| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. སངྒྷསཱམགྒཱིསུཏྟཾ
8. Saṅghasāmaggīsuttaṃ
༣༨. 1 ‘‘‘སངྒྷསཱམགྒཱི སངྒྷསཱམགྒཱི’ཏི, བྷནྟེ, ཝུཙྩཏི། ཀིཏྟཱཝཏཱ ནུ ཁོ, བྷནྟེ, སངྒྷོ སམགྒོ ཧོཏཱི’’ཏི? ‘‘ཨིདྷུཔཱལི, བྷིཀྑཱུ ཨདྷམྨཾ ཨདྷམྨོཏི དཱིཔེནྟི, དྷམྨཾ དྷམྨོཏི དཱིཔེནྟི, ཨཝིནཡཾ ཨཝིནཡོཏི དཱིཔེནྟི, ཝིནཡཾ ཝིནཡོཏི དཱིཔེནྟི, ཨབྷཱསིཏཾ ཨལཔིཏཾ ཏཐཱགཏེན ཨབྷཱསིཏཾ ཨལཔིཏཾ ཏཐཱགཏེནཱཏི དཱིཔེནྟི, བྷཱསིཏཾ ལཔིཏཾ ཏཐཱགཏེན བྷཱསིཏཾ ལཔིཏཾ ཏཐཱགཏེནཱཏི དཱིཔེནྟི, ཨནཱཙིཎྞཾ ཏཐཱགཏེན ཨནཱཙིཎྞཾ ཏཐཱགཏེནཱཏི དཱིཔེནྟི, ཨཱཙིཎྞཾ ཏཐཱགཏེན ཨཱཙིཎྞཾ ཏཐཱགཏེནཱཏི དཱིཔེནྟི, ཨཔཉྙཏྟཾ ཏཐཱགཏེན ཨཔཉྙཏྟཾ ཏཐཱགཏེནཱཏི དཱིཔེནྟི, པཉྙཏྟཾ ཏཐཱགཏེན པཉྙཏྟཾ ཏཐཱགཏེནཱཏི དཱིཔེནྟི། ཏེ ཨིམེཧི དསཧི ཝཏྠཱུཧི ན ཨཝཀསྶནྟི ན ཨཔཀསྶནྟི ན ཨཱཝེནི ཀམྨཱནི ཀརོནྟི ན ཨཱཝེནི པཱཏིམོཀྑཾ ཨུདྡིསནྟི། ཨེཏྟཱཝཏཱ ཁོ, ཨུཔཱལི, སངྒྷོ སམགྒོ ཧོཏཱི’’ཏི། ཨཊྛམཾ།
38.2 ‘‘‘Saṅghasāmaggī saṅghasāmaggī’ti, bhante, vuccati. Kittāvatā nu kho, bhante, saṅgho samaggo hotī’’ti? ‘‘Idhupāli, bhikkhū adhammaṃ adhammoti dīpenti, dhammaṃ dhammoti dīpenti, avinayaṃ avinayoti dīpenti, vinayaṃ vinayoti dīpenti, abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti, bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti, anāciṇṇaṃ tathāgatena anāciṇṇaṃ tathāgatenāti dīpenti, āciṇṇaṃ tathāgatena āciṇṇaṃ tathāgatenāti dīpenti, apaññattaṃ tathāgatena apaññattaṃ tathāgatenāti dīpenti, paññattaṃ tathāgatena paññattaṃ tathāgatenāti dīpenti. Te imehi dasahi vatthūhi na avakassanti na apakassanti na āveni kammāni karonti na āveni pātimokkhaṃ uddisanti. Ettāvatā kho, upāli, saṅgho samaggo hotī’’ti. Aṭṭhamaṃ.
Footnotes:
