| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
сан̇гхаад̣̇исзсагат̇ааван̣н̣анаа
Saṅghādisesakathāvaṇṇanā
2011. звам̣ бхигкунивибхан̇г̇з ааг̇ад̇ам̣ баарааж̇игавинижчаяам̣ вад̇ваа ид̣̇аани д̇ад̣̇ананд̇аруд̣̇д̣̇идтам̣ сан̇гхаад̣̇исзсавинижчаяам̣ д̣̇ассзд̇умааха ‘‘яаа бана бхигкуний’’д̇иаад̣̇и. уссаяаваад̣̇аад̇и год̇хуссаяамаануссаяавасзна вивад̣̇амаанаа. д̇ад̇оязва аддам̣ гарод̇и сийлзнаад̇и аддагаарий. зд̇т̇а жа ‘‘аддо’’д̇и вохааригавинижчаяо вужжад̇и, яам̣ баб̣б̣аж̇ид̇аа ‘‘ад̇хигаран̣а’’нд̇иби вад̣̇анд̇и. саб̣б̣ад̇т̇а вад̇д̇аб̣б̣з мукамассаа ад̇т̇ийд̇и мукарий, б̣ахубхаан̣ийд̇и ад̇т̇о. язна гзнажи нарзна сад̣̇д̇хинд̇и ‘‘г̇ахабад̇инаа ваа г̇ахабад̇ибуд̇д̇зна ваа’’д̇иаад̣̇инаа (баажи. 679) д̣̇ассид̇зна язна гзнажи мануссзна сад̣̇д̇хим̣. ид̇хаад̇и имасмим̣ саасанз. гираад̇и бад̣̇абууран̣з, ануссаванз ваа.
2011. Evaṃ bhikkhunivibhaṅge āgataṃ pārājikavinicchayaṃ vatvā idāni tadanantaruddiṭṭhaṃ saṅghādisesavinicchayaṃ dassetumāha ‘‘yā pana bhikkhunī’’tiādi. Ussayavādāti kodhussayamānussayavasena vivadamānā. Tatoyeva aṭṭaṃ karoti sīlenāti aṭṭakārī. Ettha ca ‘‘aṭṭo’’ti vohārikavinicchayo vuccati, yaṃ pabbajitā ‘‘adhikaraṇa’’ntipi vadanti. Sabbattha vattabbe mukhamassā atthīti mukharī, bahubhāṇīti attho. Yena kenaci narena saddhinti ‘‘gahapatinā vā gahapatiputtena vā’’tiādinā (pāci. 679) dassitena yena kenaci manussena saddhiṃ. Idhāti imasmiṃ sāsane. Kirāti padapūraṇe, anussavane vā.
2012. сагким̣ ваад̇и бажжагкад̇о ж̇аананагам̣ ваа. аддам̣ гаад̇ум̣ г̇ажчанд̇ияаа бад̣̇з бад̣̇з д̇ат̇аа д̣̇уггаданд̇и яож̇анаа.
2012.Sakkhiṃvāti paccakkhato jānanakaṃ vā. Aṭṭaṃ kātuṃ gacchantiyā pade pade tathā dukkaṭanti yojanā.
2013. вохааригзд̇и винижчаяаамажжз.
2013.Vohāriketi vinicchayāmacce.
2014. ананд̇аранд̇и д̇асса важанаананд̇арам̣.
2014.Anantaranti tassa vacanānantaraṃ.
2015. ид̇арод̇и аддагаараго. буб̣б̣асад̣̇исова винижчаяод̇и батамаарожанз д̣̇уггадам̣, д̣̇уд̇ияаарожанз т̇уллажжаяанд̇и вуд̇д̇ам̣ ход̇и.
2015.Itaroti aṭṭakārako. Pubbasadisova vinicchayoti paṭhamārocane dukkaṭaṃ, dutiyārocane thullaccayanti vuttaṃ hoti.
2016. ‘‘д̇ава, мамааби жа гат̇ам̣ д̇увамзва аарожзхий’’д̇и ид̇арзна вуд̇д̇аа бхигкунийд̇и яож̇анаа. яат̇аагааманд̇и д̇ассаа жа ад̇д̇ано жа важанз яам̣ батамам̣ вад̇д̇умижчад̇и, д̇ам̣ ижчаануруубам̣ аарожзд̇у.
2016. ‘‘Tava, mamāpi ca kathaṃ tuvameva ārocehī’’ti itarena vuttā bhikkhunīti yojanā. Yathākāmanti tassā ca attano ca vacane yaṃ paṭhamaṃ vattumicchati, taṃ icchānurūpaṃ ārocetu.
2018-9. убхиннамби яат̇аа д̇ат̇аа аарожид̇агат̇ам̣ суд̇ваад̇и яож̇анаа. яат̇аа д̇ат̇аад̇и буб̣б̣з вуд̇д̇анаязна гзнажи багаарзна. д̇зхийд̇и вохааригзхи. аддз бана жа нидтид̇зд̇и аддагаарагзсу згасмим̣ багкз барааж̇ид̇з. яат̇ааха ‘‘барааж̇ид̇з аддагаарагз аддабарияосаанам̣ наама ход̇ий’’д̇и. аддасса барияосаанзд̇и зд̇т̇а ‘‘д̇ассаа’’д̇и сзсо. д̇асса аддасса барияосаанзд̇и яож̇анаа.
2018-9. Ubhinnampi yathā tathā ārocitakathaṃ sutvāti yojanā. Yathā tathāti pubbe vuttanayena kenaci pakārena. Tehīti vohārikehi. Aṭṭe pana ca niṭṭhiteti aṭṭakārakesu ekasmiṃ pakkhe parājite. Yathāha ‘‘parājite aṭṭakārake aṭṭapariyosānaṃ nāma hotī’’ti. Aṭṭassa pariyosāneti ettha ‘‘tassā’’ti seso. Tassa aṭṭassa pariyosāneti yojanā.
2020-23. анаабад̇д̇ивисаяам̣ д̣̇ассзд̇умааха ‘‘д̣̇ууд̇ам̣ ваабий’’д̇иаад̣̇и. бажжад̇т̇игамануссзхи д̣̇ууд̇ам̣ вааби бахин̣ид̇ваа саяамби ваа ааг̇анд̇ваа яаа бана аагад̣дхийяад̇ийд̇и яож̇анаа. ан̃н̃зхийд̇и г̇аамад̣̇аарагаад̣̇ийхи ан̃н̃зхи. гин̃жи барам̣ анод̣̇иссаад̇и яож̇анаа. имиссаа од̣̇исса вуд̇д̇з д̇зхи г̇ахид̇ад̣̇ан̣д̣з д̇ассаа жа г̇ийваад̇и суужид̇ам̣ ход̇и. яаа рагкам̣ яаажад̇и , д̇ад̇т̇а д̇асмим̣ рагкааяаажанз д̇ассаа анаабад̇д̇и багаасид̇аад̇и яож̇анаа. ан̃н̃ад̇о суд̇ваад̇и яож̇анаа. уммад̇д̇игаад̣̇ийнанд̇и зд̇т̇а аад̣̇и-сад̣̇д̣̇зна аад̣̇игаммигаа г̇ахид̇аа.
2020-23. Anāpattivisayaṃ dassetumāha ‘‘dūtaṃ vāpī’’tiādi. Paccatthikamanussehi dūtaṃ vāpi pahiṇitvā sayampi vā āgantvā yā pana ākaḍḍhīyatīti yojanā. Aññehīti gāmadārakādīhi aññehi. Kiñci paraṃ anodissāti yojanā. Imissā odissa vutte tehi gahitadaṇḍe tassā ca gīvāti sūcitaṃ hoti. Yā rakkhaṃ yācati , tattha tasmiṃ rakkhāyācane tassā anāpatti pakāsitāti yojanā. Aññato sutvāti yojanā. Ummattikādīnanti ettha ādi-saddena ādikammikā gahitā.
самудтаанам̣ гат̇инзна д̇уляанд̇и яож̇анаа. сзсам̣ д̣̇ассзд̇умааха ‘‘сагирияам̣ ид̣̇а’’нд̇и. ид̣̇ам̣ сигкаабад̣̇ам̣. гирияааяа саха вад̇д̇ад̇ийд̇и сагирияам̣ аддагаран̣зна аабаж̇ж̇анад̇о. ‘‘самудтаана’’нд̇и иминаа жа самудтаанаад̣̇ивинижчаяо убалагкид̇од̇и д̣̇адтаб̣б̣о.
Samuṭṭhānaṃ kathinena tulyanti yojanā. Sesaṃ dassetumāha ‘‘sakiriyaṃ ida’’nti. Idaṃ sikkhāpadaṃ. Kiriyāya saha vattatīti sakiriyaṃ aṭṭakaraṇena āpajjanato. ‘‘Samuṭṭhāna’’nti iminā ca samuṭṭhānādivinicchayo upalakkhitoti daṭṭhabbo.
аддагааригаагат̇ааван̣н̣анаа.
Aṭṭakārikākathāvaṇṇanā.
2024-5. ж̇аананд̇ийд̇и ‘‘саамам̣ ваа ж̇аанаад̇и, ан̃н̃з ваа д̇ассаа аарожзнд̇ий’’д̇и (баажи. 684) вуд̇д̇анаязна ж̇аананд̇ий. жоринд̇и яааяа бан̃жамаасаг̇гханагад̇о бадтааяа яам̣ гин̃жи барасанд̇агам̣ авахарид̇ам̣, аяам̣ жорий наама. важ̇жхам̣ вид̣̇ид̇анд̇и ‘‘д̇зна гаммзна вад̇хаарахаа аяа’’нд̇и звам̣ вид̣̇ид̇ам̣. сан̇гханд̇и бхигкунисан̇гхам̣. анабалогзд̇ваад̇и анаабужчаа. рааж̇аанам̣ ваад̇и ран̃н̃аа анусаасид̇аб̣б̣адтаанз д̇ам̣ рааж̇аанам̣ ваа. яат̇ааха ‘‘рааж̇аа наама яад̇т̇а рааж̇аа анусаасад̇и, рааж̇аа абалогзд̇аб̣б̣о’’д̇и. г̇ан̣амзва ваад̇и ‘‘д̇умхзва д̇ад̇т̇а анусаасат̇аа’’д̇и рааж̇уухи д̣̇иннам̣ г̇ааманиг̇амамаллаг̇ан̣аад̣̇игам̣ г̇ан̣ам̣ ваа. маллаг̇ан̣ам̣ наама баанийяадтабанабогкаран̣икан̣анаад̣̇ибун̃н̃агамманияуд̇д̇о ж̇анасамуухо. зд̇знзва звамзва д̣̇иннаг̇аамавараа бууг̇аа жа сзнияо жа сан̇г̇ахид̇аа. вудтаабзяяаад̇и убасамбаад̣̇зяяа. габбанд̇и жа вагкамааналагкан̣ам̣ габбам̣. саа жоривудтаабананд̇и самб̣анд̇хо. убаж̇жхааяаа худ̇ваа яаа жорим̣ убасамбаад̣̇зд̇и, саа бхигкунийд̇и ад̇т̇о. убаж̇жхааяасса бхигкусса д̣̇уггадам̣.
2024-5.Jānantīti ‘‘sāmaṃ vā jānāti, aññe vā tassā ārocentī’’ti (pāci. 684) vuttanayena jānantī. Corinti yāya pañcamāsagghanakato paṭṭhāya yaṃ kiñci parasantakaṃ avaharitaṃ, ayaṃ corī nāma. Vajjhaṃ viditanti ‘‘tena kammena vadhārahā aya’’nti evaṃ viditaṃ. Saṅghanti bhikkhunisaṅghaṃ. Anapaloketvāti anāpucchā. Rājānaṃ vāti raññā anusāsitabbaṭṭhāne taṃ rājānaṃ vā. Yathāha ‘‘rājā nāma yattha rājā anusāsati, rājā apaloketabbo’’ti. Gaṇameva vāti ‘‘tumheva tattha anusāsathā’’ti rājūhi dinnaṃ gāmanigamamallagaṇādikaṃ gaṇaṃ vā. Mallagaṇaṃ nāma pānīyaṭṭhapanapokkharaṇikhaṇanādipuññakammaniyutto janasamūho. Eteneva evameva dinnagāmavarā pūgā ca seniyo ca saṅgahitā. Vuṭṭhāpeyyāti upasampādeyya. Kappanti ca vakkhamānalakkhaṇaṃ kappaṃ. Sā corivuṭṭhāpananti sambandho. Upajjhāyā hutvā yā coriṃ upasampādeti, sā bhikkhunīti attho. Upajjhāyassa bhikkhussa dukkaṭaṃ.
2026. бан̃жамаасаг̇гхананд̇и зд̇т̇а бан̃жамаасан̃жа бан̃жамаасаг̇гханаган̃жа бан̃жамаасаг̇гхананд̇и згад̣̇зсасаруубзгасзсанаязна бан̃жамаасассааби г̇ахан̣ам̣. ад̇ирзгаг̇гханам̣ ваабийд̇и зд̇т̇ааби зсзва наяо.
2026.Pañcamāsagghananti ettha pañcamāsañca pañcamāsagghanakañca pañcamāsagghananti ekadesasarūpekasesanayena pañcamāsassāpi gahaṇaṃ. Atirekagghanaṃ vāpīti etthāpi eseva nayo.
2027. баб̣б̣аж̇ид̇ам̣ буб̣б̣ам̣ яааяа саа баб̣б̣аж̇ид̇абуб̣б̣аа. вуд̇д̇аббагаарам̣ жорагаммам̣ гад̇вааби д̇ид̇т̇ааяад̇анаад̣̇ийсу яаа батамам̣ баб̣б̣аж̇ид̇аад̇и ад̇т̇о.
2027. Pabbajitaṃ pubbaṃ yāya sā pabbajitapubbā. Vuttappakāraṃ corakammaṃ katvāpi titthāyatanādīsu yā paṭhamaṃ pabbajitāti attho.
2028-30. ид̣̇аани буб̣б̣абаяог̇ад̣̇уггадаад̣̇иаабад̇д̇ивибхааг̇ам̣ д̣̇ассзд̇умааха ‘‘вудтаабзд̇и жа яаа жори’’нд̇иаад̣̇и. ид̇ха ‘‘убаж̇жхааяаа худ̇ваа’’д̇и сзсо. ид̣̇ам̣ габбам̣ табзд̇ваад̇и яож̇анаа. сиймам̣ самманнад̇и жаад̇и абхинавам̣ сиймам̣ самманнад̇и, б̣анд̇хад̇ийд̇и вуд̇д̇ам̣ ход̇и. ассаад̇и бхавзяяа. ‘‘д̣̇уггада’’нд̇и иминаа жа ‘‘т̇уллажжаяам̣ д̣̇ваяа’’нд̇и иминаа жа яож̇зд̇аб̣б̣ам̣.
2028-30. Idāni pubbapayogadukkaṭādiāpattivibhāgaṃ dassetumāha ‘‘vuṭṭhāpeti ca yā cori’’ntiādi. Idha ‘‘upajjhāyā hutvā’’ti seso. Idaṃ kappaṃ ṭhapetvāti yojanā. Sīmaṃ sammannati cāti abhinavaṃ sīmaṃ sammannati, bandhatīti vuttaṃ hoti. Assāti bhaveyya. ‘‘Dukkaṭa’’nti iminā ca ‘‘thullaccayaṃ dvaya’’nti iminā ca yojetabbaṃ.
гамманд̇зд̇и убасамбад̣̇агаммасса барияосаанз, д̇ад̇ияааяа гаммаваажааяа яяагаараббад̇д̇ааяаад̇и вуд̇д̇ам̣ ход̇и.
Kammanteti upasampadakammassa pariyosāne, tatiyāya kammavācāya yyakārappattāyāti vuttaṃ hoti.
2031. аж̇аананд̇ийд̇и жорим̣ аж̇аананд̇ий. (ид̣̇ам̣ сигкаабад̣̇ам̣.)
2031.Ajānantīti coriṃ ajānantī. (Idaṃ sikkhāpadaṃ.)
2032. жоривудтаабанам̣ наамаад̇и ид̣̇ам̣ сигкаабад̣̇ам̣ жоривудтаабанасамудтаанам̣ наама. ваажажид̇д̇ад̇од̇и кан̣д̣асиймам̣ аг̇анд̇ваа гаронд̇ияаа ваажаажид̇д̇зхи. гааяаваажаад̣̇ид̇о жзваад̇и г̇анд̇ваа гаронд̇ияаа гааяаваажаажид̇д̇ад̇о жа самудтаад̇и. яат̇ааха ‘‘гзнажид̣̇зва гаран̣ийязна багганд̇аасу бхигкунийсу аг̇анд̇ваа кан̣д̣асиймам̣ ваа над̣̇им̣ ваа яат̇аанисиннадтаанзязва ад̇д̇ано ниссид̇агабарисааяа сад̣̇д̇хим̣ вудтаабзнд̇ияаа ваажаажид̇д̇ад̇о самудтаад̇и, кан̣д̣асиймам̣ ваа над̣̇им̣ ваа г̇анд̇ваа вудтаабзнд̇ияаа гааяаваажаажид̇д̇ад̇о самудтаад̇ий’’д̇и (баажи. адта. 683). грияаагрияанд̇и анаабужчаавудтаабанавасзна гирияаагирияам̣.
2032.Corivuṭṭhāpanaṃ nāmāti idaṃ sikkhāpadaṃ corivuṭṭhāpanasamuṭṭhānaṃ nāma. Vācacittatoti khaṇḍasīmaṃ agantvā karontiyā vācācittehi. Kāyavācādito cevāti gantvā karontiyā kāyavācācittato ca samuṭṭhāti. Yathāha ‘‘kenacideva karaṇīyena pakkantāsu bhikkhunīsu agantvā khaṇḍasīmaṃ vā nadiṃ vā yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti, khaṇḍasīmaṃ vā nadiṃ vā gantvā vuṭṭhāpentiyā kāyavācācittato samuṭṭhātī’’ti (pāci. aṭṭha. 683). Kriyākriyanti anāpucchāvuṭṭhāpanavasena kiriyākiriyaṃ.
жоривудтаабанагат̇ааван̣н̣анаа.
Corivuṭṭhāpanakathāvaṇṇanā.
2033-4. г̇ааманд̇аранд̇и ан̃н̃ам̣ г̇аамам̣. яаа згаа сажз г̇ажчзяяаад̇и самб̣анд̇хо. над̣̇ийбааранд̇и зд̇т̇ааби зсзва наяо. над̣̇ияаа баарам̣ над̣̇ийбаарам̣. ‘‘згаа ваа’’д̇и убариби яож̇зд̇аб̣б̣ам̣. охийязяяаад̇и винаа бхавзяяа. ид̇ха ‘‘аран̃н̃з’’д̇и сзсо. аран̃н̃алагкан̣ам̣ ‘‘инд̣̇акийла’’ижжаад̣̇инаа вагкад̇и. ‘‘згаа ваа рад̇д̇им̣ виббавасзяяа, згаа ваа г̇ан̣амхаа охийязяяаа’’д̇и сигкаабад̣̇аггамо, звам̣ санд̇зби г̇аат̇ааб̣анд̇хавасзна ‘‘рад̇д̇им̣ виббавасзяяаа’’д̇и анд̇з вуд̇д̇ам̣ . д̇знзва вибхааг̇авинижчаяз д̣̇зсанаарул̣хаггамзнзва ‘‘бурзрун̣од̣̇аяааязваа’’д̇иаад̣̇им̣ вагкад̇и. саа батамаабад̇д̇игам̣ г̇аругам̣ д̇хаммам̣ аабаннаа сияаад̇и яож̇анаа. батамам̣ аабад̇д̇и зд̇ассаад̇и батамаабад̇д̇иго, вийд̇иггамагкан̣зязва аабаж̇ж̇ид̇аб̣б̣од̇и ад̇т̇о. ‘‘г̇аругам̣ д̇хамма’’нд̇и иминаа самб̣анд̇хо. сагаг̇аамаа нигкаманд̇ияаад̇и бхигкунияаа ад̇д̇ано васанаг̇аамад̇о нигкаманд̇ияаа.
2033-4.Gāmantaranti aññaṃ gāmaṃ. Yā ekā sace gaccheyyāti sambandho. Nadīpāranti etthāpi eseva nayo. Nadiyā pāraṃ nadīpāraṃ. ‘‘Ekā vā’’ti uparipi yojetabbaṃ. Ohīyeyyāti vinā bhaveyya. Idha ‘‘araññe’’ti seso. Araññalakkhaṇaṃ ‘‘indakhīla’’iccādinā vakkhati. ‘‘Ekā vā rattiṃ vippavaseyya, ekā vā gaṇamhā ohīyeyyā’’ti sikkhāpadakkamo, evaṃ santepi gāthābandhavasena ‘‘rattiṃ vippavaseyyā’’ti ante vuttaṃ . Teneva vibhāgavinicchaye desanāruḷhakkameneva ‘‘pureruṇodayāyevā’’tiādiṃ vakkhati. Sā paṭhamāpattikaṃ garukaṃ dhammaṃ āpannā siyāti yojanā. Paṭhamaṃ āpatti etassāti paṭhamāpattiko, vītikkamakkhaṇeyeva āpajjitabboti attho. ‘‘Garukaṃ dhamma’’nti iminā sambandho. Sakagāmā nikkhamantiyāti bhikkhuniyā attano vasanagāmato nikkhamantiyā.
2035. д̇ад̇о сагаг̇аамад̇о.
2035.Tato sakagāmato.
2036-7. згзна бад̣̇аваарзна ид̇арасса г̇аамасса баригкзбз ад̇игганд̇з, убажаароггамз ваа т̇уллажжаяанд̇и яож̇анаа. ад̇игганд̇з огганд̇зд̇и зд̇т̇а ‘‘баригкзбз убажаарз’’д̇и ад̇хигаарад̇о лаб̣бхад̇и.
2036-7. Ekena padavārena itarassa gāmassa parikkhepe atikkante, upacārokkame vā thullaccayanti yojanā. Atikkante okkanteti ettha ‘‘parikkhepe upacāre’’ti adhikārato labbhati.
2038-9. нигкамид̇ваад̇и ад̇д̇ано бавидтаг̇аамад̇о нигкамид̇ваа. аяамзва наяод̇и ‘‘згзна бад̣̇аваарзна т̇уллажжаяам̣, д̣̇уд̇иязна г̇аругаабад̇д̇ий’’д̇и аяам̣ наяо.
2038-9.Nikkhamitvāti attano paviṭṭhagāmato nikkhamitvā. Ayameva nayoti ‘‘ekena padavārena thullaccayaṃ, dutiyena garukāpattī’’ti ayaṃ nayo.
вад̇ижчид̣̇д̣̇зна ваа кан̣д̣абаагаарзна ваад̇и яож̇анаа. ‘‘д̇ат̇аа’’д̇и иминаа ‘‘баагаарзнаа’’д̇и зд̇т̇ааби ваа-сад̣̇д̣̇асса самб̣анд̇ханийяад̇ам̣ д̣̇ассзд̇и. ‘‘бхигкувихаарасса бхууми д̇аасамагаббияаа’’д̇и вагкамаанад̇д̇аа вихаарасса бхууминд̇и бхигкунивихаарабхууми г̇ахид̇аа. ‘‘габбияанд̇и бавидтад̇д̇аа’’д̇и иминаа вагкамаанасса гааран̣ам̣ д̣̇ассзд̇и. гожи д̣̇осод̇и т̇уллажжаяасан̇гхаад̣̇исзсо вужжамаано яо гожи д̣̇осо.
Vaticchiddena vā khaṇḍapākārena vāti yojanā. ‘‘Tathā’’ti iminā ‘‘pākārenā’’ti etthāpi vā-saddassa sambandhanīyataṃ dasseti. ‘‘Bhikkhuvihārassa bhūmi tāsamakappiyā’’ti vakkhamānattā vihārassa bhūminti bhikkhunivihārabhūmi gahitā. ‘‘Kappiyanti paviṭṭhattā’’ti iminā vakkhamānassa kāraṇaṃ dasseti. Koci dosoti thullaccayasaṅghādiseso vuccamāno yo koci doso.
2040. д̇аасанд̇и бхигкунийнам̣. ‘‘агаббияаа’’д̇и иминаа д̇ад̇т̇ааби бавидтааяа г̇ааманд̇арабажжаяаа аабад̇д̇исамбхавамааха.
2040.Tāsanti bhikkhunīnaṃ. ‘‘Akappiyā’’ti iminā tatthāpi paviṭṭhāya gāmantarapaccayā āpattisambhavamāha.
2041. ‘‘батамам̣ баад̣̇ам̣ ад̇иггаамзнд̇ияаа’’д̇и (баажи. 692) вуд̇д̇ад̇д̇аа ‘‘хад̇т̇и…бз… анаабад̇д̇и сияаабад̇д̇и, бад̣̇асаа г̇аманз банаа’’д̇и вуд̇д̇ам̣.
2041. ‘‘Paṭhamaṃ pādaṃ atikkāmentiyā’’ti (pāci. 692) vuttattā ‘‘hatthi…pe… anāpatti siyāpatti, padasā gamane panā’’ti vuttaṃ.
2042. ‘‘яам̣ гин̃жи…бз… аабад̇д̇и бависанд̇ияаа’’д̇и вуд̇д̇ассзвад̇т̇асса убасам̣хаарад̇д̇аа на бунаруд̇д̇ид̣̇осо.
2042.‘‘Yaṃ kiñci…pe… āpatti pavisantiyā’’ti vuttassevatthassa upasaṃhārattā na punaruttidoso.
2043-4. лагкан̣знубабаннааяаад̇и ‘‘над̣̇ий наама д̇иман̣д̣алам̣ бадижчаад̣̇зд̇ваа яад̇т̇а гад̇т̇ажи уд̇д̇аранд̇ияаа бхигкунияаа анд̇араваасаго д̇змияад̇ий’’д̇и (баажи. 692) вуд̇д̇алагкан̣зна саманнааг̇ад̇ааяа над̣̇ияаа. яаа баарам̣ д̇ийрам̣ г̇ажчад̇ийд̇и яож̇анаа.
2043-4.Lakkhaṇenupapannāyāti ‘‘nadī nāma timaṇḍalaṃ paṭicchādetvā yattha katthaci uttarantiyā bhikkhuniyā antaravāsako temiyatī’’ti (pāci. 692) vuttalakkhaṇena samannāgatāya nadiyā. Yā pāraṃ tīraṃ gacchatīti yojanā.
батамам̣ баад̣̇ам̣ уд̣̇д̇харид̇ваана д̇ийрз табзнд̇ияаад̇и ‘‘ид̣̇аани бад̣̇аваарзна ад̇иггамад̇ий’’д̇и вад̇д̇аб̣б̣агаалз батамам̣ баад̣̇ам̣ угкибид̇ваа барад̇ийрз табзнд̇ияаа. ‘‘д̣̇уд̇ияабаад̣̇уд̣̇д̇хаарз сан̇гхаад̣̇исзсо’’д̇и (баажи. адта. 692) адтагат̇ааважанад̇о ‘‘ад̇иггамз’’д̇и иминаа уд̣̇д̇хааро г̇ахид̇о.
Paṭhamaṃ pādaṃ uddharitvāna tīre ṭhapentiyāti ‘‘idāni padavārena atikkamatī’’ti vattabbakāle paṭhamaṃ pādaṃ ukkhipitvā paratīre ṭhapentiyā. ‘‘Dutiyapāduddhāre saṅghādiseso’’ti (pāci. aṭṭha. 692) aṭṭhakathāvacanato ‘‘atikkame’’ti iminā uddhāro gahito.
2045. анд̇аранад̣̇ияанд̇и над̣̇ивзмаж̇жхз. бхан̣д̣ид̇ваад̇и галахам̣ гад̇ваа. оримам̣ д̇ийранд̇и ааг̇ад̇ад̣̇исааяа д̇ийрам̣. д̇ат̇аа батамз т̇уллажжаяам̣ , д̣̇уд̇ияз г̇ару ход̇ийд̇и ад̇т̇о. иминаа сагалзна важанзна ‘‘ид̇ариссаа бана аяам̣ багганд̇адтаанз тид̇аа ход̇и, д̇асмаа барад̇ийрам̣ г̇ажчанд̇ияааби анаабад̇д̇ий’’д̇и адтагат̇ааби уллин̇г̇ид̇аа.
2045.Antaranadiyanti nadivemajjhe. Bhaṇḍitvāti kalahaṃ katvā. Orimaṃ tīranti āgatadisāya tīraṃ. Tathā paṭhame thullaccayaṃ , dutiye garu hotīti attho. Iminā sakalena vacanena ‘‘itarissā pana ayaṃ pakkantaṭṭhāne ṭhitā hoti, tasmā paratīraṃ gacchantiyāpi anāpattī’’ti aṭṭhakathāpi ulliṅgitā.
2046. раж̇ж̇уяаад̇и валлиаад̣̇игааяа яааяа гааяажи раж̇ж̇уяаа.
2046.Rajjuyāti valliādikāya yāya kāyaci rajjuyā.
2047. бивид̇унд̇и зд̇т̇а ‘‘баанийяа’’нд̇и багаран̣ад̇о лаб̣бхад̇и. авуд̇д̇асамужжаяад̇т̇зна аби-сад̣̇д̣̇зна бхан̣д̣ад̇хованаад̣̇им̣ сан̇г̇ан̣хаад̇и. ат̇аад̇и ваагяаарамбхз нибаад̇о. ‘‘нахаанаад̣̇игижжам̣ самбаад̣̇зд̇ваа оримамзва д̇ийрам̣ ааг̇амиссаамий’’д̇и аалаяасса виж̇ж̇амаанад̇д̇аа ааха ‘‘ваддад̇ий’’д̇и.
2047.Pivitunti ettha ‘‘pānīya’’nti pakaraṇato labbhati. Avuttasamuccayatthena api-saddena bhaṇḍadhovanādiṃ saṅgaṇhāti. Athāti vākyārambhe nipāto. ‘‘Nahānādikiccaṃ sampādetvā orimameva tīraṃ āgamissāmī’’ti ālayassa vijjamānattā āha ‘‘vaṭṭatī’’ti.
2048. бад̣̇асаанад̣̇им̣ од̇арид̇ваанаад̇и яож̇анаа. сзд̇ум̣ аарохид̇ваа д̇ат̇аа бад̣̇асаа уд̇д̇аранд̇ияаа анаабад̇д̇ийд̇и яож̇анаа.
2048. Padasānadiṃ otaritvānāti yojanā. Setuṃ ārohitvā tathā padasā uttarantiyā anāpattīti yojanā.
2049. г̇анд̇ваанаад̇и зд̇т̇а ‘‘над̣̇и’’нд̇и сзсо. уд̇д̇аран̣агаалз бад̣̇асаа яаад̇ийд̇и яож̇анаа.
2049.Gantvānāti ettha ‘‘nadi’’nti seso. Uttaraṇakāle padasā yātīti yojanā.
2050. взг̇знаад̇и згзнзва взг̇зна, анд̇араа анивад̇д̇ид̇ваад̇и ад̇т̇о.
2050.Vegenāti ekeneva vegena, antarā anivattitvāti attho.
2051. ‘‘нисийд̣̇ид̇ваа’’д̇и ид̣̇ам̣ ‘‘канд̇хз ваа’’д̇иаад̣̇ийхиби яож̇зд̇аб̣б̣ам̣. канд̇хаад̣̇аяо жзд̇т̇а сабхааг̇аанамзва г̇ахзд̇аб̣б̣аа. хад̇т̇асан̇гхаад̇анз ваад̇и убхохи б̣ад̣̇д̇хахад̇т̇авалаяз ваа.
2051.‘‘Nisīditvā’’ti idaṃ ‘‘khandhe vā’’tiādīhipi yojetabbaṃ. Khandhādayo cettha sabhāgānameva gahetabbā. Hatthasaṅghātane vāti ubhohi baddhahatthavalaye vā.
2052-3. баасанд̇и хад̇т̇абаасам̣. ‘‘аабхог̇ам̣ винаа’’д̇и иминаа ‘‘г̇амиссаамий’’д̇и аабхог̇з гад̇з аж̇аананд̇ияаа арун̣з удтид̇зби анаабад̇д̇ийд̇и д̣̇ийбид̇ам̣ ход̇и. яат̇ааха ‘‘сажз саж̇жхааяам̣ ваа саванам̣ ваа ан̃н̃ам̣ ваа гин̃жи гаммам̣ гурумаанаа ‘бурзарун̣зязва д̣̇уд̇ияигааяа санд̇игам̣ г̇амиссаамий’д̇и аабхог̇ам̣ гарод̇и, аж̇аананд̇ияаа зва жассаа арун̣о уг̇г̇ажчад̇и, анаабад̇д̇ий’’д̇и (баажи. адта. 692). наанааг̇аб̣бхз вад̇д̇аб̣б̣амзва над̇т̇ийд̇и д̣̇ассзд̇умааха ‘‘згаг̇аб̣бхзби ваа’’д̇и. згаг̇аб̣бхзби ваа д̣̇уд̇ияигааяа хад̇т̇абаасам̣ ад̇иггамма арун̣ам̣ удтабзнд̇ияаа бхигкунияаа аабад̇д̇и сияаад̇и яож̇анаа.
2052-3.Pāsanti hatthapāsaṃ. ‘‘Ābhogaṃ vinā’’ti iminā ‘‘gamissāmī’’ti ābhoge kate ajānantiyā aruṇe uṭṭhitepi anāpattīti dīpitaṃ hoti. Yathāha ‘‘sace sajjhāyaṃ vā savanaṃ vā aññaṃ vā kiñci kammaṃ kurumānā ‘purearuṇeyeva dutiyikāya santikaṃ gamissāmī’ti ābhogaṃ karoti, ajānantiyā eva cassā aruṇo uggacchati, anāpattī’’ti (pāci. aṭṭha. 692). Nānāgabbhe vattabbameva natthīti dassetumāha ‘‘ekagabbhepi vā’’ti. Ekagabbhepi vā dutiyikāya hatthapāsaṃ atikkamma aruṇaṃ uṭṭhapentiyā bhikkhuniyā āpatti siyāti yojanā.
2054. д̣̇уд̇ияаабаасанд̇и д̣̇уд̇ияигааяа хад̇т̇абаасам̣. ‘‘г̇амиссаамий’’д̇и аабхог̇ам̣ гад̇ваа г̇ажчанд̇ияаа сажз арун̣ам̣ удтзд̇и, на д̣̇осод̇и яож̇анаа.
2054.Dutiyāpāsanti dutiyikāya hatthapāsaṃ. ‘‘Gamissāmī’’ti ābhogaṃ katvā gacchantiyā sace aruṇaṃ uṭṭheti, na dosoti yojanā.
2055-6. ан̃н̃ад̇т̇а бан̃жад̇ханусад̇игасса (баараа. 654) бажчимасса ааран̃н̃агасзнаасанасса вуд̇д̇ад̇д̇аа д̇ад̇о нивад̇д̇зд̇умааха ‘‘инд̣̇акийламад̇иггаммаа’’д̇иаад̣̇и. зд̇т̇аад̇и имасмим̣ сигкаабад̣̇з. д̣̇ийбид̇анд̇и адтагат̇ааяа ‘‘аран̃н̃зд̇и зд̇т̇а нигкамид̇ваа б̣ахи инд̣̇акийлаа саб̣б̣амзд̇ам̣ аран̃н̃а’’нд̇и (баажи. адта. 692) звам̣ вуд̇д̇алагкан̣амзва аран̃н̃ам̣ д̣̇ассид̇анд̇и ад̇т̇о.
2055-6. Aññattha pañcadhanusatikassa (pārā. 654) pacchimassa āraññakasenāsanassa vuttattā tato nivattetumāha ‘‘indakhīlamatikkammā’’tiādi. Etthāti imasmiṃ sikkhāpade. Dīpitanti aṭṭhakathāya ‘‘araññeti ettha nikkhamitvā bahi indakhīlā sabbametaṃ arañña’’nti (pāci. aṭṭha. 692) evaṃ vuttalakkhaṇameva araññaṃ dassitanti attho.
д̣̇уд̇ияигааяа д̣̇ассануубажаарам̣ виж̇аханд̇ияаа д̇ассаад̇и яож̇анаа. ‘‘ж̇ахид̇з’’д̇и ид̣̇ам̣ абзгкид̇ваа ‘‘убажаарз’’д̇и вибхад̇д̇ивибарин̣аамо гаад̇аб̣б̣о.
Dutiyikāya dassanūpacāraṃ vijahantiyā tassāti yojanā. ‘‘Jahite’’ti idaṃ apekkhitvā ‘‘upacāre’’ti vibhattivipariṇāmo kātabbo.
2057. саан̣ибаагаарабаагаарад̇аруанд̇арид̇з таанз асад̇и д̣̇ассануубажаарз сад̇иби савануубажаарз аабад̇д̇и ход̇ийд̇и яож̇анаа.
2057.Sāṇipākārapākārataruantarite ṭhāne asati dassanūpacāre satipi savanūpacāre āpatti hotīti yojanā.
2058-60. зд̇т̇а гат̇анд̇и яад̇т̇а д̣̇уурзби д̣̇ассанам̣ ход̇и, зваруубз аж̇жхогаасз аабад̇д̇инияамо гат̇ам̣ гаад̇аб̣б̣од̇и ад̇т̇о. анзгзсу таанзсу ‘‘савануубажаараад̇иггамз’’д̇и вужжамаанад̇д̇аа д̇ад̇т̇а лагкан̣ам̣ табзд̇умааха ‘‘маг̇г̇а…бз… зваруубагз’’д̇и. зд̇т̇а ‘‘таанз’’д̇и сзсо. гууж̇анд̇ияаад̇и яат̇ааван̣н̣ававад̇т̇аанам̣ на ход̇и, звам̣ аб̣яад̇д̇асад̣̇д̣̇ам̣ гаронд̇ияаа.
2058-60.Ettha kathanti yattha dūrepi dassanaṃ hoti, evarūpe ajjhokāse āpattiniyamo kathaṃ kātabboti attho. Anekesu ṭhānesu ‘‘savanūpacārātikkame’’ti vuccamānattā tattha lakkhaṇaṃ ṭhapetumāha ‘‘magga…pe… evarūpake’’ti. Ettha ‘‘ṭhāne’’ti seso. Kūjantiyāti yathāvaṇṇavavatthānaṃ na hoti, evaṃ abyattasaddaṃ karontiyā.
зваруубагз таанз д̇хаммассаванаарожанз вияа жа маг̇г̇амуул̣хасса сад̣̇д̣̇зна вияа жа ‘‘аяяз’’д̇и гууж̇анд̇ияаа д̇ассаа сад̣̇д̣̇асса саванаад̇иггамз бхигкунияаа г̇аругаа аабад̇д̇и ход̇ийд̇и яож̇анаа. ‘‘бхигкунияаа г̇аругаа ход̇ий’’д̇и ид̣̇ам̣ ‘‘д̣̇уд̇ияигам̣ на баабун̣иссаамий’’д̇и нируссаахавасзна взд̣̇ид̇аб̣б̣ам̣. д̇знзва вагкад̇и ‘‘охийяид̇ваат̇а г̇ажчанд̇ий’’д̇иаад̣̇и. зд̇т̇аад̇и ‘‘г̇ан̣амхаа охийязяяаа’’д̇и имасмим̣.
Evarūpake ṭhāne dhammassavanārocane viya ca maggamūḷhassa saddena viya ca ‘‘ayye’’ti kūjantiyā tassā saddassa savanātikkame bhikkhuniyā garukā āpatti hotīti yojanā. ‘‘Bhikkhuniyā garukā hotī’’ti idaṃ ‘‘dutiyikaṃ na pāpuṇissāmī’’ti nirussāhavasena veditabbaṃ. Teneva vakkhati ‘‘ohīyitvātha gacchantī’’tiādi. Etthāti ‘‘gaṇamhā ohīyeyyā’’ti imasmiṃ.
2061. ат̇а г̇ажчанд̇ий охийяид̇ваад̇и яож̇анаа. ‘‘ид̣̇аани ахам̣ баабун̣иссаами’’ ид̇и звам̣ сауссаахаа ануб̣анд̇хад̇и, ваддад̇и, д̣̇уд̇ияобажаараад̇иггамзби анаабад̇д̇ийд̇и вуд̇д̇ам̣ ход̇и.
2061. Atha gacchantī ohīyitvāti yojanā. ‘‘Idāni ahaṃ pāpuṇissāmi’’ iti evaṃ saussāhā anubandhati, vaṭṭati, dutiyopacārātikkamepi anāpattīti vuttaṃ hoti.
2062. ‘‘г̇ажчад̇у аяам̣’’ ид̇и уссаахассажчзд̣̇ам̣ гад̇ваа охийнаа жз, д̇ассаа аабад̇д̇ийд̇и аж̇жхаахаараяож̇анаа.
2062. ‘‘Gacchatu ayaṃ’’ iti ussāhassacchedaṃ katvā ohīnā ce, tassā āpattīti ajjhāhārayojanā.
2063. ид̇араабийд̇и г̇анд̇ум̣ самад̇т̇ааби. охийяад̇у аяанд̇и жаад̇и нируссаахаббагааро санд̣̇ассид̇о. вуд̇д̇ад̇т̇амзва самад̇т̇аяид̇умааха ‘‘сауссаахаа на ход̇и жз’’д̇и.
2063.Itarāpīti gantuṃ samatthāpi. Ohīyatu ayanti cāti nirussāhappakāro sandassito. Vuttatthameva samatthayitumāha ‘‘saussāhā na hoti ce’’ti.
2064-5. буримаа згагам̣ маг̇г̇ам̣ яаад̇ийд̇и яож̇анаа. згамзва згагам̣. д̇асмаад̇и яасмаа згиссаа ид̇араа багганд̇адтаанз д̇идтад̇и, д̇асмаа. д̇ад̇т̇аад̇и д̇асмим̣ г̇ан̣амхааохийяанз. би-сад̣̇д̣̇о звагаарад̇т̇о. анаабад̇д̇и зва багаасид̇аад̇и яож̇анаа.
2064-5. Purimā ekakaṃ maggaṃ yātīti yojanā. Ekameva ekakaṃ. Tasmāti yasmā ekissā itarā pakkantaṭṭhāne tiṭṭhati, tasmā. Tatthāti tasmiṃ gaṇamhāohīyane. Pi-saddo evakārattho. Anāpatti eva pakāsitāti yojanā.
2066-7. г̇ааманд̇араг̇ад̇ааяаад̇и г̇аамасиймаг̇ад̇ааяа. ‘‘над̣̇ияаа’’д̇и иминаа самб̣анд̇хо. аабад̇д̇ияожад̇ассобийд̇и рад̇д̇ивиббавааса г̇ааманд̇араг̇амана над̣̇ибаараг̇амана г̇ан̣амхааохийяана сан̇каад̇аа жад̇ассо сан̇гхаад̣̇исзсаабад̇д̇ияо. г̇ан̣амхааохийяанамуулагаабад̇д̇ияаа г̇аамад̇о б̣ахи аабаж̇ж̇ид̇аб̣б̣ад̇д̇зби г̇ааманд̇ароггаманамуулагаабад̇д̇ияаа анд̇ог̇аамз аабаж̇ж̇ид̇аб̣б̣ад̇д̇зби згагкан̣зд̇и г̇аамуубажаарам̣ санд̇хааяааха.
2066-7.Gāmantaragatāyāti gāmasīmagatāya. ‘‘Nadiyā’’ti iminā sambandho. Āpattiyocatassopīti rattivippavāsa gāmantaragamana nadipāragamana gaṇamhāohīyana saṅkhātā catasso saṅghādisesāpattiyo. Gaṇamhāohīyanamūlakāpattiyā gāmato bahi āpajjitabbattepi gāmantarokkamanamūlakāpattiyā antogāme āpajjitabbattepi ekakkhaṇeti gāmūpacāraṃ sandhāyāha.
2068-9. яаа сад̣̇д̇хим̣ яаад̇аа д̣̇уд̇ияигаа, саа жа багганд̇аа ваа сажз ход̇и, виб̣бханд̇аа ваа ход̇и, бзд̇аанам̣ логам̣ яаад̇аа ваа ход̇и, гаалагад̇аа ваа ход̇ийд̇и ад̇хиббааяо, багкасан̇ганд̇аа ваа ход̇и, д̇ид̇т̇ааяад̇анасан̇ганд̇аа ваа ход̇ийд̇и ад̇хиббааяо, надтаа ваа ход̇и, баарааж̇игаабаннаа ваа ход̇ийд̇и ад̇хиббааяо. зваруубз гаалз г̇ааманд̇ароггаманаад̣̇ийни…бз… анаабад̇д̇ийд̇и н̃аад̇аб̣б̣анд̇и яож̇анаа. уммад̇д̇игааяаби звам̣ жад̇д̇аариби гаронд̇ияаа анаабад̇д̇ийд̇и яож̇анаа.
2068-9. Yā saddhiṃ yātā dutiyikā, sā ca pakkantā vā sace hoti, vibbhantā vā hoti, petānaṃ lokaṃ yātā vā hoti, kālakatā vā hotīti adhippāyo, pakkhasaṅkantā vā hoti, titthāyatanasaṅkantā vā hotīti adhippāyo, naṭṭhā vā hoti, pārājikāpannā vā hotīti adhippāyo. Evarūpe kāle gāmantarokkamanādīni…pe… anāpattīti ñātabbanti yojanā. Ummattikāyapi evaṃ cattāripi karontiyā anāpattīti yojanā.
2070. ‘‘аг̇аамагз аран̃н̃з’’д̇и ид̣̇ам̣ г̇аамаабхаавзна вуд̇д̇ам̣, на вин̃жхаадависад̣̇исад̇ааяа.
2070.‘‘Agāmake araññe’’ti idaṃ gāmābhāvena vuttaṃ, na viñjhāṭavisadisatāya.
2071. г̇аамабхаавад̇о над̣̇ибаараг̇аманаг̇ан̣амхааохийяанаабад̇д̇и на самбхавад̇и, д̇ассааби сагаг̇аамад̇д̇аа г̇ааманд̇араг̇аманамуулигаабад̇д̇и жа д̣̇ивасабхааг̇ад̇д̇аа рад̇д̇ивиббаваасамуулигаабад̇д̇и жа на самбхавад̇ийд̇и ааха ‘‘сагаг̇аамз…бз… на виж̇ж̇арз’’д̇и. яат̇аагааманд̇и яат̇ижчид̇ам̣, д̣̇уд̇ияигааяа асанд̇ияаабийд̇и ад̇т̇о.
2071. Gāmabhāvato nadipāragamanagaṇamhāohīyanāpatti na sambhavati, tassāpi sakagāmattā gāmantaragamanamūlikāpatti ca divasabhāgattā rattivippavāsamūlikāpatti ca na sambhavatīti āha ‘‘sakagāme…pe… na vijjare’’ti. Yathākāmanti yathicchitaṃ, dutiyikāya asantiyāpīti attho.
2072. самудтаанаад̣̇аяо батаманд̇имавад̇т̇унаа д̇уляаад̇и яож̇анаа.
2072. Samuṭṭhānādayo paṭhamantimavatthunā tulyāti yojanā.
г̇ааманд̇араг̇аманагат̇ааван̣н̣анаа.
Gāmantaragamanakathāvaṇṇanā.
2073. сиймаасаммуд̇ияаа жзваад̇и ‘‘самаг̇г̇зна сан̇гхзна д̇хаммзна винаязна угкид̇д̇ам̣ бхигкуним̣ гаарагасан̇гхам̣ анаабужчаа д̇ассзва гаарагасан̇гхасса чанд̣̇ам̣ аж̇аанид̇ваа осаарзссаамий’’д̇и навасиймаасамманнанз жа. д̣̇вийхи гаммаваажаахи д̣̇увз т̇уллажжаяаа хонд̇ийд̇и яож̇анаа.
2073.Sīmāsammutiyā cevāti ‘‘samaggena saṅghena dhammena vinayena ukkhittaṃ bhikkhuniṃ kārakasaṅghaṃ anāpucchā tasseva kārakasaṅghassa chandaṃ ajānitvā osāressāmī’’ti navasīmāsammannane ca. Dvīhi kammavācāhi duve thullaccayā hontīti yojanā.
2074. гаммасса барияосаанзд̇и осааран̣агаммасса авасаанз. д̇игасан̇гхаад̣̇исзсанд̇и ‘‘д̇хаммагаммз д̇хаммагаммасан̃н̃аа осаарзд̇и, аабад̇д̇и сан̇гхаад̣̇исзсасса. д̇хаммагаммз взмад̇игаа, д̇хаммагаммз ад̇хаммагаммасан̃н̃аа осаарзд̇и, аабад̇д̇и сан̇гхаад̣̇исзсассаа’’д̇и (баажи. 697) д̇игасан̇гхаад̣̇исзсам̣ вуд̇д̇ам̣. гамманд̇и жа угкзбанийяагаммам̣. ад̇хаммз д̇игад̣̇уггаданд̇и ‘‘ад̇хаммагаммз д̇хаммагаммасан̃н̃аа осаарзд̇и, аабад̇д̇и д̣̇уггадасса. ад̇хаммагаммз взмад̇игаа, ад̇хаммагаммасан̃н̃аа осаарзд̇и, аабад̇д̇и д̣̇уггадассаа’’д̇и д̇игад̣̇уггадам̣ вуд̇д̇ам̣.
2074.Kammassapariyosāneti osāraṇakammassa avasāne. Tikasaṅghādisesanti ‘‘dhammakamme dhammakammasaññā osāreti, āpatti saṅghādisesassa. Dhammakamme vematikā, dhammakamme adhammakammasaññā osāreti, āpatti saṅghādisesassā’’ti (pāci. 697) tikasaṅghādisesaṃ vuttaṃ. Kammanti ca ukkhepanīyakammaṃ. Adhamme tikadukkaṭanti ‘‘adhammakamme dhammakammasaññā osāreti, āpatti dukkaṭassa. Adhammakamme vematikā, adhammakammasaññā osāreti, āpatti dukkaṭassā’’ti tikadukkaṭaṃ vuttaṃ.
2075. г̇ан̣ассаад̇и д̇ассзва гаарагаг̇ан̣асса. вад̇д̇з ваа бана вад̇д̇анд̇инд̇и д̇зжад̇д̇аалийсаббабхзд̣̇з нзд̇д̇ааравад̇д̇з вад̇д̇амаанам̣. д̇зжад̇д̇аалийсаббабхзд̣̇ам̣ бана вад̇д̇агканд̇хагз (жуул̣ава. 376) аави бхависсад̇и. нзд̇д̇ааравад̇д̇зд̇и гаммад̇о нид̇т̇аран̣асса хзд̇убхууд̇з вад̇д̇з.
2075.Gaṇassāti tasseva kārakagaṇassa. Vatte vā pana vattantinti tecattālīsappabhede nettāravatte vattamānaṃ. Tecattālīsappabhedaṃ pana vattakkhandhake (cūḷava. 376) āvi bhavissati. Nettāravatteti kammato nittharaṇassa hetubhūte vatte.
2077. осааран̣ам̣ грияам̣. анаабужчанам̣ агрияам̣.
2077. Osāraṇaṃ kriyaṃ. Anāpucchanaṃ akriyaṃ.
жад̇уд̇т̇ам̣.
Catutthaṃ.
2078-9. авассуд̇аад̇и мзт̇унарааг̇зна д̇инд̇аа. звамубариби. ‘‘мануссабуг̇г̇алассаа’’д̇и иминаа яагкаад̣̇ийнам̣ бадигкзбо. ‘‘уд̣̇агз…бз… д̣̇уггада’’нд̇и вагкамаанад̇д̇аа аамисанд̇и ан̃н̃ад̇ра д̣̇анд̇абонаа аж̇жхохаран̣ийяасса г̇ахан̣ам̣. баяог̇ад̇од̇и баяог̇аг̇ан̣анааяа.
2078-9.Avassutāti methunarāgena tintā. Evamuparipi. ‘‘Manussapuggalassā’’ti iminā yakkhādīnaṃ paṭikkhepo. ‘‘Udake…pe… dukkaṭa’’nti vakkhamānattā āmisanti aññatra dantaponā ajjhoharaṇīyassa gahaṇaṃ. Payogatoti payogagaṇanāya.
2080. згад̇овассуд̇зд̇и бумид̇т̇ияаа сааман̃н̃зна буллин̇г̇анид̣̇д̣̇зсо. гат̇амзд̇ам̣ вин̃н̃ааяад̇ийд̇и? ‘‘згад̇оавассуд̇зд̇и зд̇т̇а бхигкунияаа авассуд̇абхааво д̣̇адтаб̣б̣од̇и махаабажжарияам̣ вуд̇д̇ам̣. махааадтагат̇ааяам̣ банзд̇ам̣ на вуд̇д̇ам̣, д̇ам̣ баал̣ияаа самзд̇ий’’д̇и (баажи. адта. 701) вуд̇д̇ад̇д̇аа вин̃н̃ааяад̇и. зд̇т̇а жа зд̇ам̣ на вуд̇д̇анд̇и ‘‘бхигкунияаа авассуд̇абхааво д̣̇адтаб̣б̣о’’д̇и зд̇ам̣ нияаманам̣ на вуд̇д̇ам̣. д̇анд̇и д̇ам̣ нияамзд̇ваа аважанам̣. баал̣ияаа самзд̇ийд̇и ‘‘згад̇оавассуд̇з’’д̇и (баажи. 701-702) ависзсзд̇ваа вуд̇д̇абаал̣ияаа, ‘‘анавассуд̇од̇и ж̇аананд̇ий бадиг̇г̇ан̣хаад̇ий’’д̇и (баажи. 703) имааяа жа баал̣ияаа самзд̇и. яад̣̇и хи буг̇г̇аласса авассуд̇абхааво наббамаан̣ам̣, гим̣ ‘‘анавассуд̇од̇и ж̇аананд̇ий’’д̇и иминаа важанзна. ‘‘анаабад̇д̇и убхо анавассуд̇аа хонд̇и, анавассуд̇аа бадиг̇г̇ан̣хаад̇ий’’д̇и зд̇д̇агамзва вад̇д̇аб̣б̣ам̣ сияаа. аж̇жхохаарабаяог̇зсу б̣ахуусу т̇уллажжаяажаяо т̇уллажжаяаанам̣ самуухо сияаа, баяог̇аг̇ан̣анааяа б̣ахууни т̇уллажжаяаани хонд̇ийд̇и ад̇хиббааяо.
2080.Ekatovassuteti pumitthiyā sāmaññena pulliṅganiddeso. Kathametaṃ viññāyatīti? ‘‘Ekatoavassuteti ettha bhikkhuniyā avassutabhāvo daṭṭhabboti mahāpaccariyaṃ vuttaṃ. Mahāaṭṭhakathāyaṃ panetaṃ na vuttaṃ, taṃ pāḷiyā sametī’’ti (pāci. aṭṭha. 701) vuttattā viññāyati. Ettha ca etaṃ na vuttanti ‘‘bhikkhuniyā avassutabhāvo daṭṭhabbo’’ti etaṃ niyamanaṃ na vuttaṃ. Tanti taṃ niyametvā avacanaṃ. Pāḷiyā sametīti ‘‘ekatoavassute’’ti (pāci. 701-702) avisesetvā vuttapāḷiyā, ‘‘anavassutoti jānantī paṭiggaṇhātī’’ti (pāci. 703) imāya ca pāḷiyā sameti. Yadi hi puggalassa avassutabhāvo nappamāṇaṃ, kiṃ ‘‘anavassutoti jānantī’’ti iminā vacanena. ‘‘Anāpatti ubho anavassutā honti, anavassutā paṭiggaṇhātī’’ti ettakameva vattabbaṃ siyā. Ajjhohārapayogesu bahūsu thullaccayacayo thullaccayānaṃ samūho siyā, payogagaṇanāya bahūni thullaccayāni hontīti adhippāyo.
2081. самбхавз, б̣яабхижаарз жа висзсанам̣ саад̇т̇агам̣ бхавад̇ийд̇и ‘‘мануссавиг̇г̇ахаана’’нд̇и ид̣̇ам̣ висзсанам̣ яагкабзд̇ад̇иражчаанабад̣̇зхи яож̇зд̇аб̣б̣ам̣. убхад̇оавассуд̇з сад̇и мануссавиг̇г̇ахаанам̣ яагкабзд̇ад̇иражчаанаанам̣ хад̇т̇ад̇о жа бан̣д̣агаанам̣ хад̇т̇ад̇о жа д̇ат̇аад̇и яож̇анаа. д̇ат̇аа-сад̣̇д̣̇знзд̇т̇а ‘‘яам̣ гин̃жи аамисам̣ бадиг̇г̇ан̣хаад̇и, д̣̇уггадам̣. аж̇жхохаарабаяог̇зсу т̇уллажжаяажаяо сияаа’’д̇и яат̇аавуд̇д̇амад̇ид̣̇исад̇и.
2081. Sambhave, byabhicāre ca visesanaṃ sātthakaṃ bhavatīti ‘‘manussaviggahāna’’nti idaṃ visesanaṃ yakkhapetatiracchānapadehi yojetabbaṃ. Ubhatoavassute sati manussaviggahānaṃ yakkhapetatiracchānānaṃ hatthato ca paṇḍakānaṃ hatthato ca tathāti yojanā. Tathā-saddenettha ‘‘yaṃ kiñci āmisaṃ paṭiggaṇhāti, dukkaṭaṃ. Ajjhohārapayogesu thullaccayacayo siyā’’ti yathāvuttamatidisati.
2082. зд̇т̇аад̇и имзсу яагкаад̣̇ийсу. згад̇оавассуд̇з сад̇и аамисам̣ бадиг̇г̇ан̣ханд̇ияаа д̣̇уггадам̣. саб̣б̣ад̇т̇аад̇и саб̣б̣зсу мануссаамануссзсу згад̇о, убхад̇о ваа анавассуд̇зсу. уд̣̇агз д̣̇анд̇агадтагзд̇и уд̣̇агасса, д̣̇анд̇агадтасса жа г̇ахан̣з. барибхог̇з жаад̇и бадиг̇г̇ахан̣з жзва барибхог̇з жа.
2082.Etthāti imesu yakkhādīsu. Ekatoavassute sati āmisaṃ paṭiggaṇhantiyā dukkaṭaṃ. Sabbatthāti sabbesu manussāmanussesu ekato, ubhato vā anavassutesu. Udake dantakaṭṭhaketi udakassa, dantakaṭṭhassa ca gahaṇe. Paribhoge cāti paṭiggahaṇe ceva paribhoge ca.
2083-4. убхаяаавассуд̇аабхаавзд̇и бхигкунияаа, буг̇г̇аласса жа убхиннам̣ авассуд̇ад̇д̇з асад̇и яад̣̇и аамисам̣ бадиг̇г̇ан̣хаад̇и , на д̣̇осод̇и яож̇анаа. аяам̣ бурисабуг̇г̇ало. на жа авассуд̇од̇и нзва авассуд̇од̇и н̃ад̇ваа. яаа бана аамисам̣ бадиг̇г̇ан̣хаад̇и, д̇ассаа жа уммад̇д̇игаад̣̇ийнан̃жа анаабад̇д̇и багаасид̇аад̇и яож̇анаа. ‘‘яаа г̇ан̣хаад̇и, д̇ассаа анаабад̇д̇ий’’д̇и вуд̇д̇зби барибхун̃ж̇анд̇ияаава анаабад̇д̇ибхааво д̣̇адтаб̣б̣о.
2083-4.Ubhayāvassutābhāveti bhikkhuniyā, puggalassa ca ubhinnaṃ avassutatte asati yadi āmisaṃ paṭiggaṇhāti , na dosoti yojanā. Ayaṃ purisapuggalo. Na ca avassutoti neva avassutoti ñatvā. Yā pana āmisaṃ paṭiggaṇhāti, tassā ca ummattikādīnañca anāpatti pakāsitāti yojanā. ‘‘Yā gaṇhāti, tassā anāpattī’’ti vuttepi paribhuñjantiyāva anāpattibhāvo daṭṭhabbo.
бан̃жамам̣.
Pañcamaṃ.
2085. уяяож̇анзд̇и ‘‘гим̣ д̇з аяяз зсо бурисабуг̇г̇ало гариссад̇и авассуд̇о ваа анавассуд̇о ваа, яад̇о д̇вам̣ анавассуд̇аа, ин̇гха аяяз яам̣ д̇з зсо бурисабуг̇г̇ало д̣̇зд̇и каад̣̇анийяам̣ ваа бхож̇анийяам̣ ваа, д̇ам̣ д̇вам̣ сахад̇т̇аа бадиг̇г̇ахзд̇ваа каад̣̇а ваа бхун̃ж̇а ваа’’д̇и (баажи. 705) вуд̇д̇анаязна нияож̇анз. згиссаад̇и уяяож̇игааяа. ид̇ариссаад̇и уяяож̇ид̇ааяа. бадиг̇г̇ахзд̇и авассуд̇асса хад̇т̇ад̇о аамисабадиг̇г̇ахан̣з. д̣̇уггадаани жаад̇и уяяож̇игааяа д̣̇уггадаани. бхог̇зсууд̇и уяяож̇ид̇ааяа д̇ат̇аа бадиг̇г̇ахид̇асса аамисасса барибхог̇зсу. т̇уллажжаяаг̇ан̣о сияаад̇и уяяож̇игааяа т̇уллажжаяасамуухо сияаад̇и ад̇т̇о.
2085.Uyyojaneti ‘‘kiṃ te ayye eso purisapuggalo karissati avassuto vā anavassuto vā, yato tvaṃ anavassutā, iṅgha ayye yaṃ te eso purisapuggalo deti khādanīyaṃ vā bhojanīyaṃ vā, taṃ tvaṃ sahatthā paṭiggahetvā khāda vā bhuñja vā’’ti (pāci. 705) vuttanayena niyojane. Ekissāti uyyojikāya. Itarissāti uyyojitāya. Paṭiggaheti avassutassa hatthato āmisapaṭiggahaṇe. Dukkaṭāni cāti uyyojikāya dukkaṭāni. Bhogesūti uyyojitāya tathā paṭiggahitassa āmisassa paribhogesu. Thullaccayagaṇo siyāti uyyojikāya thullaccayasamūho siyāti attho.
2086-7. бхож̇анассаавасаанасминд̇и уяяож̇ид̇ааяа бхож̇анабарияанд̇з. сан̇гхаад̣̇исзсад̇аад̇и уяяож̇игааяа сан̇гхаад̣̇исзсаабад̇д̇и ход̇и.
2086-7.Bhojanassāvasānasminti uyyojitāya bhojanapariyante. Saṅghādisesatāti uyyojikāya saṅghādisesāpatti hoti.
яагкаад̣̇ийнанд̇и зд̇т̇а аад̣̇и-сад̣̇д̣̇зна бзд̇абан̣д̣агад̇иражчаанаг̇ад̇аа г̇ахид̇аа. д̇ат̇зва бурисасса жаад̇и авассуд̇асса мануссабурисасса. ‘‘г̇ахан̣з уяяож̇анз’’д̇и бад̣̇ажчзд̣̇о. г̇ахан̣зд̇и уяяож̇ид̇ааяа г̇ахан̣з. уяяож̇анзд̇и уяяож̇игааяа ад̇д̇ано уяяож̇анз. д̇зсанд̇и уд̣̇агад̣̇анд̇абонаанам̣. барибхог̇зд̇и уяяож̇ид̇ааяа барибхун̃ж̇анз. д̣̇уггадам̣ баригид̇д̇ид̇анд̇и уяяож̇игааяа д̣̇уггадам̣ вуд̇д̇ам̣.
Yakkhādīnanti ettha ādi-saddena petapaṇḍakatiracchānagatā gahitā. Tatheva purisassa cāti avassutassa manussapurisassa. ‘‘Gahaṇe uyyojane’’ti padacchedo. Gahaṇeti uyyojitāya gahaṇe. Uyyojaneti uyyojikāya attano uyyojane. Tesanti udakadantaponānaṃ. Paribhogeti uyyojitāya paribhuñjane. Dukkaṭaṃ parikittitanti uyyojikāya dukkaṭaṃ vuttaṃ.
2088. сзсассаад̇и уд̣̇агад̣̇анд̇абонад̇о ан̃н̃асса барибхун̃ж̇ид̇аб̣б̣аамисасса. ‘‘г̇ахан̣уяяож̇анз’’д̇иаад̣̇и вуд̇д̇анаяамзва.
2088.Sesassāti udakadantaponato aññassa paribhuñjitabbāmisassa. ‘‘Gahaṇuyyojane’’tiādi vuttanayameva.
2089-90. яаа бана бхигкуний ‘‘анавассуд̇о’’д̇и н̃ад̇ваа уяяож̇зд̇и, ‘‘губид̇аа ваа на бадиг̇г̇ан̣хад̇ий’’д̇и уяяож̇зд̇и, ‘‘гулаануд̣̇д̣̇аяад̇аа вааби на бадиг̇г̇ан̣хад̇ий’’д̇и уяяож̇зд̇и, д̇ассаа жа уммад̇д̇игаад̣̇ийнан̃жа анаабад̇д̇и багаасид̇аад̇и яож̇анаа. яат̇ааха ‘‘анаабад̇д̇и ‘анавассуд̇о’д̇и ж̇аананд̇ий уяяож̇зд̇и, ‘губид̇аа на бадиг̇г̇ан̣хад̇ий’д̇и уяяож̇зд̇и, ‘гулаануд̣̇д̣̇аяад̇ааяа на бадиг̇г̇ан̣хад̇ий’д̇и уяяож̇зд̇ий’’д̇иаад̣̇и (баажи. 708).
2089-90.Yā pana bhikkhunī ‘‘anavassuto’’ti ñatvā uyyojeti, ‘‘kupitā vā na paṭiggaṇhatī’’ti uyyojeti, ‘‘kulānuddayatā vāpi na paṭiggaṇhatī’’ti uyyojeti, tassā ca ummattikādīnañca anāpatti pakāsitāti yojanā. Yathāha ‘‘anāpatti ‘anavassuto’ti jānantī uyyojeti, ‘kupitā na paṭiggaṇhatī’ti uyyojeti, ‘kulānuddayatāya na paṭiggaṇhatī’ti uyyojetī’’tiādi (pāci. 708).
чадтам̣.
Chaṭṭhaṃ.
2091. сад̇д̇аманд̇и ‘‘яаа бана бхигкуний губид̇аа анад̇д̇аманаа звам̣ вад̣̇зяяа б̣уд̣̇д̇хам̣ бажжагкаамий’’д̇иаад̣̇инаяаббавад̇д̇ам̣ (баажи. 710) сад̇д̇амасигкаабад̣̇ан̃жа. адтаманд̇и ‘‘яаа бана бхигкуний гисмин̃жид̣̇зва ад̇хигаран̣з бажжаагад̇аа’’д̇иаад̣̇инаяаббавад̇д̇ам̣ (баажи. 716) адтамасигкаабад̣̇ан̃жа.
2091.Sattamanti ‘‘yā pana bhikkhunī kupitā anattamanā evaṃ vadeyya buddhaṃ paccakkhāmī’’tiādinayappavattaṃ (pāci. 710) sattamasikkhāpadañca. Aṭṭhamanti ‘‘yā pana bhikkhunī kismiñcideva adhikaraṇe paccākatā’’tiādinayappavattaṃ (pāci. 716) aṭṭhamasikkhāpadañca.
сад̇д̇амадтамаани.
Sattamaṭṭhamāni.
2092. навамзд̇и ‘‘бхигкунияо банзва сам̣садтаа вихаранд̇ий’’д̇иаад̣̇исигкаабад̣̇з (баажи. 722) жа. д̣̇асамзд̇и ‘‘яаа бана бхигкуний звам̣ вад̣̇зяяа сам̣садтаава аяяз д̇умхз вихарат̇а, маа д̇умхз наанаа вихарид̇т̇аа’’д̇иаад̣̇исигкаабад̣̇з (баажи. 728) жа.
2092.Navameti ‘‘bhikkhuniyo paneva saṃsaṭṭhā viharantī’’tiādisikkhāpade (pāci. 722) ca. Dasameti ‘‘yā pana bhikkhunī evaṃ vadeyya saṃsaṭṭhāva ayye tumhe viharatha, mā tumhe nānā viharitthā’’tiādisikkhāpade (pāci. 728) ca.
навамад̣̇асамаани.
Navamadasamāni.
2093. д̇зна махаавибхан̇г̇ааг̇ад̇зна д̣̇удтад̣̇осад̣̇ваязна жа д̇ад̇т̇зва ааг̇ад̇зна д̇зна сан̃жарид̇д̇асигкаабад̣̇зна жаад̇и имзхи д̇ийхи сад̣̇д̇хим̣ ид̇хааг̇ад̇аани ча сигкаабад̣̇аанийд̇и звам̣ нава батамаабад̇д̇игаа . ид̇о бхигкунивибхан̇г̇ад̇о жад̇д̇аари яаавад̇ад̇ияагаани д̇ад̇о махаавибхан̇г̇ад̇о жад̇д̇аари яаавад̇ад̇ияагаанийд̇и звам̣ адта яаавад̇ад̇ияагаани, буримаани нава жаад̇и сад̇д̇араса сан̇гхаад̣̇исзсасигкаабад̣̇аани маяаа жзд̇т̇а д̣̇ассид̇аанийд̇и ад̇хиббааяо.
2093. Tena mahāvibhaṅgāgatena duṭṭhadosadvayena ca tattheva āgatena tena sañcarittasikkhāpadena cāti imehi tīhi saddhiṃ idhāgatāni cha sikkhāpadānīti evaṃ nava paṭhamāpattikā . Ito bhikkhunivibhaṅgato cattāri yāvatatiyakāni tato mahāvibhaṅgato cattāri yāvatatiyakānīti evaṃ aṭṭha yāvatatiyakāni, purimāni nava cāti sattarasa saṅghādisesasikkhāpadāni mayā cettha dassitānīti adhippāyo.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
сан̇гхаад̣̇исзсагат̇ааван̣н̣анаа нидтид̇аа.
Saṅghādisesakathāvaṇṇanā niṭṭhitā.
