| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๒๓๐. สเงฺฆ ภิเนฺน จีวรุปฺปาทกถา
230. Saṅghe bhinne cīvaruppādakathā
๓๗๖. สโงฺฆ ภิชฺชตีติ เอตฺถ ทฺวิโกฎฺฐาสวเสน ภิชฺชนเมวาธิเปฺปตํ, น อญฺญนฺติ อาห ‘‘เทฺว โกฎฺฐาสา’’ติฯ เอกสฺมิํ ปเกฺข จีวรานิ เทนฺตีติ โยชนาฯ ทฺวิปกฺขํ สนฺธาย ‘‘สกลสฺส สงฺฆสฺสา’’ติ วุตฺตํฯ เอตนฺติ จีวรํฯ ตเสฺสว จีวรนฺติ ตสฺส โกฎฺฐาสสฺส จีวรเมวฯ ยตฺถาติ ยสฺมิํ เทเสฯ ทกฺขิโณทกํ ปมาณนฺติ ทกฺขิโณทกเมว ปมาณํ, น เทยฺยธโมฺมฯ ตสฺมา ทกฺขิโณทกํ ปฎิคฺคณฺหนฺตา, เทยฺยธมฺมสฺส สามิโน โหนฺตีติ อธิปฺปาโยฯ อุโภหิปิ ปเกฺขหีติ โยชนาฯ ปรสมุเทฺทติ ชมฺพุทีเปฯ โส หิ สีหฬทีปโต สมุทฺทสฺส ปารตฺตา ปรสมุโทฺทติ วุจฺจติฯ อิตโร ปโกฺขติ ทกฺขิโณทกสฺส จ จีวรสฺส จ ลทฺธปกฺขโต อิตโร อลโทฺธ ปโกฺขฯ
376.Saṅgho bhijjatīti ettha dvikoṭṭhāsavasena bhijjanamevādhippetaṃ, na aññanti āha ‘‘dve koṭṭhāsā’’ti. Ekasmiṃ pakkhe cīvarāni dentīti yojanā. Dvipakkhaṃ sandhāya ‘‘sakalassa saṅghassā’’ti vuttaṃ. Etanti cīvaraṃ. Tasseva cīvaranti tassa koṭṭhāsassa cīvarameva. Yatthāti yasmiṃ dese. Dakkhiṇodakaṃ pamāṇanti dakkhiṇodakameva pamāṇaṃ, na deyyadhammo. Tasmā dakkhiṇodakaṃ paṭiggaṇhantā, deyyadhammassa sāmino hontīti adhippāyo. Ubhohipi pakkhehīti yojanā. Parasamuddeti jambudīpe. So hi sīhaḷadīpato samuddassa pārattā parasamuddoti vuccati. Itaro pakkhoti dakkhiṇodakassa ca cīvarassa ca laddhapakkhato itaro aladdho pakkho.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๓๐. สเงฺฆ ภิเนฺน จีวรุปฺปาทกถา • 230. Saṅghe bhinne cīvaruppādakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / สเงฺฆภิเนฺนจีวรุปฺปาทกถา • Saṅghebhinnecīvaruppādakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สเงฺฆ ภิเนฺน จีวรุปฺปาทกถาวณฺณนา • Saṅghe bhinne cīvaruppādakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สเงฺฆภิเนฺนจีวรุปฺปาทกถาวณฺณนา • Saṅghebhinnecīvaruppādakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / มตสนฺตกกถาทิวณฺณนา • Matasantakakathādivaṇṇanā
