| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੭੮. ਸਙ੍ਘਸਾਮਗ੍ਗੀਕਥਾ
278. Saṅghasāmaggīkathā
੪੭੫. ਅਥ ਖੋ ਤੇ ਉਕ੍ਖਿਤ੍ਤਾਨੁવਤ੍ਤਕਾ ਭਿਕ੍ਖੂ ਤਂ ਉਕ੍ਖਿਤ੍ਤਕਂ ਭਿਕ੍ਖੁਂ ਓਸਾਰੇਤ੍વਾ ਯੇਨ ਉਕ੍ਖੇਪਕਾ ਭਿਕ੍ਖੂ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਉਕ੍ਖੇਪਕੇ ਭਿਕ੍ਖੂ ਏਤਦવੋਚੁਂ – ‘‘ਯਸ੍ਮਿਂ, ਆવੁਸੋ, વਤ੍ਥੁਸ੍ਮਿਂ ਅਹੋਸਿ ਸਙ੍ਘਸ੍ਸ ਭਣ੍ਡਨਂ ਕਲਹੋ વਿਗ੍ਗਹੋ વਿવਾਦੋ ਸਙ੍ਘਭੇਦੋ ਸਙ੍ਘਰਾਜਿ ਸਙ੍ਘવવਤ੍ਥਾਨਂ ਸਙ੍ਘਨਾਨਾਕਰਣਂ , ਸੋ ਏਸੋ ਭਿਕ੍ਖੁ ਆਪਨ੍ਨੋ ਚ ਉਕ੍ਖਿਤ੍ਤੋ ਚ ਪਸ੍ਸਿ 1 ਚ ਓਸਾਰਿਤੋ ਚ। ਹਨ੍ਦ ਮਯਂ, ਆવੁਸੋ, ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੋਮਾ’’ਤਿ।
475. Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū tenupasaṅkamiṃsu, upasaṅkamitvā ukkhepake bhikkhū etadavocuṃ – ‘‘yasmiṃ, āvuso, vatthusmiṃ ahosi saṅghassa bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇaṃ , so eso bhikkhu āpanno ca ukkhitto ca passi 2 ca osārito ca. Handa mayaṃ, āvuso, tassa vatthussa vūpasamāya saṅghasāmaggiṃ karomā’’ti.
ਅਥ ਖੋ ਤੇ ਉਕ੍ਖੇਪਕਾ ਭਿਕ੍ਖੂ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨਾ ਖੋ ਤੇ ਭਿਕ੍ਖੂ ਭਗવਨ੍ਤਂ ਏਤਦવੋਚੁਂ – ‘‘ਤੇ, ਭਨ੍ਤੇ, ਉਕ੍ਖਿਤ੍ਤਾਨੁવਤ੍ਤਕਾ ਭਿਕ੍ਖੂ ਏવਮਾਹਂਸੁ – ‘ਯਸ੍ਮਿਂ, ਆવੁਸੋ, વਤ੍ਥੁਸ੍ਮਿਂ ਅਹੋਸਿ ਸਙ੍ਘਸ੍ਸ ਭਣ੍ਡਨਂ ਕਲਹੋ વਿਗ੍ਗਹੋ વਿવਾਦੋ ਸਙ੍ਘਭੇਦੋ ਸਙ੍ਘਰਾਜਿ ਸਙ੍ਘવવਤ੍ਥਾਨਂ ਸਙ੍ਘਨਾਨਾਕਰਣਂ, ਸੋ ਏਸੋ ਭਿਕ੍ਖੁ ਆਪਨ੍ਨੋ ਚ ਉਕ੍ਖਿਤ੍ਤੋ ਚ ਪਸ੍ਸਿ ਚ ਓਸਾਰਿਤੋ ਚ। ਹਨ੍ਦ ਮਯਂ, ਆવੁਸੋ, ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੋਮਾ’ਤਿ। ਕਥਂ ਨੁ ਖੋ, ਭਨ੍ਤੇ, ਪਟਿਪਜ੍ਜਿਤਬ੍ਬ’’ਨ੍ਤਿ? ਯਤੋ ਚ ਖੋ ਸੋ, ਭਿਕ੍ਖવੇ, ਭਿਕ੍ਖੁ ਆਪਨ੍ਨੋ ਚ ਉਕ੍ਖਿਤ੍ਤੋ ਚ ਪਸ੍ਸਿ ਚ ਓਸਾਰਿਤੋ ਚ, ਤੇਨ ਹਿ, ਭਿਕ੍ਖવੇ, ਸਙ੍ਘੋ ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੋਤੁ। ਏવਞ੍ਚ ਪਨ, ਭਿਕ੍ਖવੇ, ਕਾਤਬ੍ਬਾ। ਸਬ੍ਬੇਹੇવ ਏਕਜ੍ਝਂ ਸਨ੍ਨਿਪਤਿਤਬ੍ਬਂ ਗਿਲਾਨੇਹਿ ਚ ਅਗਿਲਾਨੇਹਿ ਚ। ਨ ਕੇਹਿਚਿ ਛਨ੍ਦੋ ਦਾਤਬ੍ਬੋ। ਸਨ੍ਨਿਪਤਿਤ੍વਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Atha kho te ukkhepakā bhikkhū yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘te, bhante, ukkhittānuvattakā bhikkhū evamāhaṃsu – ‘yasmiṃ, āvuso, vatthusmiṃ ahosi saṅghassa bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇaṃ, so eso bhikkhu āpanno ca ukkhitto ca passi ca osārito ca. Handa mayaṃ, āvuso, tassa vatthussa vūpasamāya saṅghasāmaggiṃ karomā’ti. Kathaṃ nu kho, bhante, paṭipajjitabba’’nti? Yato ca kho so, bhikkhave, bhikkhu āpanno ca ukkhitto ca passi ca osārito ca, tena hi, bhikkhave, saṅgho tassa vatthussa vūpasamāya saṅghasāmaggiṃ karotu. Evañca pana, bhikkhave, kātabbā. Sabbeheva ekajjhaṃ sannipatitabbaṃ gilānehi ca agilānehi ca. Na kehici chando dātabbo. Sannipatitvā byattena bhikkhunā paṭibalena saṅgho ñāpetabbo –
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਸ੍ਮਿਂ વਤ੍ਥੁਸ੍ਮਿਂ ਅਹੋਸਿ ਸਙ੍ਘਸ੍ਸ ਭਣ੍ਡਨਂ ਕਲਹੋ વਿਗ੍ਗਹੋ વਿવਾਦੋ ਸਙ੍ਘਭੇਦੋ ਸਙ੍ਘਰਾਜਿ ਸਙ੍ਘવવਤ੍ਥਾਨਂ ਸਙ੍ਘਨਾਨਾਕਰਣਂ, ਸੋ ਏਸੋ ਭਿਕ੍ਖੁ ਆਪਨ੍ਨੋ ਚ ਉਕ੍ਖਿਤ੍ਤੋ ਚ ਪਸ੍ਸਿ ਚ ਓਸਾਰਿਤੋ ਚ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੇਯ੍ਯ। ਏਸਾ ਞਤ੍ਤਿ।
‘‘Suṇātu me, bhante, saṅgho. Yasmiṃ vatthusmiṃ ahosi saṅghassa bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇaṃ, so eso bhikkhu āpanno ca ukkhitto ca passi ca osārito ca. Yadi saṅghassa pattakallaṃ, saṅgho tassa vatthussa vūpasamāya saṅghasāmaggiṃ kareyya. Esā ñatti.
‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਯਸ੍ਮਿਂ વਤ੍ਥੁਸ੍ਮਿਂ ਅਹੋਸਿ ਸਙ੍ਘਸ੍ਸ ਭਣ੍ਡਨਂ ਕਲਹੋ વਿਗ੍ਗਹੋ વਿવਾਦੋ ਸਙ੍ਘਭੇਦੋ ਸਙ੍ਘਰਾਜਿ ਸਙ੍ਘવવਤ੍ਥਾਨਂ ਸਙ੍ਘਨਾਨਾਕਰਣਂ, ਸੋ ਏਸੋ ਭਿਕ੍ਖੁ ਆਪਨ੍ਨੋ ਚ ਉਕ੍ਖਿਤ੍ਤੋ ਚ ਪਸ੍ਸਿ ਚ ਓਸਾਰਿਤੋ ਚ। ਸਙ੍ਘੋ ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੋਤਿ। ਯਸ੍ਸਾਯਸ੍ਮਤੋ ਖਮਤਿ ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਯਾ ਕਰਣਂ, ਸੋ ਤੁਣ੍ਹਸ੍ਸ, ਯਸ੍ਸ ਨਕ੍ਖਮਤਿ ਸੋ ਭਾਸੇਯ੍ਯ।
‘‘Suṇātu me, bhante, saṅgho. Yasmiṃ vatthusmiṃ ahosi saṅghassa bhaṇḍanaṃ kalaho viggaho vivādo saṅghabhedo saṅgharāji saṅghavavatthānaṃ saṅghanānākaraṇaṃ, so eso bhikkhu āpanno ca ukkhitto ca passi ca osārito ca. Saṅgho tassa vatthussa vūpasamāya saṅghasāmaggiṃ karoti. Yassāyasmato khamati tassa vatthussa vūpasamāya saṅghasāmaggiyā karaṇaṃ, so tuṇhassa, yassa nakkhamati so bhāseyya.
‘‘ਕਤਾ ਸਙ੍ਘੇਨ ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗੀ। ਨਿਹਤੋ ਸਙ੍ਘਭੇਦੋ, ਨਿਹਤਾ ਸਙ੍ਘਰਾਜਿ, ਨਿਹਤਂ ਸਙ੍ਘવવਤ੍ਥਾਨਂ, ਨਿਹਤਂ ਸਙ੍ਘਨਾਨਾਕਰਣਂ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Katā saṅghena tassa vatthussa vūpasamāya saṅghasāmaggī. Nihato saṅghabhedo, nihatā saṅgharāji, nihataṃ saṅghavavatthānaṃ, nihataṃ saṅghanānākaraṇaṃ. Khamati saṅghassa, tasmā tuṇhī, evametaṃ dhārayāmī’’ti.
ਤਾવਦੇવ ਉਪੋਸਥੋ ਕਾਤਬ੍ਬੋ, ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬਨ੍ਤਿ।
Tāvadeva uposatho kātabbo, pātimokkhaṃ uddisitabbanti.
ਸਙ੍ਘਸਾਮਗ੍ਗੀਕਥਾ ਨਿਟ੍ਠਿਤਾ।
Saṅghasāmaggīkathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਟ੍ਠਾਰਸવਤ੍ਥੁਕਥਾ • Aṭṭhārasavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸਙ੍ਘਸਾਮਗ੍ਗੀਕਥਾવਣ੍ਣਨਾ • Saṅghasāmaggīkathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਟ੍ਠਾਰਸવਤ੍ਥੁਕਥਾવਣ੍ਣਨਾ • Aṭṭhārasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੭੬. ਅਟ੍ਠਾਰਸવਤ੍ਥੁਕਥਾ • 276. Aṭṭhārasavatthukathā
