| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
සඞ්‌ඝසාමග්‌ගීකථාවණ්‌ණනා
Saṅghasāmaggīkathāvaṇṇanā
475. ‘‘අථ ඛො තෙ උක්‌ඛිත්‌තානුවත්‌තකා භික්‌ඛූ තං උක්‌ඛිත්‌තකං භික්‌ඛුං ඔසාරෙත්‌වා යෙන උක්‌ඛෙපකා භික්‌ඛූ…පෙ.… තස්‌ස වත්‌ථුස්‌ස වූපසමාය සඞ්‌ඝසාමග්‌ගිං කරොමා’’ති වචනං දුවිඤ්‌ඤෙය්‍යවිනිච්‌ඡයං විනයලක්‌ඛණකුසලස්‌ස. විජ්‌ජමානෙ හි කාරකසඞ්‌ඝෙ ඉතරො සඞ්‌ඝො ඔසාරිතුං න ලභති. ඔසාරෙන්‌තො චෙ, තෙ භික්‌ඛූ කාරකසඞ්‌ඝෙන සමානලද්‌ධිකභාවං පත්‌තත්‌තා තෙන සමානසංවාසකා හොන්‌ති, තතො උක්‌ඛෙපකානං ඡන්‌දං අග්‌ගහෙත්‌වා ඔසාරෙන්‌තානං කම්‌මං කුප්‌පති, තස්‌මා ‘‘තෙන හි, භික්‌ඛවෙ, තං භික්‌ඛුං ඔසාරෙථා’’ති (මහාව. 474) භගවතො වචනෙන උක්‌ඛිත්‌තානුවත්‌තකා ඔසාරෙසුං, උදාහු නිස්‌සීමං ගන්‌ත්‌වා, උදාහු ඉතරෙසං ඡන්‌දං ගහෙත්‌වා ඔසාරෙසුං, නනු එතෙසමඤ්‌ඤතරෙනෙත්‌ථ භවිතබ්‌බං, න ච පනෙතං සබ්‌බගණ්‌ඨිපදෙසු විචාරිතං. අයං පනෙත්‌ථ තක්‌කො –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘යස්‌මිං වත්‌ථුස්‌මිං සඞ්‌ඝෙන, කතකම්‌මස්‌ස භික්‌ඛුනො;
‘‘Yasmiṃ vatthusmiṃ saṅghena, katakammassa bhikkhuno;
සති තස්‌මිං න අඤ්‌ඤස්‌ස, පටිප්‌පස්‌සම්‌භනං ඛමං.
Sati tasmiṃ na aññassa, paṭippassambhanaṃ khamaṃ.
‘‘විරමන්‌තෙ තතො දොසො, අපි සඞ්‌ඝො අකාරකො;
‘‘Viramante tato doso, api saṅgho akārako;
ඔසාරෙතුං අලං යස්‌මා, කාරකො අනුලොමිකො’’ති.
Osāretuṃ alaṃ yasmā, kārako anulomiko’’ti.
477. ‘‘අට්‌ඨ දූතඞ්‌ගානි නාම සොතා ච හොති, සාවෙතා ච උග්‌ගහෙතා ච ධාරෙතා ච විඤ්‌ඤාතා ච විඤ්‌ඤාපෙතා ච කුසලො ච සහිතාසහිතදස්‌සනො ච අකලහකාරකො චාති එතානී’’ති වුත්‌තං.
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
කොසම්‌බකක්‌ඛන්‌ධකවණ්‌ණනා නිට්‌ඨිතා.
Kosambakakkhandhakavaṇṇanā niṭṭhitā.
මහාවග්‌ගස්‌ස ලීනත්‌ථපකාසනා නිට්‌ඨිතා.
Mahāvaggassa līnatthapakāsanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
278. සඞ්‌ඝසාමග්‌ගීකථා • 278. Saṅghasāmaggīkathā
279. උපාලිසඞ්‌ඝසාමග්‌ගීපුච්‌ඡා • 279. Upālisaṅghasāmaggīpucchā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අට්‌ඨාරසවත්‌ථුකථා • Aṭṭhārasavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / උපාලිසඞ්‌ඝසාමග්‌ගීපුච්‌ඡාවණ්‌ණනා • Upālisaṅghasāmaggīpucchāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අට්‌ඨාරසවත්‌ථුකථාවණ්‌ණනා • Aṭṭhārasavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 276. අට්‌ඨාරසවත්‌ථුකථා • 276. Aṭṭhārasavatthukathā
