| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
সঙ্ঘসামগ্গীকথাৰণ্ণনা
Saṅghasāmaggīkathāvaṇṇanā
৪৭৫. ‘‘অথ খো তে উক্খিত্তানুৰত্তকা ভিক্খূ তং উক্খিত্তকং ভিক্খুং ওসারেত্ৰা যেন উক্খেপকা ভিক্খূ…পে॰… তস্স ৰত্থুস্স ৰূপসমায সঙ্ঘসামগ্গিং করোমা’’তি ৰচনং দুৰিঞ্ঞেয্যৰিনিচ্ছযং ৰিনযলক্খণকুসলস্স। ৰিজ্জমানে হি কারকসঙ্ঘে ইতরো সঙ্ঘো ওসারিতুং ন লভতি। ওসারেন্তো চে, তে ভিক্খূ কারকসঙ্ঘেন সমানলদ্ধিকভাৰং পত্তত্তা তেন সমানসংৰাসকা হোন্তি, ততো উক্খেপকানং ছন্দং অগ্গহেত্ৰা ওসারেন্তানং কম্মং কুপ্পতি, তস্মা ‘‘তেন হি, ভিক্খৰে, তং ভিক্খুং ওসারেথা’’তি (মহাৰ॰ ৪৭৪) ভগৰতো ৰচনেন উক্খিত্তানুৰত্তকা ওসারেসুং, উদাহু নিস্সীমং গন্ত্ৰা, উদাহু ইতরেসং ছন্দং গহেত্ৰা ওসারেসুং, ননু এতেসমঞ্ঞতরেনেত্থ ভৰিতব্বং, ন চ পনেতং সব্বগণ্ঠিপদেসু ৰিচারিতং। অযং পনেত্থ তক্কো –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘যস্মিং ৰত্থুস্মিং সঙ্ঘেন, কতকম্মস্স ভিক্খুনো।
‘‘Yasmiṃ vatthusmiṃ saṅghena, katakammassa bhikkhuno;
সতি তস্মিং ন অঞ্ঞস্স, পটিপ্পস্সম্ভনং খমং॥
Sati tasmiṃ na aññassa, paṭippassambhanaṃ khamaṃ.
‘‘ৰিরমন্তে ততো দোসো, অপি সঙ্ঘো অকারকো।
‘‘Viramante tato doso, api saṅgho akārako;
ওসারেতুং অলং যস্মা, কারকো অনুলোমিকো’’তি॥
Osāretuṃ alaṃ yasmā, kārako anulomiko’’ti.
৪৭৭. ‘‘অট্ঠ দূতঙ্গানি নাম সোতা চ হোতি, সাৰেতা চ উগ্গহেতা চ ধারেতা চ ৰিঞ্ঞাতা চ ৰিঞ্ঞাপেতা চ কুসলো চ সহিতাসহিতদস্সনো চ অকলহকারকো চাতি এতানী’’তি ৰুত্তং।
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
কোসম্বকক্খন্ধকৰণ্ণনা নিট্ঠিতা।
Kosambakakkhandhakavaṇṇanā niṭṭhitā.
মহাৰগ্গস্স লীনত্থপকাসনা নিট্ঠিতা।
Mahāvaggassa līnatthapakāsanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২৭৮. সঙ্ঘসামগ্গীকথা • 278. Saṅghasāmaggīkathā
২৭৯. উপালিসঙ্ঘসামগ্গীপুচ্ছা • 279. Upālisaṅghasāmaggīpucchā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অট্ঠারসৰত্থুকথা • Aṭṭhārasavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / উপালিসঙ্ঘসামগ্গীপুচ্ছাৰণ্ণনা • Upālisaṅghasāmaggīpucchāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অট্ঠারসৰত্থুকথাৰণ্ণনা • Aṭṭhārasavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৭৬. অট্ঠারসৰত্থুকথা • 276. Aṭṭhārasavatthukathā
