| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. сан̇гхаванд̣̇анаасуд̇д̇ам̣
10. Saṅghavandanāsuttaṃ
266. саавад̇т̇ияам̣ ж̇зд̇аванз. д̇ад̇ра ко…бз… зд̇ад̣̇авожа – ‘‘бхууд̇абуб̣б̣ам̣, бхигкавз, сагго д̣̇зваанаминд̣̇о маад̇алим̣ сан̇г̇аахагам̣ ааманд̇зси – ‘яож̇зхи, самма маад̇али, сахассаяуд̇д̇ам̣ ааж̇ан̃н̃арат̇ам̣ , уяяаанабхуумим̣ г̇ажчаама субхуумим̣ д̣̇ассанааяаа’д̇и. ‘звам̣ бхад̣̇д̣̇анд̇аваа’д̇и ко, бхигкавз, маад̇али сан̇г̇аахаго саггасса д̣̇зваанаминд̣̇асса бадиссуд̇ваа, сахассаяуд̇д̇ам̣ ааж̇ан̃н̃арат̇ам̣ яож̇зд̇ваа саггасса д̣̇зваанаминд̣̇асса бадивзд̣̇зси – ‘яуд̇д̇о ко д̇з, маариса, сахассаяуд̇д̇о ааж̇ан̃н̃арат̇о, яасса д̣̇аани гаалам̣ ман̃н̃асий’’’д̇и. ат̇а ко, бхигкавз , сагго д̣̇зваанаминд̣̇о взж̇аяанд̇абаасаад̣̇аа ороханд̇о ан̃ж̇алим̣ гад̇ваа суд̣̇ам̣ бхигкусан̇гхам̣ намассад̇и. ат̇а ко, бхигкавз, маад̇али сан̇г̇аахаго саггам̣ д̣̇зваанаминд̣̇ам̣ г̇аат̇ааяа аж̇жхабхааси –
266. Sāvatthiyaṃ jetavane. Tatra kho…pe… etadavoca – ‘‘bhūtapubbaṃ, bhikkhave, sakko devānamindo mātaliṃ saṅgāhakaṃ āmantesi – ‘yojehi, samma mātali, sahassayuttaṃ ājaññarathaṃ , uyyānabhūmiṃ gacchāma subhūmiṃ dassanāyā’ti. ‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā, sahassayuttaṃ ājaññarathaṃ yojetvā sakkassa devānamindassa paṭivedesi – ‘yutto kho te, mārisa, sahassayutto ājaññaratho, yassa dāni kālaṃ maññasī’’’ti. Atha kho, bhikkhave , sakko devānamindo vejayantapāsādā orohanto añjaliṃ katvā sudaṃ bhikkhusaṅghaṃ namassati. Atha kho, bhikkhave, mātali saṅgāhako sakkaṃ devānamindaṃ gāthāya ajjhabhāsi –
‘‘д̇ан̃хи зд̇з намассзяяум̣, бууд̇ид̣̇зхасаяаа нараа;
‘‘Tañhi ete namasseyyuṃ, pūtidehasayā narā;
нимуг̇г̇аа гун̣абамхзд̇з, куббибаасасамаббид̇аа.
Nimuggā kuṇapamhete, khuppipāsasamappitā.
‘‘гим̣ ну д̇зсам̣ бихаяаси, анааг̇аараана ваасава;
‘‘Kiṃ nu tesaṃ pihayasi, anāgārāna vāsava;
аажаарам̣ исинам̣ б̣руухи, д̇ам̣ сун̣ома важо д̇аваа’’д̇и.
Ācāraṃ isinaṃ brūhi, taṃ suṇoma vaco tavā’’ti.
‘‘зд̇ам̣ д̇зсам̣ бихаяаами, анааг̇аараана маад̇али;
‘‘Etaṃ tesaṃ pihayāmi, anāgārāna mātali;
яамхаа г̇аамаа баггаманд̇и, анабзгкаа важ̇анд̇и д̇з.
Yamhā gāmā pakkamanti, anapekkhā vajanti te.
‘‘суманд̇аманд̇ино д̇хийраа, д̇ун̣хийбхууд̇аа саман̃жараа;
‘‘Sumantamantino dhīrā, tuṇhībhūtā samañcarā;
д̣̇зваа вируд̣̇д̇хаа асурзхи, бут̇у мажжаа жа маад̇али.
Devā viruddhā asurehi, puthu maccā ca mātali.
‘‘авируд̣̇д̇хаа вируд̣̇д̇хзсу, ад̇д̇ад̣̇ан̣д̣зсу ниб̣б̣уд̇аа;
‘‘Aviruddhā viruddhesu, attadaṇḍesu nibbutā;
саад̣̇аанзсу анаад̣̇аанаа, д̇з намассаами маад̇алий’’д̇и.
Sādānesu anādānā, te namassāmi mātalī’’ti.
‘‘сздтаа хи гира логасмим̣, яз д̇вам̣ сагга намассаси;
‘‘Seṭṭhā hi kira lokasmiṃ, ye tvaṃ sakka namassasi;
ахамби д̇з намассаами, яз намассаси ваасаваа’’д̇и.
Ahampi te namassāmi, ye namassasi vāsavā’’ti.
‘‘ид̣̇ам̣ вад̇ваана магхаваа, д̣̇зварааж̇аа суж̇амбад̇и;
‘‘Idaṃ vatvāna maghavā, devarājā sujampati;
бхигкусан̇гхам̣ намассид̇ваа, бамуко рат̇амаарухий’’д̇и.
Bhikkhusaṅghaṃ namassitvā, pamukho rathamāruhī’’ti.
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
д̣̇зваа бана 7 д̇аяо вуд̇д̇аа, д̣̇алид̣̇д̣̇ан̃жа рааман̣зяяагам̣;
Devā pana 8 tayo vuttā, daliddañca rāmaṇeyyakaṃ;
яаж̇амаанан̃жа ванд̣̇анаа, д̇аяо сагганамассанаад̇и.
Yajamānañca vandanā, tayo sakkanamassanāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сан̇гхаванд̣̇анаасуд̇д̇аван̣н̣анаа • 10. Saṅghavandanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. сан̇гхаванд̣̇анаасуд̇д̇аван̣н̣анаа • 10. Saṅghavandanāsuttavaṇṇanā
