| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
сан̇гхасаамаг̇г̇ийгат̇ааван̣н̣анаа
Saṅghasāmaggīkathāvaṇṇanā
475. ‘‘ат̇а ко д̇з угкид̇д̇аанувад̇д̇агаа бхигкуу д̇ам̣ угкид̇д̇агам̣ бхигкум̣ осаарзд̇ваа язна угкзбагаа бхигкуу…бз… д̇асса вад̇т̇усса вуубасамааяа сан̇гхасаамаг̇г̇им̣ гаромаа’’д̇и важанам̣ д̣̇увин̃н̃зяяавинижчаяам̣ винаяалагкан̣агусаласса. виж̇ж̇амаанз хи гаарагасан̇гхз ид̇аро сан̇гхо осаарид̇ум̣ на лабхад̇и. осаарзнд̇о жз, д̇з бхигкуу гаарагасан̇гхзна самааналад̣̇д̇хигабхаавам̣ бад̇д̇ад̇д̇аа д̇зна самаанасам̣ваасагаа хонд̇и, д̇ад̇о угкзбагаанам̣ чанд̣̇ам̣ аг̇г̇ахзд̇ваа осаарзнд̇аанам̣ гаммам̣ губбад̇и, д̇асмаа ‘‘д̇зна хи, бхигкавз, д̇ам̣ бхигкум̣ осаарзт̇аа’’д̇и (махаава. 474) бхаг̇авад̇о важанзна угкид̇д̇аанувад̇д̇агаа осаарзсум̣, уд̣̇ааху ниссиймам̣ г̇анд̇ваа, уд̣̇ааху ид̇арзсам̣ чанд̣̇ам̣ г̇ахзд̇ваа осаарзсум̣, нану зд̇зсаман̃н̃ад̇арзнзд̇т̇а бхавид̇аб̣б̣ам̣, на жа банзд̇ам̣ саб̣б̣аг̇ан̣тибад̣̇зсу вижаарид̇ам̣. аяам̣ банзд̇т̇а д̇агго –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘яасмим̣ вад̇т̇усмим̣ сан̇гхзна, гад̇агаммасса бхигкуно;
‘‘Yasmiṃ vatthusmiṃ saṅghena, katakammassa bhikkhuno;
сад̇и д̇асмим̣ на ан̃н̃асса, бадиббассамбханам̣ камам̣.
Sati tasmiṃ na aññassa, paṭippassambhanaṃ khamaṃ.
‘‘вираманд̇з д̇ад̇о д̣̇осо, аби сан̇гхо агаараго;
‘‘Viramante tato doso, api saṅgho akārako;
осаарзд̇ум̣ алам̣ яасмаа, гаараго ануломиго’’д̇и.
Osāretuṃ alaṃ yasmā, kārako anulomiko’’ti.
477. ‘‘адта д̣̇ууд̇ан̇г̇аани наама сод̇аа жа ход̇и, саавзд̇аа жа уг̇г̇ахзд̇аа жа д̇хаарзд̇аа жа вин̃н̃аад̇аа жа вин̃н̃аабзд̇аа жа гусало жа сахид̇аасахид̇ад̣̇ассано жа агалахагаараго жаад̇и зд̇ааний’’д̇и вуд̇д̇ам̣.
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
госамб̣агагканд̇хагаван̣н̣анаа нидтид̇аа.
Kosambakakkhandhakavaṇṇanā niṭṭhitā.
махааваг̇г̇асса лийнад̇т̇абагаасанаа нидтид̇аа.
Mahāvaggassa līnatthapakāsanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
278. сан̇гхасаамаг̇г̇ийгат̇аа • 278. Saṅghasāmaggīkathā
279. убаалисан̇гхасаамаг̇г̇ийбужчаа • 279. Upālisaṅghasāmaggīpucchā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / адтаарасавад̇т̇угат̇аа • Aṭṭhārasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаалисан̇гхасаамаг̇г̇ийбужчааван̣н̣анаа • Upālisaṅghasāmaggīpucchāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / адтаарасавад̇т̇угат̇ааван̣н̣анаа • Aṭṭhārasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 276. адтаарасавад̇т̇угат̇аа • 276. Aṭṭhārasavatthukathā
