| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. ஸங்க⁴வந்த³னாஸுத்தவண்ணனா
10. Saṅghavandanāsuttavaṇṇanā
266. த³ஸமே அஜ்ஜ²பா⁴ஸீதி கஸ்மா ஏஸ புனப்புனங் ஏவங் பா⁴ஸதீதி? ஸக்கஸ்ஸ கிர தே³வரஞ்ஞோ ஸத்³தோ³ மது⁴ரோ, ஸுப²ஸிதங் த³ந்தாவரணங், கத²னகாலே ஸுவண்ணகிங்கிணிகஸத்³தோ³ விய நிச்ச²ரதி. தங் புனப்புனங் ஸோதுங் லபி⁴ஸ்ஸாமீதி பா⁴ஸதி. பூதிதே³ஹஸயாதி பூதிம்ஹி மாதுஸரீரே வா, அத்தனோயேவ வா ஸரீரங் அவத்த²ரித்வா ஸயனதோ பூதிதே³ஹஸயா. நிமுக்³கா³ குணபம்ஹேதேதி த³ஸமாஸே மாதுகுச்சி²ஸங்கா²தே குணபஸ்மிங் ஏதே நிமுக்³கா³. ஏதங் தேஸங் பிஹயாமீதி ஏதேஸங் ஏதங் பிஹயாமி பத்த²யாமி. ந தே ஸங் கொட்டே² ஓபெந்தீதி ந தே ஸங் ஸந்தகங் த⁴ஞ்ஞங் கொட்டே² பக்கி²பந்தி. ந ஹி ஏதேஸங் த⁴ஞ்ஞங் அத்தி². ந கும்பீ⁴தி ந கும்பி⁴யங். ந களோபியந்தி ந பச்சி²யங். பரனிட்டி²தமேஸானாதி பரேஸங் நிட்டி²தங் பரக⁴ரே பக்கங் பி⁴க்கா²சாரவத்தேன ஏஸமானா க³வேஸமானா. தேனாதி ஏவங் பரியிட்டே²ன. ஸுப்³ப³தாதி த³ஸபி…பே॰… ஸட்டி²பி வஸ்ஸானி ஸுஸமாதி³ன்னஸுந்த³ரவதா.
266. Dasame ajjhabhāsīti kasmā esa punappunaṃ evaṃ bhāsatīti? Sakkassa kira devarañño saddo madhuro, suphasitaṃ dantāvaraṇaṃ, kathanakāle suvaṇṇakiṅkiṇikasaddo viya niccharati. Taṃ punappunaṃ sotuṃ labhissāmīti bhāsati. Pūtidehasayāti pūtimhi mātusarīre vā, attanoyeva vā sarīraṃ avattharitvā sayanato pūtidehasayā. Nimuggākuṇapamheteti dasamāse mātukucchisaṅkhāte kuṇapasmiṃ ete nimuggā. Etaṃ tesaṃ pihayāmīti etesaṃ etaṃ pihayāmi patthayāmi. Na te saṃ koṭṭhe opentīti na te saṃ santakaṃ dhaññaṃ koṭṭhe pakkhipanti. Na hi etesaṃ dhaññaṃ atthi. Na kumbhīti na kumbhiyaṃ. Na kaḷopiyanti na pacchiyaṃ. Paraniṭṭhitamesānāti paresaṃ niṭṭhitaṃ paraghare pakkaṃ bhikkhācāravattena esamānā gavesamānā. Tenāti evaṃ pariyiṭṭhena. Subbatāti dasapi…pe… saṭṭhipi vassāni susamādinnasundaravatā.
ஸுமந்தமந்தினோதி த⁴ம்மங் ஸஜ்ஜா²யிஸ்ஸாம, து⁴தங்க³ங் ஸமாதி³யிஸ்ஸாம, அமதங் பரிபு⁴ஞ்ஜிஸ்ஸாம, ஸமணத⁴ம்மங் கரிஸ்ஸாமாதி ஏவங் ஸுபா⁴ஸிதபா⁴ஸினோ. துண்ஹீபூ⁴தா ஸமஞ்சராதி தியாமரத்திங் அஸனிகோ⁴ஸேன கோ⁴ஸிதா விய த⁴ம்மங் கதெ²ந்தாபி துண்ஹீபூ⁴தா ஸமங் சரந்தியேவ நாம. கஸ்மா? நிரத்த²கவசனஸ்ஸாபா⁴வா. புது²மச்சா சாதி ப³ஹுஸத்தா ச அஞ்ஞமஞ்ஞங் விருத்³தா⁴. அத்தத³ண்டே³ஸு நிப்³பு³தாதி பரவிஹேட²னத்த²ங் க³ஹிதத³ண்டே³ஸு ஸத்தேஸு நிப்³பு³தா விஸ்ஸட்ட²த³ண்டா³. ஸாதா³னேஸு அனாதா³னாதி ஸக³ஹணேஸு ஸத்தேஸு ச ப⁴வயோனிஆதீ³னங் ஏககொட்டா²ஸஸ்ஸாபி அக³ஹிதத்தா அக³ஹணா. த³ஸமங்.
Sumantamantinoti dhammaṃ sajjhāyissāma, dhutaṅgaṃ samādiyissāma, amataṃ paribhuñjissāma, samaṇadhammaṃ karissāmāti evaṃ subhāsitabhāsino. Tuṇhībhūtā samañcarāti tiyāmarattiṃ asanighosena ghositā viya dhammaṃ kathentāpi tuṇhībhūtā samaṃ carantiyeva nāma. Kasmā? Niratthakavacanassābhāvā. Puthumaccā cāti bahusattā ca aññamaññaṃ viruddhā. Attadaṇḍesu nibbutāti paraviheṭhanatthaṃ gahitadaṇḍesu sattesu nibbutā vissaṭṭhadaṇḍā. Sādānesu anādānāti sagahaṇesu sattesu ca bhavayoniādīnaṃ ekakoṭṭhāsassāpi agahitattā agahaṇā. Dasamaṃ.
து³தியோ வக்³கோ³.
Dutiyo vaggo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. ஸங்க⁴வந்த³னாஸுத்தங் • 10. Saṅghavandanāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. ஸங்க⁴வந்த³னாஸுத்தவண்ணனா • 10. Saṅghavandanāsuttavaṇṇanā
