| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сан̇гхзбхиннзжийваруббаад̣̇агат̇аа
Saṅghebhinnecīvaruppādakathā
376. сан̇гхо бхиж̇ж̇ад̇ийд̇и бхиж̇ж̇ид̇ваа госамб̣агабхигкуу вияа д̣̇вз годтаасаа хонд̇и. згасмим̣ багкзд̇и згасмим̣ годтаасз д̣̇агкин̣од̣̇аган̃жа г̇анд̇хаад̣̇ийни жа д̣̇знд̇и, згасмим̣ жийвараани. сан̇гхассзвзд̇анд̇и сагаласса сан̇гхасса д̣̇виннамби годтаасаанам̣ зд̇ам̣ ход̇и, гхан̣дим̣ бахарид̇ваа д̣̇вийхиби багкзхи згад̇о бхааж̇зд̇аб̣б̣ам̣. багкассзвзд̇анд̇и звам̣ д̣̇иннз яасса годтаасасса уд̣̇агам̣ д̣̇иннам̣, д̇асса уд̣̇агамзва ход̇и; яасса жийварам̣ д̣̇иннам̣, д̇ассзва жийварам̣. яад̇т̇а бана д̣̇агкин̣од̣̇агам̣ бамаан̣ам̣ ход̇и, д̇ад̇т̇а зго багко д̣̇агкин̣од̣̇агасса лад̣̇д̇хад̇д̇аа жийвараани лабхад̇и, зго жийвараанамзва лад̣̇д̇хад̇д̇аад̇и убхохиби згад̇о худ̇ваа яат̇аавуд̣дхам̣ бхааж̇зд̇аб̣б̣ам̣. ид̣̇ам̣ гира барасамуд̣̇д̣̇з лагкан̣анд̇и махааадтагат̇ааяам̣ вуд̇д̇ам̣. д̇асмим̣язва багкзд̇и зд̇т̇а бана ид̇аро багко аниссароязва. жийварабзсанавад̇т̇ууни баагадаанзва.
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 230. сан̇гхз бхиннз жийваруббаад̣̇агат̇аа • 230. Saṅghe bhinne cīvaruppādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхз бхиннз жийваруббаад̣̇агат̇ааван̣н̣анаа • Saṅghe bhinne cīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхзбхиннзжийваруббаад̣̇агат̇ааван̣н̣анаа • Saṅghebhinnecīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 230. сан̇гхз бхиннз жийваруббаад̣̇агат̇аа • 230. Saṅghe bhinne cīvaruppādakathā
