| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
9. сан̇гхасаамаг̇г̇ийсуд̇д̇аван̣н̣анаа
9. Saṅghasāmaggīsuttavaṇṇanā
19. навамз згад̇хаммод̇и зго гусалад̇хаммо анаваж̇ж̇ад̇хаммо. ‘‘аяам̣ д̇хаммо, нааяам̣ д̇хаммо’’д̇иаад̣̇инаа сажз сан̇гхз виваад̣̇о уббаж̇ж̇зяяа, д̇ад̇т̇а д̇хаммагаамзна вин̃н̃унаа ид̇и бадисан̃жигкид̇аб̣б̣ам̣ ‘‘таанам̣ ко, банзд̇ам̣ виж̇ж̇ад̇и, яад̣̇ид̣̇ам̣ виваад̣̇о вад̣дхамаано сан̇гхарааж̇ияаа ваа сан̇гхабхзд̣̇ааяа ваа сам̣вад̇д̇зяяаа’’д̇и. сажз д̇ам̣ ад̇хигаран̣ам̣ ад̇д̇анаа баг̇г̇ахзд̇ваа тид̇о, аг̇г̇им̣ агганд̇зна вияа сахасаа д̇ад̇о орамид̇аб̣б̣ам̣. ат̇а барзхи д̇ам̣ баг̇г̇ахид̇ам̣ саяан̃жзд̇ам̣ саггод̇и вуубасамзд̇ум̣, уссаахаж̇аад̇о худ̇ваа д̣̇уурамби г̇анд̇ваа д̇ат̇аа бадибаж̇ж̇ид̇аб̣б̣ам̣, яат̇аа д̇ам̣ вуубасаммад̇и. сажз бана саяам̣ на саггод̇и, со жа виваад̣̇о убаруубари вад̣дхад̇зва, на вуубасаммад̇и. яз д̇ад̇т̇а бад̇ируубаа сигкаагаамаа саб̣рахмажаарино, д̇з уссаахзд̇ваа язна д̇хаммзна язна винаязна язна сад̇т̇усаасанзна д̇ам̣ ад̇хигаран̣ам̣ яат̇аа вуубасаммад̇и, д̇ат̇аа вуубасамзд̇аб̣б̣ам̣. звам̣ вуубасамзнд̇асса яо сан̇гхасаамаг̇г̇игаро гусало д̇хаммо, аяамзд̇т̇а згад̇хаммод̇и ад̇хиббзд̇о. со хи убхад̇обагкияаанам̣ д̣̇взл̣хагаж̇аад̇аанам̣ бхигкуунам̣, д̇зсам̣ анувад̇д̇анавасзна тид̇аанам̣ бхигкунийнам̣ убаасагаанам̣ убаасигаанам̣ д̇зсам̣ аарагкад̣̇звад̇аанам̣ яаавад̣̇зва б̣рахмаанамби уббаж̇ж̇анаарахам̣ ахид̇ам̣ д̣̇угкаавахам̣ сам̣гилзсад̇хаммам̣ абанзд̇ваа махад̇о бун̃н̃араасисса гусалаабхисанд̣̇асса хзд̇убхаавад̇о сад̣̇звагасса логасса хид̇асукаавахо ход̇и. д̇зна вуд̇д̇ам̣ ‘‘згад̇хаммо, бхигкавз, логз уббаж̇ж̇амаано уббаж̇ж̇ад̇и б̣ахуж̇анахид̇ааяаа’’д̇иаад̣̇и. д̇ассад̇т̇о ананд̇арасуд̇д̇з вуд̇д̇авибарияааязна взд̣̇ид̇аб̣б̣о. сан̇гхасаамаг̇г̇ийд̇и сан̇гхасса самаг̇г̇абхааво бхзд̣̇аабхааво згагаммад̇аа згуд̣̇д̣̇зсад̇аа жа.
19. Navame ekadhammoti eko kusaladhammo anavajjadhammo. ‘‘Ayaṃ dhammo, nāyaṃ dhammo’’tiādinā sace saṅghe vivādo uppajjeyya, tattha dhammakāmena viññunā iti paṭisañcikkhitabbaṃ ‘‘ṭhānaṃ kho, panetaṃ vijjati, yadidaṃ vivādo vaḍḍhamāno saṅgharājiyā vā saṅghabhedāya vā saṃvatteyyā’’ti. Sace taṃ adhikaraṇaṃ attanā paggahetvā ṭhito, aggiṃ akkantena viya sahasā tato oramitabbaṃ. Atha parehi taṃ paggahitaṃ sayañcetaṃ sakkoti vūpasametuṃ, ussāhajāto hutvā dūrampi gantvā tathā paṭipajjitabbaṃ, yathā taṃ vūpasammati. Sace pana sayaṃ na sakkoti, so ca vivādo uparūpari vaḍḍhateva, na vūpasammati. Ye tattha patirūpā sikkhākāmā sabrahmacārino, te ussāhetvā yena dhammena yena vinayena yena satthusāsanena taṃ adhikaraṇaṃ yathā vūpasammati, tathā vūpasametabbaṃ. Evaṃ vūpasamentassa yo saṅghasāmaggikaro kusalo dhammo, ayamettha ekadhammoti adhippeto. So hi ubhatopakkhiyānaṃ dveḷhakajātānaṃ bhikkhūnaṃ, tesaṃ anuvattanavasena ṭhitānaṃ bhikkhunīnaṃ upāsakānaṃ upāsikānaṃ tesaṃ ārakkhadevatānaṃ yāvadeva brahmānampi uppajjanārahaṃ ahitaṃ dukkhāvahaṃ saṃkilesadhammaṃ apanetvā mahato puññarāsissa kusalābhisandassa hetubhāvato sadevakassa lokassa hitasukhāvaho hoti. Tena vuttaṃ ‘‘ekadhammo, bhikkhave, loke uppajjamāno uppajjati bahujanahitāyā’’tiādi. Tassattho anantarasutte vuttavipariyāyena veditabbo. Saṅghasāmaggīti saṅghassa samaggabhāvo bhedābhāvo ekakammatā ekuddesatā ca.
г̇аат̇ааяам̣ сукаа сан̇гхасса саамаг̇г̇ийд̇и сукасса бажжаяабхаавад̇о саамаг̇г̇ий сукаад̇и вуд̇д̇аа. яат̇аа ‘‘суко б̣уд̣̇д̇хаанамуббаад̣̇о’’д̇и (д̇ха. ба. 194). самаг̇г̇аанан̃жануг̇г̇аход̇и самаг̇г̇аанам̣ саамаг̇г̇ианумод̣̇анзна ануг̇г̇ан̣ханам̣ саамаг̇г̇иануруубам̣, яат̇аа д̇з саамаг̇г̇им̣ на виж̇аханд̇и, д̇ат̇аа г̇ахан̣ам̣ табанам̣ ануб̣алаббад̣̇аананд̇и ад̇т̇о. сан̇гхам̣ самаг̇г̇ам̣ гад̇ваанаад̇и бхиннам̣ сан̇гхам̣ рааж̇ибад̇д̇ам̣ ваа самаг̇г̇ам̣ сахид̇ам̣ гад̇ваа. габбанд̇и ааяугаббамзва. саг̇г̇амхи мод̣̇ад̇ийд̇и гаамааважарад̣̇звалогз ан̃н̃з д̣̇звз д̣̇асахи таанзхи абхибхавид̇ваа д̣̇иб̣б̣асукам̣ анубхаванд̇о ижчид̇анибпад̇д̇ияаава мод̣̇ад̇и бамод̣̇ад̇и лалад̇и гийл̣ад̇ийд̇и.
Gāthāyaṃ sukhā saṅghassa sāmaggīti sukhassa paccayabhāvato sāmaggī sukhāti vuttā. Yathā ‘‘sukho buddhānamuppādo’’ti (dha. pa. 194). Samaggānañcanuggahoti samaggānaṃ sāmaggianumodanena anuggaṇhanaṃ sāmaggianurūpaṃ, yathā te sāmaggiṃ na vijahanti, tathā gahaṇaṃ ṭhapanaṃ anubalappadānanti attho. Saṅghaṃ samaggaṃ katvānāti bhinnaṃ saṅghaṃ rājipattaṃ vā samaggaṃ sahitaṃ katvā. Kappanti āyukappameva. Saggamhi modatīti kāmāvacaradevaloke aññe deve dasahi ṭhānehi abhibhavitvā dibbasukhaṃ anubhavanto icchitanipphattiyāva modati pamodati lalati kīḷatīti.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 9. сан̇гхасаамаг̇г̇ийсуд̇д̇ам̣ • 9. Saṅghasāmaggīsuttaṃ
