| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. сан̇гхаванд̣̇анаасуд̇д̇аван̣н̣анаа
10. Saṅghavandanāsuttavaṇṇanā
266. бууд̇имхи д̣̇зхз маад̇у сарийрз саяанад̇о, ад̇д̇ано зва ваа бууд̇ид̣̇зхам̣ сарийрам̣ д̇асмим̣ тид̇ад̇ааяа авад̇т̇арид̇ваа саяанад̇о бууд̇ид̣̇зхасаяаад̇и яож̇анаа. гун̣абамхзд̇зд̇и зд̇з мануссаа асужид̣̇уг̇г̇анд̇хаж̇зг̇ужчабадиггуулз маад̇угужчисан̇каад̇з гун̣абасмим̣ д̣̇аса маасз нимуг̇г̇аа. д̇зсам̣ гиннаама д̇вам̣ бихаяасийд̇и яож̇анаа. зд̇зсам̣ зд̇ам̣ вихаяаамийд̇и зд̇зсам̣ исийнам̣ зд̇ам̣ саммаабадибад̇д̇им̣ вихаяаами. ид̣̇аани д̇ам̣ бадибад̇д̇им̣ д̣̇ассзд̇ум̣ ‘‘на д̇з сам̣ годтз обзнд̇ий’’д̇и вуд̇д̇ам̣. д̇хан̃н̃ам̣ годтз на багкибанд̇и багкибид̇аб̣б̣асса жа абхаавад̇о. д̇знааха ‘‘на хи зд̇зсам̣ д̇хан̃н̃а’’нд̇и. барзсам̣ нидтид̇анд̇и барзсам̣ г̇ахид̇ам̣ санд̇агам̣ д̇зсам̣ баагааяа нидтид̇ам̣. бхигкаажааравад̇д̇знаад̇и бин̣д̣аажарияааяа. зсамаанаа бариязсанд̇аа. звам̣ барияидтзна. яаабзнд̇и, на зсанд̇и анзсанам̣. сусамаад̣̇иннасунд̣̇аравад̇аад̇и судту самаад̣̇иннасобханавад̇аа.
266.Pūtimhi dehe mātu sarīre sayanato, attano eva vā pūtidehaṃ sarīraṃ tasmiṃ ṭhitatāya avattharitvā sayanato pūtidehasayāti yojanā. Kuṇapamheteti ete manussā asuciduggandhajegucchapaṭikkūle mātukucchisaṅkhāte kuṇapasmiṃ dasa māse nimuggā. Tesaṃ kinnāma tvaṃ pihayasīti yojanā. Etesaṃ etaṃ vihayāmīti etesaṃ isīnaṃ etaṃ sammāpaṭipattiṃ vihayāmi. Idāni taṃ paṭipattiṃ dassetuṃ ‘‘na te saṃ koṭṭhe opentī’’ti vuttaṃ. Dhaññaṃ koṭṭhe na pakkhipanti pakkhipitabbassa ca abhāvato. Tenāha ‘‘na hi etesaṃ dhañña’’nti. Paresaṃ niṭṭhitanti paresaṃ gahitaṃ santakaṃ tesaṃ pākāya niṭṭhitaṃ. Bhikkhācāravattenāti piṇḍācariyāya. Esamānā pariyesantā. Evaṃ pariyiṭṭhena. Yāpenti, na esanti anesanaṃ. Susamādinnasundaravatāti suṭṭhu samādinnasobhanavatā.
звам̣ субхаасид̇абхаасинод̇и г̇ант̇ад̇хуравибассанаад̇хураанам̣ васзна г̇ун̣абаримаан̣асубхаасид̇ассзва бхаасанасийлаа . ариязна д̇ун̣хийбхууд̇зна д̇ун̣хийбхууд̇аа. д̇ад̇о зва манасса саад̇исаяам̣ саман̃жараа. г̇ахид̇ад̣̇ан̣д̣зсу бараамаасаад̣̇ибаяуд̇д̇зсу д̣̇ан̣д̣аад̣̇аанаад̣̇ихзд̇у уббаж̇ж̇анагагилзсабарил̣аахаабхаавад̇о ниб̣б̣уд̇аа. д̇знааха ‘‘виссадтад̣̇ан̣д̣аа’’д̇и. саад̣̇аанзсууд̇и сабхаваад̣̇аанзсу. анаад̣̇аанаад̇и д̇аб̣б̣ирахид̇аа. д̇знааха ‘‘бхаваяоний’’д̇иаад̣̇и.
Evaṃ subhāsitabhāsinoti ganthadhuravipassanādhurānaṃ vasena guṇaparimāṇasubhāsitasseva bhāsanasīlā . Ariyena tuṇhībhūtena tuṇhībhūtā. Tato eva manassa sātisayaṃ samañcarā. Gahitadaṇḍesu parāmāsādipayuttesu daṇḍādānādihetu uppajjanakakilesapariḷāhābhāvato nibbutā. Tenāha ‘‘vissaṭṭhadaṇḍā’’ti. Sādānesūti sabhavādānesu. Anādānāti tabbirahitā. Tenāha ‘‘bhavayonī’’tiādi.
сан̇гхаванд̣̇анаасуд̇д̇аван̣н̣анаа нидтид̇аа.
Saṅghavandanāsuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. сан̇гхаванд̣̇анаасуд̇д̇ам̣ • 10. Saṅghavandanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сан̇гхаванд̣̇анаасуд̇д̇аван̣н̣анаа • 10. Saṅghavandanāsuttavaṇṇanā
