| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਸਙ੍ਘવਨ੍ਦਨਾਸੁਤ੍ਤવਣ੍ਣਨਾ
10. Saṅghavandanāsuttavaṇṇanā
੨੬੬. ਦਸਮੇ ਅਜ੍ਝਭਾਸੀਤਿ ਕਸ੍ਮਾ ਏਸ ਪੁਨਪ੍ਪੁਨਂ ਏવਂ ਭਾਸਤੀਤਿ? ਸਕ੍ਕਸ੍ਸ ਕਿਰ ਦੇવਰਞ੍ਞੋ ਸਦ੍ਦੋ ਮਧੁਰੋ, ਸੁਫਸਿਤਂ ਦਨ੍ਤਾવਰਣਂ, ਕਥਨਕਾਲੇ ਸੁવਣ੍ਣਕਿਙ੍ਕਿਣਿਕਸਦ੍ਦੋ વਿਯ ਨਿਚ੍ਛਰਤਿ। ਤਂ ਪੁਨਪ੍ਪੁਨਂ ਸੋਤੁਂ ਲਭਿਸ੍ਸਾਮੀਤਿ ਭਾਸਤਿ। ਪੂਤਿਦੇਹਸਯਾਤਿ ਪੂਤਿਮ੍ਹਿ ਮਾਤੁਸਰੀਰੇ વਾ, ਅਤ੍ਤਨੋਯੇવ વਾ ਸਰੀਰਂ ਅવਤ੍ਥਰਿਤ੍વਾ ਸਯਨਤੋ ਪੂਤਿਦੇਹਸਯਾ। ਨਿਮੁਗ੍ਗਾ ਕੁਣਪਮ੍ਹੇਤੇਤਿ ਦਸਮਾਸੇ ਮਾਤੁਕੁਚ੍ਛਿਸਙ੍ਖਾਤੇ ਕੁਣਪਸ੍ਮਿਂ ਏਤੇ ਨਿਮੁਗ੍ਗਾ। ਏਤਂ ਤੇਸਂ ਪਿਹਯਾਮੀਤਿ ਏਤੇਸਂ ਏਤਂ ਪਿਹਯਾਮਿ ਪਤ੍ਥਯਾਮਿ। ਨ ਤੇ ਸਂ ਕੋਟ੍ਠੇ ਓਪੇਨ੍ਤੀਤਿ ਨ ਤੇ ਸਂ ਸਨ੍ਤਕਂ ਧਞ੍ਞਂ ਕੋਟ੍ਠੇ ਪਕ੍ਖਿਪਨ੍ਤਿ। ਨ ਹਿ ਏਤੇਸਂ ਧਞ੍ਞਂ ਅਤ੍ਥਿ। ਨ ਕੁਮ੍ਭੀਤਿ ਨ ਕੁਮ੍ਭਿਯਂ। ਨ ਕਲ਼ੋਪਿਯਨ੍ਤਿ ਨ ਪਚ੍ਛਿਯਂ। ਪਰਨਿਟ੍ਠਿਤਮੇਸਾਨਾਤਿ ਪਰੇਸਂ ਨਿਟ੍ਠਿਤਂ ਪਰਘਰੇ ਪਕ੍ਕਂ ਭਿਕ੍ਖਾਚਾਰવਤ੍ਤੇਨ ਏਸਮਾਨਾ ਗવੇਸਮਾਨਾ। ਤੇਨਾਤਿ ਏવਂ ਪਰਿਯਿਟ੍ਠੇਨ। ਸੁਬ੍ਬਤਾਤਿ ਦਸਪਿ…ਪੇ॰… ਸਟ੍ਠਿਪਿ વਸ੍ਸਾਨਿ ਸੁਸਮਾਦਿਨ੍ਨਸੁਨ੍ਦਰવਤਾ।
266. Dasame ajjhabhāsīti kasmā esa punappunaṃ evaṃ bhāsatīti? Sakkassa kira devarañño saddo madhuro, suphasitaṃ dantāvaraṇaṃ, kathanakāle suvaṇṇakiṅkiṇikasaddo viya niccharati. Taṃ punappunaṃ sotuṃ labhissāmīti bhāsati. Pūtidehasayāti pūtimhi mātusarīre vā, attanoyeva vā sarīraṃ avattharitvā sayanato pūtidehasayā. Nimuggākuṇapamheteti dasamāse mātukucchisaṅkhāte kuṇapasmiṃ ete nimuggā. Etaṃ tesaṃ pihayāmīti etesaṃ etaṃ pihayāmi patthayāmi. Na te saṃ koṭṭhe opentīti na te saṃ santakaṃ dhaññaṃ koṭṭhe pakkhipanti. Na hi etesaṃ dhaññaṃ atthi. Na kumbhīti na kumbhiyaṃ. Na kaḷopiyanti na pacchiyaṃ. Paraniṭṭhitamesānāti paresaṃ niṭṭhitaṃ paraghare pakkaṃ bhikkhācāravattena esamānā gavesamānā. Tenāti evaṃ pariyiṭṭhena. Subbatāti dasapi…pe… saṭṭhipi vassāni susamādinnasundaravatā.
ਸੁਮਨ੍ਤਮਨ੍ਤਿਨੋਤਿ ਧਮ੍ਮਂ ਸਜ੍ਝਾਯਿਸ੍ਸਾਮ, ਧੁਤਙ੍ਗਂ ਸਮਾਦਿਯਿਸ੍ਸਾਮ, ਅਮਤਂ ਪਰਿਭੁਞ੍ਜਿਸ੍ਸਾਮ, ਸਮਣਧਮ੍ਮਂ ਕਰਿਸ੍ਸਾਮਾਤਿ ਏવਂ ਸੁਭਾਸਿਤਭਾਸਿਨੋ। ਤੁਣ੍ਹੀਭੂਤਾ ਸਮਞ੍ਚਰਾਤਿ ਤਿਯਾਮਰਤ੍ਤਿਂ ਅਸਨਿਘੋਸੇਨ ਘੋਸਿਤਾ વਿਯ ਧਮ੍ਮਂ ਕਥੇਨ੍ਤਾਪਿ ਤੁਣ੍ਹੀਭੂਤਾ ਸਮਂ ਚਰਨ੍ਤਿਯੇવ ਨਾਮ। ਕਸ੍ਮਾ? ਨਿਰਤ੍ਥਕવਚਨਸ੍ਸਾਭਾવਾ। ਪੁਥੁਮਚ੍ਚਾ ਚਾਤਿ ਬਹੁਸਤ੍ਤਾ ਚ ਅਞ੍ਞਮਞ੍ਞਂ વਿਰੁਦ੍ਧਾ। ਅਤ੍ਤਦਣ੍ਡੇਸੁ ਨਿਬ੍ਬੁਤਾਤਿ ਪਰવਿਹੇਠਨਤ੍ਥਂ ਗਹਿਤਦਣ੍ਡੇਸੁ ਸਤ੍ਤੇਸੁ ਨਿਬ੍ਬੁਤਾ વਿਸ੍ਸਟ੍ਠਦਣ੍ਡਾ। ਸਾਦਾਨੇਸੁ ਅਨਾਦਾਨਾਤਿ ਸਗਹਣੇਸੁ ਸਤ੍ਤੇਸੁ ਚ ਭવਯੋਨਿਆਦੀਨਂ ਏਕਕੋਟ੍ਠਾਸਸ੍ਸਾਪਿ ਅਗਹਿਤਤ੍ਤਾ ਅਗਹਣਾ। ਦਸਮਂ।
Sumantamantinoti dhammaṃ sajjhāyissāma, dhutaṅgaṃ samādiyissāma, amataṃ paribhuñjissāma, samaṇadhammaṃ karissāmāti evaṃ subhāsitabhāsino. Tuṇhībhūtā samañcarāti tiyāmarattiṃ asanighosena ghositā viya dhammaṃ kathentāpi tuṇhībhūtā samaṃ carantiyeva nāma. Kasmā? Niratthakavacanassābhāvā. Puthumaccā cāti bahusattā ca aññamaññaṃ viruddhā. Attadaṇḍesu nibbutāti paraviheṭhanatthaṃ gahitadaṇḍesu sattesu nibbutā vissaṭṭhadaṇḍā. Sādānesu anādānāti sagahaṇesu sattesu ca bhavayoniādīnaṃ ekakoṭṭhāsassāpi agahitattā agahaṇā. Dasamaṃ.
ਦੁਤਿਯੋ વਗ੍ਗੋ।
Dutiyo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸਙ੍ਘવਨ੍ਦਨਾਸੁਤ੍ਤਂ • 10. Saṅghavandanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਸਙ੍ਘવਨ੍ਦਨਾਸੁਤ੍ਤવਣ੍ਣਨਾ • 10. Saṅghavandanāsuttavaṇṇanā
