| Library / Tipiṭaka / ತಿಪಿಟಕ • Tipiṭaka / ವಜಿರಬುದ್ಧಿ-ಟೀಕಾ • Vajirabuddhi-ṭīkā |
ಸಙ್ಘಸಾಮಗ್ಗೀಕಥಾವಣ್ಣನಾ
Saṅghasāmaggīkathāvaṇṇanā
೪೭೫. ‘‘ಅಥ ಖೋ ತೇ ಉಕ್ಖಿತ್ತಾನುವತ್ತಕಾ ಭಿಕ್ಖೂ ತಂ ಉಕ್ಖಿತ್ತಕಂ ಭಿಕ್ಖುಂ ಓಸಾರೇತ್ವಾ ಯೇನ ಉಕ್ಖೇಪಕಾ ಭಿಕ್ಖೂ…ಪೇ॰… ತಸ್ಸ ವತ್ಥುಸ್ಸ ವೂಪಸಮಾಯ ಸಙ್ಘಸಾಮಗ್ಗಿಂ ಕರೋಮಾ’’ತಿ ವಚನಂ ದುವಿಞ್ಞೇಯ್ಯವಿನಿಚ್ಛಯಂ ವಿನಯಲಕ್ಖಣಕುಸಲಸ್ಸ। ವಿಜ್ಜಮಾನೇ ಹಿ ಕಾರಕಸಙ್ಘೇ ಇತರೋ ಸಙ್ಘೋ ಓಸಾರಿತುಂ ನ ಲಭತಿ। ಓಸಾರೇನ್ತೋ ಚೇ, ತೇ ಭಿಕ್ಖೂ ಕಾರಕಸಙ್ಘೇನ ಸಮಾನಲದ್ಧಿಕಭಾವಂ ಪತ್ತತ್ತಾ ತೇನ ಸಮಾನಸಂವಾಸಕಾ ಹೋನ್ತಿ, ತತೋ ಉಕ್ಖೇಪಕಾನಂ ಛನ್ದಂ ಅಗ್ಗಹೇತ್ವಾ ಓಸಾರೇನ್ತಾನಂ ಕಮ್ಮಂ ಕುಪ್ಪತಿ, ತಸ್ಮಾ ‘‘ತೇನ ಹಿ, ಭಿಕ್ಖವೇ, ತಂ ಭಿಕ್ಖುಂ ಓಸಾರೇಥಾ’’ತಿ (ಮಹಾವ॰ ೪೭೪) ಭಗವತೋ ವಚನೇನ ಉಕ್ಖಿತ್ತಾನುವತ್ತಕಾ ಓಸಾರೇಸುಂ, ಉದಾಹು ನಿಸ್ಸೀಮಂ ಗನ್ತ್ವಾ, ಉದಾಹು ಇತರೇಸಂ ಛನ್ದಂ ಗಹೇತ್ವಾ ಓಸಾರೇಸುಂ, ನನು ಏತೇಸಮಞ್ಞತರೇನೇತ್ಥ ಭವಿತಬ್ಬಂ, ನ ಚ ಪನೇತಂ ಸಬ್ಬಗಣ್ಠಿಪದೇಸು ವಿಚಾರಿತಂ। ಅಯಂ ಪನೇತ್ಥ ತಕ್ಕೋ –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘ಯಸ್ಮಿಂ ವತ್ಥುಸ್ಮಿಂ ಸಙ್ಘೇನ, ಕತಕಮ್ಮಸ್ಸ ಭಿಕ್ಖುನೋ।
‘‘Yasmiṃ vatthusmiṃ saṅghena, katakammassa bhikkhuno;
ಸತಿ ತಸ್ಮಿಂ ನ ಅಞ್ಞಸ್ಸ, ಪಟಿಪ್ಪಸ್ಸಮ್ಭನಂ ಖಮಂ॥
Sati tasmiṃ na aññassa, paṭippassambhanaṃ khamaṃ.
‘‘ವಿರಮನ್ತೇ ತತೋ ದೋಸೋ, ಅಪಿ ಸಙ್ಘೋ ಅಕಾರಕೋ।
‘‘Viramante tato doso, api saṅgho akārako;
ಓಸಾರೇತುಂ ಅಲಂ ಯಸ್ಮಾ, ಕಾರಕೋ ಅನುಲೋಮಿಕೋ’’ತಿ॥
Osāretuṃ alaṃ yasmā, kārako anulomiko’’ti.
೪೭೭. ‘‘ಅಟ್ಠ ದೂತಙ್ಗಾನಿ ನಾಮ ಸೋತಾ ಚ ಹೋತಿ, ಸಾವೇತಾ ಚ ಉಗ್ಗಹೇತಾ ಚ ಧಾರೇತಾ ಚ ವಿಞ್ಞಾತಾ ಚ ವಿಞ್ಞಾಪೇತಾ ಚ ಕುಸಲೋ ಚ ಸಹಿತಾಸಹಿತದಸ್ಸನೋ ಚ ಅಕಲಹಕಾರಕೋ ಚಾತಿ ಏತಾನೀ’’ತಿ ವುತ್ತಂ।
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
ಕೋಸಮ್ಬಕಕ್ಖನ್ಧಕವಣ್ಣನಾ ನಿಟ್ಠಿತಾ।
Kosambakakkhandhakavaṇṇanā niṭṭhitā.
ಮಹಾವಗ್ಗಸ್ಸ ಲೀನತ್ಥಪಕಾಸನಾ ನಿಟ್ಠಿತಾ।
Mahāvaggassa līnatthapakāsanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೨೭೮. ಸಙ್ಘಸಾಮಗ್ಗೀಕಥಾ • 278. Saṅghasāmaggīkathā
೨೭೯. ಉಪಾಲಿಸಙ್ಘಸಾಮಗ್ಗೀಪುಚ್ಛಾ • 279. Upālisaṅghasāmaggīpucchā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಅಟ್ಠಾರಸವತ್ಥುಕಥಾ • Aṭṭhārasavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಉಪಾಲಿಸಙ್ಘಸಾಮಗ್ಗೀಪುಚ್ಛಾವಣ್ಣನಾ • Upālisaṅghasāmaggīpucchāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಅಟ್ಠಾರಸವತ್ಥುಕಥಾವಣ್ಣನಾ • Aṭṭhārasavatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೨೭೬. ಅಟ್ಠಾರಸವತ್ಥುಕಥಾ • 276. Aṭṭhārasavatthukathā
