| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
สงฺฆสามคฺคีกถาวณฺณนา
Saṅghasāmaggīkathāvaṇṇanā
๔๗๕. ‘‘อถ โข เต อุกฺขิตฺตานุวตฺตกา ภิกฺขู ตํ อุกฺขิตฺตกํ ภิกฺขุํ โอสาเรตฺวา เยน อุเกฺขปกา ภิกฺขู…เป.… ตสฺส วตฺถุสฺส วูปสมาย สงฺฆสามคฺคิํ กโรมา’’ติ วจนํ ทุวิเญฺญยฺยวินิจฺฉยํ วินยลกฺขณกุสลสฺสฯ วิชฺชมาเน หิ การกสเงฺฆ อิตโร สโงฺฆ โอสาริตุํ น ลภติฯ โอสาเรโนฺต เจ, เต ภิกฺขู การกสเงฺฆน สมานลทฺธิกภาวํ ปตฺตตฺตา เตน สมานสํวาสกา โหนฺติ, ตโต อุเกฺขปกานํ ฉนฺทํ อคฺคเหตฺวา โอสาเรนฺตานํ กมฺมํ กุปฺปติ, ตสฺมา ‘‘เตน หิ, ภิกฺขเว, ตํ ภิกฺขุํ โอสาเรถา’’ติ (มหาว. ๔๗๔) ภควโต วจเนน อุกฺขิตฺตานุวตฺตกา โอสาเรสุํ, อุทาหุ นิสฺสีมํ คนฺตฺวา, อุทาหุ อิตเรสํ ฉนฺทํ คเหตฺวา โอสาเรสุํ, นนุ เอเตสมญฺญตเรเนตฺถ ภวิตพฺพํ, น จ ปเนตํ สพฺพคณฺฐิปเทสุ วิจาริตํฯ อยํ ปเนตฺถ ตโกฺก –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘ยสฺมิํ วตฺถุสฺมิํ สเงฺฆน, กตกมฺมสฺส ภิกฺขุโน;
‘‘Yasmiṃ vatthusmiṃ saṅghena, katakammassa bhikkhuno;
สติ ตสฺมิํ น อญฺญสฺส, ปฎิปฺปสฺสมฺภนํ ขมํฯ
Sati tasmiṃ na aññassa, paṭippassambhanaṃ khamaṃ.
‘‘วิรมเนฺต ตโต โทโส, อปิ สโงฺฆ อการโก;
‘‘Viramante tato doso, api saṅgho akārako;
โอสาเรตุํ อลํ ยสฺมา, การโก อนุโลมิโก’’ติฯ
Osāretuṃ alaṃ yasmā, kārako anulomiko’’ti.
๔๗๗. ‘‘อฎฺฐ ทูตงฺคานิ นาม โสตา จ โหติ, สาเวตา จ อุคฺคเหตา จ ธาเรตา จ วิญฺญาตา จ วิญฺญาเปตา จ กุสโล จ สหิตาสหิตทสฺสโน จ อกลหการโก จาติ เอตานี’’ติ วุตฺตํฯ
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
โกสมฺพกกฺขนฺธกวณฺณนา นิฎฺฐิตาฯ
Kosambakakkhandhakavaṇṇanā niṭṭhitā.
มหาวคฺคสฺส ลีนตฺถปกาสนา นิฎฺฐิตาฯ
Mahāvaggassa līnatthapakāsanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๗๘. สงฺฆสามคฺคีกถา • 278. Saṅghasāmaggīkathā
๒๗๙. อุปาลิสงฺฆสามคฺคีปุจฺฉา • 279. Upālisaṅghasāmaggīpucchā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อฎฺฐารสวตฺถุกถา • Aṭṭhārasavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อุปาลิสงฺฆสามคฺคีปุจฺฉาวณฺณนา • Upālisaṅghasāmaggīpucchāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อฎฺฐารสวตฺถุกถาวณฺณนา • Aṭṭhārasavatthukathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๗๖. อฎฺฐารสวตฺถุกถา • 276. Aṭṭhārasavatthukathā
