| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. сан̇гхаванд̣̇анаасуд̇д̇аван̣н̣анаа
10. Saṅghavandanāsuttavaṇṇanā
266. д̣̇асамз аж̇жхабхаасийд̇и гасмаа зса бунаббунам̣ звам̣ бхаасад̇ийд̇и? саггасса гира д̣̇зваран̃н̃о сад̣̇д̣̇о мад̇хуро, супасид̇ам̣ д̣̇анд̇ааваран̣ам̣, гат̇анагаалз суван̣н̣агин̇гин̣игасад̣̇д̣̇о вияа нижчарад̇и. д̇ам̣ бунаббунам̣ сод̇ум̣ лабхиссаамийд̇и бхаасад̇и. бууд̇ид̣̇зхасаяаад̇и бууд̇имхи маад̇усарийрз ваа, ад̇д̇аноязва ваа сарийрам̣ авад̇т̇арид̇ваа саяанад̇о бууд̇ид̣̇зхасаяаа. нимуг̇г̇аа гун̣абамхзд̇зд̇и д̣̇асамаасз маад̇угужчисан̇каад̇з гун̣абасмим̣ зд̇з нимуг̇г̇аа. зд̇ам̣ д̇зсам̣ бихаяаамийд̇и зд̇зсам̣ зд̇ам̣ бихаяаами бад̇т̇аяаами. на д̇з сам̣ годтз обзнд̇ийд̇и на д̇з сам̣ санд̇агам̣ д̇хан̃н̃ам̣ годтз багкибанд̇и. на хи зд̇зсам̣ д̇хан̃н̃ам̣ ад̇т̇и. на гумбхийд̇и на гумбхияам̣. на гал̣обияанд̇и на бажчияам̣. баранидтид̇амзсаанаад̇и барзсам̣ нидтид̇ам̣ барагхарз баггам̣ бхигкаажааравад̇д̇зна зсамаанаа г̇авзсамаанаа. д̇знаад̇и звам̣ барияидтзна. суб̣б̣ад̇аад̇и д̣̇асаби…бз… садтиби вассаани сусамаад̣̇иннасунд̣̇аравад̇аа.
266. Dasame ajjhabhāsīti kasmā esa punappunaṃ evaṃ bhāsatīti? Sakkassa kira devarañño saddo madhuro, suphasitaṃ dantāvaraṇaṃ, kathanakāle suvaṇṇakiṅkiṇikasaddo viya niccharati. Taṃ punappunaṃ sotuṃ labhissāmīti bhāsati. Pūtidehasayāti pūtimhi mātusarīre vā, attanoyeva vā sarīraṃ avattharitvā sayanato pūtidehasayā. Nimuggākuṇapamheteti dasamāse mātukucchisaṅkhāte kuṇapasmiṃ ete nimuggā. Etaṃ tesaṃ pihayāmīti etesaṃ etaṃ pihayāmi patthayāmi. Na te saṃ koṭṭhe opentīti na te saṃ santakaṃ dhaññaṃ koṭṭhe pakkhipanti. Na hi etesaṃ dhaññaṃ atthi. Na kumbhīti na kumbhiyaṃ. Na kaḷopiyanti na pacchiyaṃ. Paraniṭṭhitamesānāti paresaṃ niṭṭhitaṃ paraghare pakkaṃ bhikkhācāravattena esamānā gavesamānā. Tenāti evaṃ pariyiṭṭhena. Subbatāti dasapi…pe… saṭṭhipi vassāni susamādinnasundaravatā.
суманд̇аманд̇инод̇и д̇хаммам̣ саж̇жхааяиссаама, д̇худ̇ан̇г̇ам̣ самаад̣̇ияиссаама, амад̇ам̣ барибхун̃ж̇иссаама, саман̣ад̇хаммам̣ гариссаамаад̇и звам̣ субхаасид̇абхаасино. д̇ун̣хийбхууд̇аа саман̃жараад̇и д̇ияаамарад̇д̇им̣ асанигхосзна гхосид̇аа вияа д̇хаммам̣ гат̇знд̇ааби д̇ун̣хийбхууд̇аа самам̣ жаранд̇иязва наама. гасмаа? нирад̇т̇агаважанассаабхааваа. бут̇умажжаа жаад̇и б̣ахусад̇д̇аа жа ан̃н̃аман̃н̃ам̣ вируд̣̇д̇хаа. ад̇д̇ад̣̇ан̣д̣зсу ниб̣б̣уд̇аад̇и баравихзтанад̇т̇ам̣ г̇ахид̇ад̣̇ан̣д̣зсу сад̇д̇зсу ниб̣б̣уд̇аа виссадтад̣̇ан̣д̣аа. саад̣̇аанзсу анаад̣̇аанаад̇и саг̇ахан̣зсу сад̇д̇зсу жа бхаваяониаад̣̇ийнам̣ згагодтаасассааби аг̇ахид̇ад̇д̇аа аг̇ахан̣аа. д̣̇асамам̣.
Sumantamantinoti dhammaṃ sajjhāyissāma, dhutaṅgaṃ samādiyissāma, amataṃ paribhuñjissāma, samaṇadhammaṃ karissāmāti evaṃ subhāsitabhāsino. Tuṇhībhūtā samañcarāti tiyāmarattiṃ asanighosena ghositā viya dhammaṃ kathentāpi tuṇhībhūtā samaṃ carantiyeva nāma. Kasmā? Niratthakavacanassābhāvā. Puthumaccā cāti bahusattā ca aññamaññaṃ viruddhā. Attadaṇḍesu nibbutāti paraviheṭhanatthaṃ gahitadaṇḍesu sattesu nibbutā vissaṭṭhadaṇḍā. Sādānesu anādānāti sagahaṇesu sattesu ca bhavayoniādīnaṃ ekakoṭṭhāsassāpi agahitattā agahaṇā. Dasamaṃ.
д̣̇уд̇ияо ваг̇г̇о.
Dutiyo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. сан̇гхаванд̣̇анаасуд̇д̇ам̣ • 10. Saṅghavandanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. сан̇гхаванд̣̇анаасуд̇д̇аван̣н̣анаа • 10. Saṅghavandanāsuttavaṇṇanā
