| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
3. сан̇гхаадиган̣н̣асуд̇д̇ам̣
3. Saṅghāṭikaṇṇasuttaṃ
92. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
92. Vuttañhetaṃ bhagavatā, vuttamarahatāti me sutaṃ –
‘‘сан̇гхаадиган̣н̣з жзби, бхигкавз , бхигку г̇ахзд̇ваа бидтид̇о бидтид̇о ануб̣анд̇хо асса баад̣̇з баад̣̇ам̣ нигкибанд̇о, со жа ход̇и абхиж̇жхаалу гаамзсу д̇иб̣б̣асаарааг̇о б̣яаабаннажид̇д̇о бад̣̇удтаманасан̇габбо мудтассад̇и асамбаж̇аано асамаахид̇о виб̣бханд̇ажид̇д̇о баагад̇инд̣̇рияо; ат̇а ко со аарагаава маяхам̣, ахан̃жа д̇асса. д̇ам̣ гисса хзд̇у? д̇хамман̃хи со, бхигкавз, бхигку на бассад̇и. д̇хаммам̣ абассанд̇о на мам̣ бассад̇и 1.
‘‘Saṅghāṭikaṇṇe cepi, bhikkhave , bhikkhu gahetvā piṭṭhito piṭṭhito anubandho assa pāde pādaṃ nikkhipanto, so ca hoti abhijjhālu kāmesu tibbasārāgo byāpannacitto paduṭṭhamanasaṅkappo muṭṭhassati asampajāno asamāhito vibbhantacitto pākatindriyo; atha kho so ārakāva mayhaṃ, ahañca tassa. Taṃ kissa hetu? Dhammañhi so, bhikkhave, bhikkhu na passati. Dhammaṃ apassanto na maṃ passati 2.
‘‘яож̇анасад̇з жзби со, бхигкавз, бхигку вихарзяяа. со жа ход̇и анабхиж̇жхаалу гаамзсу на д̇иб̣б̣асаарааг̇о аб̣яаабаннажид̇д̇о абад̣̇удтаманасан̇габбо убадтид̇ассад̇и самбаж̇аано самаахид̇о згаг̇г̇ажид̇д̇о сам̣вуд̇инд̣̇рияо; ат̇а ко со санд̇игзва маяхам̣, ахан̃жа д̇асса. д̇ам̣ гисса хзд̇у? д̇хаммам̣ хи со, бхигкавз, бхигку бассад̇и; д̇хаммам̣ бассанд̇о мам̣ бассад̇ий’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Yojanasate cepi so, bhikkhave, bhikkhu vihareyya. So ca hoti anabhijjhālu kāmesu na tibbasārāgo abyāpannacitto apaduṭṭhamanasaṅkappo upaṭṭhitassati sampajāno samāhito ekaggacitto saṃvutindriyo; atha kho so santikeva mayhaṃ, ahañca tassa. Taṃ kissa hetu? Dhammaṃ hi so, bhikkhave, bhikkhu passati; dhammaṃ passanto maṃ passatī’’ti. Etamatthaṃ bhagavā avoca. Tatthetaṃ iti vuccati –
‘‘ануб̣анд̇хоби жз асса, махижчо жа вигхаад̇аваа;
‘‘Anubandhopi ce assa, mahiccho ca vighātavā;
зж̇аануг̇о анзж̇асса, ниб̣б̣уд̇асса аниб̣б̣уд̇о;
Ejānugo anejassa, nibbutassa anibbuto;
г̇ид̣̇д̇хо со вийд̇аг̇зд̇хасса, басса яааван̃жа аарагаа.
Giddho so vītagedhassa, passa yāvañca ārakā.
‘‘яо жа д̇хаммамабхин̃н̃ааяа, д̇хаммаман̃н̃ааяа бан̣д̣ид̇о;
‘‘Yo ca dhammamabhiññāya, dhammamaññāya paṇḍito;
рахад̣̇ова ниваад̇з жа, анзж̇о вуубасаммад̇и.
Rahadova nivāte ca, anejo vūpasammati.
‘‘анзж̇о со анзж̇асса, ниб̣б̣уд̇асса жа ниб̣б̣уд̇о;
‘‘Anejo so anejassa, nibbutassa ca nibbuto;
аг̇ид̣̇д̇хо вийд̇аг̇зд̇хасса, басса яааван̃жа санд̇игз’’д̇и.
Agiddho vītagedhassa, passa yāvañca santike’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̇ад̇ияам̣.
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 3. сан̇гхаадиган̣н̣асуд̇д̇аван̣н̣анаа • 3. Saṅghāṭikaṇṇasuttavaṇṇanā
