| Library / Tipiṭaka / তিপিটক • Tipiṭaka / থেরীগাথা-অট্ঠকথা • Therīgāthā-aṭṭhakathā |
১৮. সঙ্ঘাথেরীগাথাৰণ্ণনা
18. Saṅghātherīgāthāvaṇṇanā
হিত্ৰা ঘরে পব্বজিত্ৰাতি সঙ্ঘায থেরিযা গাথা। তস্সা ৰত্থু ধীরাথেরিযা ৰত্থুসদিসং। গাথা পন –
Hitvā ghare pabbajitvāti saṅghāya theriyā gāthā. Tassā vatthu dhīrātheriyā vatthusadisaṃ. Gāthā pana –
১৮.
18.
‘‘হিত্ৰা ঘরে পব্বজিত্ৰা, হিত্ৰা পুত্তং পসুং পিযং।
‘‘Hitvā ghare pabbajitvā, hitvā puttaṃ pasuṃ piyaṃ;
হিত্ৰা রাগঞ্চ দোসঞ্চ, অৰিজ্জঞ্চ ৰিরাজিয।
Hitvā rāgañca dosañca, avijjañca virājiya;
সমূলং তণ্হমব্বুয্হ, উপসন্তাম্হি নিব্বুতা’’তি॥ – গাথং অভাসি।
Samūlaṃ taṇhamabbuyha, upasantāmhi nibbutā’’ti. – gāthaṃ abhāsi;
তত্থ হিত্ৰাতি ছড্ডেত্ৰা। ঘরেতি গেহং। ঘরসদ্দো হি একস্মিম্পি অভিধেয্যে কদাচি বহূসু বীজং ৰিয রূল়্হিৰসেন ৰোহরীযতি। হিত্ৰা পুত্তং পসুং পিযন্তি পিযাযিতব্বে পুত্তে চেৰ গোমহিংসাদিকে পসূ চ তপ্পটিবদ্ধছন্দরাগপ্পহানেন পহায। হিত্ৰা রাগঞ্চ দোসঞ্চাতি রজ্জনসভাৰং রাগং, দুস্সনসভাৰং দোসঞ্চ অরিযমগ্গেন সমুচ্ছিন্দিত্ৰা। অৰিজ্জঞ্চ ৰিরাজিযাতি সব্বাকুসলেসু পুব্বঙ্গমং মোহঞ্চ ৰিরাজেত্ৰা মগ্গেন সমুগ্ঘাটেত্ৰা ইচ্চেৰ অত্থো। সেসং ৰুত্তনযমেৰ।
Tattha hitvāti chaḍḍetvā. Ghareti gehaṃ. Gharasaddo hi ekasmimpi abhidheyye kadāci bahūsu bījaṃ viya rūḷhivasena voharīyati. Hitvā puttaṃ pasuṃ piyanti piyāyitabbe putte ceva gomahiṃsādike pasū ca tappaṭibaddhachandarāgappahānena pahāya. Hitvā rāgañca dosañcāti rajjanasabhāvaṃ rāgaṃ, dussanasabhāvaṃ dosañca ariyamaggena samucchinditvā. Avijjañca virājiyāti sabbākusalesu pubbaṅgamaṃ mohañca virājetvā maggena samugghāṭetvā icceva attho. Sesaṃ vuttanayameva.
সঙ্ঘাথেরীগাথাৰণ্ণনা নিট্ঠিতা।
Saṅghātherīgāthāvaṇṇanā niṭṭhitā.
এককনিপাতৰণ্ণনা নিট্ঠিতা।
Ekakanipātavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / থেরীগাথাপাল়ি • Therīgāthāpāḷi / ১৮. সঙ্ঘাথেরীগাথা • 18. Saṅghātherīgāthā
