassa gāmassa parikkhepe vā upacāre vā atikkante thullaccayaṃ, dutiyena atikkantamatte saṅghādiseso, tato nikkhamitvā puna sakagāmaṃ pavisantiyāpi eseva nayo. Sace pana khaṇḍapākārena vā vaticchiddena vā bhikkhunivihārabhūmiṃyeva sakkā hoti pavisituṃ, evaṃ pavisamānāya kappiyabhūmiyā paviṭṭhā nāma hoti, tasmā vaṭṭati. Bahigāme ṭhatvā yaṃkiñci sakagāmaṃ vā paragāmaṃ vā akappiyabhūmiṃ padasā pavisantiyā āpattīti ayamettha saṅkhepo.
над̣̇ибаараг̇аманз вуд̇д̇алагкан̣ааяа над̣̇ияаа д̣̇уд̇ияигам̣ винаа барад̇ийрам̣ г̇ажчанд̇ияаа ваа анд̇араанад̣̇ияам̣ д̣̇уд̇ияигааяа сад̣̇д̇хим̣ бхан̣д̣ид̇ваа буна оримад̇ийрамзва бажжуд̇д̇аранд̇ияаа ваа батамабаад̣̇ам̣ уд̣̇д̇харид̇ваа д̇ийрз табид̇агкан̣з т̇уллажжаяам̣, д̣̇уд̇ияабаад̣̇уд̣̇д̇хаарз сан̇гхаад̣̇исзсо. ид̣̇д̇хисзд̇уяаананааваахи бана барад̇ийрам̣ од̇арид̇ум̣, нахаанаад̣̇игааран̣зна жа од̇ин̣н̣ааяа оримад̇ийрам̣ бад̣̇асааби бажжуд̇д̇арид̇ум̣ ваддад̇и.
Nadipāragamane vuttalakkhaṇāya nadiyā dutiyikaṃ vinā paratīraṃ gacchantiyā vā antarānadiyaṃ dutiyikāya saddhiṃ bhaṇḍitvā puna orimatīrameva paccuttarantiyā vā paṭhamapādaṃ uddharitvā tīre ṭhapitakkhaṇe thullaccayaṃ, dutiyapāduddhāre saṅghādiseso. Iddhisetuyānanāvāhi pana paratīraṃ otarituṃ, nahānādikāraṇena ca otiṇṇāya orimatīraṃ padasāpi paccuttarituṃ vaṭṭati.
рад̇д̇ивиббаваасз ‘‘бурзарун̣зязва д̣̇уд̇ияигааяа хад̇т̇абаасам̣ оггамиссаамий’’д̇и аабхог̇ам̣ винаа згаг̇аб̣бхзби д̣̇уд̇ияигааяа хад̇т̇абаасаад̇иггамз тад̇ваа арун̣ам̣ удтаабзнд̇ияаа аабад̇д̇и.
Rattivippavāse ‘‘purearuṇeyeva dutiyikāya hatthapāsaṃ okkamissāmī’’ti ābhogaṃ vinā ekagabbhepi dutiyikāya hatthapāsātikkame ṭhatvā aruṇaṃ uṭṭhāpentiyā āpatti.
згаа ваа г̇ан̣амхаад̇и зд̇т̇а бана згаа бхигкунийби г̇ан̣оязва. охийязяяаад̇и авахийязяяа, д̣̇ассануубажаарам̣ ваа савануубажаарам̣ ваа виж̇ахзяяаад̇и ад̇т̇о. д̇асмаа инд̣̇акийлаад̇иггамад̇о бадтааяа б̣ахиг̇аамз ругкат̇амбхасаан̣ибаагаараад̣̇ианд̇арид̇абхаавзнааби д̣̇уд̇ияигааяа д̣̇ассануубажаарз виж̇ахид̇з сажзби савануубажааро ад̇т̇и, аабад̇д̇иязва. аж̇жхогаасз бана д̣̇уурзби д̣̇ассануубажааро ход̇и, д̇ад̇т̇а маг̇г̇амуул̣хасад̣̇д̣̇зна вияа д̇хаммассаванаарожанасад̣̇д̣̇зна вияа жа ‘аяяз’д̇и сад̣̇д̣̇ааяанд̇ияаа сад̣̇д̣̇ассаванаад̇иггамз аабад̇д̇иязва. сажз бана маг̇г̇ам̣ г̇ажчанд̇ий охийяид̇ваа ‘‘ид̣̇аани баабун̣иссаамий’’д̇и сауссаахаа ануб̣анд̇хад̇и, ваддад̇и.
Ekā vā gaṇamhāti ettha pana ekā bhikkhunīpi gaṇoyeva. Ohīyeyyāti avahīyeyya, dassanūpacāraṃ vā savanūpacāraṃ vā vijaheyyāti attho. Tasmā indakhīlātikkamato paṭṭhāya bahigāme rukkhathambhasāṇipākārādiantaritabhāvenāpi dutiyikāya dassanūpacāre vijahite sacepi savanūpacāro atthi, āpattiyeva. Ajjhokāse pana dūrepi dassanūpacāro hoti, tattha maggamūḷhasaddena viya dhammassavanārocanasaddena viya ca ‘ayye’ti saddāyantiyā saddassavanātikkame āpattiyeva. Sace pana maggaṃ gacchantī ohīyitvā ‘‘idāni pāpuṇissāmī’’ti saussāhā anubandhati, vaṭṭati.
саавад̇т̇ияам̣ ан̃н̃ад̇арам̣ бхигкуним̣ аараб̣бха г̇ааманд̇араг̇аманавад̇т̇усмим̣ бан̃н̃ад̇д̇ам̣, ‘‘згаа ваа над̣̇ибаара’’нд̇иаад̣̇игаа зд̇т̇а д̇ивид̇хаа анубан̃н̃ад̇д̇и, бурз арун̣з сагаг̇аамад̇о нигкамид̇ваа арун̣уг̇г̇аманагаалз г̇ааманд̇арабарияаабаннам̣ над̣̇ибаарам̣ оггамананд̇ияаа бана жад̇ассоби аабад̇д̇ияо згагкан̣зязва хонд̇и. вуд̇д̇амби жзд̇ам̣ –
Sāvatthiyaṃ aññataraṃ bhikkhuniṃ ārabbha gāmantaragamanavatthusmiṃ paññattaṃ, ‘‘ekā vā nadipāra’’ntiādikā ettha tividhā anupaññatti, pure aruṇe sakagāmato nikkhamitvā aruṇuggamanakāle gāmantarapariyāpannaṃ nadipāraṃ okkamanantiyā pana catassopi āpattiyo ekakkhaṇeyeva honti. Vuttampi cetaṃ –
‘‘сигкаабад̣̇аа б̣уд̣̇д̇хаварзна ван̣н̣ид̇аа;
‘‘Sikkhāpadā buddhavarena vaṇṇitā;
сан̇гхаад̣̇исзсаа жад̇уро бхавзяяум̣;
Saṅghādisesā caturo bhaveyyuṃ;
аабаж̇ж̇зяяа згабаяог̇зна саб̣б̣аа;
Āpajjeyya ekapayogena sabbā;
бан̃хаа мзсаа гусалзхи жинд̇ид̇аа’’д̇и. (бари. 479);
Pañhā mesā kusalehi cintitā’’ti. (pari. 479);
зд̇знубааязна д̇ин̣н̣ам̣, д̣̇виннан̃жа згад̇обхааво взд̣̇ид̇аб̣б̣о. д̣̇уд̇ияигааяа бана багганд̇ааяа ваа виб̣бханд̇ааяа ваа гаалан̇гад̇ааяа ваа багкасан̇ганд̇ааяа ваа аабад̣̇аасу ваа г̇ааманд̇араг̇аманаад̣̇ийни гаронд̇ияаа уммад̇д̇игаад̣̇ийнан̃жа анаабад̇д̇и. анд̇арааязна згад̇обхааво, г̇ааманд̇араг̇аманаад̣̇ийсу ан̃н̃ад̇арад̇аабаж̇ж̇анам̣, аабад̣̇ааяа абхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни батамабаарааж̇игасад̣̇исаани, ид̣̇ам̣ бана бан̣н̣ад̇д̇иваж̇ж̇ам̣, д̇ижид̇д̇ам̣, д̇ивзд̣̇ананд̇и.
Etenupāyena tiṇṇaṃ, dvinnañca ekatobhāvo veditabbo. Dutiyikāya pana pakkantāya vā vibbhantāya vā kālaṅkatāya vā pakkhasaṅkantāya vā āpadāsu vā gāmantaragamanādīni karontiyā ummattikādīnañca anāpatti. Antarāyena ekatobhāvo, gāmantaragamanādīsu aññataratāpajjanaṃ, āpadāya abhāvoti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana paṇṇattivajjaṃ, ticittaṃ, tivedananti.
згаг̇ааманд̇араг̇аманасигкаабад̣̇аван̣н̣анаа нидтид̇аа.
Ekagāmantaragamanasikkhāpadavaṇṇanā niṭṭhitā.
4. угкид̇д̇агаосааран̣асигкаабад̣̇аван̣н̣анаа
4. Ukkhittakaosāraṇasikkhāpadavaṇṇanā
жад̇уд̇т̇з угкид̇д̇анд̇и аабад̇д̇ияаа ад̣̇ассанаад̣̇ийсу угкид̇д̇ам̣. анан̃н̃ааяа г̇ан̣асса чанд̣̇анд̇и д̇ассзва гаарагасан̇гхасса чанд̣̇ам̣ аж̇аанид̇ваа. осаарзяяаад̇и осааран̣агаммам̣ гарзяяа. д̇ассаа звам̣ гаронд̇ияаа, г̇ан̣абариязсанз сиймаасаммуд̇ияаа н̃ад̇д̇ияаа жа д̣̇уггадам̣, д̣̇вийхи гаммаваажаахи т̇уллажжаяам̣, гаммаваажаабарияосаанз сан̇гхаад̣̇исзсо.
Catutthe ukkhittanti āpattiyā adassanādīsu ukkhittaṃ. Anaññāya gaṇassachandanti tasseva kārakasaṅghassa chandaṃ ajānitvā. Osāreyyāti osāraṇakammaṃ kareyya. Tassā evaṃ karontiyā, gaṇapariyesane sīmāsammutiyā ñattiyā ca dukkaṭaṃ, dvīhi kammavācāhi thullaccayaṃ, kammavācāpariyosāne saṅghādiseso.
саавад̇т̇ияам̣ т̇уллананд̣̇ам̣ аараб̣бха звам̣ осааран̣авад̇т̇усмим̣ бан̃н̃ад̇д̇ам̣, д̇игасан̇гхаад̣̇исзсам̣, ад̇хаммагаммз д̇игад̣̇уггадам̣, гаарагасан̇гхам̣ ваа аабужчид̇ваа, г̇ан̣асса ваа чанд̣̇ам̣ ж̇аанид̇ваа, вад̇д̇з ваа вад̇д̇анд̇им̣, асанд̇з гаарагасан̇гхз осаарзнд̇ияаа, уммад̇д̇игаад̣̇ийнан̃жа анаабад̇д̇и. д̇хаммагаммзна угкид̇д̇ад̇аа, ан̃н̃ад̇ра анун̃н̃аад̇агааран̣аа осааран̣анд̇и имаанзд̇т̇а д̣̇вз ан̇г̇аани. самудтаанаад̣̇ийни сан̇гхабхзд̣̇асигкаабад̣̇з вуд̇д̇анаяаанзва, ид̣̇ам̣ бана гирияаагирияанд̇и.
Sāvatthiyaṃ thullanandaṃ ārabbha evaṃ osāraṇavatthusmiṃ paññattaṃ, tikasaṅghādisesaṃ, adhammakamme tikadukkaṭaṃ, kārakasaṅghaṃ vā āpucchitvā, gaṇassa vā chandaṃ jānitvā, vatte vā vattantiṃ, asante kārakasaṅghe osārentiyā, ummattikādīnañca anāpatti. Dhammakammena ukkhittatā, aññatra anuññātakāraṇā osāraṇanti imānettha dve aṅgāni. Samuṭṭhānādīni saṅghabhedasikkhāpade vuttanayāneva, idaṃ pana kiriyākiriyanti.
угкид̇д̇агаосааран̣асигкаабад̣̇аван̣н̣анаа нидтид̇аа.
Ukkhittakaosāraṇasikkhāpadavaṇṇanā niṭṭhitā.
5. бхож̇анаббадиг̇г̇ахан̣абатамасигкаабад̣̇аван̣н̣анаа
5. Bhojanappaṭiggahaṇapaṭhamasikkhāpadavaṇṇanā
бан̃жамз авассуд̇аад̇и чанд̣̇арааг̇зна д̇инд̇аа. авассуд̇ассаад̇и д̇аад̣̇исассзва. каад̣̇зяяа ваа бхун̃ж̇зяяа ваад̇и зд̇т̇а бадиг̇г̇ахан̣з т̇уллажжаяам̣, аж̇жхохаарз аж̇жхохаарз сан̇гхаад̣̇исзсо.
Pañcame avassutāti chandarāgena tintā. Avassutassāti tādisasseva. Khādeyya vā bhuñjeyya vāti ettha paṭiggahaṇe thullaccayaṃ, ajjhohāre ajjhohāre saṅghādiseso.
саавад̇т̇ияам̣ сунд̣̇арийнанд̣̇ам̣ аараб̣бха авассуд̇ааяа авассуд̇асса хад̇т̇ад̇о аамисаббадиг̇г̇ахан̣авад̇т̇усмим̣ бан̃н̃ад̇д̇ам̣, згад̇оавассуд̇з бадиг̇г̇ахан̣з д̣̇уггадам̣, аж̇жхохаарз аж̇жхохаарз т̇уллажжаяам̣, яагкабзд̇абан̣д̣агад̇иражчаанаг̇ад̇амануссавиг̇г̇ахаанам̣ хад̇т̇ад̇о убхад̇оавассуд̇зби сад̇и зсзва наяо. д̇ад̇т̇а бана згад̇оавассуд̇з сад̇и д̣̇уггадам̣, саб̣б̣ад̇т̇а уд̣̇агад̣̇анд̇абонаг̇г̇ахан̣зби барибхог̇зби д̣̇уггадамзва. убхосу анавассуд̇зсу, ‘‘анавассуд̇о’’д̇и ваа н̃ад̇ваа г̇ан̣ханд̇ияаа, уммад̇д̇игаад̣̇ийнан̃жа анаабад̇д̇и. уд̣̇агад̣̇анд̇абонад̇о ан̃н̃ам̣ аж̇жхохаран̣ийяам̣, убхад̇оавассуд̇ад̇аа, сахад̇т̇аа г̇ахан̣ам̣, аж̇жхохаран̣анд̇и имаанзд̇т̇а жад̇д̇аари ан̇г̇аани. самудтаанаад̣̇ийни батамабаарааж̇игасад̣̇исаанийд̇и.
Sāvatthiyaṃ sundarīnandaṃ ārabbha avassutāya avassutassa hatthato āmisappaṭiggahaṇavatthusmiṃ paññattaṃ, ekatoavassute paṭiggahaṇe dukkaṭaṃ, ajjhohāre ajjhohāre thullaccayaṃ, yakkhapetapaṇḍakatiracchānagatamanussaviggahānaṃ hatthato ubhatoavassutepi sati eseva nayo. Tattha pana ekatoavassute sati dukkaṭaṃ, sabbattha udakadantaponaggahaṇepi paribhogepi dukkaṭameva. Ubhosu anavassutesu, ‘‘anavassuto’’ti vā ñatvā gaṇhantiyā, ummattikādīnañca anāpatti. Udakadantaponato aññaṃ ajjhoharaṇīyaṃ, ubhatoavassutatā, sahatthā gahaṇaṃ, ajjhoharaṇanti imānettha cattāri aṅgāni. Samuṭṭhānādīni paṭhamapārājikasadisānīti.
бхож̇анаббадиг̇г̇ахан̣абатамасигкаабад̣̇аван̣н̣анаа нидтид̇аа.
Bhojanappaṭiggahaṇapaṭhamasikkhāpadavaṇṇanā niṭṭhitā.
6. бхож̇анаббадиг̇г̇ахан̣ад̣̇уд̇ияасигкаабад̣̇аван̣н̣анаа
6. Bhojanappaṭiggahaṇadutiyasikkhāpadavaṇṇanā
чадтз яад̇о д̇ванд̇и яасмаа д̇вам̣. ин̇гхаад̇и уяяож̇анад̇т̇з нибаад̇о. аяамбийд̇и яаа звам̣ уяяож̇зд̇и, саа звам̣ уяяож̇анзна жа д̇зна важанзна ид̇ариссаа бадиг̇г̇ахан̣зна жа д̣̇уггадаани, аж̇жхохаараг̇ан̣анааяа т̇уллажжаяаани жа аабаж̇ж̇ид̇ваа бхож̇анабарияосаанз сан̇гхаад̣̇исзсам̣ аабаж̇ж̇ад̇и.
Chaṭṭhe yato tvanti yasmā tvaṃ. Iṅghāti uyyojanatthe nipāto. Ayampīti yā evaṃ uyyojeti, sā evaṃ uyyojanena ca tena vacanena itarissā paṭiggahaṇena ca dukkaṭāni, ajjhohāragaṇanāya thullaccayāni ca āpajjitvā bhojanapariyosāne saṅghādisesaṃ āpajjati.
саавад̇т̇ияам̣ ан̃н̃ад̇арам̣ бхигкуним̣ аараб̣бха звам̣ уяяож̇анавад̇т̇усмим̣ бан̃н̃ад̇д̇ам̣, саан̣ад̇д̇игамзва, бурисасса ваа яагкаад̣̇ийнам̣ ваа хад̇т̇ад̇о уд̣̇агад̣̇анд̇абонаббадиг̇г̇ахан̣уяяож̇анз жа д̇зсам̣ барибхог̇з жа д̣̇уггадам̣, зса наяо яагкаад̣̇ийнам̣ хад̇т̇ад̇о авасзсаг̇г̇ахан̣ад̇т̇ам̣ уяяож̇анз, д̇зсам̣ г̇ахан̣з, аж̇жхохаарз жа. бхож̇анабарияосаанз бана т̇уллажжаяам̣. ‘‘анавассуд̇о’’д̇и н̃ад̇ваа ваа, ‘‘губид̇аа на бадиг̇г̇ан̣хад̇ий’’д̇и ваа, ‘‘гулаануд̣̇д̣̇аяад̇ааяа на бадиг̇г̇ан̣хад̇ий’’д̇и ваа уяяож̇знд̇ияаа, уммад̇д̇игаад̣̇ийнан̃жа анаабад̇д̇и. мануссабурисад̇аа, ан̃н̃ад̇ра анун̃н̃аад̇агааран̣аа, ‘‘каад̣̇анийяам̣ бхож̇анийяам̣ г̇ахзд̇ваа бхун̃ж̇аа’’д̇и уяяож̇анаа, д̇зна важанзна г̇ахзд̇ваа ид̇ариссаа бхож̇анабарияосаананд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанийд̇и.
Sāvatthiyaṃ aññataraṃ bhikkhuniṃ ārabbha evaṃ uyyojanavatthusmiṃ paññattaṃ, sāṇattikameva, purisassa vā yakkhādīnaṃ vā hatthato udakadantaponappaṭiggahaṇuyyojane ca tesaṃ paribhoge ca dukkaṭaṃ, esa nayo yakkhādīnaṃ hatthato avasesaggahaṇatthaṃ uyyojane, tesaṃ gahaṇe, ajjhohāre ca. Bhojanapariyosāne pana thullaccayaṃ. ‘‘Anavassuto’’ti ñatvā vā, ‘‘kupitā na paṭiggaṇhatī’’ti vā, ‘‘kulānuddayatāya na paṭiggaṇhatī’’ti vā uyyojentiyā, ummattikādīnañca anāpatti. Manussapurisatā, aññatra anuññātakāraṇā, ‘‘khādanīyaṃ bhojanīyaṃ gahetvā bhuñjā’’ti uyyojanā, tena vacanena gahetvā itarissā bhojanapariyosānanti imānettha tīṇi aṅgāni. Samuṭṭhānādīni adinnādānasadisānīti.
бхож̇анаббадиг̇г̇ахан̣ад̣̇уд̇ияасигкаабад̣̇аван̣н̣анаа нидтид̇аа.
Bhojanappaṭiggahaṇadutiyasikkhāpadavaṇṇanā niṭṭhitā.
7-8-9. сан̃жарид̇д̇аад̣̇исигкаабад̣̇аван̣н̣анаа
7-8-9. Sañcarittādisikkhāpadavaṇṇanā
сад̇д̇амаадтаманавамасигкаабад̣̇аанам̣ сан̃жарид̇д̇аад̣̇ид̇д̇аяз вуд̇д̇анаязнзва винижчаяо взд̣̇ид̇аб̣б̣о.
Sattamaaṭṭhamanavamasikkhāpadānaṃ sañcarittādittaye vuttanayeneva vinicchayo veditabbo.
сан̃жарид̇д̇аад̣̇исигкаабад̣̇аван̣н̣анаа нидтид̇аа.
Sañcarittādisikkhāpadavaṇṇanā niṭṭhitā.
10. сигкам̣бажжаажигкан̣асигкаабад̣̇аван̣н̣анаа
10. Sikkhaṃpaccācikkhaṇasikkhāpadavaṇṇanā
д̣̇асамз гим̣нумаава саман̣ияод̇и гим̣ну имаа зва саман̣ияо. д̇аасааханд̇и д̇аасам̣ ахам̣. яаавад̇ад̇ияагабад̣̇ад̇т̇о бхигкубаад̇имогкаван̣н̣анааяам̣ (ган̇каа. адта. ниг̇аманаван̣н̣анаа), авасзсавинижчаяо жа д̇ад̇т̇зва сан̇гхабхзд̣̇асигкаабад̣̇аван̣н̣анааяам̣ вуд̇д̇анаязнзва взд̣̇ид̇аб̣б̣о, ид̣̇ам̣ бана саавад̇т̇ияам̣ жан̣д̣агаал̣ибхигкуним̣ (баажи. 709) аараб̣бха ‘‘б̣уд̣̇д̇хам̣ бажжаажигкаамий’’д̇иаад̣̇иважанавад̇т̇усмим̣ бан̃н̃ад̇д̇ам̣, звам̣ важанамзва жзд̇т̇а жад̇уусу ан̇г̇зсу батамам̣ ан̇г̇анд̇и аяам̣ висзсо, сзсам̣ д̇аад̣̇исамзваад̇и.
Dasame kiṃnumāva samaṇiyoti kiṃnu imā eva samaṇiyo. Tāsāhanti tāsaṃ ahaṃ. Yāvatatiyakapadattho bhikkhupātimokkhavaṇṇanāyaṃ (kaṅkhā. aṭṭha. nigamanavaṇṇanā), avasesavinicchayo ca tattheva saṅghabhedasikkhāpadavaṇṇanāyaṃ vuttanayeneva veditabbo, idaṃ pana sāvatthiyaṃ caṇḍakāḷibhikkhuniṃ (pāci. 709) ārabbha ‘‘buddhaṃ paccācikkhāmī’’tiādivacanavatthusmiṃ paññattaṃ, evaṃ vacanameva cettha catūsu aṅgesu paṭhamaṃ aṅganti ayaṃ viseso, sesaṃ tādisamevāti.
сигкам̣бажжаажигкан̣асигкаабад̣̇аван̣н̣анаа нидтид̇аа.
Sikkhaṃpaccācikkhaṇasikkhāpadavaṇṇanā niṭṭhitā.
11. ад̇хигаран̣агубид̇асигкаабад̣̇аван̣н̣анаа
11. Adhikaraṇakupitasikkhāpadavaṇṇanā
згаад̣̇асамз гисмин̃жид̣̇зва ад̇хигаран̣зд̇и жад̇уннам̣ ан̃н̃ад̇арасмим̣. бажжаагад̇аад̇и барааж̇ид̇аа. ид̣̇амби саавад̇т̇ияам̣ жан̣д̣агаал̣им̣ аараб̣бха ‘‘чанд̣̇аг̇ааминияо жа бхигкунияо’’д̇иаад̣̇иважанавад̇т̇усмим̣ бан̃н̃ад̇д̇ам̣, сзсам̣ д̣̇асамз вуд̇д̇анаязнзва взд̣̇ид̇аб̣б̣анд̇и.
Ekādasame kismiñcideva adhikaraṇeti catunnaṃ aññatarasmiṃ. Paccākatāti parājitā. Idampi sāvatthiyaṃ caṇḍakāḷiṃ ārabbha ‘‘chandagāminiyo ca bhikkhuniyo’’tiādivacanavatthusmiṃ paññattaṃ, sesaṃ dasame vuttanayeneva veditabbanti.
ад̇хигаран̣агубид̇асигкаабад̣̇аван̣н̣анаа нидтид̇аа.
Adhikaraṇakupitasikkhāpadavaṇṇanā niṭṭhitā.
12. баабасамаажаарабатамасигкаабад̣̇аван̣н̣анаа
12. Pāpasamācārapaṭhamasikkhāpadavaṇṇanā
д̣̇ваад̣̇асамз сам̣садтаад̇и баб̣б̣аж̇ид̇аанам̣ анануломзна г̇ихийнам̣ годданабажанасаасанахаран̣аад̣̇инаа гааяигаваажасигзна миссийбхууд̇аа. баабо гааяигаваажасиго аажааро зд̇аасанд̇и баабаажаараа. баабо гид̇д̇исад̣̇д̣̇о зд̇аасанд̇и баабасад̣̇д̣̇аа. баабо ааж̇ийвасан̇каад̇о силого зд̇аасанд̇и баабасилогаа . бхигкунисан̇гхасса вихзсигаад̇и ан̃н̃аман̃н̃иссаа гаммз гарияамаанз бадиггосанзна вихзсигаа. важ̇ж̇аббадижчаад̣̇игаад̇и куд̣̇д̣̇аанукуд̣̇д̣̇агасса важ̇ж̇асса бадижчаад̣̇игаа.
Dvādasame saṃsaṭṭhāti pabbajitānaṃ ananulomena gihīnaṃ koṭṭanapacanasāsanaharaṇādinā kāyikavācasikena missībhūtā. Pāpo kāyikavācasiko ācāro etāsanti pāpācārā. Pāpo kittisaddo etāsanti pāpasaddā. Pāpo ājīvasaṅkhāto siloko etāsanti pāpasilokā. Bhikkhunisaṅghassa vihesikāti aññamaññissā kamme kariyamāne paṭikkosanena vihesikā. Vajjappaṭicchādikāti khuddānukhuddakassa vajjassa paṭicchādikā.
саавад̇т̇ияам̣ самб̣ахулаа бхигкунияо аараб̣бха сам̣садтавихааравад̇т̇усмим̣ бан̃н̃ад̇д̇ам̣, сзсамзд̇т̇ааби д̣̇асамз вуд̇д̇анаязнзва взд̣̇ид̇аб̣б̣ам̣, саманубхаасанагаммагаалз бана д̣̇взд̇иссо згад̇о саманубхаасид̇аб̣б̣аад̇и.
Sāvatthiyaṃ sambahulā bhikkhuniyo ārabbha saṃsaṭṭhavihāravatthusmiṃ paññattaṃ, sesametthāpi dasame vuttanayeneva veditabbaṃ, samanubhāsanakammakāle pana dvetisso ekato samanubhāsitabbāti.
баабасамаажаарабатамасигкаабад̣̇аван̣н̣анаа нидтид̇аа.
Pāpasamācārapaṭhamasikkhāpadavaṇṇanā niṭṭhitā.
13. баабасамаажаарад̣̇уд̇ияасигкаабад̣̇аван̣н̣анаа
13. Pāpasamācāradutiyasikkhāpadavaṇṇanā
д̇зрасамз звам̣ вад̣̇зяяаад̇и д̇аа саманубхадтаа бхигкунияо звам̣ вад̣̇зяяа. зваажаараад̇и звам̣аажаараа, яаад̣̇исо д̇умхаагам̣ аажааро, д̇аад̣̇исо аажаарод̇и ад̇т̇о, зса наяо саб̣б̣ад̇т̇а. ун̃н̃ааяаад̇и аван̃н̃ааяа нийжам̣ гад̇ваа ж̇аананааяа. барибхавзнаад̇и ‘‘гим̣ имаа гариссанд̇ий’’д̇и звам̣ барибхавид̇ваа ж̇аананзна. агканд̇ияаад̇и асаханад̇ааяа, год̇хзнаад̇и ад̇т̇о. взбхассияаад̇и б̣алаванд̇асса бхаавзна, ад̇д̇ано б̣алаббагаасанзна самуд̇раасзнаад̇и ад̇т̇о. д̣̇уб̣б̣аляаад̇и д̇умхаагам̣ д̣̇уб̣б̣алабхаавзна, саб̣б̣ад̇т̇а ун̃н̃ааяа жа барибхавзна жаад̇и звам̣ самужжаяад̇т̇о д̣̇адтаб̣б̣о. вивижжат̇аад̇и наанаа хот̇а, анануломигам̣ гааяигаваажасигасам̣саг̇г̇ам̣ баж̇ахат̇аад̇и ад̇т̇о.
Terasame evaṃ vadeyyāti tā samanubhaṭṭhā bhikkhuniyo evaṃ vadeyya. Evācārāti evaṃācārā, yādiso tumhākaṃ ācāro, tādiso ācāroti attho, esa nayo sabbattha. Uññāyāti avaññāya nīcaṃ katvā jānanāya. Paribhavenāti ‘‘kiṃ imā karissantī’’ti evaṃ paribhavitvā jānanena. Akkhantiyāti asahanatāya, kodhenāti attho. Vebhassiyāti balavantassa bhāvena, attano balappakāsanena samutrāsenāti attho. Dubbalyāti tumhākaṃ dubbalabhāvena, sabbattha uññāya ca paribhavena cāti evaṃ samuccayattho daṭṭhabbo. Viviccathāti nānā hotha, ananulomikaṃ kāyikavācasikasaṃsaggaṃ pajahathāti attho.
саавад̇т̇ияам̣ т̇уллананд̣̇ам̣ аараб̣бха ‘‘сам̣садтаава, аяяз, д̇умхз вихарат̇а, маа д̇умхз наанаа вихарид̇т̇аа’’д̇и уяяож̇анавад̇т̇усмим̣ бан̃н̃ад̇д̇ам̣, сзсамзд̇т̇ааби д̣̇асамз вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ thullanandaṃ ārabbha ‘‘saṃsaṭṭhāva, ayye, tumhe viharatha, mā tumhe nānā viharitthā’’ti uyyojanavatthusmiṃ paññattaṃ, sesametthāpi dasame vuttanayeneva veditabbanti.
баабасамаажаарад̣̇уд̇ияасигкаабад̣̇аван̣н̣анаа нидтид̇аа.
Pāpasamācāradutiyasikkhāpadavaṇṇanā niṭṭhitā.
14. сан̇гхабхзд̣̇агаад̣̇исигкаабад̣̇аван̣н̣анаа
14. Saṅghabhedakādisikkhāpadavaṇṇanā
сан̇гхабхзд̣̇аад̣̇ийсу жад̇уусу вуд̇д̇анаязнзва винижчаяо взд̣̇ид̇аб̣б̣о. гзвалан̃хи бхигкуний сан̇гхам̣ на бхинд̣̇ад̇и, бхзд̣̇ааяа бана бараггамад̇и жзва анувад̇д̇ад̇и жа. уд̣̇д̣̇идтаа ко аяяааяо сад̇д̇араса сан̇гхаад̣̇исзсаа д̇хаммаад̇и бхигкуу аараб̣бха бан̃н̃ад̇д̇аа саад̇хааран̣аа сад̇д̇а, асаад̇хааран̣аа д̣̇асаад̇и звам̣ сад̇д̇араса. убхад̇осан̇гхз багкамаанад̇д̇ам̣ жарид̇аб̣б̣анд̇и бхигкунияаа хи аабад̇д̇им̣ чаад̣̇знд̇ияааби бариваасо наама над̇т̇и, чаад̣̇анабажжаяааби на д̣̇уггадам̣ аабаж̇ж̇ад̇и, д̇асмаа чаад̣̇зд̇вааби ачаад̣̇зд̇вааби згам̣ багкамаанад̇д̇амзва жарид̇аб̣б̣ам̣. д̇ам̣ бхигкунийхи ад̇д̇ано сиймам̣ сод̇хзд̇ваа вихаарасиймааяа ваа, сод̇хзд̇ум̣ асаггонд̇ийхи кан̣д̣асиймааяа ваа саб̣б̣анд̇имзна барижчзд̣̇зна жад̇уваг̇г̇ам̣ г̇ан̣ам̣ саннибаад̇аабзд̇ваа д̣̇аад̇аб̣б̣ам̣. сажз згаа аабад̇д̇и ход̇и, згиссаа васзна, сажз д̣̇вз ваа д̇иссо ваа самб̣ахулаа ваа згавад̇т̇угаа ваа наанаавад̇т̇угаа ваа, д̇аасам̣ д̇аасам̣ васзна бхигкубаад̇имогкаван̣н̣анааяам̣ вуд̇д̇авад̇т̇уг̇од̇д̇анаамааабад̇д̇ибхзд̣̇зсу яам̣ яам̣ ижчад̇и, д̇ам̣ д̇ам̣ аад̣̇ааяа яож̇анаа гаад̇аб̣б̣аа.
Saṅghabhedādīsu catūsu vuttanayeneva vinicchayo veditabbo. Kevalañhi bhikkhunī saṅghaṃ na bhindati, bhedāya pana parakkamati ceva anuvattati ca. Uddiṭṭhā kho ayyāyo sattarasa saṅghādisesā dhammāti bhikkhū ārabbha paññattā sādhāraṇā satta, asādhāraṇā dasāti evaṃ sattarasa. Ubhatosaṅghe pakkhamānattaṃ caritabbanti bhikkhuniyā hi āpattiṃ chādentiyāpi parivāso nāma natthi, chādanapaccayāpi na dukkaṭaṃ āpajjati, tasmā chādetvāpi achādetvāpi ekaṃ pakkhamānattameva caritabbaṃ. Taṃ bhikkhunīhi attano sīmaṃ sodhetvā vihārasīmāya vā, sodhetuṃ asakkontīhi khaṇḍasīmāya vā sabbantimena paricchedena catuvaggaṃ gaṇaṃ sannipātāpetvā dātabbaṃ. Sace ekā āpatti hoti, ekissā vasena, sace dve vā tisso vā sambahulā vā ekavatthukā vā nānāvatthukā vā, tāsaṃ tāsaṃ vasena bhikkhupātimokkhavaṇṇanāyaṃ vuttavatthugottanāmaāpattibhedesu yaṃ yaṃ icchati, taṃ taṃ ādāya yojanā kātabbā.
д̇ад̇рид̣̇ам̣ батамаабад̇д̇ивасзна мукамад̇д̇анид̣̇ассанам̣ – д̇ааяа аабаннааяа бхигкунияаа бхигкунисан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкунийнам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамассаважанийяо ‘‘ахам̣, аяяз, згам̣ аабад̇д̇им̣ аабаж̇ж̇им̣ уссаяаваад̣̇ам̣, саахам̣, аяяз, сан̇гхам̣ згиссаа аабад̇д̇ияаа уссаяаваад̣̇ааяа багкамаанад̇д̇ам̣ яаажаамий’’д̇и, звам̣ д̇игкад̇д̇ум̣ яаажаабзд̇ваа б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
Tatridaṃ paṭhamāpattivasena mukhamattanidassanaṃ – tāya āpannāya bhikkhuniyā bhikkhunisaṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhunīnaṃ pāde vanditvā ukkuṭikaṃ nisīditvā añjaliṃ paggahetvā evamassavacanīyo ‘‘ahaṃ, ayye, ekaṃ āpattiṃ āpajjiṃ ussayavādaṃ, sāhaṃ, ayye, saṅghaṃ ekissā āpattiyā ussayavādāya pakkhamānattaṃ yācāmī’’ti, evaṃ tikkhattuṃ yācāpetvā byattāya bhikkhuniyā paṭibalāya saṅgho ñāpetabbo –
‘‘сун̣аад̇у мз, аяяз, сан̇гхо, аяам̣ ид̇т̇аннаамаа бхигкуний згам̣ аабад̇д̇им̣ аабаж̇ж̇им̣ уссаяаваад̣̇ам̣, саа сан̇гхам̣ згиссаа аабад̇д̇ияаа уссаяаваад̣̇ааяа багкамаанад̇д̇ам̣ яаажад̇и, яад̣̇и сан̇гхасса бад̇д̇агаллам̣, сан̇гхо ид̇т̇аннаамааяа бхигкунияаа згиссаа аабад̇д̇ияаа уссаяаваад̣̇ааяа багкамаанад̇д̇ам̣ д̣̇ад̣̇зяяа, зсаа н̃ад̇д̇и.
‘‘Suṇātu me, ayye, saṅgho, ayaṃ itthannāmā bhikkhunī ekaṃ āpattiṃ āpajjiṃ ussayavādaṃ, sā saṅghaṃ ekissā āpattiyā ussayavādāya pakkhamānattaṃ yācati, yadi saṅghassa pattakallaṃ, saṅgho itthannāmāya bhikkhuniyā ekissā āpattiyā ussayavādāya pakkhamānattaṃ dadeyya, esā ñatti.
‘‘сун̣аад̇у мз, аяяз, сан̇гхо, аяам̣ ид̇т̇аннаамаа бхигкуний…бз… д̣̇уд̇ияамби…бз… д̇ад̇ияамби зд̇амад̇т̇ам̣ вад̣̇аами, сун̣аад̇у мз, аяяз, сан̇гхо…бз… саа бхаасзяяа. д̣̇иннам̣ сан̇гхзна ид̇т̇аннаамааяа бхигкунияаа згиссаа аабад̇д̇ияаа уссаяаваад̣̇ааяа багкамаанад̇д̇ам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Suṇātu me, ayye, saṅgho, ayaṃ itthannāmā bhikkhunī…pe… dutiyampi…pe… tatiyampi etamatthaṃ vadāmi, suṇātu me, ayye, saṅgho…pe… sā bhāseyya. Dinnaṃ saṅghena itthannāmāya bhikkhuniyā ekissā āpattiyā ussayavādāya pakkhamānattaṃ. Khamati saṅghassa, tasmā tuṇhī, evametaṃ dhārayāmī’’ti.
гаммаваажаабарияосаанз ‘‘вад̇д̇ам̣ самаад̣̇ияаами, маанад̇д̇ам̣ самаад̣̇ияаамий’’д̇и самаад̣̇ияид̇ваа сан̇гхасса аарожзд̇ваа нигкид̇д̇авад̇д̇зна д̇аава васид̇угаамааяа д̇ад̇т̇зва сан̇гхамаж̇жхз ваа багганд̇аасу бхигкунийсу згабхигкунияаа ваа д̣̇уд̇ияигааяа ваа санд̇игз ‘‘вад̇д̇ам̣ нигкибаами, маанад̇д̇ам̣ нигкибаамий’’д̇и нигкибид̇аб̣б̣ам̣. ан̃н̃иссаа бана ааг̇анд̇угааяа санд̇игз аарожзд̇ваа нигкибид̇аб̣б̣ам̣, нигкид̇д̇агаалад̇о бадтааяа багад̇ад̇д̇адтаанз д̇идтад̇и, д̇ад̇о бурзарун̣зязва жад̇уухи бхигкунийхи д̇ам̣ бхигкуним̣ г̇ахзд̇ваа г̇аамуубажаарад̇о жа бхигкуунам̣ вихааруубажаарад̇о жа д̣̇вз лзд̣д̣убаад̇з ад̇иггамид̇ваа махаамаг̇г̇аа оггамма г̇умб̣авад̇иаад̣̇ийхи бадижчаннз огаасз нисийд̣̇ид̇аб̣б̣ам̣. жад̇уухи бхигкуухиби д̇ад̇т̇а г̇анд̇аб̣б̣ам̣, г̇анд̇ваа бхигкунийнам̣ авид̣̇уурз висум̣ нисийд̣̇ид̇аб̣б̣ам̣. ат̇а д̇ааяа бхигкунияаа вуд̇д̇анаязнзва вад̇д̇ам̣ самаад̣̇ияид̇ваа бхигкунисан̇гхасса д̇аава звам̣ аарожзд̇аб̣б̣ам̣ –
Kammavācāpariyosāne ‘‘vattaṃ samādiyāmi, mānattaṃ samādiyāmī’’ti samādiyitvā saṅghassa ārocetvā nikkhittavattena tāva vasitukāmāya tattheva saṅghamajjhe vā pakkantāsu bhikkhunīsu ekabhikkhuniyā vā dutiyikāya vā santike ‘‘vattaṃ nikkhipāmi, mānattaṃ nikkhipāmī’’ti nikkhipitabbaṃ. Aññissā pana āgantukāya santike ārocetvā nikkhipitabbaṃ, nikkhittakālato paṭṭhāya pakatattaṭṭhāne tiṭṭhati, tato purearuṇeyeva catūhi bhikkhunīhi taṃ bhikkhuniṃ gahetvā gāmūpacārato ca bhikkhūnaṃ vihārūpacārato ca dve leḍḍupāte atikkamitvā mahāmaggā okkamma gumbavatiādīhi paṭicchanne okāse nisīditabbaṃ. Catūhi bhikkhūhipi tattha gantabbaṃ, gantvā bhikkhunīnaṃ avidūre visuṃ nisīditabbaṃ. Atha tāya bhikkhuniyā vuttanayeneva vattaṃ samādiyitvā bhikkhunisaṅghassa tāva evaṃ ārocetabbaṃ –
‘‘ахам̣, аяяз, згам̣ аабад̇д̇им̣ аабаж̇ж̇им̣ уссаяаваад̣̇ам̣, саахам̣ сан̇гхам̣ згиссаа аабад̇д̇ияаа уссаяаваад̣̇ааяа багкамаанад̇д̇ам̣ яаажим̣, д̇ассаа мз сан̇гхо згиссаа аабад̇д̇ияаа уссаяаваад̣̇ааяа багкамаанад̇д̇ам̣ ад̣̇ааси, саахам̣ маанад̇д̇ам̣ жараами, взд̣̇аяаамахам̣, аяяз, ‘взд̣̇аяад̇ий’д̇и мам̣ сан̇гхо д̇хаарзд̇уу’’д̇и.
‘‘Ahaṃ, ayye, ekaṃ āpattiṃ āpajjiṃ ussayavādaṃ, sāhaṃ saṅghaṃ ekissā āpattiyā ussayavādāya pakkhamānattaṃ yāciṃ, tassā me saṅgho ekissā āpattiyā ussayavādāya pakkhamānattaṃ adāsi, sāhaṃ mānattaṃ carāmi, vedayāmahaṃ, ayye, ‘vedayatī’ti maṃ saṅgho dhāretū’’ti.
д̇ад̇о бхигкусан̇гхасса санд̇игам̣ г̇анд̇ваа звам̣ аарожзд̇аб̣б̣ам̣ ‘‘ахам̣, аяяаа, згам̣ аабад̇д̇им̣ аабаж̇ж̇им̣…бз… взд̣̇аяаамахам̣, аяяаа, ‘взд̣̇аяад̇ий’д̇и мам̣ сан̇гхо д̇хаарзд̇уу’’д̇и. аарожзд̇ваа бхигкунисан̇гхассзва санд̇игз нисийд̣̇ид̇аб̣б̣ам̣, д̇ад̇о бадтааяа бхигкуусу ваа, д̣̇уд̇ияигам̣ табзд̇ваа бхигкунийсу ваа багганд̇аасуби убхад̇осан̇гхз маанад̇д̇ам̣ жин̣н̣амзва ход̇и. яаава арун̣ам̣ на удтахад̇и, д̇аава яам̣ батамам̣ бассад̇и бхигкум̣ ваа бхигкуним̣ ваа, д̇ассаа аарожзд̇аб̣б̣ам̣. удтид̇з арун̣з вад̇д̇ам̣ нигкибид̇ваа убассаяам̣ г̇анд̇аб̣б̣ам̣, звам̣ бан̃жад̣̇аса арун̣аа г̇ахзд̇аб̣б̣аа.
Tato bhikkhusaṅghassa santikaṃ gantvā evaṃ ārocetabbaṃ ‘‘ahaṃ, ayyā, ekaṃ āpattiṃ āpajjiṃ…pe… vedayāmahaṃ, ayyā, ‘vedayatī’ti maṃ saṅgho dhāretū’’ti. Ārocetvā bhikkhunisaṅghasseva santike nisīditabbaṃ, tato paṭṭhāya bhikkhūsu vā, dutiyikaṃ ṭhapetvā bhikkhunīsu vā pakkantāsupi ubhatosaṅghe mānattaṃ ciṇṇameva hoti. Yāva aruṇaṃ na uṭṭhahati, tāva yaṃ paṭhamaṃ passati bhikkhuṃ vā bhikkhuniṃ vā, tassā ārocetabbaṃ. Uṭṭhite aruṇe vattaṃ nikkhipitvā upassayaṃ gantabbaṃ, evaṃ pañcadasa aruṇā gahetabbā.
анигкид̇д̇авад̇д̇ааяа бана ааг̇анд̇угзсу асад̇и жад̇уннам̣ бхигкуунан̃жа бхигкунийнан̃жа д̣̇звасигам̣ аарожзд̇ваа, ааг̇анд̇угзсу сад̇и саб̣б̣зсамби ааг̇анд̇угаанам̣ аарожзнд̇ияаа бан̃жад̣̇аса д̣̇ивасаани баариваасигагканд̇хагз (жуул̣ава. 75 аад̣̇аяо) вуд̇д̇анаязнзва саммаа вад̇д̇ид̇аб̣б̣анд̇и аяамзд̇т̇а сан̇кзбо, вид̇т̇ааро бана саманд̇абаасаад̣̇игааяам̣ (жуул̣ава. адта. 75 аад̣̇аяо) вуд̇д̇о, жин̣н̣амаанад̇д̇ааяа бхигкунияаад̇и яад̣̇аа звам̣ жин̣н̣амаанад̇д̇аа бхигкуний ход̇и, ат̇ассаа яад̇т̇а сияаа вийсад̇иг̇ан̣о бхигкунисан̇гход̇и вуд̇д̇анаязнзва аб̣бхаанагаммам̣ гаад̇аб̣б̣ам̣, сзсам̣ уд̇д̇аанамзваад̇и.
Anikkhittavattāya pana āgantukesu asati catunnaṃ bhikkhūnañca bhikkhunīnañca devasikaṃ ārocetvā, āgantukesu sati sabbesampi āgantukānaṃ ārocentiyā pañcadasa divasāni pārivāsikakkhandhake (cūḷava. 75 ādayo) vuttanayeneva sammā vattitabbanti ayamettha saṅkhepo, vitthāro pana samantapāsādikāyaṃ (cūḷava. aṭṭha. 75 ādayo) vutto, ciṇṇamānattāya bhikkhuniyāti yadā evaṃ ciṇṇamānattā bhikkhunī hoti, athassā yattha siyā vīsatigaṇo bhikkhunisaṅghoti vuttanayeneva abbhānakammaṃ kātabbaṃ, sesaṃ uttānamevāti.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
бхигкунибаад̇имогкз
Bhikkhunipātimokkhe
сан̇гхаад̣̇исзсаван̣н̣анаа нидтид̇аа.
Saṅghādisesavaṇṇanā niṭṭhitā.
