| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
సఙ్ఘేభిన్నేచీవరుప్పాదకథా
Saṅghebhinnecīvaruppādakathā
౩౭౬. సఙ్ఘో భిజ్జతీతి భిజ్జిత్వా కోసమ్బకభిక్ఖూ వియ ద్వే కోట్ఠాసా హోన్తి. ఏకస్మిం పక్ఖేతి ఏకస్మిం కోట్ఠాసే దక్ఖిణోదకఞ్చ గన్ధాదీని చ దేన్తి, ఏకస్మిం చీవరాని. సఙ్ఘస్సేవేతన్తి సకలస్స సఙ్ఘస్స ద్విన్నమ్పి కోట్ఠాసానం ఏతం హోతి, ఘణ్టిం పహరిత్వా ద్వీహిపి పక్ఖేహి ఏకతో భాజేతబ్బం. పక్ఖస్సేవేతన్తి ఏవం దిన్నే యస్స కోట్ఠాసస్స ఉదకం దిన్నం, తస్స ఉదకమేవ హోతి; యస్స చీవరం దిన్నం, తస్సేవ చీవరం. యత్థ పన దక్ఖిణోదకం పమాణం హోతి, తత్థ ఏకో పక్ఖో దక్ఖిణోదకస్స లద్ధత్తా చీవరాని లభతి, ఏకో చీవరానమేవ లద్ధత్తాతి ఉభోహిపి ఏకతో హుత్వా యథావుడ్ఢం భాజేతబ్బం. ఇదం కిర పరసముద్దే లక్ఖణన్తి మహాఅట్ఠకథాయం వుత్తం. తస్మింయేవ పక్ఖేతి ఏత్థ పన ఇతరో పక్ఖో అనిస్సరోయేవ. చీవరపేసనవత్థూని పాకటానేవ.
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౨౩౦. సఙ్ఘే భిన్నే చీవరుప్పాదకథా • 230. Saṅghe bhinne cīvaruppādakathā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / సఙ్ఘే భిన్నే చీవరుప్పాదకథావణ్ణనా • Saṅghe bhinne cīvaruppādakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / సఙ్ఘేభిన్నేచీవరుప్పాదకథావణ్ణనా • Saṅghebhinnecīvaruppādakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / మతసన్తకకథాదివణ్ణనా • Matasantakakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౨౩౦. సఙ్ఘే భిన్నే చీవరుప్పాదకథా • 230. Saṅghe bhinne cīvaruppādakathā
