| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਸਙ੍ਘવਨ੍ਦਨਾਸੁਤ੍ਤવਣ੍ਣਨਾ
10. Saṅghavandanāsuttavaṇṇanā
੨੬੬. ਪੂਤਿਮ੍ਹਿ ਦੇਹੇ ਮਾਤੁ ਸਰੀਰੇ ਸਯਨਤੋ, ਅਤ੍ਤਨੋ ਏવ વਾ ਪੂਤਿਦੇਹਂ ਸਰੀਰਂ ਤਸ੍ਮਿਂ ਠਿਤਤਾਯ ਅવਤ੍ਥਰਿਤ੍વਾ ਸਯਨਤੋ ਪੂਤਿਦੇਹਸਯਾਤਿ ਯੋਜਨਾ। ਕੁਣਪਮ੍ਹੇਤੇਤਿ ਏਤੇ ਮਨੁਸ੍ਸਾ ਅਸੁਚਿਦੁਗ੍ਗਨ੍ਧਜੇਗੁਚ੍ਛਪਟਿਕ੍ਕੂਲੇ ਮਾਤੁਕੁਚ੍ਛਿਸਙ੍ਖਾਤੇ ਕੁਣਪਸ੍ਮਿਂ ਦਸ ਮਾਸੇ ਨਿਮੁਗ੍ਗਾ। ਤੇਸਂ ਕਿਨ੍ਨਾਮ ਤ੍વਂ ਪਿਹਯਸੀਤਿ ਯੋਜਨਾ। ਏਤੇਸਂ ਏਤਂ વਿਹਯਾਮੀਤਿ ਏਤੇਸਂ ਇਸੀਨਂ ਏਤਂ ਸਮ੍ਮਾਪਟਿਪਤ੍ਤਿਂ વਿਹਯਾਮਿ। ਇਦਾਨਿ ਤਂ ਪਟਿਪਤ੍ਤਿਂ ਦਸ੍ਸੇਤੁਂ ‘‘ਨ ਤੇ ਸਂ ਕੋਟ੍ਠੇ ਓਪੇਨ੍ਤੀ’’ਤਿ વੁਤ੍ਤਂ। ਧਞ੍ਞਂ ਕੋਟ੍ਠੇ ਨ ਪਕ੍ਖਿਪਨ੍ਤਿ ਪਕ੍ਖਿਪਿਤਬ੍ਬਸ੍ਸ ਚ ਅਭਾવਤੋ। ਤੇਨਾਹ ‘‘ਨ ਹਿ ਏਤੇਸਂ ਧਞ੍ਞ’’ਨ੍ਤਿ। ਪਰੇਸਂ ਨਿਟ੍ਠਿਤਨ੍ਤਿ ਪਰੇਸਂ ਗਹਿਤਂ ਸਨ੍ਤਕਂ ਤੇਸਂ ਪਾਕਾਯ ਨਿਟ੍ਠਿਤਂ। ਭਿਕ੍ਖਾਚਾਰવਤ੍ਤੇਨਾਤਿ ਪਿਣ੍ਡਾਚਰਿਯਾਯ। ਏਸਮਾਨਾ ਪਰਿਯੇਸਨ੍ਤਾ। ਏવਂ ਪਰਿਯਿਟ੍ਠੇਨ। ਯਾਪੇਨ੍ਤਿ, ਨ ਏਸਨ੍ਤਿ ਅਨੇਸਨਂ। ਸੁਸਮਾਦਿਨ੍ਨਸੁਨ੍ਦਰવਤਾਤਿ ਸੁਟ੍ਠੁ ਸਮਾਦਿਨ੍ਨਸੋਭਨવਤਾ।
266.Pūtimhi dehe mātu sarīre sayanato, attano eva vā pūtidehaṃ sarīraṃ tasmiṃ ṭhitatāya avattharitvā sayanato pūtidehasayāti yojanā. Kuṇapamheteti ete manussā asuciduggandhajegucchapaṭikkūle mātukucchisaṅkhāte kuṇapasmiṃ dasa māse nimuggā. Tesaṃ kinnāma tvaṃ pihayasīti yojanā. Etesaṃ etaṃ vihayāmīti etesaṃ isīnaṃ etaṃ sammāpaṭipattiṃ vihayāmi. Idāni taṃ paṭipattiṃ dassetuṃ ‘‘na te saṃ koṭṭhe opentī’’ti vuttaṃ. Dhaññaṃ koṭṭhe na pakkhipanti pakkhipitabbassa ca abhāvato. Tenāha ‘‘na hi etesaṃ dhañña’’nti. Paresaṃ niṭṭhitanti paresaṃ gahitaṃ santakaṃ tesaṃ pākāya niṭṭhitaṃ. Bhikkhācāravattenāti piṇḍācariyāya. Esamānā pariyesantā. Evaṃ pariyiṭṭhena. Yāpenti, na esanti anesanaṃ. Susamādinnasundaravatāti suṭṭhu samādinnasobhanavatā.
ਏવਂ ਸੁਭਾਸਿਤਭਾਸਿਨੋਤਿ ਗਨ੍ਥਧੁਰવਿਪਸ੍ਸਨਾਧੁਰਾਨਂ વਸੇਨ ਗੁਣਪਰਿਮਾਣਸੁਭਾਸਿਤਸ੍ਸੇવ ਭਾਸਨਸੀਲਾ । ਅਰਿਯੇਨ ਤੁਣ੍ਹੀਭੂਤੇਨ ਤੁਣ੍ਹੀਭੂਤਾ। ਤਤੋ ਏવ ਮਨਸ੍ਸ ਸਾਤਿਸਯਂ ਸਮਞ੍ਚਰਾ। ਗਹਿਤਦਣ੍ਡੇਸੁ ਪਰਾਮਾਸਾਦਿਪਯੁਤ੍ਤੇਸੁ ਦਣ੍ਡਾਦਾਨਾਦਿਹੇਤੁ ਉਪ੍ਪਜ੍ਜਨਕਕਿਲੇਸਪਰਿਲ਼ਾਹਾਭਾવਤੋ ਨਿਬ੍ਬੁਤਾ। ਤੇਨਾਹ ‘‘વਿਸ੍ਸਟ੍ਠਦਣ੍ਡਾ’’ਤਿ। ਸਾਦਾਨੇਸੂਤਿ ਸਭવਾਦਾਨੇਸੁ। ਅਨਾਦਾਨਾਤਿ ਤਬ੍ਬਿਰਹਿਤਾ। ਤੇਨਾਹ ‘‘ਭવਯੋਨੀ’’ਤਿਆਦਿ।
Evaṃ subhāsitabhāsinoti ganthadhuravipassanādhurānaṃ vasena guṇaparimāṇasubhāsitasseva bhāsanasīlā . Ariyena tuṇhībhūtena tuṇhībhūtā. Tato eva manassa sātisayaṃ samañcarā. Gahitadaṇḍesu parāmāsādipayuttesu daṇḍādānādihetu uppajjanakakilesapariḷāhābhāvato nibbutā. Tenāha ‘‘vissaṭṭhadaṇḍā’’ti. Sādānesūti sabhavādānesu. Anādānāti tabbirahitā. Tenāha ‘‘bhavayonī’’tiādi.
ਸਙ੍ਘવਨ੍ਦਨਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saṅghavandanāsuttavaṇṇanā niṭṭhitā.
ਦੁਤਿਯવਗ੍ਗવਣ੍ਣਨਾ ਨਿਟ੍ਠਿਤਾ।
Dutiyavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਸਙ੍ਘવਨ੍ਦਨਾਸੁਤ੍ਤਂ • 10. Saṅghavandanāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਸਙ੍ਘવਨ੍ਦਨਾਸੁਤ੍ਤવਣ੍ਣਨਾ • 10. Saṅghavandanāsuttavaṇṇanā
