| Library / Tipiṭaka / ติปิฎก • Tipiṭaka / มหาวคฺค-อฎฺฐกถา • Mahāvagga-aṭṭhakathā |
สเงฺฆภิเนฺนจีวรุปฺปาทกถา
Saṅghebhinnecīvaruppādakathā
๓๗๖. สโงฺฆ ภิชฺชตีติ ภิชฺชิตฺวา โกสมฺพกภิกฺขู วิย เทฺว โกฎฺฐาสา โหนฺติฯ เอกสฺมิํ ปเกฺขติ เอกสฺมิํ โกฎฺฐาเส ทกฺขิโณทกญฺจ คนฺธาทีนิ จ เทนฺติ, เอกสฺมิํ จีวรานิฯ สงฺฆเสฺสเวตนฺติ สกลสฺส สงฺฆสฺส ทฺวินฺนมฺปิ โกฎฺฐาสานํ เอตํ โหติ, ฆณฺฎิํ ปหริตฺวา ทฺวีหิปิ ปเกฺขหิ เอกโต ภาเชตพฺพํฯ ปกฺขเสฺสเวตนฺติ เอวํ ทิเนฺน ยสฺส โกฎฺฐาสสฺส อุทกํ ทินฺนํ, ตสฺส อุทกเมว โหติ; ยสฺส จีวรํ ทินฺนํ, ตเสฺสว จีวรํฯ ยตฺถ ปน ทกฺขิโณทกํ ปมาณํ โหติ, ตตฺถ เอโก ปโกฺข ทกฺขิโณทกสฺส ลทฺธตฺตา จีวรานิ ลภติ, เอโก จีวรานเมว ลทฺธตฺตาติ อุโภหิปิ เอกโต หุตฺวา ยถาวุฑฺฒํ ภาเชตพฺพํฯ อิทํ กิร ปรสมุเทฺท ลกฺขณนฺติ มหาอฎฺฐกถายํ วุตฺตํฯ ตสฺมิํเยว ปเกฺขติ เอตฺถ ปน อิตโร ปโกฺข อนิสฺสโรเยวฯ จีวรเปสนวตฺถูนิ ปากฎาเนวฯ
376.Saṅgho bhijjatīti bhijjitvā kosambakabhikkhū viya dve koṭṭhāsā honti. Ekasmiṃ pakkheti ekasmiṃ koṭṭhāse dakkhiṇodakañca gandhādīni ca denti, ekasmiṃ cīvarāni. Saṅghassevetanti sakalassa saṅghassa dvinnampi koṭṭhāsānaṃ etaṃ hoti, ghaṇṭiṃ paharitvā dvīhipi pakkhehi ekato bhājetabbaṃ. Pakkhassevetanti evaṃ dinne yassa koṭṭhāsassa udakaṃ dinnaṃ, tassa udakameva hoti; yassa cīvaraṃ dinnaṃ, tasseva cīvaraṃ. Yattha pana dakkhiṇodakaṃ pamāṇaṃ hoti, tattha eko pakkho dakkhiṇodakassa laddhattā cīvarāni labhati, eko cīvarānameva laddhattāti ubhohipi ekato hutvā yathāvuḍḍhaṃ bhājetabbaṃ. Idaṃ kira parasamudde lakkhaṇanti mahāaṭṭhakathāyaṃ vuttaṃ. Tasmiṃyeva pakkheti ettha pana itaro pakkho anissaroyeva. Cīvarapesanavatthūni pākaṭāneva.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๒๓๐. สเงฺฆ ภิเนฺน จีวรุปฺปาทกถา • 230. Saṅghe bhinne cīvaruppādakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / สเงฺฆ ภิเนฺน จีวรุปฺปาทกถาวณฺณนา • Saṅghe bhinne cīvaruppādakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / สเงฺฆภิเนฺนจีวรุปฺปาทกถาวณฺณนา • Saṅghebhinnecīvaruppādakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / มตสนฺตกกถาทิวณฺณนา • Matasantakakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๓๐. สเงฺฆ ภิเนฺน จีวรุปฺปาทกถา • 230. Saṅghe bhinne cīvaruppādakathā
